مەملەكەتتىك مۇگەدەكتەر سپورت جارىسى جانە ەرەكشە وليمپيادا سپورت جارىسى جاپپاي باستالادى
8000عا جۋىق سپورتشى جارىسقا قاتىناسادى
شينحۋا اگەنتتىگىنىڭ 12 ـ ايدىڭ 8 ـ كۇنى گۋاڭجوۋدان بەرگەن حابارى. مەملەكەتتىك 12 ـ كەزەكتى مۇگەدەكتەر سپورت جارىسى جانە 9 ـ كەزەكتى ەرەكشە وليمپيادا سپورت جارىسى 12 ـ ايدىڭ 9 ـ كۇنى جاپپاي باستالادى. بۇل گۋاڭدۇڭ، شياڭگاڭ، اۋمىن سىندى 3 جەردىڭ تۇڭعىش رەت مەملەكەتتىك مۇگەدەكتەر ەرەكشە وليمپيادا سپورت جارىسىن بىرلەسىپ وتكىزۋى ٴارى مەملەكەتتىك مۇگەدەكتەر سپورت جارىسى جانە ەرەكشە وليمپيادا سپورت جارىسى تاريحىندا ەكىنشى رەت مەملەكەتتىك سپورت جارىسىمەن سول جىلى ٴبىر جەردە وتكىزىلۋى.
ٴتىلشىنىڭ 12 ـ ايدىڭ 8 ـ كۇنى وتكىزىلگەن اقپار جاريالاۋ ماجىلىسىنەن ۇعىسۋىنشا، وسى كەزەكتى مۇگەدەكتەر سپورت جارىسى جانە ەرەكشە وليمپياداسىندا جيىنى 46 ۇلكەن ٴتۇر ورنالاستىرىلعان، بۇكىل ەلدەگى 34 ۋاكىلدەر ۇيىرمەسىندەگى 7824 سپورتشى جارىسقا قاتىناسۋعا تىزىمدەلگەن، ۋاكىلدەر ۇيىرمەسىنىڭ كولەمى مەن بۇقارالىق تۇرلەرگە تىزىمدەلگەن جارىسقا قاتىسۋشى سپورتشىلاردىڭ سانى تۇگەلدەي تىڭ ورەگە جەتكەن.
ۇيىمداستىرۋ كوميسسياسىنىڭ ۇنەمىلىك ىستەرگە جاۋاپتى ورىنباسار باس حاتشىسى يۇڭ جىجۇن بىلاي دەپ تانىستىردى: وسى رەتكى جارىستا جيىنى 46 ۇلكەن ٴتۇر (6 قىسقى ۇلكەن تۇردەگى جارىس اياقتادى)، 1876 شاعىن ٴتۇر ورنالاستىرىلدى، ول 11 ۇلكەن ٴتۇردى، 131 شاعىن ٴتۇردى، ەرەكشە وليمپيادا ٴتۇرىنىڭ 9 ۇلكەن ٴتۇرىن، 599 شاعىن ٴتۇرىن قامتيدى. گۋاڭدۇڭ جارىس اۋماعى 34 ۇلكەن تۇردەگى جارىستى وتكىزەدى، شياڭگاڭ جارىس اۋماعى 4 ۇلكەن تۇردەگى جارىستى جانە ۇستەل دوپ TT11 دارەجەلى جارىسىن وتكىزەدى، اۋمىن جارىس اۋماعى 2 ۇلكەن تۇردەگى جارىستى وتكىزەدى، گۋاڭدۇڭ، شياڭگاڭ، اۋمىندا جيىنى 11 قالا جارىستى مىندەتىنە الىپ وتكىزۋگە قاتىناسادى. قازىر ٴىشىنارا جارىس باستالدى نەمەسە اياقتالدى، 12 ـ ايدىڭ 8 ـ كۇنىنەن 15 ـ كۇنىنە دەيىن 5398 سپورتشى، 2746 تورەشى، 115 دارەجەگە ٴبولۋشى، 2772 جاتتىقتىرۋشى جانە قىزمەتكەر قاتىناسادى، جالپى كولەمى 11 مىڭ ادامنان اسىپ، الدىڭعى كەزەكتەگىدەن شامامەن %30 ارتادى.
يۇڭ جىجۇن مىنانى ٴبىلدىردى: وسى كەزەكتى مۇگەدەكتەر وليمپياداسىنا دايىندالۋ قىزمەتى ”جاسىل بولۋ، بىرگە يگىلىكتەنۋ، اشىق بولۋ، پاك بولۋ“ سىندى جارىس وتكىزۋ ۇستانىمىنا باستان ـ اياق تاباندى بولدى، ”قاراپايىم، حاۋىپسىز، تارتىمدى بولۋ“ سىندى جارىس وتكىزۋ تالابىن قاتاڭ تياناقتاندىرىپ، 15 ـ كەزەكتى سپورت جارىسىندا ورتاق يگىلىكتەنىپ بىرگە پايدالانعان جارىس الاڭ ـ ساراي قۇرىلعىلارى، تەحنولوگيالىق كۇش، ينفورماتسيا جۇيەسى سياقتىلاردان پرينسيپتىك جاقتان تىڭنان قوسپاي، ۇنەمشىلدىكپەن جارىس وتكىزۋدى جۇزەگە اسىردى.
