شينحۋا اگەنتتىگىنىڭ 12 ـ ايدىڭ 1 ـ كۇنى نايروبيدەن بەرگەن حابارى (تىلشىلەر يان يۇيجيڭ، يوۋ حۇييۋان). جەرگىلىكتى ۋاقىت 12 ـ ايدىڭ 1 ـ كۇنى جۇڭگو مەملەكەتتىك كەڭەس اقپارات كەڭسەسى، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسى، جۇڭگونىڭ كەنيادا تۇراتىن باس ەلشىحاناسى بىرلەسىپ ۇيىمداستىرعان «شي جينپيڭ ەل باسقارۋ جونىندەنىڭ» جۇڭگو - كەنيا وقىرماندار ٴماجىلىسى كەنيانىڭ استاناسى نايروبيدە وتكىزىلدى. جۇڭگو - كەنيا ەكى ەلدىڭ ٴار سالا قايراتكەرلەرىنەن 200دەي ادام قيمىلعا قاتىناستى.
ماجىلىسكە قاتىناسقان جۇڭگولىق، شەتەلدىك سيلى قوناقتار مىنالاردى ٴبىلدىردى: «شي جينپيڭ ەل باسقارۋ جونىندەنىڭ» 5 ـ تومى 1 ـ تومنان 4 ـ تومعا دەيىنگى تومدارمەن ٴوزارا ساباقتاس، تامىرلاس بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ باستى مازمۇنى مەن عىلمي جۇيەسىن شوعىرلى بەينەلەگەن. «شي جينپيڭ ەل باسقارۋ جونىندە» جەلىلەس شىعارمالارى حالىقارالىق قوعامنىڭ جۇڭگو ۇلگىسىندەگى وسىزامانداندىرۋدىڭ امالياتتىق تابىستارى مەن الەمدىك ماڭىزىن اناعۇرلىم ىشكەرىلەي تۇسىنۋىنە سەپتىگىن تيگىزىپ، جۇڭگو مەن كەنيانىڭ، جۇڭگو مەن افريكانىڭ ەل باسقارۋ تاجىريبەسى جونىندە ىشكەرىلەي اۋىس ـ كۇيىس ورىستەتىپ، جەر شارىنىڭ وڭتۇستىگىنىڭ دامۋى جونىندە ورتاق تانىم ۇيىستىرىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋ جونىنەن ماڭىزدى مانگە يە.
كەنيا بىرلەسكەن دەموكراتيالىق وداعىنىڭ باس شۋجيى ومار مىنالاردى ٴبىلدىردى: ٴتوراعا شي جينپيڭنىڭ جەتەكشىلىگىندە، جۇڭگو دۇنيەنى جالت قاراتقان دامۋ تابىستارىنا قول جەتكىزدى، ەكونوميكاسى، قوعامى تەز دامىپ، حالىقتىڭ تۇرمىس دەڭگەيى كورنەكتى جوعارىلادى. «شي جينپيڭ ەل باسقارۋ جونىندە» لەكسيا ۇزىندىلەرى عانا ەمەس، ونان دا ماڭىزدىسى، ٴبىلىم جۇلگەسى، فيلوسوفيالىق ۇستانىم، كىتاپتاعى ەكونوميكا، كەدەيلىكتى ازايتۋ، عىلىم ـ تەحنولوگيا جانە حاۋىپسىزدىك سياقتى سالالارعا ساياتىن ماڭىزدى بايىمداۋلار كەنياعا سىن ـ سايىسقا ٴدوپ كەلگەن كەزدە يدەيالىق جەتەكشىلىك ازىرلەدى. كەنيا جۇڭگومەن وسىزامانداندىرىپ دامىتۋ تاجىريبەلەرىن اۋىستىرۋدى ونان ارى كۇشەيتىپ، بىرگە گۇلدەنۋدى جەبەپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى.
