جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى، ورتالىق مەملەكەتتى جاپپاي زاڭمەن باسقارۋ كوميتەتى كەڭسەسى
«شي جينپيڭ زاڭمەن باسقارۋ يدەياسىن ۇيرەنۋ باعدارلاماسىن (2025 ـ جىلعى باسىلىمى)» ۇيرەنۋدى مۇقيات ۇيىمداستىرۋ جونىندە حابارلاندىرۋ شىعاردى
شينحۋا اگەنتتىگىنىڭ 11 ـ ايدىڭ 18 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى، ورتالىق مەملەكەتتى جاپپاي زاڭمەن باسقارۋ كوميتەتى كەڭسەسى «شي جينپيڭ زاڭمەن باسقارۋ يدەياسىن ۇيرەنۋ باعدارلاماسىن (2025 ـ جىلعى باسىلىمى)» مۇقيات ۇيرەنۋدى ۇيىمداستىرۋ جونىندە حابارلاندىرۋ شىعاردى. تولىعى تومەندەگىدەي:
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى مەن ستراتەگيالىق بيىگىنەن زاڭمەن باسقارۋدىڭ ورنىن تۇراقتاندىرىپ، زاڭمەن باسقارۋدى ورنالاستىرىپ، زاڭمەن باسقارۋدى قاتاڭ اتقارىپ، ماركسيزمدىك زاڭمەن باسقارۋ نازارياسىن جۇڭگونىڭ زاڭمەن باسقارۋ قۇرىلىسىنىڭ ناقتى ٴىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى زاڭ مادەنيەتىمەن ۇشتاستىرۋعا تاباندى بولىپ، مەملەكەتتى جاپپاي زاڭمەن باسقارۋ جونىندەگى ٴبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى جاسامپازدىقپەن العا قويىپ، شي جينپيڭ زاڭمەن باسقارۋ يدەياسىن قالىپتاستىردى. 2020 ـ جىلى 11 ـ ايدا اشىلعان ورتالىقتىڭ مەملەكەتتى جاپپاي زاڭمەن باسقارۋ قىزمەتى ٴماجىلىسى شي جينپيڭ زاڭمەن باسقارۋ يدەياسىنىڭ مەملەكەتتى جاپپاي زاڭمەن باسقارۋ قىزمەتىندەگى جەتەكشى ورنىن تۇراقتاندىردى، بۇل ەلىمىزدىڭ سوتسياليستىك زاڭمەن باسقارۋ قۇرىلىسى بارىسىنداعى كەلەلى رەال مانگە جانە تەرەڭ تاريحي مانگە يە ٴىرى ٴىس بولىپ تابىلادى. شي جينپيڭ زاڭمەن باسقارۋ يدەياسى — ماركسيزمدىك زاڭمەن باسقارۋ نازارياسىنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگى، جۇڭگوشا سوتسياليستىك زاڭمەن باسقارۋ نازارياسىنىڭ كەلەلى جاڭالىق اشا دامۋى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا داۋىردە مەملەكەتتى جاپپاي زاڭمەن باسقارۋدىڭ ٴتۇبىرلى بويسۇنۋ ولشەمى جانە ارەكەت باعدارناماسى.
پارتيا ورتالىق كوميتەتىنىڭ ٴبىر تۇتاس ورنالاستىرۋىنا ساي، شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، شي جينپيڭ زاڭمەن باسقارۋ يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋ ٴۇشىن، ورتالىق كوميتەت ۇگىت ٴبولىمى، ورتالىق مەملەكەتتى جاپپاي زاڭمەن باسقارۋ كوميتەتى كەڭسەسى 2021 ـ جىلى باسپادان شىققان «شي جينپيڭ زاڭمەن باسقارۋ يدەياسىن ۇيرەنۋ باعدارلاماسىنا» وزگەرىس ەنگىزۋدى ۇيىمداستىردى، «شي جينپيڭ زاڭمەن باسقارۋ يدەياسىن ۇيرەنۋ باعدارلاماسىن (2025 ـ جىلعى باسىلىمى)» (تومەندە قىسقارتىلىپ «باعدارلاما 2025 ـ جىلعى باسىلىمى» دەلىنەدى) قۇراستىرىپ جازدى. «باعدارلامادا (2025 ـ جىلعى باسىلىمى)» شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ زاڭمەن باسقارۋ سالاسىنداعى ٴتول جاسامپازدىق ۇلەسى جان ـ جاقتى بەينەلەنىپ، شي جينپيڭ زاڭمەن باسقارۋ يدەياسىنىڭ نەگىزگى رۋحى، نەگىزگى مازمۇنى، نەگىزگى تالابى جۇيەلى بايىمدالىپ، ٴتۇسىندىرىلىپ، وسى يدەيانىڭ ەڭ جاڭا دامۋى تولىق بەينەلەنىپ، قالىڭ كادرلار مەن بۇقارانىڭ شي جينپيڭ زاڭمەن باسقارۋ يدەياسىن ىشكەرىلەي ۇيرەنۋىنە، دايەكتىلەندىرۋىنە قۇزىرلى كومەكشى وقۋلىق ازىرلەندى.
شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي وي ـ سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك. پارتيا مۇشەلەرىن شي جينپيڭ زاڭمەن باسقارۋ يدەياسىنىڭ كەلەلى ٴمانىن، وزەكتى ويىن، رۋحاني ماڭىزىن، باي مازمۇنىن، امالياتتىق تالابىن مۇقيات ۇيرەنىپ، ٴتۇسىنىپ، ٴتۇپ نۇسقانى وقۋعا، اۋەلگى ٴماتىندى ۇيرەنۋگە، قاعيدانى تۇسىنۋگە تاباندى بولىپ، وعان سىڭىرىلگەن ماركسيزمدىك تۇرعىنى، كوزقاراستى، ٴادىستى قۇلشىنا يگەرىپ، تانىمدى ۇزدىكسىز تەرەڭدەتىپ، جاپپاي تۇسىنۋگە، يگەرۋگە ۇيىمداستىرۋ كەرەك. «باعدارلامانى (2025 ـ جىلعى باسىلىمى)» پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسىنىڭ ۇيرەنۋىنىڭ، كادرلاردى باۋلۋدىڭ، پارتيا مۇشەلەرى ۇيرەنۋىنىڭ ماڭىزدى مازمۇنى ەتۋدى ىلگەرىلەتۋ كەرەك. ٴار دارەجەلى زاڭمەن باسقارۋ قىزمەت تاراۋلارى قىزمەت ٴىس جۇزىندىگىمەن ۇشتاستىرىپ، ٴوز جۇيەسىندەگى پارتيا مۇشەلەرىن، كادرلاردى ۇيرەنۋگە ويداعىداي ۇيىمداستىرۋى كەرەك. جاپپاي جۇيەلى ۇيرەنۋگە، دەر كەزىندە ىلەسە ۇيرەنۋگە، ىشكەرىلەي وي جۇگىرتە ۇيرەنۋگە، ٴىس جۇزىندىكپەن بايلانىستىرا ۇيرەنۋگە تاباندى بولىپ، اناعۇرلىم سانالى تۇردە شي جينپيڭ زاڭمەن باسقارۋ يدەياسىمەن ٴىس جۇزىندىك ماسەلەلەرگە تالداۋ جاساۋعا جانە ونى شەشۋگە جەتەكشىلىك ەتىپ، زاڭمەن باسقارۋ ويى جانە زاڭمەن باسقارۋ ٴتاسىلى ارقىلى رەفورمانى تەرەڭدەتۋ، دامۋدى ىلگەرىلەتۋ، قايشىلىقتاردى شەشۋ، ورنىقتىلىقتى قورعاۋ، حاۋىپ ـ قاتەرلەرگە توتەپ بەرۋ قابىلەتىن ۇزدىكسىز جوعارىلاتىپ، ۇيرەنۋ ناتيجەسىن مەملەكەتتى جاپپاي زاڭمەن باسقارۋدى ىلگەرىلەتۋدىڭ، زاڭمەن باسقارىلاتىن جۇڭگو قۇرۋدىڭ جاندى امالياتىنا شىنايى اينالدىرۋ كەرەك.
كەڭ كولەمدى ۇيرەنۋ، ۇگىتتەۋ، ٴتۇسىندىرۋ قىزمەتى ارقىلى قالىڭ كادرلار مەن بۇقارانى شي جينپيڭ جاڭا ٴداۋىر جۇڭگوشا سوتسياليزم يدەياسىن اناعۇرلىم جەتە ۇيرەنىپ، جەتە يگەرىپ، شىنايى تياناقتاندىرىپ، شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇدەرە العا تارتىپ، قامال الىپ قيىندىقتاردى جەڭىپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ٴجۇرىپ، جاڭا ٴداۋىردىڭ جاڭا جورىعىندا مەملەكەتتى جاپپاي زاڭمەن باسقارۋدىڭ جاڭا جاعدايىن ۇزدىكسىز اشىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ ٴۇشىن ىنتىماقتاسا كۇرەس جۇرگىزۋگە باستاۋ كەرەك.
