”اتۇش ساۋىتى“ بۇكىل ەلدە دابىرالى بولدى —
فۋتبول شينجياڭنىڭ جاستىق جىگەرىن تاسقىنداتتى
انار بۇلت \ شينجياڭ گازەتىنىڭ ٴتىلشىسى سۇڭ حايبو
”اتۇش ساۋىتى“ فۋتبول ۇسىنىس جارىسىنىڭ ىسقىرىق ٴۇنى شەكارا ٴوڭىردىڭ تۇنگى اسپانىن جارىپ وتكەندە، ٴار ۇلت فۋتبول جان كۇيەرلەرى ٴبىر دوپ كىرگەنىنە بولا شاتتانا اسىر سالعاندا، شينجياڭنىڭ بايتاق دالاسىنا تامىر تارتقان وسى ٴبىر فۋتبول سالتاناتى باسەكەلى جارىستىڭ وزىنەن اسىپ ٴتۇستى. شينجياڭدا دومالاعان فۋتبول تەك باسەكەلى جارىس قۇرالى عانا ەمەس، ول ومىردەگى ادامدار اراسىنداعى سۇيىسپەنشىلىك پەن تاباندىلىقتى ۇلاستىردى، اسىرەسە، مادەنيەتتەر توعىسۋىنىڭ، ەكونوميكا جاندانۋىنىڭ جانە ۇلتتاردىڭ ٴبىر نيەتتە بولۋىنىڭ قۋاتتى جۇرەك دۇرسىلىنە اينالدى. فۋتبول ادامداردىڭ ومىرىمەن بىتە قايناسىپ، جاس، كاسىپ جانە ٴوڭىر اتتاعان سەزىمدىك دانەكەرگە اينالدى.
وسى رەتكى ”قۇبىلىس دەڭگەيىندەگى“ جارىس قىزۋ ورلەۋىنىڭ استارىندا شينجياڭ فۋتبولىنىڭ جۇيەلىلەندىرۋ قۇرىلىسىنداعى تالاي جىلدىق قىرپۋلى ەڭبەكتىڭ ماۋەلى جەمىسى جاتىر. 1000نان استام مەكتەپ فۋتبولى ەرەكشەلىگىندەگى مەكتەپ قۇرعان جاستاردى تاربيەلەۋ تۇعىرىنان ىلەدەگى، قاشقارداعى مەملەكەت دارەجەلى جاستاردى تاربيەلەۋ سىناق تۇيىندەرىندە ىزدەنىس جاساۋعا دەيىن، ونان ”انار ٴدانى ساۋىتى“، ”شينجياڭعا كومەكتەسۋ ساۋىتى“، ”قىستاق ەرەن دارەجەلى فۋتبول جارىسى“ سياقتى تانىمال جارىستاردىڭ مەكتەپ اۋلاسىن، قوعامدىق دەڭگەيدى قامتۋىنا دەيىن شينجياڭ فۋتبولى جاسىل الاڭدى ٴورىس ەتىپ، جۇڭحۋا ۇلتى ورتاق تۇلعا تانىمىن بەكەمدەۋدىڭ جاندى امالياتىن ايگىلەۋدە.
شينجياڭ سىندى ىرىستى مەكەن فۋتبولمەن دۋمانعا بولەندى
11 ـ ايدىڭ 27 ـ كۇنى پامير ۇستىرتىندە ٴتۇن قاراڭعىلىعى قويۋلادى. سوڭعى الاڭدا ىسقىرىق ٴۇنى كوتەرىلىپ، حوتان عارىش كىلەمى كومانداسى 2 :1 ۇپايمەن بۇراتالا موڭعۇل اۆتونوميالى وبلىسى پاريديو كومانداسىن جەڭىپ الدى. اتۇش قالاسىنىڭ فۋتبول باقشاسى ٴاپ ـ ساتتە دۋمانعا بولەندى، فۋتبول جان كۇيەرلەرى تۋ بۇلعاپ، قۇشاقتاسا سەكىرىپ، اعا جۇلدەگەرلىك ساۋىتىنىڭ بيىك كوتەرىلۋىنە كۋا بولدى.
