اۆتونوميالى رايوننىڭ بۇقارالىق ارالاپ ۇگىت لەكسيا جاساۋ ۇيىرمەسى جەر ـ جەرگە بارىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحى جونىندە ۇگىت لەكسيا جاسادى
پارتيانىڭ جاسامپازدىق نازارياسى بۇقارانىڭ جۇرەگىن نارلەندىردى
انار بۇلت \ شينجياڭ گازەتىنىڭ تىلشىلەرى
بىرنەشە كۇننەن بەرى، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ بويىنشا اۆتونوميالى رايوننىڭ بۇقارالىق ارالاپ ۇگىت لەكسيا جاساۋ ۇيىرمەسى ىلگەرىندى ـ كەيىندى تارباعاتاي ايماعىنا، التاي ايماعىنا، سانجى حۇيزۋ اۆتونوميالى وبلىسىنا بارىپ، قاراپايىم دا ۇعىنىقتى تىلمەن، قۋانا تىڭداپ، قۇمارتا كورەتىن تاسىلمەن جانە جاندى دا جالىندى مىسالدارمەن جالپى ٴماجىلىس رۋحىن ٴتۇسىندىرىپ، جالپى ٴماجىلىس رۋحىنىڭ نەگىزگى ساتىعا ىشكەرىلەي جەتۋىن، جۇرت جۇرەگىنە تەرەڭ ۇيالاۋىن ىلگەرىلەتتى.
11 ـ ايدىڭ 24 ـ كۇنىنەن 25 ـ كۇنىنە دەيىن ۇگىت لەكسيا ۇيىرمەسى تارباعاتاي ايماعىنا بارىپ، ىلگەرىندى ـ كەيىندى ٴدوربىلجىن اۋدانى ٴدوربىلجىن قالاشىعى جۇڭحۋا ۇلتى ورتاق تۇلعا تانىمىن بەكەمدەۋ امالياتتىق بازاسىندا، ٴدوربىلجىن اۋداندىق 1 ـ ورتا مەكتەپتە، شاۋەشەك قالالىق 3 ـ ورتا مەكتەپتە، شاۋەشەك قالاسى دۋبەك ٴمالىسى گۋاڭميڭ الەۋمەتتىك اۋماعىندا جاندى دا تەرەڭ، جۇرت كوڭىلىن جەلپىندىرەتىن ۇگىت لەكسيا جاسادى.
ۇگىت لەكسيا الاڭى بوس ورىن قالماي، قىزۋ مەرەيگە شومدى. ٴار سالا، ٴار كاسىپتەن كەلگەن ۇگىت لەكسيا ۇيىرمەسىنىڭ 6 مۇشەسى ٴوز كەشىرمەلەرىمەن جانە ماڭايىنداعى مىسالدارمەن ۇشتاستىرىپ، جالپى ٴماجىلىس رۋحىن ۇيرەنۋدەن العان اسەرلەرىن، تۇسىنىكتەرىن اقتارىلا اڭگىمەلەپ، پارتيانىڭ باسشىلىعىندا ماڭايىندا تۋىلعان قۋانارلىق وزگەرىستەر مەن جاندى امالياتتى باياندادى. ۇگىت لەكسيانىڭ مازمۇنى ٴارى نازاريالىق دەڭگەيگە يە، ٴارى ٴىس جۇزىندىكپەن تىعىز ۇشتاستىرىلعان بولىپ، تەرەڭ ماعىنالى، قاراپايىم دا ۇعىنىقتى بولدى.
”ۇگىت لەكسيا بۇقارامەن جاناسىپ، ’ۇلكەن قاعيدانى‘ تۇرمىسىمىزداعى ناقتى ىسكە اينالدىردى، مەيلى حالىق تۇرمىسىن قامتاماسىز ەتۋ بولسىن، الدە اۋىل ـ قىستاقتى دامىتۋ بولسىن، بارلىعىندا ٴبىزدىڭ كوكەيىمىزدەگى ىستەر ايتىلدى. ۇگىت لەكسيانى تىڭداعاننان كەيىن، ٴبىزدىڭ بولاشاقتاعى تاماشا تۇرمىس جونىندەگى سەنىمىمىز ارتا ٴتۇستى“، ـ دەدى ٴدوربىلجىن اۋدانىنىڭ تۇرعىنى ۋ يۇيجيە.