ورتالىق كوميتەت ۇگىت ٴبولىمىنىڭ ورىنباسار باستىعى، مەملەكەتتىك كەڭەس اقپارات كەڭسەسىنىڭ مەڭگەرۋشىسى مو گاۋ ـ ي ارناۋ ٴسوز سويلەپ بىلاي دەدى: «شي جينپيڭ ەل باسقارۋ جونىندە» — ماركسيزمنىڭ جۇڭگوشالانۋىنىڭ ەڭ جاڭا جەتىستىگى، ول شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ باستى مازمۇنى مەن عىلمي جۇيەسىن شوعىرلى بەينەلەپ، جۇڭگو ۇلگىسىندەگى وسىزامانداندىرۋ جولىنىڭ تاريحي تابىستارىن، دامۋ جولىن، سونداي ـ اق نەگىزگى ەرەكشەلىگىن جۇيەلى بەينەلەگەن، جەر شارىنىڭ وڭتۇستىگىندەگى ەلدەردىڭ وسىزاماندانۋعا بىرگە اتتانۋىنا ۇلگى ەتۋگە بولاتىن جۇڭگو اقىل ـ پاراساتى مەن جۇڭگو جوباسىن ازىرلەدى. جۇڭگو مەن كەنيا ديپلوماتيالىق قارىم ـ قاتىناس ورناتقاندىقتىڭ 62 جىلدىعىن قارسى الادى، وتكەن جولعا قايىرىلا قاراساق، ەكى ەل باستان ـ اياق تىزە قوسا سەلبەسىپ، قول ۇستاسا دامىپ، ساياسيدا ٴبىر ـ بىرىنە سەنەتىن جاقسى دوستارعا، ەكونوميكادا سەلبەسىپ تەڭ يگىلىككە كەنەلەتىن جاقسى سەرىككە اينالدى. جۇڭگو كەنيانى قامتىعان افريكا ەلدەرىمەن ىنتىماقتى، سەلبەستىكتى كۇشەيتىپ، 4 ۇلكەن الەمدىك باستامانى بىرگە امالياتتا ايگىلەپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرىپ، وسىزامانداندىرۋدى قول ۇستاسا ىلگەرىلەتۋدىڭ 10 ٴىرى سەرىكتەستىك ارەكەتىن تياناقتاندىرىپ، جۇڭگو ۇلگىسىندەگى وسىزامانداندىرۋدىڭ جاڭا دامۋى ارقىلى افريكاعا اناعۇرلىم كوپ جاڭا وراي ازىرلەپ، جاڭا داۋىردەگى بارلىق جاعدايدا بىردەي جۇڭگو - افريكا تاعدىرلاس ورتاق تۇلعاسىنىڭ جاڭا تاراۋىن بىرگە جازۋدى قالايدى.
كەنيا ينفورماتسيا ـ حابارلاسۋ جانە سيفرلى ەكونوميكا مينيسترلىگىنىڭ مينيسترى ۋيلليام كابوگو كيتاۋ مىنالاردى ٴبىلدىردى: جۇڭگو وسىزامانداندىرۋدى ىلگەرىلەتۋ بارىسىندا الەمدىك وركەنيەتتىڭ اياق الىسىن جەبەدى، جۇڭگونىڭ قول جەتكىزگەن تابىستارى مەن باسقارۋ ۇستانىمدارى كەنيانىڭ رەفورما نىساناسىمەن بىردەي. «شي جينپيڭ ەل باسقارۋ جونىندە» جەلىلەس شىعارمالارىنىڭ مازمۇنى انىق، باي، كىتاپتا قامتىلعان دامۋ ۇستانىمى كەنيانىڭ وسىزاماندانۋ جولىن قاراستىرۋىن ماڭىزدى پايدالانۋ ماتەريالىمەن قامدادى. ەڭ جاڭا باسپادان شىعىپ تاراتىلعان «شي جينپيڭ ەل باسقارۋ جونىندەنىڭ» 5 ـ تومى كەنياداعى ٴار سالا وقىرماندارىنىڭ وسى زامانعى جۇڭگونىڭ دامۋ تامىرىن سەزىنۋىنە، جۇڭگو مەن كەنيا اراسىنداعى ٴوزارا ٴتۇسىنىسۋدى كۇشەيتۋگە پايدالى.
قيمىلدا جۇڭگو جاق شەتەلدىك سيلى قوناقتارعا «شي جينپيڭ ەل باسقارۋ جونىندەنىڭ» 5 ـ تومىنىڭ اعىلشىن تىلىندەگى نۇسقاسىن تارتۋ ەتتى. ماجىلىسكە قاتىناسقان مامان ـ وقىمىستىلار جۇڭگو مەن كەنيانىڭ ەل باسقارۋ تاجىريبەلەرى، ”ٴبىر بەلدەۋ، ٴبىر جولدى“ بىرگە قۇرۋ، جۇڭگو - افريكا سەلبەستىگى، كەدەيلىكتى جويۋ، گۋمانيتارلىق اۋىس ـ كۇيىس، ٴوزارا ۇلگى الۋ سياقتى كەڭەستىك تاقىرىپتار توڭىرەگىندە پىكىر اۋىستىرىپ، زەرتتەۋ ـ تالقى ورىستەتتى.
