زەيىن ـ زەردەنى، كۇش ـ قۋاتتى شوعىرلاندىرىپ، شىنايى يگەرىپ ناقتى ىستەپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتەيىك
— اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
گازەتىمىزدىڭ شولۋشىسى
”14 ـ بەسجىلدىق“ اياقتالۋ الدىندا، ”15 ـ بەسجىلدىق“ باستالۋ الدىندا تۇر. شەشۋشى ساتتە، ماڭىزدى تۇيىندە اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسى اشىلدى، ورتالىقتىڭ ەكونوميكالىق قىزمەت ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، 2025 ـ جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2026 ـ جىلعى ەكونوميكالىق قىزمەتتى ورنالاستىرۋ ٴبىزدىڭ يدەيانى ونان ارى بىرلىككە كەلتىرىپ، سەنىمدى بەكەمدەپ، ”15 ـ بەسجىلدىقتىڭ“ باستاما جىلىنداعى ەكونوميكالىق قىزمەتتى تىڭعىلىقتى جاقسى ىستەۋىمىز جونىنەن ماڭىزدى ٴمان الادى.
باس ارقاۋدى تارتساڭ، باسقا تور كوزدەرى تۇگەل اشىلادى. تاياۋدا اشىلعان ورتالىقتىڭ ەكونوميكالىق قىزمەت ماجىلىسىندە كەلەر جىلعى ەكونوميكالىق قىزمەتتىڭ جالپى تالابى مەن ساياساتتىق بەتالىسى ايقىندالىپ، ”15 ـ بەسجىلدىق“ مەزگىلىندە قولايلى ساتتەن پايدالانىپ العا ۇمتىلىپ، جاقسى باستاما اشۋعا، جاقسى قادام تاستاۋعا عىلمي جەتەكشىلىك ازىرلەدى. ٴبىز ورتالىقتىڭ ەكونوميكالىق قىزمەت ٴماجىلىسىنىڭ رۋحىن تەرەڭ ٴتۇسىنىپ، جوعارى ساپالى دامۋ سىندى نەگىزگى تاقىرىپتى ويداعىداي يگەرىپ، جاڭا دامۋ ارناسىن قالىپتاستىرۋ سىندى ستراتەگيالىق مىندەتتى ويداعىداي يگەرىپ، حالىق تۇرمىسىن قامتاماسىز ەتۋ جانە جاقسارتۋ سىندى ەكونوميكالىق دامۋدىڭ شىعار ٴتۇيىنى مەن تابان تىرەر تياناعىن ويداعىداي يگەرىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، كەلەر جىلعى ەكونوميكالىق قىزمەتتى شىندىقتى ٴىس جۇزىنەن ىزدەي وتىرىپ جوسپارلاپ ىلگەرىلەتۋىمىز كەرەك.
باسىپ وتكەن جولدارىمىزعا قايىرىلا قاراساق، كەۋدەمىزدى ماقتانىش سەزىمى كەرنەيدى. 2025 ـ جىل — شينجياڭنىڭ دامۋ بارىسىنداعى بەلەستىك مانگە يە ٴبىر جىل. باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسىپ، جاڭا باستامادا شينجياڭ قىزمەتىن ويداعىداي ىستەۋگە تاماشا جوبا جاساپ، سوتسياليستىك وسىزاماندانعان شينجياڭ قۇرۋ جاڭا جورىعىن اشتى. ٴبىر جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەل حالقىنىڭ قولداۋىندا، كومەگىندە، اۆتونوميالى رايوندىق پارتكوم تۇتاس رايونداعى ٴار ۇلت كادرلارىن، بۇقاراسىن ىنتىماقتاستىرىپ، باستاپ، جاڭا دامۋ ۇستانىمىن بۇلجىماي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتتى، قوعامدىق كەلەلى جاعداي ٴۇرتىس ورنىقتىلىقتى ساقتاپ، ساياساتتىڭ پايداسى مەن دامۋدىڭ قوزعالىس قۋاتى ۇزدىكسىز جارىققا شىعىپ، ەكونوميكالىق اينالىم ورنىقتىلىق بارىسىندا ىلگەرىلەپ، ورنىقتىلىق بارىسىندا جاقساردى. وتكەن بەس جىلدا رايونىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مادەنيەت ناقتى قۋاتى، جالپىلىق باسەكەلىك قۋاتى جانە حالىق تۇرمىسى دەڭگەيى تىڭ ساتىعا كوتەرىلىپ، ”15 ـ بەسجىلدىقتىڭ“ ٴساتتى باستالۋىنا بەرىك نەگىز قالاندى.