گۋاڭدۇڭ جارىس اۋماعى اتقارۋ كوميتەتىنىڭ ورىنباسار مەڭگەرۋشىسى چىن شۋەجۇن بىلاي دەپ تانىستىردى: گۋاڭدۇڭ جارىس اۋماعىندا 36 جارىس الاڭ ـ سارايى ورنالاستىرىلدى، مۇنىڭ ىشىندە 22 الاڭ ـ ساراي 15 ـ كەزەكتى مەملەكەتتىك سپورت جارىسىمەن ورتاق پايدالانىلادى. مۇگەدەك سپورتشىلار مەن مۇگەدەك كورەرمەندەردىڭ قاجەتىنە ساي، ”ماڭگىلىك پەن ۋاقىتتىقتى ۇشتاستىرۋ“ ۇلگىسى ارقىلى كەدەرگىسىز ورتانى جاقسارتىپ، جارىس الاڭ ـ سارايلارىندا كەدەرگىسىز ليفت، دوڭگەلەكتى ورىندىقتىڭ كولبەۋ جولى، سوقىرلار جولى سياقتى قۇرىلعىلاردىڭ دەڭگەيىن كوتەرىپ، دوڭگەلەكتى ورىندىق ورنىن، كۇتىمدەۋ ورنىن كوبەيتتى، بۇلاردى جارىستان كەيىن ۇزدىكسىز پايدالانا بەرۋگە بولادى.
چىن شۋەجۇن مىنانى ٴبىلدىردى: عىلىم ـ تەحنولوگيا ارقىلى مۇگەدەكتەرگە كومەكتەسۋ مۇگەدەكتەر ەرەكشە وليمپيادا سپورت جارىسىن وتكىزۋ، جارىسقا قاتىناسۋ، جارىستى تاماشالاۋ سياقتى بۋىنداردا ايگىلەندى، بۇل ساۋىقتىرۋ جاتتىعۋىنىڭ مۇگەدەك سپورتشىلاردىڭ كۇندەلىكتى جاتتىعۋىنا جانە جارىستان كەيىنگى قالپىنا كەلۋىنە عىلمي تىرەك ازىرلەۋى، زەردەلى قوسىمشا جابدىقتاردىڭ مۇگەدەك سپورتشىلار مەن كورەرمەندەردىڭ قيىنشىلىقتى جەڭۋىنە كوپ ولشەمدى كومەك كورسەتۋى سياقتىلاردى قامتيدى.
قازىر جارىس ەرىكتىلەرى ىركەس ـ تىركەس قىزمەت ورىندارىنا كەلىپ، سپورتشىلار مەن كورەرمەندەرگە جارىس ىستەرىنە جول باستاۋ، قول يشاراتىمەن پىكىرلەسۋ سياقتى قىزمەت كورسەتىپ، قامتاماسىز ەتۋ جۇمىستارىن جۇرگىزۋدە. تەك گۋاڭدۇڭ جارىس اۋماعىنىڭ وزىندە 15 مىڭ جارىس ەرىكتىسى قىزمەت وتەۋگە قاتىناستى.
شياڭگاڭ جارىس اۋماعىن ٴبىر تۇتاس جوسپارلاۋ كەڭسەسىنىڭ مەڭگەرۋشىسى ياڭ دىچياڭ بىلاي دەدى: شياڭگاڭ جارىس اۋماعىنداعى تۇڭعىش جارىس ٴتۇرى ەرەكشە وليمپيادا ۇستەل دوپ جارىسى 12 ـ ايدىڭ 6 ـ كۇنى باستالدى، قاتتى جەردە دوپ دومالاتۋ جانە دوڭگەلەكتى ورىندىقتاعى سەمسەر جارىسى 12 ـ ايدىڭ 9 ـ كۇنى باستالادى، مۇگەدەكتەر وليمپياداسىنىڭ ۇستەل دوپ TT11 جارىسى 12 ـ ايدىڭ 11 ـ كۇنى باستالادى. ”ٴبىز ’قاراپايىم، حاۋىپسىز، تارتىمدى بولۋ‘ سىندى جارىس وتكىزۋ پرينسيبىن ۇستانىپ، گۋاڭدۇڭ، اۋمىنمەن قول ۇستاسا بىرگە ىلگەرىلەپ، ٴبىر نيەتپەن ارمانعا قانات قاعىپ، تىرشىلىك كۇشى مەن دەنە تاربيە رۋحىن ايگىلەيتىن تاماشا سالتاناتتى ىستەردى كۇش بىرىكتىرە وتكىزەمىز“.
ۇيىمداستىرۋ كوميسسياسىنىڭ ورىنباسار مەڭگەرۋشىسى، اۋمىن ەرەكشە اكىمشىلىك رايونى ۇكىمەتى قوعامدىق مادەنيەت مەكەمەسىنىڭ باستىعى كى لان مىنانى ٴبىلدىردى: اۋمىن الدەقاشان بارلىق دايىندىقتى تولىق جاساپ، شار تاراپتان كەلگەن ساڭلاقتاردىڭ جارىس الاڭىندا ارمانعا قۇلاش سەرمەپ، ونەرلەرىن ايگىلەۋىن قارسى الادى. ”مۇگەدەك سپورتشىلاردىڭ بارىنە ’شامگۇلدى ىرىستى ولكەنىڭ‘ مەيىرىن سەزىندىرەدى، ٴاربىر تاباندىلىق پەن سۇيىسپەنشىلىكتىڭ قۇرمەتكە جانە القاۋعا يە بولۋىنا مۇمكىندىك جاسايدى“.
