ەرىكتىلەردىڭ ”بولماشى ساۋلەسى“ توعىسىپ، قالانىڭ جىلى اعىسىن قالىپتاستىردى
انار بۇلت \ شينجياڭ گازەتىنىڭ ٴتىلشىسى ۋي حۇڭپيڭ
”شاعىن اۋماقتا قارتتار مەن بالالار كوپ، دەرەۋ نەگىزگى جولداعى قاردى تازالاۋ كەرەك“. 12 ـ ايدىڭ 9 ـ كۇنى قار باسىلا بەرە ٴۇرىمجى قالاسى سايباق رايونى پيڭديڭشان ٴمالىسى پيڭديڭشان الەۋمەتتىك اۋماعىنداعى ەرىكتىلەر قاراستى اۋماقتاعى كوشە بويىنداعى قاسات قارلاردى تازالاۋمەن قاربالاس بولدى.
”قاي جەر قاجەت ەتسە، ٴبىز سول جەردەن تابىلامىز“. ەرىكتى ليۋ ليڭليڭ بىلاي دەدى: ەرىكتى قىزمەت وتەۋ قاراپايىم بوداۋ بەرۋ ەمەس، قايتا ٴبىر ٴتۇرلى جاۋاپكەرشىلىك ارقالاۋ، رۋحاني وركەنيەتتى جالعاستىرۋ سانالادى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە ەرىكتى قىزمەت وتەۋدى دامىتىپ، ەرىكتى قىزمەت وتەۋدى ۇيىمدىق باسقارۋدى كۇشەيتۋ ورتاعا قويىلدى. ٴۇرىمجى قالاسى سايباق رايونىنداعى الەۋمەتتىك اۋماقتاردا ۇدايىلانعان ەرىكتى قىزمەت وتەۋدى كەزكەلگەن جەردەن كەزدەستىرۋگە بولادى، ”ۋاقىت بولسا ەرىكتى بولۋ، قيىنشىلىق بولسا ەرىكتىلەردى ىزدەۋ“ الەۋمەتتىك اۋماقتاعى جاڭا سالتقا اينالدى.
سايباق رايوندىق پارتكوم قوعامدىق قىزمەت ٴبولىمىنىڭ ورىنباسار باستىعى فارۇح زاينيدين بىلاي دەپ تانىستىردى: سايباق رايونى ”ۇدايىلانعان قىزمەت وتەۋمەن نەگىز قالاۋعا، ٴتۇيىن بويىنشا ۇگىتتەپ ونىمدىلىكتى جوعارىلاتۋعا“ باستان ـ اياق تاباندى بولىپ، ”سۇيىسپەنشىلىك سايباق رايونىندا“ ەرىكتى قىزمەت وتەۋ ماركاسىن جاراتىپ، جەلىلەس قيمىلداردى باستاپ، ەرىكتىلەر رۋحىن قاراستى اۋماقتىڭ ٴاربىر بۇرىشىنا ٴسىڭىردى. بيىل جالپى 6000نان استام ٴتۇرلى ەرىكتى قىزمەت وتەۋ قيمىلى ورىستەتىلىپ، قىزمەت وتەۋ 100 مىڭنان استام ادامدى (رەت) قامتىپ، ەرىكتى قىزمەت وتەۋ قيمىلىنىڭ نەگىزگى ساتىنى باسقارۋدىڭ ماڭىزدى تىرەگىنە اينالۋىن ىلگەرىلەتتى.
سىرتتا ىزعارلى بوران سوعىپ تۇرعانىمەن، ٴۇيدىڭ ٴىشى جىلى مەيىرگە تولدى، پيڭديڭشان ٴمالىسى توۋگۇڭ الەۋمەتتىك اۋماعىنداعى 87 جاستاعى قاريا جىڭ ياۋپىڭنىڭ ۇيىندە، ”بولماشى ساۋلە“ ەرىكتىلەر قىزمەت وتەۋ اترەتىندەگى بىرنەشە جاس جىگىت قارياعا كومەكتەسىپ تازالىق ىستەپ بولعاننان كەيىن، بىرگە اڭگىمە دۇكەنىن قۇرىپ، قاريانىڭ باستان كەشكەن شۇعىلالى ساتتەرى جونىندەگى اڭگىمەسىن تىڭدادى.