”اتۇش ساۋىتىنىڭ“ 13 كۇندىك جارىسىنداعى 32 رەتكى جارىستا كورەرمەندەر باسەكەلىك سپورتتىڭ كۇشى مەن كوركەمدىگىن، سونداي ـ اق ٴار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ جاندى كورىنىسىن كوردى. جارىستىڭ ورتاسىنداعى دەمالىستا ماكىت اۋدانىنان كەلگەن دولان مۇقامى ونەرپازدارى كورەرمەندەر تۇعىرىندا ون ەكى مۇقامدى شىرقاپ، وسى زامانعى فۋتبول شابىت گيمناستيكاسىمەن بىرگە ويىن كورسەتتى. كورەرمەندەر تۇعىرىندا شينجياڭنىڭ ٴىشى ـ سىرتىنان كەلگەن فۋتبول جان كۇيەرلەرى دوپ كىرگەن ٴاربىر تارتىمدى ٴساتتى بىرگە قۇتتىقتادى. فۋتبولشىلار ورنىندا مەيلى كاسىپتىك بىرلەسپە جارىستىڭ مىندەتتەگى فۋتبولشىلارى بولسىن، الدە نەگىزگى ساتىدا تامىر تارتقان حالىقتىق ساڭلاقتار بولسىن، قاراپايىم دا تىكەلەي تاكتيكالىق بايلانىس، الاقاندارىن ٴتيىستىرىپ شابىتتاندىرعان ٴوزارا ىقپالداستىق ارقىلى بارلىعى فۋتبول سپورتىنىڭ ەڭ تازا باسەكەلىك اۋەلگى ماقساتى مەن ۇجىمدىق كۇش ـ قۋاتىن ايگىلەدى.
وتانىمىزدىڭ ەڭ باتىس شەكاراسىندا وتكىزىلگەن وسى فۋتبول جارىسى قىزۋ ورلەۋگە كوتەرىلدى. اتۇش قالالىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى چىن گۋانيۇي بىلاي دەپ تانىستىردى: جارىستىڭ ٴبىر مايدان ساتىلعان ورتاشا بەلەتى 5000 دانادان اسىپ، 250 مىڭنان استام (رەت) ساياحاتشىنى باۋراپ، مادەنيەت ـ ساياحات تۇتىنۋىنىڭ 92 ميلليون يۋاننان اسۋىنا جەبەۋ بولدى، تەك باستالۋ سالتىنىڭ ينتەرنەت جەلىسىندەگى كورىلىم مولشەرى 20 ميلليون ادامنان (رەت) استى.
”اتۇش ساۋىتىنىڭ“ دابىرا تۋدىرۋىنىڭ سەبەبى، جەرگىلىكتى ەلەمەنتتى بارىنشا پايدالانىپ، بۇكىل حالىقتىڭ تىلەكتەستىگىن وياتۋىندا جاتىر — توناردىڭ قاسىنداعى ورەننىڭ كەزكەلگەن ساتتەگى پاس بەرۋى، اۆتوكولىك جوندەۋ دۇكەنىندەگى ۇستازداردىڭ قىزۋ تاكتيكالىق تالقىسى، تاكسي شوفەرى مەن جولاۋشى اراسىنداعى جارىس تۋرالى قىزۋ اڭگىمەلەر... ول كوشە ـ كوشەلەردەگى تىرشىلىك تىنىسىنا تامىر تارتىپ، تۇرلىشە كاسىپتەگى، تۇرلىشە جاستاعى ادامداردى بايلانىستىرىپ، فۋتبولدى ەڭ قاراپايىم سەزىمدىك دانەكەرگە اينالدىردى.
”اتۇش ساۋىتىنىڭ“ دابىرالىلىعى شينجياڭنىڭ فۋتبول ىستەرىنىڭ ۇزاق ۋاقىت دامۋىنىڭ تابيعي ناتيجەسى، بۇقارالىق فۋتبول سپورتىنىڭ دامىپ بەلگىلى كەزەڭگە جەتكەندىگىنىڭ شوعىرلى بەينەسى. 2024 ـ جىلعا دەيىن شينجياڭدا ٴتۇرلى فۋتبول الاڭىنان 4595ى بار بولىپ، ورتا ەسەپپەن ٴار 10 مىڭ ادامعا تۋرا كەلەتىن فۋتبول الاڭىنىڭ سانى بۇكىل ەل بويىنشا الدىڭعى ورىندى يەلەدى. سونىمەن بىرگە شينجياڭنىڭ جاس وسپىرىمدەردى فۋتبولعا باۋلۋ جاعىنداعى ۇسىنىلىمى دا العاشقى قادامدا ٴونىم بەرىپ، مەملەكەتتىك، اۆتونوميالى رايوندىق فۋتبول ەرەكشەلىگىندەگى 959 مەكتەپ قۇرىلىپ، ورتا، باستاۋىش مەكتەپ جالپى سانىنىڭ %20تەن استامىن ۇستادى.
