تەڭبىل بۇعى باعىمشىلىق الاڭىندا باعىلاتىن بولدى

انار بۇلت \ شينجياڭ گازەتىنىڭ ٴتىلشىسى چىن جياڭلين، ەرىكتى ٴتىلشى دۋان چۇنگۋاڭ

　　”بيىل بۇعىنىڭ جاس ٴمۇيىزى وتە جاقسى ٴوستى، جىل سوڭىنداعى كىرىس، ٴسوز جوق، تاعى دا ارتا تۇسەدى!“

　　10 ـ ايدىڭ 27 ـ كۇنى قىزىلسۋ قىرعىز اۆتونوميالى وبلىسى ۇلۇقشات اۋدانى بوستانتەرەك اۋىلى مارجانقۇم قىستاعىنىڭ تەڭبىل بۇعى باعىمشىلىق فەرماسىندا قىستاق ”ەكى كوميتەتىنىڭ“ كادرى بۇعى ٴۇيىرىن نۇسقاپ، بۇعىعا جەم بەرىپ جاتقان قىستاق تۇرعىنى ٴمومىنجان كامىلگە وسىلاي دەدى. قورادا دەنە ٴبىتىمى شىمىر، كۇيلى 27 ەركەك بۇعىنىڭ تولىق وسكەن جاس ٴمۇيىزى جارقىراپ، بۇعىنىڭ داۋىسى قۇلاق تۇندىرادى.

　　مارجانقۇم قىستاعى ٴداستۇرلى مال شارۋاشىلىق قىستاعى. بۇرىنعى جىلداردا قىستاق تۇرعىندارى تابىنداپ سيىر، قورالاپ قوي وسىرسە دە ماندىمدى تابىس تابا الماعان ەدى. 2022 ـ جىلى كىرىستى ارتتىرۋدىڭ قيىنعا سوعۋىنا مەڭزەس، قىستاق ”ەكى كوميتەتى“ ەندىگارى ٴداستۇرلى مال شارۋاشىلىعىنىڭ كونە سۇردەگىمەن جۇرە بەرمەي، قىستاق تۇرعىندارىن باستاپ، كىرىستى ارتتىرۋدىڭ جاڭا جولىن تابۋدى ۇيعاردى.

　　قىستاق كادرلارى دەرەۋ قيمىلداپ، ىلگەرىندى ـ كەيىندى قاشقار سياقتى جەرلەردەگى 10 نەشە كولەمدەنگەن باعىمشىلىق الاڭىنا بارىپ، تەكسەرىپ ـ زەرتتەۋ، سارالاۋ جۇرگىزگەننەن كەيىن، ”كەنەۋسىز جەمگە ٴتوزىمدى، تەز كوبەيەتىن، ونىمدىلىگى جوعارى“ تەڭبىل بۇعىنىڭ قىستاقتىڭ كليماتى مەن جەم ـ ٴشوپ بايلىعىنا ەرەكشە ۇيلەسەتىندىگىن بايقايدى. وسىدان كەيىن مال شارۋاشىلىق ماماندارىن، جۇڭي ٴدارى ماتەريالدارىن ساتاتىن ساۋداگەرلەردى قىستاققا بارىپ ناقتى ورىندا ساراپتاۋ جۇرگىزۋگە ۇسىنىس ەتىپ، سوڭىندا تەڭبىل بۇعى باعىمشىلىعىن اۋىل ـ قىستاق كاسىپ سالاسىندا بۇرىلىس جاساۋدىڭ ٴونىمدى جولى ەتىپ تۇراقتاندىردى.

　　ٴبىراق حابار تارالىسىمەن قىستاق تۇرعىندارى ۋايىمداپ: ”ەجەلدەن تەڭبىل بۇعى باعىپ كورمەگەنبىز، ماسەلە شىقسا قايتەمىز“؟ ـ دەستى. قىستاق ”ەكى كوميتەتى“ ”پارتيا مۇشەلەرىنىڭ سىناق رەتىندە باعىپ ۇلگى كورسەتۋى“ ارقىلى باستاما اشتى: قىستاق پارتيا ياچەيكاسىنىڭ شۋجيى باستاماشى بولدى، قىستاقتاعى 5 پارتيا مۇشەسى 280 مىڭ يۋان قارجى توپتاپ، شينجياڭ ٴوندىرىس ـ قۇرىلىس بيڭتۋانى 4 ـ شىدان 10 تەڭبىل بۇعى ساتىپ الىپ، 3 اۋىز كونە مال قورانى ”سىناق قالتقىسىنا“ اينالدىردى، قىستاق تۇرعىنى ٴمامتىمىن قاسىم ارناۋلى باعۋعا ورنالاستىرىلدى ٴارى قىزىلسۋ قىرعىز اۆتونوميالى وبلىستىق اۋىل شارۋاشىلىق تەحنولوگياسىن جالپىلاستىرۋ ورتالىعىمەن كومەكتەسۋ ـ سۇيەمەلدەۋ كەلىسىمىنە قول قويىستى.

