ۋاڭ حۋنيڭ اياقتاۋ سالتىنا قاتىناستى
شينحۋا اگەنتتىگىنىڭ 11 ـ ايدىڭ 21 ـ كۇنى شىنجىننان بەرگەن حابارى. جۇڭحۋا حالىق رەسپۋبليكاسىنىڭ 15 ـ كەزەكتى سپورت جارىسى 11 ـ ايدىڭ 21 ـ كۇنى كەشتە شىنجىندا اياقتادى.
كەشكى ساعات 8دە 15 ـ كەزەكتى مەملەكەتتىك سپورت جارىسىنىڭ اياقتاۋ سالتى شىنجىن چيانحاي شاتتىق تەاترحاناسىندا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى ۋاڭ حۋنيڭ جۇڭحۋا حالىق رەسپۋبليكاسىنىڭ 15 ـ كەزەكتى سپورت جارىسىنىڭ اياقتاعاندىعىن جاريالادى. 15 ـ كەزەكتى مەملەكەتتىك سپورت جارىسىنىڭ جارىس ٴانى ورىندالىپ، 15 ـ كەزەكتى مەملەكەتتىك سپورت جارىسىنىڭ جارىس تۋى باياۋ ٴتۇسىرىلىپ، 13 كۇن جانعان نەگىزگى الاۋ ٴسوندىرىلدى.
حۋاڭ كۇنميڭ، جىڭ جيانباڭ، شىن يچين، جۋ يۇڭشين جانە ليۋ جىنلي اياقتاۋ سالتىنا قاتىناستى.
15 ـ كەزەكتى مەملەكەتتىك سپورت جارىسى — گۋاڭدۇڭ، شياڭگاڭ، اۋمىن سىندى 3 جەر تۇڭعىش رەت بىرلەسىپ وتكىزگەن كولەمدى دەنە تاربيە جارىسى، ”ٴبىر ەل، ەكى ٴتۇزىمنىڭ“ دەنە تاربيە سالاسىنداعى جاسامپاز امالياتى. وسى كەزەكتى مەملەكەتتىك سپورت جارىسى ”جاسىل، بىرگە يگىلىكتەنۋ، اشىق، پاك بولۋ“ سىندى جارىس وتكىزۋ ۇستانىمىنا جانە ”قاراپايىم، حاۋىپسىز، تارتىمدى“ جارىس وتكىزۋ تالابىنا تاباندى بولىپ، جارىس وتكىزۋ قىزمەتىن 3 جەردىڭ جالپى حالىقتىق دەنە شىنىقتىرۋ قيمىلىن ىلگەرىلەتۋمەن ۇشتاستىرىپ، ”قاتتى تۇتاستىرۋدىڭ“، ”جۇمساق تۇتاستىرۋدىڭ“، ”جۇرەكتەردى توعىستىرۋدىڭ“ سيمفونياسىن بىرگە ورىنداپ، گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ جوعارى ساپالى دامۋىنىڭ تىڭ ساتىعا كوتەرىلۋىنە دەم بەردى.
كوڭىلدى دە دۋماندى بەينەدە جارىسقا قاتىناسقان ٴارقايسى ۋاكىلدەر ۇيىرمەسىنىڭ ۋاكىلدەرى الاڭعا كىردى. بارلىق ادام ورىندارىنان تۇرىپ جۇڭحۋا حالىق رەسپۋبليكاسىنىڭ مەملەكەت ٴانىن اسقاقتاتا شىرقادى.
15 ـ كەزەكتى مەملەكەتتىك سپورت جارىسىن ۇيىمداستىرۋ كوميسسياسىنىڭ اتقارۋشى مەڭگەرۋشىسى، گۋاڭدۇڭ ولكەسىنىڭ باستىعى مىڭ فانلي ارناۋ ٴسوز سويلەپ بىلاي دەدى: 15 ـ كەزەكتى سپورت جارىسى — حالىقارالىق دەڭگەيدى، جۇڭگو ايبىنىن، ليڭنان كەلبەتىن، شىعاناق رايونىنىڭ باۋرامدىلىعىن ايگىلەيتىن سالتاناتتى جينالىس. ٴبىز جۇڭحۋا دەنە تاربيە رۋحى مەن وليمپيادا رۋحىن اسقاقتاتىپ، قايراتتانا ەكپىندەي ىلگەرىلەپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قاجىماي ـ تالماي كۇرەس جۇرگىزەيىك.