جاسىل مايدانداعى جاس وسپىرىمدەر ارمانعا قۇلاش سەرمەدى
”جار تاپساڭ، ٴسوز جوق، فۋتبول تەبە الاتىن بولسىن!“ اتۇش قالاسى فۋتبول باقشاسىنىڭ كورەرمەندەر مىنبەسىندە اتۇش قالاسى باقىت ٴمالىسى تاحتايۇن قىستاعىنداعى جاسى 80نەن اسقان قارت توحتىحان يمىن ٴبىر جاعىنان، جارىس الاڭىنداعى ريتىمگە ىلەسىپ شاپالاق سوعا وتىرىپ، ەندى ٴبىر جاعىنان، فۋتبول جان كۇيەرلەرىمەن ٴوزىنىڭ ”جۇباي تاڭداۋ ولشەمىمەن“ ٴبولىسىپ، جانىنداعى كورەرمەندەردى دۋ كۇلدىردى. شينجياڭدا قارتتار ۇنەمى: ”جۇرە بىلگەن ادام دوپ تەبە بىلەدى، سويلەي العان ادام مەملەكەت ٴانىن شىرقاي الادى“، ـ دەيدى. بۇل ٴبىر اۋىز ٴتامسىل عانا ەمەس، قايتا جان دۇنيەسىنە سىڭگەن ٴوسىپ ـ جەتىلۋ گەنى — فۋتبول شينجياڭداعى جاستار مەن ورەندەردىڭ ەڭ قىزۋ اۋەسىنە جانە ەڭ بەرىك ٴوسىپ ـ جەتىلۋ ٴتۇپ بوياۋىنا اينالدى.
بۇل سۇيىسپەنشىلىك تۋادا بىتكەن تاربيە، اسىرەسە، ۇرپاقتان ـ ۇرپاققا جالعاسقان تاباندىلىق بولىپ تابىلادى. قاشقار قالاسى كوكلان كلۋبىنان كەلگەن 23 جاستاعى جاس ابدۇعيني مامەتتۇردى كەزىندە كاسىپتىك بىرلەسپە جارىستىڭ فۋتبولشىسى بولاتىن، قازىر ول نەگىزگى ساتى فۋتبولىنىڭ كومەكشى جاتتىقتىرۋشىسى بولۋعا پەيىل بولىپ، 12 جاستان تومەنگى بالالاردى باستاپ فۋتبول ارمانىنا قانات قاعۋعا دەن قويىپ ٴجۇر.
”كىشكەنتاي كەزىمدە قىستاقتاعى ۇلكەندەرگە ىلەسىپ توپىراق دەنە تاربيە الاڭىندا فۋتبول تەپكەنىمىزدە، قاي كەزدە كاسىپتىك جاتتىقتىرۋشى بىزگە ۇيرەتەر ەكەن دەپ ويلايتىنبىز“. ابدۇعيني ٴوزىنىڭ بالا كەزىندەگى فۋتبولعا دەگەن ارمان ـ تىلەگىنىڭ نەگىزگى ساتىعا قايتۋدى باتىلدىقپەن تاڭداۋىنا تۇرتكى بولعاندىعىن بۇكپەسىز ايتتى، ”وسى بالالاردىڭ جانارىنداعى نۇردى كورگەندە سول جىلدارداعى ٴوزىمدى كورگەندەي بولدىم، مۇنداي جالعاستىرۋدىڭ شاتتىعى ٴتىپتى دە ٴماندى بولدى“.
