حۋاي جينپىڭ، ەركىن تۇنياز قاتىناستى ٴارى ٴسوز سويلەدى
انار بۇلت \ شينجياڭ گازەتىنىڭ ٴتىلشىسى لي جيا ـ ني 12 ـ ايدىڭ 1 ـ كۇنى ۇرىمجىدەن حابارلايدى. 12 ـ ايدىڭ 1 ـ كۇنى وقۋ ـ اعارتۋ بويىنشا شينجياڭعا باعىتتامالى كومەكتەسۋ قىزمەتى ٴماجىلىسى ۇرىمجىدە اشىلدى. وقۋ ـ اعارتۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر حۋاي جينپىڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز، ورتالىق كوميتەت بىرلىكساپ ٴبولىمىنىڭ ورىنباسار باستىعى ۋاڭ رۇيجۇن ماجىلىسكە قاتىناستى ٴارى ٴسوز سويلەدى.
وقۋ ـ اعارتۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر شيۇڭ سىحاۋ ٴماجىلىستى باسقاردى.
حۋاي جينپىڭ بىلاي دەپ اتاپ كورسەتتى: ”14 ـ بەسجىلدىق“ مەزگىلىندە بۇكىل ەلدىڭ وقۋ ـ اعارتۋ جۇيەسى پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن مۇقيات تياناقتاندىرىپ، شينجياڭ قىزمەتى باس نىساناسىنا قىزمەت وتەۋدە ماڭىزدى رول اتقاردى. ”15 ـ بەسجىلدىق“ مەزگىلىندە باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭعا وقۋ ـ اعارتۋ جاعىنان باعىتتامالى كومەكتەسۋ قىزمەتىنىڭ جاڭا جاعدايىن، جاڭا بورىشىن ىشكەرىلەي يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، نازاردى شينجياڭنىڭ جوعارى ساپالى دامۋىنا شوعىرلاندىرىپ، وقۋ ـ اعارتۋدىڭ عىلىم ـ تەحنولوگياعا، دارىندىلارعا تىرەكتىك رولىن كۇشەيتۋ؛ نازاردى حالىق رازى بولاتىن وقۋ ـ اعارتۋدى ويداعىداي جۇرگىزۋگە شوعىرلاندىرىپ، شينجياڭنىڭ وقۋ ـ اعارتۋ الەۋمەتتىك قىزمەت وتەۋ ساپاسىن، دەڭگەيىن جاپپاي جوعارىلاتۋ؛ نازاردى وقۋ ـ اعارتۋدا قۋاتتى رايون بولۋدىڭ ٴتۇپ نەگىزىن بەكەمدەۋگە شوعىرلاندىرىپ، جوعارى ساپالى ماماندانعان وقىتۋشىلار قوسىنىن قۇرۋ؛ نازاردى وڭتۇستىك شينجياڭ سىندى ”شاحمات كوزىن“ جانداندىرۋعا، كۇشەيتۋگە شوعىرلاندىرىپ، وقۋ ـ اعارتۋ ارقىلى دارىندىلاردى باۋراۋ، دارىندىلاردى توپتاۋ، دارىندىلاردى تاربيەلەۋدى كۇشەيتۋ؛ نازاردى توڭىرەكتىك تاعدىرلاس ورتاق تۇلعا قۇرۋعا شوعىرلاندىرىپ، جوعارى دەڭگەيدەگى وقۋ ـ اعارتۋ بويىنشا سىرتپەن اۋىس ـ كۇيىس، سەلبەستىك ورىستەتىپ، شينجياڭعا وقۋ ـ اعارتۋ جاعىنان باعىتتامالى كومەكتەسۋ قىزمەتىنىڭ ساپاسىن جوعارىلاتىپ ونىمدىلىگىن ارتتىرۋدى بار كۇشپەن ىلگەرىلەتۋ كەرەك.