　　سول كەزدە ٴمامتىمىن بار ىنتا ـ پەيىلىمەن سىناق رەتىندە باعۋعا كىرىستى: كۇندىز باعۋ ەستەلىگىن مۇقيات جازادى، كەشتە قورانىڭ جانىنداعى جۇپىنى ۇيدە جاتىپ، ٴار 2 ساعاتتا ٴبىر رەت بۇعى ٴۇيىرىنىڭ جاعدايىن تەكسەرەدى. 5 اي دەن قويا باعىپ ـ باپتاۋدىڭ ناتيجەسىندە 6 مارال ٴساتتى تۇردە 6 بۇزاۋ تۋادى، ونىڭ ۇستىنە قاتارعا قوسىلۋ مولشەرى %100كە جەتەدى؛ جىل سوڭىندا 1 ـ توپتا جيناپ الىنعان جاس بۇعى ٴمۇيىزى اۋىل قۇرعان سەلبەستىك كووپەراتيۆى ارقىلى ٴساتتى ساتىلادى، ونىڭ ۇستىنە سايكەستى جاسالعان بۇعى قانى اراعىن قوسقاندا، بۇعىنى سىناق رەتىندە باققان العاشقى جىلى تازا كىرىس 100 مىڭ يۋانعا تايايدى. قىستاق كادرلارى تاپتەشتەي جازىلعان ەسەپ داپتەرىن الىپ، وتباسىلاردى ارالاپ ناتيجەنى كورسەتەدى. سونىمەن قىستاق تۇرعىندارى ۋايىمنان بىرتىندەپ ارىلىپ، كوپتەگەن ادام ىرىقتىلىقپەن ٴوتىنىش بەرىپ، تەڭبىل بۇعى باعىمشىلىعى قاتارىنا قوسىلماقشى بولدى.

　　قىستاق تۇرعىنى ماحمۇت اپيز باعىمشىلىق تەحنولوگياسىن بىلمەگەندىكتەن تارتىنشاقتايدى، ونىمەن جۇپ قۇراعان پارتيا مۇشەسى اپتا سايىن ونىڭ ۇيىنە بارىپ تەحنولوگيا ۇيرەتتى، جەم ـ ٴشوپتى ارالاستىرىپ دايىنداپ بەردى. قازىر ول جاۋاپتى بولعان 5 مارال ىركەس ـ تىركەس بۇزاۋلادى، بىلتىر تەك باعىمشىلىقتان ارتقان كىرىسى 18 مىڭ يۋان بولدى.

　　قىستاق تۇرعىندارىنىڭ بەلسەندىلىگى جۇمىلدىرىلعاننان كەيىن، قىستاق ”ەكى كوميتەتى“ تاستاندى بولعان ٴىرى مال باعىمشىلىق الاڭىن شاعىپ، بايلىقتى بىرىكتىرىپ قارجى قوسىپ، 4130 شارشى مەترلىك وسىزاماندانعان باعىمشىلىق الاڭىن قۇرىپ، باعىمشىلىق اۋماعىن، وڭدەۋ اۋماعىن، جەم ـ ٴشوپ ساقتاۋ قامباسىن عىلمي ٴبولىپ، كاسىپ سالاسىن كولەمدەندىرۋگە بەرىك نەگىز قالادى.

　　قىستاق ”ەكى كوميتەتى“ تاعى ”مامان + پارتيا مۇشەسى + جەرگىلىكتى دارىندى“ كومەكتەسۋ ـ سۇيەمەلدەۋ جۇيەسىن ورناتتى: ٴار ايدا مامانداردى ”قورا ساباقحاناسىن“ اشۋعا ۇسىنىس ەتىپ، 12 قىستاق تۇرعىنىن تاڭداپ ”جەرگىلىكتى تەحنيك“ ەتىپ تاربيەلەپ، «تەڭبىل بۇعى باعىمشىلىعى قولدانباسىن» قۇراستىرىپ باسىپ، وتباسىلارعا تاراتىپ، تەحنولوگيالىق قيىن ماسەلەلەردى شەشتى.

　　ساتۋ ارناسىن كەڭەيتۋ ٴۇشىن، قىستاق ”ەكى كوميتەتى“ ”جەلىدەن تىس + جەلىدە“ سىندى قوس ارنادا ساتۋدى تۇلعالادى: ينتەرنەت جەلىسىنەن تىسقارىدا 2 پارتيا مۇشەسىن جۇڭي ٴدارى ماتەريالدارىن تولايىم ساتاتىن ساۋداگەرلەرمەن حابارلاسىپ ۇزاق ۋاقىت زاتپەن قامداۋ كەلىسىمىنە قول قويىسۋعا ورنالاستىردى؛ ينتەرنەت جەلىسىندە قىستاق تۇرعىندارى جاڭا مەديا ٴنومىرىن ىسكە قوسىپ، باعىمشىلىقتىڭ كۇندەلىكتى جاعدايىن جاريالاپ، تىكە تاراتۋ جۇرگىزىپ، سۇراۋلارعا جاۋاپ بەردى. بيىل 120 كيلوگرام جاس بۇعى ٴمۇيىزى، 800 كيلوگرام بۇعى قانى اراعى تاپسىرىسپەن ساتىلىپ بولدى.

　　قازىرگە دەيىن مارجانقۇم قىستاعى تەڭبىل بۇعى باعىمشىلىعى ارقىلى قىستاق كوللەكتيۆ ەكونوميكاسىنىڭ كىرىسىن 177 مىڭ يۋان ارتتىرىپ، 5 قىستاق تۇرعىنىن ورنىقتى جۇمىستانۋعا جەتەكتەدى، 32 قىستاق تۇرعىنىنىڭ جىلدىق ورتاشا كىرىسى 12 مىڭ يۋان ارتىپ، كىرىسى جىلىنا ورتا ەسەپپەن %20 ارتتى.