15 ـ كەزەكتى مەملەكەتتىك سپورت جارىسىن ۇيىمداستىرۋ كوميسسياسىنىڭ اتقارۋشى مەڭگەرۋشىسى، شياڭگاڭ ەرەكشە اكىمشىلىك رايونىنىڭ اكىمى لي جياچاۋ ارناۋ ٴسوز سويلەپ بىلاي دەدى: گۋاڭدۇڭ، شياڭگاڭ، اۋمىن سىندى 3 جەر تۇڭعىش رەت مەملەكەتتىك سپورت جارىسىن بىرگە تابىستى وتكىزىپ، ۇلكەن شىعاناق رايونىنىڭ توعىسا دامۋىنىڭ جاڭا تاراۋىن بىرگە جازدى. مەملەكەتتىك سپورت جارىسىنىڭ بەلسەندى كۇرەسىن دەنە تاربيەدە قۋاتتى ەل قۇرۋدىڭ ەكپىندەي ىلگەرىلەيتىن قوزعاۋشى كۇشىنە اينالدىرايىق.
15 ـ كەزەكتى مەملەكەتتىك سپورت جارىسىن ۇيىمداستىرۋ كوميسسياسىنىڭ اتقارۋشى مەڭگەرۋشىسى، اۋمىن ەرەكشە اكىمشىلىك رايونىنىڭ اكىمى سىن حاۋحۇي ارناۋ ٴسوز سويلەپ بىلاي دەدى: 15 ـ كەزەكتى سپورت جارىسى جۇڭگو ۇلگىسىندەگى وسىزامانداندىرۋدىڭ گۋاڭدۇڭ - شياڭگاڭ - اۋمىن ۇلكەن شىعاناق رايونىنداعى جاڭا بەينەسىن جاندى ايگىلەدى. اۋمىن وزگەشە باسىمدىعىن ۇزدىكسىز ساۋلەلەندىرىپ، مەملەكەتتىڭ دامۋ كەلەلى جاعدايىمەن بەلسەنە توعىسىپ جانە وعان قىزمەت وتەپ، دەنە تاربيەدە قۋاتتى ەل قۇرۋ جانە ۇلكەن شىعاناق رايونىنىڭ توعىسپالى دامۋىنا كۇش قوسادى.
15 ـ كەزەكتى مەملەكەتتىك سپورت جارىسىن ۇيىمداستىرۋ كوميسسياسىنىڭ مەڭگەرۋشىسى، مەملەكەتتىك دەنە تاربيە باس مەكەمەسىنىڭ باستىعى گاۋ جىدان ارناۋ ٴسوز سويلەپ بىلاي دەدى: ٴبىز ٴتۇزىم باسىمدىعىن ايگىلەيتىن، شىعاناق رايونى كەلبەتىن ايگىلەيتىن دەنە تاربيە سالتاناتىن ٴساتتى وتكىزدىك. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە دەنە تاربيە كۇشىن قوسايىق.
اياقتاۋ سالتىندا مىڭ فانلي، لي جياچاۋ، سىن حاۋحۇي مەملەكەتتىك سپورت جارىسىنىڭ تۋىن گاۋ جىدانعا قايتارىپ بەردى، گاۋ جىدان جارىس تۋىن 16 ـ كەزەكتى مەملەكەتتىك سپورت جارىسىن وتكىزۋشى جەردىڭ ۋاكىلىنە، حۋنان ولكەسىنىڭ باستىعى ماۋ ۋيميڭگە تاپسىرىپ بەردى. 16 ـ كەزەكتى مەملەكەتتىك سپورت جارىسى 2029 ـ جىلى حۋناندا وتكىزىلەدى.
15 ـ كەزەكتى مەملەكەتتىك سپورت جارىسى 11 ـ ايدىڭ 9 ـ كۇنى گۋاڭجوۋدا باستالىپ، 34 باسەكەلى جارىس ٴتۇرى مەن 23 بۇقارالىق جارىس قيمىلى ورنالاستىرىلدى، بۇعان 14 مىڭنان استام سپورتشى جانە 11 مىڭ بۇقارالىق سپورتشى قاتىناستى. 5 ادام، 3 قۇراما 8 رەت 8 تۇردەن دۇنيە جۇزىلىك رەكوردتى بۇزدى، 10 ادام، 4 قۇراما 14 رەت 13 تۇردەن ازيا رەكوردىن جاراتتى/بۇزدى، 10 ادام، 4 قۇراما 15 رەت 14 ٴتۇر بويىنشا مەملەكەتتىك رەكوردىن جاراتتى.
اياقتاۋ سالتىندا تاعى «جۇلدىزدار تەڭىز» تاقىرىبىنداعى مادەنيەت ـ دەنە تاربيە قويىلىمى وتكىزىلدى.