ەركىن تۇنياز سوزىندە مىنالاردى اتاپ كورسەتتى: وقۋ ـ اعارتۋ مينيسترلىگى سياقتى ورتالىق پەن مەملەكەت ورگاندارى شينجياڭعا باعىتتامالى كومەكتەسۋدى باستان ـ اياق ماڭىزدى ساياسي مىندەت ەتىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ساياسات، قارجى، دارىندى، نىسان سياقتى جاقتاردا شينجياڭعا زور كۇشپەن قولداۋ كورسەتىپ، شينجياڭنىڭ وقۋ ـ اعارتۋ ىستەرىنىڭ قارىشتاپ العا باسۋىنا دەم بەردى. ٴبىز ساياسي دەڭگەيدى شىن مانىندە جوعارىلاتىپ، شينجياڭنىڭ ”بەس ۇلكەن ستراتەگيالىق ورنىن“ كوزدەپ، ٴمورال ارقىلى تاربيەلەۋ ٴتۇبىرلى مىندەتىن تياناقتاندىرىپ، جۇڭحۋا ۇلتى ورتاق تۇلعا قۇرىلىسىن تىڭعىلىقتى ىلگەرىلەتەمىز؛ جوعارى ساپالى وقۋ ـ اعارتۋ جۇيەسىن جەدەل قۇرىپ، حالىق رازى بولاتىن وقۋ ـ اعارتۋدى قۇلشىنا ويداعىداي جۇرگىزەمىز؛ وقۋ ـ اعارتۋدى، عىلىم ـ تەحنولوگيانى، دارىندىلاردى دامىتۋدى ٴبىر تۇلعالاندىرا ىلگەرىلەتىپ، سوتسياليستىك وسىزاماندانعان شينجياڭ قۇرۋعا اناعۇرلىم ويداعىداي قىزمەت وتەيمىز؛ وقۋ ـ اعارتۋ اۋىس ـ كۇيىسى مەن سەلبەستىگىن ۇزدىكسىز كۇشەيتىپ، وقۋ ـ اعارتۋدا سىرتقا ەسىك اشۋ دەڭگەيىن ۇزدىكسىز جوعارىلاتامىز. كومەك قابىلداۋشى جەرلەردىڭ تۇلعالىق رولىن شىن مانىندە ساۋلەلەندىرىپ، شينجياڭعا كومەكتەسۋ بايلىعىنان تولىق ويداعىداي پايدالانىپ، اۋىس ـ كۇيىستى، سەلبەستىكتى كۇشەيتىپ، شينجياڭعا كومەكتەسۋشى كادر ـ دارىندىلارعا كوڭىل ٴبولىپ، قۋاتتى بىرىككەن كۇش قالىپتاستىرىپ، وقۋ ـ اعارتۋ جاعىنان شينجياڭعا باعىتتامالى كومەكتەسۋ قىزمەتىنىڭ جالپىلىق ونىمدىلىگىن جوعارىلاتامىز.
ۋاڭ رۇيجۇن مىنالاردى ٴبىلدىردى: وقۋ ـ اعارتۋ مينيسترلىگى سياقتى تاراۋلاردىڭ جانە شينجياڭعا كومەكتەسەتىن ٴارقايسى ولكە، قالالاردىڭ زور كۇشپەن قولداۋىندا، شينجياڭ وقۋ ـ اعارتۋ قىزمەتىندە كورنەكتى ونىمدىلىككە قول جەتكىزدى، نەگىزدىك وقۋ ـ اعارتۋدىڭ ساپاسى ۇزدىكسىز جوعارىلاپ، جوعارى وقۋ ـ اعارتۋ ٴبىرشاما جىلدام دامىدى، ەكونوميكالىق، قوعامدىق دامۋعا ۇيلەسەتىن ٴتۇرلى دارىندىلار ۇزدىكسىز كوبەيدى. شينجياڭعا كومەكتەسەتىن ٴارقايسى ولكە، قالالاردىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭعا وقۋ ـ اعارتۋ جاعىنان كومەكتەسۋ قىزمەتى تەبىنىن ونان ارى ارتتىرىپ، شينجياڭنىڭ وقۋ ـ اعارتۋ ىستەرىنىڭ تاعى دا تىڭ ساتىعا كوتەرىلۋىن ىلگەرىلەتۋىن ٴۇمىت ەتەمىن.
ماجىلىستە اۆتونوميالى رايون مەن بيڭتۋاننىڭ وقۋ ـ اعارتۋ مەكەمەلەرى قىزمەتتەن مالىمەت بەردى، شينجياڭعا كومەكتەسەتىن ٴبىر ٴبولىم ولكە، قالالاردىڭ وقۋ ـ اعارتۋ اكىمشىلىك تاراۋلارىنداعى جاۋاپتى جولداستار، شينجياڭعا كومەككە كەلگەن وقىتۋشىلار ۋاكىلدەرى، قارت وقىتۋشىلار ۋاكىلدەرى پىكىر اۋىستىرىپ ٴسوز سويلەدى.
ورتالىق پەن مەملەكەتتىڭ قاتىستى تاراۋلارىنداعى، مەڭگەرمە، مەكەمەلەرىندەگى جاۋاپتى جولداستار، شينجياڭعا كومەكتەسەتىن مينيسترلىك ـ كوميتەتتەرگە قاراستى جوعارى مەكتەپتەردەگى، شينجياڭعا كومەكتەسەتىن كاسىپتىك مەكتەپتەردەگى جانە شينجياڭعا كومەكتەسەتىن ولكە، قالالاردىڭ وقۋ ـ اعارتۋ اكىمشىلىك تاراۋلارىنداعى جاۋاپتى جولداستار ماجىلىسكە قاتىناستى.
اۆتونوميالى رايون مەن بيڭتۋاننىڭ باسشىلارىنان ۋاڭ جيانشين، شۋە بين، قايسار ابدۇكەرىم، لي شۇي، بەيجيڭ داشۋەسى پارتكومىنىڭ شۋجيى حى گۋاڭساي، تيانجين داشۋەسى پارتكومىنىڭ شۋجيى ياڭ شيانجين، اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.