ۇگىت لەكسيا ۇيىرمەسىنىڭ مۇشەلەرى بايانداعان جاندى اڭگىمەلەر، كۇرەسكە تولعان كورىنىستەر سول جەردەگى تىڭدارمانداردىڭ كۇشتى ۇندەستىگىن قوزعاپ، ٴماجىلىس زالىنان ٴالسىن ـ ٴالى شاپالاق ٴۇنى كوتەرىلدى. كوپشىلىك جابال مىنالاردى ٴبىلدىردى: مۇنداي ”بۇقارا بۇقاراعا ايتىپ بەرۋ“ ٴتاسىلى جوعارى دەڭگەيدەگى نازاريانى جاناسىمدى دا جاقىن، تۇسىنىكتى دە ۇعىنىقتى جەتكىزىپ، جالپى ٴماجىلىس رۋحى جونىندە ٴتىپتى دە تىكە، ٴتىپتى دە تەرەڭ تۇسىنىككە يە ەتتى.
”ٴبىزدىڭ نىسانامىز پارتيا مەن حالىق بۇقاراسى اراسىنداعى ’جۇرەكتەس كوپىر‘ بولۋ“. قاشقار ايماعى ياركەن اۋداندىق بازار باقىلاۋ ـ باسقارۋ مەكەمەسىنىڭ ۇگىت لەكسياشىسى لي لي بىلاي دەدى: ۇگىت لەكسيا ۇيىرمەسى باستان ـ اياق ”كىتاپتاعى سوزدەردى“ ”جاي اڭگىمە سوزىنە“ اينالدىرۋعا تاباندى بولىپ، ۇلكەن قاعيدانى شاعىن اڭگىمەلەرمەن توعىستىرىپ، كوپشىلىكتىڭ كوڭىلدى ورتادا جالپى ٴماجىلىس رۋحىنىڭ مايەكتى ٴمانىن تەرەڭ تۇسىنۋىنە، پارتيا ورتالىق كوميتەتىنىڭ حالىقشىلدىق سۇيىسپەنشىلىگىن شىنايى سەزىنۋىنە، ىنتىماقتاسا كۇرەس جۇرگىزۋ قۋاتتى بىرىككەن كۇشىن ۇيىستىرىپ، اۋىلىمىزدىڭ دامۋىنا بىرگە ۇلەس قوسۋىنا مۇمكىندىك جاسادى.
11 ـ ايدىڭ 25 ـ كۇنى ۇگىت لەكسيا ۇيىرمەسى التاي ايماعىنا كەلىپ، بۇقاراعا جاناسىمدى، مەيىرلى، كۇش ـ قۋاتقا تولعان ۇگىت لەكسيا جاساپ، جالپى ٴماجىلىس رۋحىن نەگىزگى ساتىداعى بۇقارانىڭ جانىنا جەتكىزدى.
التاي قالاسى شاشۋ جولى ٴمالىسى قىزىلتاس الەۋمەتتىك اۋماعىندا ۇگىت لەكسيا ۇيىرمەسىنىڭ مۇشەلەرى شينجياڭنىڭ ەكونوميكالىق، قوعامدىق دامۋىنىڭ ٴىس جۇزىندىگىن تياناق ەتىپ، بۇقارانىڭ قاجەتىن دالمە ـ ٴدال يگەرىپ، ”شاعىن كىرىسۋ ٴتۇيىنى“ ارقىلى ”ۇلكەن تاقىرىپتى“ ايگىلەپ، ناقتى ساندى مالىمەتتەرمەن، جاندى مىسالدارمەن، شىنايى اسەرلەرمەن جانىنداعى ادامداردى، جانىنداعى ىستەردى بايانداپ، ۇلكەن نازاريانى ناقتى سەزىندىردى. سونىمەن بىرگە ۇگىت لەكسيا ۇيىرمەسىنىڭ مۇشەلەرى ”ۇگىت لەكسيا + بەينەجازبا“ فورماسىندا جاڭالىق اشىپ، جالپى ٴماجىلىس رۋحىن تۇرلىشە تۇرعىدان جۇيەلى بايانداپ، ىشكەرىلەي ٴتۇسىندىرىپ، سول ورىنداعى تىڭدارمانداردىڭ اناعۇرلىم جاقسى تۇسىنۋىنە جانە يگەرۋىنە كومەكتەسىپ، شىن مانىندە ٴتۇسىندىرۋدى، ۇعىندىرۋدى، تياناقتاندىرۋدى ورىندادى.
