تاياۋدا شياڭگاڭ شينجيە دابۋ رايونى حۇڭفۋيۋانداعى ٴورت بۇكىل ەل حالقىن الاڭداتتى. 11 ـ ايدىڭ 29 ـ كۇنى باستالعان 2025 ـ جىلعى ”قاشقار ساۋىتى“ فۋتبول ەرەكشە دارەجەلى ۇسىنىس جارىسى اسىلگى بەلگىلەنگەن ادەبيەت ـ كوركەمونەر كونسەرتىن باتىل كۇشىنەن قالدىرىپ، دوپشىلاردىڭ بىلەگىنە قارا تورعىن بايلاپ الاڭعا كىرۋىنە وزگەرتتى. بۇل رەتتەۋ 10 مىڭ شاقىرىم شالعايداعى شينجياڭداعى ٴار ۇلت حالقىنىڭ شياڭگاڭداعى قازا بولعان باۋىرلاستارعا دەگەن قايعىلى ازا ٴبىلدىرۋى.
ادامدى ونان ارى اسەرلەندىرەتىنى، ”قاشقار ساۋىتى“ العاشقى جارىسىنىڭ 150 مىڭ يۋان كىرىسى تۇگەلدەي شياڭگاڭداعى اپاتقا ۇشىراعان رايونعا جىلۋعا اتالدى، جارىستىڭ تىكە تاراتۋ بولمەسىندەگى لەبىز قالدىرۋ اۋماعى دا ”شياڭگاڭ قايراتتان“، ”جۇرەكتەرىمىز توعىسقان“ دەگەن سياقتى مازمۇندارعا تولدى. شياڭجياڭعا دەن قويىپ، قيىنشىلىقتى بىرگە جەڭەتىن تەرەڭ سۇيىسپەنشىلىك فۋتبول ارقىلى سان مىڭداعان فۋتبول جان كۇيەرىنىڭ جۇرەگىنە جەتتى.
شينجياڭ مەن شياڭگاڭنىڭ اراسى شالعاي بولعانىمەن، تاۋ مەن تەڭىز شىنايى سۇيىسپەنشىلىكتى ۇزە المايدى. تالاي جىلدان بەرى ادامدار بارىس ـ كەلىسىنەن، ەكونوميكالىق سەلبەستىكتەن مادەنيەت اۋىس ـ كۇيىسىنە، حالىق اراسىنداعى ىقپالداستىققا دەيىن ەكى جەر الدەقاشان تەرەڭ دوستىق سۇيىسپەنشىلىك ورناتتى.
بۇل دوستىق سۇيىسپەنشىلىك فۋتبولعا بايلانىستى بارعان سايىن نىعايا ٴتۇستى. بيىل جازدا شياڭگاڭداعى جۇلدىزدار فۋتبول كومانداسى قاشقاردا تۇسىرگەن جاسامپازدىق قىسقا بەينەجازبا شياڭگاڭنىڭ الەۋمەتتىك جەلى مەديالارىندا كوپ تارالدى؛ ”گۋاڭدۇڭ، شياڭگاڭ، اۋمىن جاس وسپىرىمدەرىنىڭ شينجياڭعا ساپارى“ مادەنيەت، دەنە تاربيە اۋىس ـ كۇيىس قيمىلىنا قاتىناسقان بالالار قاشقاردىڭ كوشە بويلارىندا جەرگىلىكتى جاس وسپىرىمدەرمەن تالاسا ـ تارماسا باسەكەلەسىپ، سوزبەن ايتۋ قاجەتسىز، ٴبىراق ىشتەي كەلىسىمگە تولى دوستىق جارىسىن وتكىزدى.
ٴدال وسىنداي كۇن سايىن جينالعان سەزىمدىك دانەكەر ەكى جەردەگى حالىقتىڭ قيىن ـ قىستاۋ ساتتە ٴبىر ـ بىرىمەن ۇندەستىك تابۋىنا مۇمكىندىك جاسادى. شياڭگاڭ وسى رەت اياق استىنان ٴورت اپاتىنا ۇشىراعاندا، ”قاشقار ساۋىتى“ جارىس الاڭىنىڭ دەرەۋ ٴۇن قاتۋى وتانىمىز ۇلى شاڭىراعىندا ٴبىر نيەت، ٴبىر تىلەكتە بولۋداي سالاۋاتتى شىنايى مويىنداۋدان تۋىنداعان، سونداي ـ اق شينجياڭ، شياڭگاڭ ەكى جەر حالقىنىڭ بەينەت پەن زەينەتتى بىرگە وتكەرىپ، تاعدىرلاس بىرگە بولعاندىعىن ايگىلەيدى.
تاعدىرلاسپىز، جولىمىز دا جالعاسقان، مەكەن ورتاق، ورتاق ٴارى ايلى اسپان. حاباردا ٴبىر بۋدا ازا ٴبىلدىرۋ گۇلىندەگى قاعازعا: ”كوپشىلىك شىداڭىزدار، ٴبىز بارمىز“ دەپ جازىلعاندىعى ايتىلدى. بۇل ”ارىستان تاۋى رۋحىنىڭ“ ايعاعى ٴارى ”جۇرەگىمىز توعىسقان“ دەگەن تاۋ ـ وزەندەردەن وتكەن جاڭعىرىق.
اپات تۇبىندە ٴوتىپ كەتەدى، شينجياڭ مەن شياڭگاڭنىڭ تەرەڭ سۇيىسپەنشىلىگى ماڭگى جالعاسا بەرمەك.
(«جياڭ شياۋيان» ماقالا جولداۋ حات ساندىعى: xjrbplb@126 .com)
