تۇرپان - قۇمىل 100 شاقىرىمدىق جەل ٴوتى وڭىرىندەگى ناشار اۋا رايىنا تىزە قوسا توتەپ بەرەدى
انار بۇلت \ شينجياڭ گازەتىنىڭ ٴتىلشىسى ۋي يۇڭگۇي، ەرىكتى ٴتىلشى گو زى ـ ي 12 ـ ايدىڭ 1 ـ كۇنى قۇمىلدان حابارلايدى. 12 ـ ايدىڭ 1 ـ كۇنى شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 24 ـ ٴماجىلىسى تەكسەرىپ بەكىتكەن «قۇمىل قالاسىنىڭ 100 شاقىرىمدىق جەل ٴوتى وڭىرىندەگى تاس جولداعى ناشار اۋا رايىنان ساقتانۋ جانە وعان توتەپ بەرۋ بەلگىلەمەسى»، «تۇرپان قالاسىنىڭ 100 شاقىرىمدىق جەل ٴوتى وڭىرىندەگى تاس جولداعى ناشار اۋا رايىنان ساقتانۋ جانە وعان توتەپ بەرۋ بەلگىلەمەسى» اتقارىلدى، بۇل — شينجياڭداعى وڭىرلەر سايكەسىپ زاڭ ەرەجە شىعارۋ ۇلگىسى ارقىلى جاسالعان تۇڭعىش جەرگىلىكتى زاڭ ەرەجە.
تۇرپان - قۇمىل ويپاتىنداعى 100 شاقىرىمدىق جەل ٴوتى ٴوڭىرى تۇرپان - قۇمىل ەكى جەردى ەندەي وتەتىن ەرەكشە اۋا رايى ٴوڭىرى، ٴجيى تۋىلاتىن ناشار بوراندى اۋا رايى ليانيۇنگاڭ - قورعاس جوعارى قارقىندى تاس جولى سياقتى قاتىناس كۇرە تامىرلارىنىڭ حاۋىپسىز اينالىمىنا جانە ٴار ۇلت بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىنە اۋىر قاتەر توندىرەدى. ٴوڭىر اتتاپ باسقارۋداعى وسى قيىن ماسەلەنى شەشۋ ٴۇشىن، بيىل 3 ـ ايدا اۆتونوميالى رايوندىق حالىق قۇرىلتايى تۇراقتى كوميتەتىنىڭ دەن قويا جەتەكشىلىك ەتۋى مەن ٴبىر تۇتاس ورنالاستىرۋىندا، تۇرپان قالالىق حالىق قۇرىلتايى تۇراقتى كوميتەتى مەن قۇمىل قالالىق حالىق قۇرىلتايى تۇراقتى كوميتەتى وڭىرلەر سايكەسە زاڭ ەرەجە شىعارۋ قىزمەتىن جاسامپازدىقپەن ورىستەتىپ، وڭىرلەر سايكەسە زاڭ ەرەجە شىعارۋ قىزمەتى بىرىككەن ٴماجىلىسى سياقتى مەحانيزمدەردى ورناتۋ ارقىلى 100 شاقىرىمدىق جەل ٴوتى وڭىرىندەگى تاس جولدىڭ قاتىناس حاۋىپسىزدىگىن باسقارۋداعى ورتاق سيپات الاتىن ماسەلەلەردى بىرگە اقىلداسىپ شەشتى.
”زاڭ ەرەجەلەردى دايىنداۋ جانە تالقىلاۋ بارىسىندا ٴبىز قۇمىل قالالىق حالىق قۇرىلتايى تۇراقتى كوميتەتىمەن كوپ رەت اقىلداسىپ، سايكەسىپ زاڭ ەرەجە شىعارۋ قىزمەتى جونىندە ورتاق تانىم ۇيىستىردىق“. تۇرپان قالالىق حالىق قۇرىلتايى تۇراقتى كوميتەتىنىڭ قاتىستى جاۋاپتىسى تانىستىرىپ بىلاي دەدى: سايكەسىپ زاڭ ەرەجە شىعارۋ ەكى جەردىڭ سايكەسۋ دەڭگەيىن، ۇيىمداستىرۋ، جۇمىلدىرۋ جانە اتقارۋ تەبىنىن اناعۇرلىم جوعارىلاتىپ، ەكى جەردىڭ 100 شاقىرىمدىق جەل ٴوتى وڭىرىندەگى تاس جولداعى ناشار اۋا رايىنا توتەپ بەرۋ قابىلەتىن بىرگە كۇشەيتىپ، سۇركەيلى اۋا رايىنىڭ زيان سالۋ مۇمكىندىگىن بارىنشا تومەندەتەدى.
