شينحۋا اگەنتتىگىنىڭ ٴتىلشىسى \ فىڭ جياشۇن
”مەملەكەت ستراتەگياسىنا قىزمەت وتەۋ، بۇقارانىڭ تۇرمىسىنا قىزمەت وتەۋ، قوعامدى باسقارۋعا قىزمەت وتەۋ بارىسىندا شىنايىلىقتى، ىزگىلىكتى، كوركەمدىكتى جەتكىزۋگە قۇلشىنىپ، وڭ ەنەرگيا تاراتىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە ەرىكتى قىزمەت وتەۋ كۇشىن ارناۋ كەرەك“.
جۇڭگو ەرىكتى قىزمەت وتەۋ بىرلەستىگىنىڭ 3 ـ كەزەكتى مۇشەلەر قۇرىلتايى 11 ـ ايدىڭ 27 ـ كۇنىنەن 28 ـ كۇنىنە دەيىن بەيجيڭدە اشىلدى. باس شۋجي شي جينپيڭ قۇتتىقتاۋ حاتىن جولداپ، قالىڭ ەرىكتىلەرگە، ەرىكتى قىزمەت وتەۋ ۇيىمدارىنا، ەرىكتى قىزمەت وتەۋ قىزمەتكەرلەرىنە شىنايى ٴۇمىت ارتتى.
ەرىكتى قىزمەت وتەۋ — قوعامدىق وركەنيەتتىڭ العا باسۋىنىڭ ماڭىزدى بەلگىسى، ەرىكتىلەردىڭ باسقالارعا قىزمەت وتەۋىنىڭ، قوعامعا ۇلەس قوسۋىنىڭ ماڭىزدى ارناسى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى قاراپ ماقۇلداعان ”15 ـ بەسجىلدىق“ جوبا ۇسىنىسىندا ”ەرىكتى قىزمەت وتەۋدى دامىتىپ، ەرىكتى قىزمەت وتەۋدى ۇيىمدىق باسقارۋدى كۇشەيتۋ“ ايقىن ورتاعا قويىلدى.
جاڭا باستامادا باس شۋجي شي جينپيڭنىڭ قۇتتىقتاۋ حاتى ەرىكتى قىزمەت وتەۋدىڭ ورنى مەن فۋنكتسياسىن تەرەڭ بايىمداپ، ەرىكتى قىزمەت وتەۋدىڭ امالياتتىق جولىن اناعۇرلىم ايقىنداپ، جاڭا ٴداۋىر، جاڭا جورىقتاعى ەرىكتى قىزمەت وتەۋ ىستەرىنىڭ جوعارى ساپالى دامۋىنا ايقىن العا باسۋ بەتالىسىن كورسەتتى.
”مەملەكەت ستراتەگياسىنا قىزمەت وتەۋ، بۇقارانىڭ تۇرمىسىنا قىزمەت وتەۋ، قوعامدى باسقارۋعا قىزمەت وتەۋ“، باس شۋجي شي جينپيڭ ”ۇشكە قىزمەت وتەۋدى“ ايقىن ورتاعا قويىپ، جاڭا جورىقتاعى ەرىكتى قىزمەت وتەۋدىڭ ماڭىزدى ٴتۇيىنىن بەلگىلەدى.
”مەملەكەت ستراتەگياسىنا قىزمەت وتەۋ“ — ەرىكتى قىزمەت وتەۋدە ”مەملەكەتتىڭ زور ٴىسىن“ كوكەيدە ساقتاپ، ”كىشى مەندى“ مەملەكەتتىڭ دامۋ ۇلى جوباسىمەن توعىستىرۋ كەرەك.