”15 ـ بەسجىلدىق“ مەزگىلى نەگىزدى بەكەمدەيتىن، جاپپاي كۇش سالاتىن شەشۋشى مەزگىل. شينجياڭنىڭ دامۋى قاتاڭ دا كۇردەلى جاعدايعا ٴدوپ كەلىپ وتىر، وراي مەن سىن ـ سايىس قاتار ٴومىر ٴسۇرىپ وتىر، الايدا، جالپى العاندا، وراي سىن ـ سايىستان كوپ، ٴتيىمدى شارت ـ جاعداي ٴتيىمسىز فاكتورلاردان كۇشتى. ستراتەگيالىق تاباندىلىقتى ساقتاپ، تاريحي ىرىقتىلىق رۋحىمەن ورنىقتىلىقتى ساقتاپ، دامۋدى جەبەپ، حاۋىپ ـ قاتەرگە توتەپ بەرىپ، سىن ـ سايىستارعا قارسى اتتانساق، ٴبىزدىڭ اناعۇرلىم زور ىسكەرلىكتى جۇزەگە اسىرۋعا جىگەرىمىز، قابىلەتىمىز قاپتال جەتەدى، سەنىمىمىز بار. ٴار دارەجەلى تاراۋلار نازاردى، كۇش ـ قۋاتتى اۆتونوميالى رايوننىڭ كەلەر جىلعى ەكونوميكالىق قىزمەتىنىڭ جالپى تالابىنا، نىسانا ـ مىندەتتەرىنە، ساياسات ـ شارالارىنا شوعىرلاندىرىپ، تۇلعالىق جاۋاپكەرشىلىكتى بەرىك ارقالاپ، ساياسي بورىشتى باتىلدىقپەن ارقالاپ، مەملەكەتتىڭ قاجەتىن، شينجياڭنىڭ قابىلەتىن، بۇقارانىڭ ارمان ـ تىلەگىن ارقاۋ ەتىپ دايەكتىلەندىرۋدى، تياناقتاندىرۋدى مىقتى يگەرىپ، اۆتونوميالى رايون بەلگىلەگەن جىلدىق قىزمەت نىساناسىن بار كۇشپەن جۇزەگە اسىرۋى كەرەك.
ەكونوميكالىق قىزمەت سان سالالى، ماڭىزدى ٴتۇيىندى يگەرگەندە عانا نەگىز يگەرىلىپ، باسقا ىستەرگە جول اشىلادى. تومەنگى شەكتى بەرىك ساقتاۋعا تاباندى بولىپ، ٴتۇيىندى سالالارداعى حاۋىپ ـ قاتەرلەردى بەلسەندى، ورنىقتى تۇردە جويۋ كەرەك؛ ىشكى سۇرانىستى جەتەكشى ەتۋگە تاباندى بولىپ، تۇتىنۋدى بار كۇشپەن جەبەۋ مەن ٴونىمدى قارجى قوسۋدى كەڭەيتۋدى ٴبىر تۇتاس جوسپارلاۋ كەرەك؛ جاڭالىق اشۋ ارقىلى دەم بەرۋگە تاباندى بولىپ، وسىزاماندانعان كاسىپ سالاسى جۇيەسىن جەدەل قۇرۋ كەرەك؛ رەفورمادا قامال الۋعا تاباندى بولىپ، جوعارى ساپالى دامۋدىڭ ىشكى قوزعاۋشى كۇشىن، ومىرشەڭ كۇشىن ارتتىرۋ كەرەك؛ ەسىك اشۋدى كەڭەيتۋگە تاباندى بولىپ، ەل ٴىشى جانە حالىقارا سىندى قوس اينالىمعا اناعۇرلىم ويداعىداي قىزمەت ەتۋ جانە توعىسۋ كەرەك؛ سايكەستى دامۋعا تاباندى بولىپ، قالا مەن اۋىلدىڭ توعىسۋىن جانە وڭىرلەردىڭ بىرلەسىپ قيمىلداۋىن جەبەۋ كەرەك؛ ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى“ جەتەكشى ەتۋگە تاباندى بولىپ، ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتۋ كەرەك؛ حالىق تۇرمىسىن بارىنەن ماڭىزدى دەپ قاراۋعا تاباندى بولىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتۋ كەرەك.
ٴىس تىندىرىپ، قىزمەت ىستەگەندە، ٴارى ۇلكەن بەتالىستى ايقىنداۋ، ٴارى دالمە ـ ٴدال تياناقتاندىرۋ كەرەك. ماسەلەنى باعدار ەتۋگە تاباندى بولىپ، قىزمەت شارالارىن ەگجەي ـ تەگجەيلىلەندىرىپ، شەشۋشى تۇيىندەر مەن قامال الۋ تۇيىندەرىن ٴداپ باسىپ تاۋىپ، كەلەر جىلعى ەكونوميكالىق قىزمەتتەگى ٴتۇيىندى مىندەتتەردىڭ تياناقتانىپ ونىمدىلىك كورسەتۋىن ىلگەرىلەتۋ كەرەك. ىشكى سۇرانىستى كەڭەيتۋدى ارقاۋ ەتىپ، تۇتىنۋدى جەبەۋ جانە قارجى قوسۋدى كەڭەيتۋ سەرپىنىن ارتتىرۋ كەرەك؛ وسىزاماندانعان كاسىپ سالاسى جۇيەسىن قۇرۋدى ارقاۋ ەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋ كەرەك؛ جوعارى ساپالى دامۋدىڭ قوزعاۋشى كۇشىن، ومىرشەڭ كۇشىن كۇشەيتۋدى ارقاۋ ەتىپ، رەفورما جاساۋدى، ەسىك اشۋدى ونان ارى جاپپاي تەرەڭدەتۋ كەرەك؛ وڭىرلەردىڭ سايكەستى دامۋىن جەبەۋدى ارقاۋ ەتىپ، وڭتۇستىك شينجياڭ سىندى ”شاحمات كوزىن“ كۇش سالا جانداندىرىپ، بيڭتