— بەلورۋسسيانىڭ جۇڭگودا تۇراتىن باس ەلشىسى چەرۆياكوۆ جانە ونىڭ ساپارلاستارى شينجياڭدا ەكسكۋرسيادا، ساپاردا بولدى
انار بۇلت \ شينجياڭ گازەتىنىڭ ٴتىلشىسى سى لۋلۋ
تاياۋدا بەلورۋسسيانىڭ جۇڭگودا تۇراتىن باس ەلشىسى الەكساندر چەرۆياكوۆ جانە ونىڭ ساپارلاستارى شينجياڭعا كەلىپ ەكسكۋرسيادا، ساپاردا بولدى. 4 كۇندىك ساپار بارىسىندا ۋاكىلدەر ۇيىرمەسى ۇرىمجىدەگى كاسىپورىن سەحتارى، عىلمي زەرتتەۋ تاجىريبەحانالارى سياقتى جەرلەرگە بارىپ، شينجياڭ قوعامىنىڭ تىنىش، ٴتارتىپتى دامۋ ورتاسىن، قارىشتاپ جاقسارعان ەكونوميكالىق ومىرشەڭ كۇشىن جان ـ جاقتى سەزىندى، اسىرەسە، شينجياڭ اۋىل شارۋاشىلىعىنىڭ جوعارى ساپالى دامۋى جونىندە تەرەڭ اسەر الدى.
ۋاكىلدەر ۇيىرمەسى العاشقى بەكەتتە جۇڭگو حيميا ينجەنەرياسى 7 ـ قۇرىلىس شەكتى سەرىكتەستىگى شينجياڭ بولىمشە سەرىكتەستىگىنە باردى. چەرۆياكوۆ جانە ونىڭ ساپارلاستارى سەرىكتەستىك سالۋعا قاتىناسقان ٴۇرىمجى مۇناي حيميا ونەركاسىبى باس زاۆودىنىڭ حيميالىق تىڭايتقىش قۇرىلعىسى سياقتى ٴتۇيىندى ينجەنەريالاردى قامتىعان حيميا ونەركاسىبى جانە حالىق تۇرمىسىنا ساياتىن ٴبىر توپ نىسانداردى ۇعىستى، بەلورۋسسيا مەن جۇڭگو كاسىپورىندارىنىڭ سۋلياۋ، ەتيلەن وڭدەۋ سالاسىندا سەلبەستىكتى كۇشەيتۋىن ٴۇمىت ەتىپ، ەكى جاقتىڭ ناقتى ىستەر سەلبەستىگىن ورىستەتۋىنە بايلانىس كوپىرىن سالۋدى قالايتىندىعىن ٴبىلدىردى. شينجياڭ بوشىران زەردەلى اۋىل شارۋاشىلىق ماشينالارى جارنا شەكتى سەرىكتەستىگىندە ۋاكىلدەر ۇيىرمەسى اۋىل شارۋاشىلىق ماشينالارىن زەردەلىلەندىرۋ ٴوندىرىس جەلىسىن جانە ماقتا جيناۋ ماشيناسى، تۇقىم سەبۋ ماشيناسى سياقتى جابدىقتاردى كورىپ، شينجياڭنىڭ اۋىل شارۋاشىلىق ماشينالارىن جاساۋداعى تەحنولوگيالىق قۋاتىن سەزىندى.