”ادام قارتايعاندا دۋماندى ورتانى ۇناتادى ەكەن، قاقاعان ايازدا سىرتقا شىعۋ قولايسىز بولعاندىقتان، بالالار ۇيگە كەلىپ مەنىمەن اڭگىمەلەسەدى، ونىڭ ۇستىنە ٴۇي جۇمىستارىما كومەكتەسەدى، توتەنشە جان اشىر“، ـ دەدى جىڭ ياۋپىڭ كۇلە.
اڭگىمەلەسۋ بارىسىندا قارياعا سەرىك بولىپ اڭگىمەلەسۋ بىرتىندەپ قاريانىڭ اڭگىمە ايتۋىنا اينالدى. ”شينجياڭعا العاش كەلگەن كەزىمدە تۇرمىستىق زاتتىق ماتەريالدار تاپشى، تۇرمىس توتەنشە جاپالى بولدى، قازىر قانداي جاقسى، قىستىڭ كۇندەرى دە شار تاراپتان كەلگەن جەمىس ـ جيدەك، كوكونىستەردەن نە جەگىڭ كەلسە سونى ساتىپ الۋعا بولادى“. جىڭ ياۋپىڭ تاعى قولىمەن يشاراتتاپ قاجىرلىلىقپەن كۇرەس جۇرگىزگەن جىلداردى ايتقاندا ٴالى دە كوكىرەگىن اسقاق سەزىم كەرنەيدى.
پيڭديڭشان ٴمالىسى توۋگۇڭ الەۋمەتتىك اۋماعى پارتكومىنىڭ شۋجيى جىڭ جياڭلي بىلاي دەدى: ”ٴبىز سەرىك بولۋ ارقىلى قارتتاردىڭ قۇلازىعان كوڭىلىن مەيىرگە بولەۋمەن بىرگە، ولاردىڭ اڭگىمەسىن تىڭداۋ بارىسىندا ٴبىز دە شابىت الدىق“.
”بولماشى ساۋلە“ ەرىكتى قىزمەت وتەۋ اترەتى تاعى ”ادەبيەت ـ كوركەمونەر كونسەرتى + مەيىرباندىقپەن سەرىك بولۋ + مەيىرلى قىزمەت وتەۋى + سۋرەت ـ كينو ارقىلى قارتتاردى قۇرمەتتەۋ“ سىندى 4 ولشەمدى ۇلگىنى جاسامپازدىقپەن العا قويىپ، الەۋمەتتىك اۋماقتاعى قارتتارعا ”بىرگە ٴبىر“ تاپسىرىستىق قىزمەت وتەدى.
قوسىننان بوساعان اسكەري شۇي گوپيڭ 10 جىلدى ٴبىر كۇندەي وتكىزىپ، سايباق رايونى 1 ـ تامىز ٴمالىسى گۋچىڭ سولتۇستىك الەۋمەتتىك اۋماعىندا تاپجىلماي قىزمەت ىستەدى، ونىڭ باستاۋىمەن سالىنعان ”ساقا اسكەرلەر الەۋمەتتىك يگىلىك ۋاقىت ەستەمە سارايىندا“ 800دەن استام قىزىل ساقتاۋلى بۇيىم ساقتالىپ، ٴاربىرى ٴبىر بولىك تاريحتى، ەستەمەنى ارقالاپ، ”سۇيىسپەنشىلىك سايباق رايونىندا“ ماركاسىنا تەرەڭ قىزىل ٴتۇس نەگىزىن ۇستەدى.
فارۇح مىنالاردى ٴبىلدىردى: ”سۇيىسپەنشىلىك سايباق رايونىندا“ ەرىكتى قىزمەت وتەۋ ماركاسى قۇرىلىسىن ۇزدىكسىز تەرەڭدەتىپ، ەرىكتى قىزمەت وتەۋ مەن قوعامدىق قىزمەتتىڭ ىشكەرىلەي توعىسۋىن ىلگەرىلەتىپ، ”كاسىپتىك قوعامدىق قىزمەت + ەرىكتىلەر“ سايكەسۋ باسىمدىعىن تولىق ساۋلەلەندىرىپ، بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شىنايى شەشىپ، ەرىكتىلەردىڭ مەيىرىنىڭ نەگىزگى ساتى قوعامىن باسقارۋعا سارقىلماس كۇش ۇستەۋىنە مۇمكىندىك جاسايمىز.