جاتتىقتىرۋشى رەتىندە، ابدۇعينيعا ەڭ تىكە اسەر ەتكەنى بالالاردىڭ فۋتبولعا دەگەن تالپىنىسى بارعان سايىن كۇشەيە تۇسكەندىگى ەدى. ”جاقىنعى جىلداردان بەرى، بالالار مەكتەپتىڭ دەنە تاربيە ساباعىندا عانا دوپ تەبۋگە قاناعاتتانبايتىن بولدى، مەكتەپتەن تاراعان سوڭ مەنى قۋارلاپ، كلۋبتا قاشان جاتتىعۋ بولاتىندىعىن سۇرايدى، اپتا سوڭىندا، ٴتىپتى، ىرىقتىلىقپەن جاتتىعۋدى تالاپ ەتەدى“.
”اتۇش ساۋىتى“ جارىس الاڭىندا ابدۇعيني 50 نەشە مۇشەنى ەرتىپ كورەرمەندەر مىنبەسىندە وتىردى. كىشكەنتاي كوماندا مۇشەلەرى كىشكەنتاي جالاۋدى مىقتاپ ۇستاپ، كوز جانارلارىن جارىس الاڭىنا قاداپ، بىردە دوپ كىرگەنىنە الاقايلاپ ورىندارىنان سەكىرىپ كەتسە، بىردە قورعانۋدى زەر سالا تاماشالادى، كوز جانارلارىنداعى اڭساۋ مەن تالپىنىس ٴدال شينجياڭ فۋتبولىنىڭ بولاشاق بەينەسى ەدى.
ال فۋتبولدىڭ جاستار مەن ورەندەرگە سيلاعانى فۋتبول ونەرىنىڭ جوعارىلاۋى عانا ەمەس، وڭىرلىك دوستىق پەن كەڭ كوز ايا دا بار. بيىل 8 ـ ايدا سانجى قالاسىندا وتكىزىلگەن اۆتونوميالى رايوندىق تۇڭعىش كەزەكتى مەكتەپ اۋلاسىنداعى ”شينجياڭعا كومەكتەسۋ ساۋىتى“ ورتا مەكتەپ وقۋشىلارىنىڭ (ورتالاۋ) فۋتبول بىرلەسپە جارىسىندا حۋنان · تۇرپان ”حۋنان - تۇرپان تىلەكتەس“ فۋتبول كومانداسىنداعى 2 ٴوسپىرىم بالا — حۋناندىق دىڭ يحۋ مەن شينجياڭدىق ٴدىلمۇرات ۇقساس ۇلگىدەگى كوك ٴتۇستى كوماندا كيىمىن كيىپ، قاتارلاسا تۇرىپ، تىلشىگە قۋانىشتى بەينەدە ٴبىر ـ ٴبىرىن تانىستىردى.
”بۇل مەنىڭ حۋناندىق جاقسى دوسىم!“ ”بۇل مەنىڭ شينجياڭدىق جاقسى دوسىم!“ فۋتبول سەبەبىنەن تانىسىپ، پىكىرلەسۋ ارقىلى جاقىنداستى، جارىس الاڭىندا ولار ىشتەي سايكەسەتىن ساپتاس بولىپ، بىرگە شابۋىلداپ، بىرگە قورعانىپ، بىرگە ايعاي سالدى؛ جارىس الاڭىنان شىققان سوڭ ولار اتا مەكەندەرىنىڭ اڭگىمەلەرىن ٴبولىسىپ، بولاشاقتا تاعى دا بىرگە دوپ تەبۋگە ۋادەلەستى. وسى رەتكى ”شينجياڭعا كومەكتەسۋ ساۋىتى“ شينجياڭ ٴىشى ـ سىرتىنداعى بىرلەسكەن كوماندالاردىڭ ارالاس قۇراما بولۋ تاسىلىمەن فۋتبولدى تاۋ ـ تەڭىزدەن وتەتىن كوپىرگە اينالدىرىپ، جاستار مەن ورەندەردىڭ باسەكە بارىسىندا سيىسىمدى بولۋدى ۇيرەنۋىنە، سەلبەسۋدى تۇسىنە بىلۋىنە مۇمكىندىك جاسادى، وسى قىمباتتى دوستىق ولاردىڭ ٴوسىپ ـ جەتىلۋ جولىنداعى ەڭ مەيىرلى بەلگىگە اينالدى.