ۋاكىلدەر ۇيىرمەسى اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنىڭ قاتىستى جاۋاپتىلارىمەن جانە ٴبىر ٴبولىم اۋىل شارۋاشىلىعى ماشينالارى، اۋىل شارۋاشىلىعى ساۋدا كاسىپورىندارىنىڭ ۋاكىلدەرىمەن اڭگىمەلەسىپ، اۋىل شارۋاشىلىعى سالاسىنداعى ناقتى سەلبەستىكتىڭ سايكەسۋ ٴتۇيىنى مەن كىرىسۋ ٴتۇيىنىن قاراستىردى. چەرۆياكوۆ مىنالاردى ٴبىلدىردى: ”جۇڭگو شينجياڭىنىڭ اۋىل شارۋاشىلىعىن ماشينالاندىرۋ مەن زەردەلىلەندىرۋدى توعىستىرۋ جاعىنداعى تابىستارى كىسىنى سۇيىندىرەدى، بەلورۋسسيانىڭ ماشينا جاساۋ كاسىبى ٴداستۇرلى باسىمدىققا يە كاسىپ سالاسىنا جاتادى، ەكى جاق كاسىپورىندارىنىڭ ٴوز باسىمدىقتارىن ساۋلەلەندىرىپ، تەحنولوگيا جاعىنداعى اۋىس ـ كۇيىستى ونان ارى كۇشەيتىپ، اۋىل شارۋاشىلىعى ماشينالارى بىرلەسكەن كاسىپورنىن قۇرىپ، حالىقارالىق بازارعا ٴورىس اشىپ، ٴوزارا پايدا جەتكىزىپ تەڭ يگىلىككە كەنەلەتىن سەلبەستىكتى ورىستەتۋىن ٴۇمىت ەتەمىن“. تەمىر جول قۇرىلىسى اۋىر ونەركاسىپ توبى شينجياڭ شەكتى سەرىكتەستىگىندە ۋاكىلدەر ۇيىرمەسى ٴىرى تۇرپاتتى ينجەنەريالىق جابدىقتاردى زەرتتەپ اشۋ، ٴوندىرۋ جاعدايىن كورىپ، شينجياڭنىڭ جابدىق جاساۋ كاسىبىنىڭ جاڭالىق اشۋ قابىلەتىنە جوعارى باعا بەردى ٴارى شينجياڭنىڭ اۋىل شارۋاشىلىق ماشينالارى كاسىپورىندارىن بەلورۋسسياعا بارىپ ناقتى ورىندا تەكسەرىپ كورۋگە، ٴوزارا پايدا جەتكىزۋ سەلبەستىگىن ورىستەتۋگە ۇسىنىس ەتتى.
وسىدان كەيىن ۋاكىلدەر ۇيىرمەسى شينجياڭ جۇڭشينجيان ەگىن، مال شارۋاشىلىعى شەكتى جاۋاپكەرشىلىك سەرىكتەستىگىنە، شينجياڭ ٴوندىرىس ـ قۇرىلىس بيڭتۋانىنىڭ اۋىل شارۋاشىلىعى باستاماشى كاسىپورىندارىنا بارىپ، ەگىن، مال شارۋاشىلىعى كاسىپ سالاسى مەن بيولوگيالىق عىلىم ـ تەحنولوگيانى توعىستىرا دامىتۋ جەتىستىكتەرىن جانە ٴوندىرىس ـ شارۋاشىلىق جاعدايىن ۇعىستى. چەرۆياكوۆ مىنالاردى ٴبىلدىردى: بەلورۋسسيا اۋىل شارۋاشىلىق ونىمدەرىن ەگۋ، ورگانيكالىق تىڭايتقىش سياقتى سالالاردا كورنەكتى باسىمدىققا يە، ەكى جاق اۋىس ـ كۇيىستى ۇزدىكسىز كۇشەيتىپ، اۋىل شارۋاشىلىق عىلىم ـ تەحنولوگياسى مەن زەردەلى جابدىق سالاسىنداعى ناقتى سەلبەستىكتى تەرەڭدەتىپ، ەكى ەل اۋىل شارۋاشىلىعىنىڭ وسىزاماندانۋ ۇردىسىنە دەم بەرۋى كەرەك.
وسى رەتكى شينجياڭ ساپارىندا ۋاكىلدەر ۇيىرمەسى شينجياڭ كاسىپ سالاسىنىڭ ٴبىرىنشى شەبىن ارالادى، شينجياڭنىڭ زەردەلى اۋىل شارۋاشىلىق ماشينالارىنىڭ جاڭالىق اشا قولدانىلۋى مەن اۋىل شارۋاشىلىعى كاسىپ سالاسىنىڭ جوعارى ساپالى دامۋى، ورنىقتى قوعامدىق ورتاسى، سونداي ـ اق اشىق سەلبەستىك جاساۋ بەينەسى ۋاكىلدەر ۇيىرمەسىنە تەرەڭ اسەر قالدىردى. چەرۆياكوۆ بىلاي دەدى: ”وسى رەتكى ەكسكۋرسيادا، ساپاردا جۇڭگو شينجياڭىنىڭ قوعامىنىڭ ورنىقتىلىعىنا، دامۋىنا جانە اۋىل شارۋاشىلىعى كاسىپ سالاسىنىڭ وسىزاماندانۋىنداعى تىڭ ومىرشەڭ كۇشىنە كۋا بولدىق، بەلورۋسسيا جۇڭگو شينجياڭىمەن اۋىل شارۋاشىلىعىن وسىزامانداندىرۋ سياقتى سالالارداعى سەلبەستىكتى بەلسەنە ىلگەرىلەتىپ، جىبەك جولىنداعى جاڭا ورايدان بىرگە يگىلىكتەنەدى“.