قىزىلسۋ قىرعىز اۆتونوميالى وبلىسى اتۇش قالاسى تۇگۇرمىتى اۋىلدىق ۇكىمەتىنەن كەلگەن ۇگىت لەكسياشى حۋاڭ ميڭجاڭ مەملەكەتتىك ەڭبەك ەرى تۇردى وسماننىڭ شەكارانى قورعاۋ حيكاياسىن كىرىسۋ ٴتۇيىنى ەتىپ، كوپشىلىكتى قول جەتۋ وڭايعا تۇسپەگەن بەيبىت دامۋ ورتاسىن بىرگە قورعاپ، شەكارا ٴوڭىردى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋگە ۇلەس قوسۋعا ۇندەدى. ”ٴبىز ماڭايىمىزداعى ىستەردى مىسالعا الىپ، جالپى ٴماجىلىس جاساعان ايبىندى جوبانى شينجياڭداعى ٴار ۇلت بۇقاراسىنىڭ باقىتتى تۇرمىسىمەن تىعىز ۇشتاستىرىپ، پارتيانىڭ جاسامپازدىق نازارياسىمەن قالىڭ بۇقارانىڭ جۇرەگىن نارلەندىرەمىز“، ـ دەدى حۋاڭ ميڭجاڭ.
سول كۇنى ۇگىت لەكسيا ۇيىرمەسى تاعى التاي قالاسى لانتيان جىلۋ كۇشى شەكتى جاۋاپكەرشىلىك سەرىكتەستىگىنە بارىپ، كاسىپورىن قىزمەتكەرلەرىنە جالپى ٴماجىلىس رۋحى مەن ٴوز قىزمەتتەرىنىڭ تىعىز بايلانىسىن تەرەڭ ۇعىندىردى. وسى سەرىكتەستىكتىڭ ورىنباسار باس ديرەكتورى جاڭ لي مىنالاردى ٴبىلدىردى: جالپى ٴماجىلىستىڭ رۋحىن قىزمەتتىڭ ٴارقايسى بۋىندارىندا تياناقتاندىرىپ، جابدىقتاردىڭ حاۋىپسىز اينالىمىن قامتاماسىز ەتىپ، جاسىل جىلۋمەن قامداۋدى ىلگەرىلەتىپ، بۇقارانىڭ ٴۇيىنىڭ ٴتىپتى دە جىلى، التاي قالاسى اسپانىنىڭ ٴتىپتى دە اشىق بولۋىنا مۇمكىندىك جاسايمىز.
11 ـ ايدىڭ 27 ـ كۇنىنەن 28 ـ كۇنىنە دەيىن ۇگىت لەكسيا ۇيىرمەسى سانجى حۇيزۋ اۆتونوميالى وبلىسىنا بارىپ، فۋكاڭ قالاسىندا، سانجى قالاسىندا كوپ رەت ۇگىت لەكسيا قيمىلىن ورىستەتىپ، جالپى ٴماجىلىس رۋحىنىڭ نەگىزگى ساتىدا تياناقتانىپ تامىر تارتۋىن ىلگەرىلەتتى.
فۋكاڭ قالاسى چىڭگۋان قالاشىعى ليياڭ قىستاعىندا، فۋكاڭ كاسىپتىك ـ تەحنولوگيالىق شۋەيۋانىندا ۇگىت لەكسيا ۇيىرمەسىنىڭ مۇشەلەرى بۇقاراعا جاناسىمدى سوزدەرمەن، جاندى مىسالدارمەن جالپى ٴماجىلىس جاساعان دامۋ جوباسىن نەگىزگى ساتىنىڭ امالياتىمەن تىعىز ۇشتاستىرىپ، پارتيانىڭ جاسامپازدىق نازارياسىن بۇقارانىڭ جۇرەگىنە شىنايى ۇيالاتتى.
”بۇل رەتكى ۇگىت لەكسيا بۇكىل مەكتەپتەگى وقىتۋشى ـ وقۋشىلار جونىنەن ٴبىر رەتكى تەرەڭ يدەيالىق شىڭدالۋ بولدى، ونان دا ماڭىزدىسى، ٴبىر رەتكى جاندى يدەيا ـ ساياسي ساباعى بولدى“. فۋكاڭ كاسىپتىك ـ تەحنولوگيالىق شۋەيۋانىنىڭ وقىتۋشىسى ما لي تەرەڭ اسەرمەن بىلاي دەدى: ”ۇگىت لەكسياداعى كوزبەن كورۋگە بولاتىن، ۇيرەنۋگە بولاتىن ۇلگىلەر وقۋشىلارعا ’جاستىق كوكتەمنىڭ قۇنىن كۇرەس بارىسىندا ايگىلەۋ كەرەكتىگىن‘ شىنايى ۇعىندىرىپ، كوپشىلىككە مەملەكەت دامۋىنىڭ ايبىندى جوباسى مەن شەكارا ٴوڭىر وقۋ ـ اعارتۋ ىستەرى دامۋىنىڭ، جەكە ادامنىڭ ەسەيىپ ـ ەرجەتۋىنىڭ تىعىز بايلانىسىن تەرەڭ سەزىندىردى. بۇدان كەيىن ٴبىز مۇرات ـ سەنىمدى اناعۇرلىم بەكەمدەپ، وتان ٴۇشىن ٴتىپتى دە كوپ تاڭداۋلى شەبەرلىك دارىندىلارىن تاربيەلەيمىز“.