بيىل 4 ـ مامىر جاستار مەرەكەسى قارساڭىندا باس شۋجي شي جينپيڭ شينجياڭنىڭ اتۇش قالاسى قاراجول اۋىلى شەيىت باستاۋىش مەكتەبى شەكارانى قورعاۋ، وقۋ ـ اعارتۋعا كومەكتەسۋ بويىنشا باتىس بولىك جوسپارى ەرىكتىلەر قىزمەت وتەۋ اترەتىندەگى بارلىق مۇشەلەرگە جازعان جاۋاپ حاتىندا قالىڭ جاستاردى ”وتان مەن حالىق ەڭ قاجەت ەتكەن جەرگە بارىپ جارىق شاشىپ، رول اتقارىپ، جۇڭگو ۇلگىسىندەگى وسىزامانداندىرۋ قۇرىلىسىنا جاستىق كۇشىن قوسۋعا“ جىگەرلەندىردى.
باتىس بولىكتەگى شەكارا وڭىرگە بارىپ ٴبىلىم بەرىپ ادام تاربيەلەپ، تاۋ قويناۋىنا ارمان ۇرىعىن سەۋىپ، حالىقارالىق جارىس الاڭىندا جۇرەككە جىلۋ باعىشتاپ قىزمەت وتەدى... باس شۋجي شي جينپيڭنىڭ ىقىلاستى تاپسىرماسى ٴتىپتى دە كوپتەگەن جاستاردى قايراتتانا العا ۇمتىلىپ، رەفورما جاساپ، ەسىك اشۋدىڭ نەگىزگى شايقاس مايدانىندا، ەكونوميكالىق قۇرىلىستىڭ ٴبىرىنشى شەبىندە، قوعامدىق قىزمەت وتەۋدىڭ ەڭ الدىڭعى لەگىندە بەلسەنە ٴىس تىندىرىپ، مەملەكەتتى قۇدىرەتتەندىرۋدە مەن بارمىن دەيتىن جاۋاپكەرشىلىك ارقالاۋىن ايگىلەۋگە شابىتتاندىردى.
”بۇقارانىڭ تۇرمىسىنا قىزمەت وتەۋ“ — حالىق تۇرمىسىنداعى ۇساق ىستەرگە كوڭىل ٴبولىپ، ەرىكتى قىزمەت وتەۋ ارقىلى جۇرت جۇرەگىن جىلىتىپ، جۇرت تىلەگىن توعىستىرىپ، العا ۇمتىلۋ، ىزگىلىككە تالپىنۋ كۇشىن ۇيىستىرۋ كەرەك.
سوڭعى جىلدارى جەر ـ جەردەگى ەرىكتىلەر، ەرىكتى قىزمەت وتەۋ ۇيىمدارى، ەرىكتى قىزمەت وتەۋ قىزمەتكەرلەرى جاڭا جۇمىستانعان قاۋىم جانە ەمدەۋ، قارتتاردى كۇتىمدەۋ سياقتى حالىق تۇرمىسىندا قاداعالاي نازار اۋدارىلىپ وتىرعان تۇيىندەر مەن ٴالسىز بۋىنداردى ارقاۋ ەتە وتىرىپ ارنايىلانعان جانە باعىتتامالى قىزمەت وتەپ، جۇرت جۇرەگىن جىلىتىپ، كۇش ـ قۋاتتى ۇيىستىردى.
قىزمەت وتەۋ ارقىلى بۇقاراعا مەيىر باعىشتاۋ، بۇقارانى جەتەكتەۋ — جاڭا داۋىردەگى ەرىكتى قىزمەت وتەۋدە بولۋعا ٴتيىستى مازمۇن. جاڭا جورىقتا ەرىكتى قىزمەت وتەۋدە بۇقارانىڭ ەڭ رەال، ەڭ كوكەي تەستى، ەڭ كوڭىل ٴبولىپ وتىرعان ماسەلەلەرىن شەشۋدى كۇش سالا ىلگەرىلەتىپ، قينالعاندا قول ۇشىن بەرۋ ۇلگىسىندە قىزمەت وتەۋدى ورىستەتۋ؛ حالىقتىڭ كۇن سايىن ارتىپ وتىرعان تاماشا تۇرمىس قاجەتىن ارقاۋ ەتىپ، قىزمەت وتەۋ ساپاسىن جوعارىلاتۋ كەرەك.