«بەلگىلەمەدە» 100 شاقىرىمدىق جەل ٴوتى وڭىرىندەگى تاس جولدىڭ كولەمى بەلگىلەندى: تۇرپان بولىگى G30 جەلىسىنىڭ ليانيۇنگاڭ - قورعاس جوعارى جىلدامدىقتى تاس جولىنىڭ 3225 كيلومەتر — 3360 كيلومەتر ارالىعى جانە S328 جەلىسىنىڭ 250 كيلومەتر 180 + مەتر — 260 كيلومەتر 723 + مەتر ارالىعى؛ قۇمىل بولىگى G30 جەلىسىنىڭ ليانيۇنگاڭ - قورعاس جوعارى جىلدامدىقتى تاس جولىنىڭ 3100 كيلومەتر — 3225 كيلومەتر ارالىعى جانە S328 جەلىسىنىڭ 111 كيلومەتر — 250 كيلومەتر 180 + مەتر ارالىعى.
”«بەلگىلەمەدە» ەكى جەردىڭ 100 شاقىرىمدىق جەل ٴوتى وڭىرىندەگى تاس جولداعى ناشار اۋا رايىنا بىرلەسىپ توتەپ بەرۋى جونىندە ٴبىر قىدىرۋ جاسامپازدىق سيپاتتى شارالار ورتاعا قويىلدى“. قۇمىل قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي چياڭ بىلاي دەپ تانىستىردى: بەلگىلەمە بويىنشا، قۇمىل مەن تۇرپان ەكى جەر بىرلەسىپ 100 شاقىرىمدىق جەل ٴوتى وڭىرىندەگى تاس جولداعى ناشار اۋا رايىنان ساقتانۋ جانە وعان توتەپ بەرۋ بىرلەسكەن قولباسشىلىق قۇرىلىمىن قۇرادى، ەكى جەردەگى حالىق ۇكىمەتىنىڭ وسى جۇمىسقا جاۋاپتى ورىنباسار قالا باستىقتارى قولباسشىلىق مىندەتىن بىرگە ارقالايدى، قولباسشىلىق قۇرىلىمى كەڭسەسى ەكى جەردەگى قالا دارەجەلى قوعام حاۋىپسىزدىگى ورگانىندا قۇرىلىپ، كۇندەلىكتى بايلانىس جاساۋعا جانە شۇعىل جاعدايدى ٴبىر جاقتى ەتۋگە، سايكەستىرۋگە جاۋاپتى بولادى.
”«بەلگىلەمەنى» تياناقتاندىرۋ جاعىندا، ٴبىز نازاردى ’تورتكە شوعىرلاندىرۋدى‘ كورنەكتىلەندىرەمىز ياعني نازاردى سايكەسە بىرلەسىپ قيمىلداۋعا شوعىرلاندىرىپ، ٴوڭىر اتتاعان ٴبىر تۇلعالانعان شايقاسقا قولباسشىلىق ەتۋ جۇيەسىن جەدەل قۇرامىز؛ نازاردى ساقتانۋدى نەگىز ەتۋگە شوعىرلاندىرىپ، باقىلاۋ ـ ولشەۋ، ساقتاندىرۋ جانە شۇعىل جاعدايعا توتەپ بەرۋ دايىندىعى نەگىزىن جاپپاي بەكەمدەيمىز؛ نازاردى جەدەل اتتانىسقا كەلۋگە شوعىرلاندىرىپ، ساقتاندىرۋ، جاريالاۋ جانە قاتىناس باسقارۋ شارالارىن قاتاڭ اتقارامىز؛ نازاردى جالپى حالىقتىڭ ات سالىسۋىنا شوعىرلاندىرىپ، ۇگىت ـ تاربيەنى جانە قوعامدىق جۇمىلدىرۋدى ىشكەرىلەي ورىستەتەمىز“، ـ دەدى قۇمىل قالاسىنىڭ ورىنباسار باستىعى لي يۇنتاۋ.
