انار بۇلت \ شينجياڭ گازەتىنىڭ ٴتىلشىسى ما ينيڭ 11 ـ ايدىڭ 30 ـ كۇنى ۇرىمجىدەن حابارلايدى. 11 ـ ايدىڭ 28 ـ كۇنى شينجياڭداعى اۋەجايلاردىڭ جىلدىق جولاۋشى قابىلداۋ ـ جونەلتۋ مولشەرى تۇڭعىش رەت 50 ميلليون ادامدىق (رەت) وتكەلدەن ٴوتىپ، تاريحتاعى جاڭا بيىكتى جاراتتى.
بيىل جىل باسىنان بەرى، شينجياڭ اۋەجاي توبى بۇكىل شينجياڭداعى اۋەجايلاردىڭ ورنالاسۋىن ۇزدىكسىز ساپالىلاندىرىپ، ”ٴۇش تور، ٴۇش اينالما“ اۋە جەلىسى تورى قۇرىلىسىن تۇتقا ەتىپ، ”شىعىستان ەنگىزۋ، باتىستان باستاۋ، وڭتۇستىكتى تۇتاستىرۋ، سولتۇستىكتى جالعاستىرۋ، ەۆروپا - ازيانى ۇلاستىرۋ“ وسىزاماندانعان اۆياتسيا تاسىمال جۇيەسىن كۇش سالا ورناتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قوزعالىس قۋاتىن ۇستەدى.
قازىر بۇكىل شينجياڭدا 28 تاسىمال اۋەجايى ىسكە قوسىلىپ، سانى مەملەكەت بويىنشا الدىڭعى ورىندى يەلەدى، اۋدان دارەجەلى اكىمشىلىك وڭىرلەردەگى تاسىمال اۋەجايلارىنىڭ 100 كيلومەترلىك قامتىمى %87كە جەتىپ، ”اۋدانداردا ۇشاق قاتىناۋ، حالىق تۇرمىسىنا جالپىلىق تيىمدىلىك جاساۋ“ نەگىزىنەن جۇزەگە استى. بيىل 4 ـ ايدىڭ 17 ـ كۇنى ٴۇرىمجى تيانشان حالىقارالىق اۋەجايى ٴساتتى تۇردە اينالىمعا ٴتۇستى، قازىر ەل ىشىندەگى 84 قالاعا ۇشاق قاتىناپ، بۇكىل ەلدەگى ولكەلەردىڭ ورتالىق قالالارىن (شياڭگاڭ، اۋمىن، تايۋان قامتىلمايدى) جاپپاي قامتۋدى جۇزەگە اسىردى؛ 28 حالىقارالىق جولاۋشى تاسىمال لەنياسىن ىسكە قوسىپ، 19 مەملەكەتتىڭ 24 قالاسىنا قاتىنادى، مۇنىڭ ىشىندە ورتا ازيا اۆياتسيا ٴتۇيىنى 11، سانى بۇكىل ەل بويىنشا الدىڭعى ورىندى يەلەدى.
جۇك تاسىمال سالاسى دا ايرىقشا كوز تارتتى. شينجياڭ اۋەجاي توبى بيىل 36 حالىقارالىق جۇك تاسىمال لەنياسىن اشىپ، 22 مەملەكەتكە ۇشاق قاتىنادى، حالىقارالىق جۇك ـ پوچتا قابىلداۋ ـ جونەلتۋ مولشەرى 106 مىڭ تونناعا جەتىپ، سايكەس مەزگىلدەگىدەن %231.7 ارتىپ، 2019 ـ جىلداعىدان 10 ەسەدەن استام ارتىپ، شينجياڭنىڭ سىرتقا باعىتتالعان ەكونوميكالىق دامۋىنىڭ اۆياتسيا زات اينالىمى تىرەگىن بەكەمدەدى.
تارماق لەنيالى اۋەجايلاردىڭ دامۋىندا شينجياڭ اۋەجاي توبى ”نەگىزگى تارماق لەنيالارعا جەلى تولىقتاۋ“ ينجەنەرياسىن جاسامپازدىقپەن اتقارىپ، ۇيا سالىپ سامۇرىق ۇيرەتۋ بويىنشا وتاندىق حالىقتىق اۆياتسيا ۇشاقتارى ”بازاسىن“ قۇرىپ، شينجياڭ ىشىندەگى اۆياتسيالىق قىزمەت وتەۋدىڭ قامتىمى بىركەلكى بولماۋ، كەزەكشى ۇشاقتاردىڭ رەت سانى جەتكىلىكسىز بولۋ سياقتى قيىن ماسەلەلەردى شەشتى. قازىر بارلىق تارماق لەنيالى اۋەجايلار تۇگەلدەي ٴوزارا ۇشاتىن اۋە لەنياسىن اشىپ، كۇندىك ورتاشا ٴوزارا ۇشاتىن كەزەكشى ۇشاقتار 60.1 كەزەككە (رەت) جەتىپ، ”سولتۇستىك شينجياڭدى اينالۋ، وڭتۇستىك شينجياڭدى اينالۋ، تيانشاندى اينالۋ“ سىندى 3 ۇلكەن اينالمالى ۇشۋ تورى كۇن سايىن كەمەلدەنىپ، ”شينجياڭ ىشىندە اينالىپ ۇشۋ، ٴبىر كۇندە جەتۋ“ قالىپتى جاعدايعا اينالدى.