”قوعامدىق باسقارۋعا قىزمەت وتەۋ“ — ەرىكتى قىزمەت وتەۋدى قوعامدىق باسقارۋمەن توعىستىرىپ، ەرىكتى قىزمەت وتەۋ كۇشى ارقىلى نەگىزگى ساتىنى شەبەرلىكپەن باسقارۋعا كۇش ۇستەۋ كەرەك.
ەرىكتىلەردىڭ نەگىزگى ساتىنى باسقارۋداعى وزگەشە رولىن ساۋلەلەندىرۋ نەگىزگى ساتىنى باسقارۋدىڭ كەڭدىگىن، تەرەڭدىگىن جانە ونىمدىلىگىن جوعارىلاتۋدا كەلەلى ماڭىز الادى.
بۇقارانىڭ ۇيلەرىنە بارىپ بۇقاراعا كومەكتەسىپ، جۇرەك ٴسوزىن اقتارىپ، سىرلاس ادام بولدى. توسىن وقيعالارعا توتەپ بەرۋدەن دالمە ـ ٴدال قىزمەت وتەۋگە، ونان قايشىلىق، داۋ ـ شاردى شەشۋگە دەيىن... قالىڭ ەرىكتىلەر سان مىڭداعان وتباسىلارىن ىشكەرىلەي ارالاپ، بۇقارا مەن ۇكىمەتتىڭ ”جۇرەكتەستىك كوپىرىن“ اناعۇرلىم ويداعىداي سالىپ، بىرگە قۇراتىن، بىرگە باسقاراتىن، بىرگە يگىلىكتەنەتىن قوعامدىق باسقارۋ ٴتۇزىمىنىڭ اناعۇرلىم كەمەلدەنۋىن ىلگەرىلەتتى.
”شىنايىلىقتى، ىزگىلىكتى، كوركەمدىكتى جەتكىزىپ، وڭ ەنەرگيا تاراتۋ“، باس شۋجي شي جينپيڭنىڭ قۇتتىقتاۋ حاتىنداعى وسى ايقىن تالاپ جاڭا داۋىردەگى ەرىكتى قىزمەت وتەۋدىڭ ايقىن قۇن بەتالىسىن انىق كورسەتتى.
تامشىداي ىزگى ىستەر ۇلى سۇيىسپەنشىلىكتىڭ جىلى اعىسىنا اينالعاندا، ۇلەس قوسۋ، دوستىق، ٴوزارا كومەكتەسۋ، العا باسۋ سىندى ەرىكتىلەر رۋحى، ٴسوز جوق، جاڭا داۋىردە اناعۇرلىم شۇعىلا شاشادى.
قازىرگى تاڭدا ٴار سالا، ٴار كاسىپتەن ەرىكتىلەردى كەزكەلگەن جەردەن كەزدەستىرۋگە بولادى، ”ۋاقىتىمىز بولسا ەرىكتى بولامىز، قيىنشىلىق بولسا ەرىكتىلەردى ىزدەيمىز“، ”مەن ۇلەس قوسامىن، مەن قۋانامىن“ دەگەن ٴسوز قوعامدىق جاڭا سالتقا اينالدى.
ەرىكتى قىزمەت وتەۋدىڭ ٴورىسى كەڭ، بارلىق ادام ىستەي الادى، بارلىق جەردە ىستەي الادى.
باس شۋجي شي جينپيڭ نۇسقاعان بەتالىس بويىنشا سان مىڭداعان ەرىكتىلەر ٴۇن ـ ٴتۇنسىز ۇلەس قوسۋ ارقىلى جوڭكىلگەن جىلى اعىستى توپتاپ، جاڭا داۋىردەگى ەرىكتى قىزمەت وتەۋ ىستەرىنىڭ جوعارى ساپالى دامۋىنىڭ جاڭا تاراۋىن قۇلشىنا جازۋدا.
(شينحۋا اگەنتتىگىنىڭ 11 ـ ايدىڭ 30 ـ كۇنى بەيجيڭنەن بەرگەن حابارى)