بيىل جىل باسىنان بەرى، شينجياڭنىڭ جەر ـ جەرىندەگى باستاۋىش مەكتەپتەردى، ورتا مەكتەپتەردى، جاستار مەن ورەندەر تىركەسپەلى توپتارىن قامتىعان كوپ ساتىلى جارىس جۇيەسى قالىپتاستى. قاتتى بولشەك جاعىندا، مەكتەپ اۋلاسىندا، الەۋمەتتىك اۋماقتاردا ولشەمدەنگەن فۋتبول الاڭدارى بارعان سايىن كوبەيىپ، كاسىپتىك جاتتىعۋ جابدىقتارى، سايكەستى قامتاماسىزداندىرۋ قىزمەت كورسەتۋلەر بالالاردىڭ فۋتبول ارمانىنا بەرىك سۇيەنىش بولدى.
ٴبىر جارىس قالانى قۇلپىرتىپ، فۋتبول ارقىلى قۇن جاراتىلدى
”اتۇش ساۋىتى“ فۋتبول ۇسىنىس جارىسىنىڭ سوڭعى الاڭىندا اياقتالۋ ىسقىرىعى شالىنىپ، سپورتشىلار تەرگە مالشىنىپ الاڭنان شىققانىمەن، اتۇشتىڭ ”فۋتبول ۋاقىتى“ اياقتالعان جوق. فۋتبول باقشاسىنىڭ ماڭىنداعى سامسا جايماسىنىڭ الدىندا فۋتبول جان كۇيەرلەرى بەلەتتەرىن مىقتاپ ۇستاپ ۇزىننان ـ ۇزاق قاتارعا تۇردى، جاڭا شىققان ناننىڭ حوش ٴيىسى الاقايلاعان ۇنمەن ارالاسىپ ٴتۇن قاراڭعىلىعىندا كەڭ جايىلدى. مۇحتار تۇرعۇننىڭ بەلەت ساتۋ ۇستەلىنىڭ الدىندا ٴالى دە كەيىنگى جارىستاردىڭ بەلەتىن ساتىپ الۋعا كەلگەن دوپ اۋەسكەرلەرى قاۋمالاپ تۇر. تاكسي شوفەرى اكبار تۇردى كۇلىمسىرەپ: وسى بىرنەشە كۇندە تاسىعان دوپ جان كۇيەرلەرى ادەتتەگىدەن 3 ەسە كوپ بولدى، جۇمىستان قايتقان سوڭ عانا جارىستىڭ قايتالاي قويىلىمىن كورۋىمە تۋرا كەلدى، ـ دەدى.
جارىس كەزىندە اتۇش قالاسىنداعى قوناق ۇيلەرىنە تاپسىرىس بەرۋ مولشەرى وتكەن جىلدىڭ سايكەس مەزگىلىندەگىدەن %280 ارتتى، وزەكتى وڭىردەگى قوناق ۇيلەر ٴبىر اپتا بۇرىن تولىپ كەتتى. كوپتەگەن اسحانانىڭ ساۋدا سوماسى جىلدىق ەڭ جوعارى شەككە جەتتى. بۇدان سىرت، ”دوپ بەلەتىن ساتىپ العاندارعا تيانمىن شاڭعى الاڭىنىڭ ٴتيىمدى باعاداعى ەسىك بەلەتىن سيلاۋ“ ىقپالداس يگىلىگى فۋتبول بەلەتىن ساتۋ تۇيىندەرىندە ادامداردى ٴيىن تىرەستىردى. فۋتبول ەندىگارى وقشاۋ 90 مينۋت ەمەس، قايتا ٴبىر رەتكى قالا تۇرمىسىن ەلىتە سەزىنۋ بولىپ تابىلادى.
”دەنە تاربيە +“ ۇلگىسى بۇكىل شينجياڭدا كەڭىنەن تارالۋدا. سانجىنىڭ ”شينجياڭعا كومەكتەسۋ ساۋىتى“ كەزىندە جەرگىلىكتى ورىن ”جارىستى تاماشالاۋ + دينوزاۆر مۇراجايىندا زەرتتەۋ ـ ۇيرەنۋ“ جەلىسىن ىڭعايىنا قاراي جولعا قويعاندىقتان ساياحاتشىلار سانى زور مولشەردە ارتتى. قاشقار ”انار گۇلى شەشەك اتسىن، جاستىق كوكتەم قۇلپىرسىن“ مەملەكەتتىك جاستار ـ ورەندەر، قىزدار فۋتبولى ۇلتتار ىنتىماعى دوستىق جارىسىن وتكىزگەن كەزدە فۋتبول جان كۇيەرلەرى جارىستى كورىپ بولعان سوڭ الاڭنان شىعىپ بايىرعى قالانى ارالاپ، ياربەشى تۇرعىندار تۇراعىنا بارىپ، جارىس ورلەۋى تىكەلەي مادەنيەت ـ ساياحات كىرىسىنە اينالدى. ”بەلەت تۇبىرشىگى ەكونوميكاسىنان“ مادەنيەت، دەنە تاربيە ساياحاتىنىڭ ”تۇتاس وڭىردە بىرلەسىپ ارەكەتتەنۋىنە“ دەيىن شينجياڭنىڭ فۋتبول جارىسى اس ـ سۋ، جاتىن ورىن، ٴجۇرىس ـ تۇرىس، ساياحات، زات ساتىپ الۋ، كوڭىل اشۋ سياقتىلاردى بايلانىستىرعان ەرەكشە IPگە اينالدى.
بۇل فۋتبول ورلەۋىنىڭ استارىندا حالىقتىق كاسىپورىنشىلاردىڭ قارىمجى تىلەمەيتىن قورعاۋى جاتىر. ”اتۇش ساۋىتىنا“ اتىن ىلگەن حوتان عارىش ساۋدا شەكتى سەرىكتەستىگىنىڭ باس جوراسى يمىنجان وبۇلقاسىم كوگالدا اعا جۇلدەگەر بولعان كوماندا ٴۇشىن الاقايلاعاندا كوزىنە فۋتبولشىلاردان دا اسەرلى جاس ىركىلدى. 2010 ـ جىلى سەرىكتەستىكتىڭ كولەمى شاعىن بولعانىمەن، ول كىرىسىنىڭ تەڭ جارتىسىن حالىقتىق فۋتبول ىستەرىنە سالۋعا باتىلدىق ەتتى، وسىدان كەيىنگى 10 نەشە جىلدا جيىنى 3 ميلليون يۋانعا جۋىق قارجى قوستى.
مۇنداي اڭگىمەلەر تەك بىرەۋ عانا ەمەس: ”پاريديو“ ٴۇرتىس 2 كەزەك اتۇش ساۋىتىن قارجىلاي قولدادى. قۇلجا قالاسى كومانداسىنىڭ قارجىلاي قولداۋشىسى شاۋكەت تىلەبالدى وسى جارىسقا 2 ـ رەت قارجىلاي قولداۋ كورسەتىپ، جيىنى 400 مىڭ يۋاننان استام قارجى قوستى. تورتتەن ٴبىر شەشۋشى جارىستان كەيىن، ول، ٴتىپتى، دوڭگەلەكتى ورىندىقتا وتىرىپ ورنىنان تۇرىپ، بۇكىل الاڭداعى دوپ جان كۇيەرلەرىنە ٴيىلىپ العىس ايتتى... ىزگى نيەت پەن كاسىپ ۇندەسكەندە قالا مەن فۋتبول ٴبىر ـ بىرىنە دەم بەرەدى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە بۇقارالىق دەنە تاربيە مەن باسەكەلىك دەنە تاربيەنىڭ دامۋىن ٴبىر تۇتاس جوسپارلاپ ىلگەرىلەتۋ ورتاعا قويىلدى. شينجياڭدا ”اتۇش ساۋىتى“ سياقتى جالپى حالىقتىق جارىستى وتكىزۋ ارقىلى فۋتبول كوشەلەرگە شىن مانىندە كىرىپ، ساۋداگەرلەر قورعاۋشى بولعىسى كەلەتىن، بۇقارا قۋانا ات سالىساتىن حالىق تۇرمىسى ينجەنەرياسىنا اينالدى، بۇل سپورت وسى توپىراقتا ەڭ بەرىك تامىر تارتتى.
فۋتبول ەڭ جۇمساق تاسىلمەن شينجياڭنىڭ جەر ـ جەرىنىڭ سەنىمىنىڭ، ومىرشەڭ كۇشىنىڭ جاستىق جىگەرىن جانداندىرۋدا.