11 ـ ايدىڭ 28 ـ كۇنى تۇستەن بۇرىن ۇگىت لەكسيا ۇيىرمەسى سانجى قالاسىنا بارىپ، ىلگەرىندى ـ كەيىندى شينجياڭ شيلۇڭ شارۋاشىلىق توبى شەكتى سەرىكتەستىگىندە، سانجى قالاسى جيانگو جولى ٴمالىسى جياشۇن الەۋمەتتىك اۋماعىندا ۇگىت لەكسيا جاسادى. ۇگىت لەكسيا جاساۋ ۇيىرمەسىنىڭ مۇشەلەرى جالپى ٴماجىلىس رۋحىنىڭ وزەكتى مازمۇنىمەن تىعىز بايلانىستىرىپ، ”14 ـ بەسجىلدىق“ مەزگىلىندەگى ەلىمىزدىڭ دامۋدا قول جەتكىزگەن كەلەلى تابىستارى مەن ”15 ـ بەسجىلدىق“ مەزگىلىندەگى ستراتەگيالىق ورنالاستىرۋلاردى ارقاۋ ەتىپ، نازاردى جوعارى ساپالى دامۋ، حالىق تۇرمىسىن جاقسارتۋ، ٴونىمدى بازار جانە ىسكەر ۇكىمەت سياقتى مازمۇندارعا شوعىرلاندىرىپ، وزات ۇلگىلەردىڭ اسەرلى ىزگى ىستەرىن، نەگىزگى ساتى كادرلارىنىڭ مىندەت وتەپ جاۋاپكەرشىلىك ارقالاۋىن، شەكارا قورعاۋشىلاردىڭ تاباندىلىقپەن ۇلەس قوسۋىن جاندى بايانداپ، جانىنداعى ادامدار ارقىلى جانىنداعى ىستەردى اڭگىمەلەپ، جانىنداعى ىستەر ارقىلى ۇلكەن قاعيدانى ٴتۇسىندىرىپ، جالپى ٴماجىلىس رۋحىن ناقتى مىسالداردى ٴتۇسىندىرۋ بارىسىندا سەزىندىردى، ۇعىندىردى، ساناعا ـ كوكەيگە ۇيالاتتى.
”ۇگىت لەكسيانىڭ بۇقارا تىڭداپ تۇسىنە الاتىن، ۇعىنا الاتىن، تياناقتاندىرا الاتىن بولۋىنا مۇمكىندىك جاساۋ ٴۇشىن، ’كىتاپتاعى سوزدەر‘ از بولۋ، ’جاي اڭگىمە سوزدەر‘ كوپ بولۋ كەرەك“. حوتان ايماعى حوتان اۋداندىق پارتكوم ۇگىت ٴبولىمىنىڭ ۇگىت لەكسياشىسى ٴمادينام ٴماتتوحتى وي ورتاقتاسقاندا بىلاي دەدى: مەن باستان ـ اياق كاسىپ سالاسىنىڭ دارەجەسىن جوعارىلاتۋداعى جاندى امالياتتار، اۋىل ـ قىستاقتى گۇلدەندىرۋدەگى باقىتتى كورىنىستەر، حالىق تۇرمىسىن قامتاماسىز ەتۋدىڭ ۇزدىكسىز جاقسارۋى سياقتى شينجياڭنىڭ جەر ـ جەرىنىڭ دامۋ مىسالدارىمەن ۇعۋ قيىن بولعان نازاريالىق بايانداۋدىڭ ورنىن باستىرۋعا تاباندى بولىپ، بۇقاراعا جالپى ٴماجىلىستىڭ رۋحى ارقىلى امالياتقا قالاي جەتەكشىلىك ەتۋدى، حالىق تۇرمىسىنا قالاي تيىمدىلىك جاساۋدى ۇعىندىردىم. ول مىنانى ٴبىلدىردى: ۇزدىكسىز جاۋاپكەرشىلىك پەن بورىشتى ارقالاپ، جالپى ٴماجىلىستىڭ رۋحىن حالىققا جاناسىمدى تاسىلمەن ۇگىتتەپ، قالىڭ كادرلار مەن بۇقارانى ورتاق تانىم ۇيىستىرىپ، سوتسياليستىك وسىزاماندانعان شينجياڭ قۇرۋعا ۇلەس قوسۋعا جەتەكتەيمىن.
(ٴتىلشى جاڭ تيڭ، قاتىناسقان تىلشىلەر گى يوۋجۇن، ٴرايدا، ەرىكتى تىلشىلەر باۋ حۇڭيۇي، شيڭ ۋىنتاۋ، ي جىشياڭ، ياڭ حى)
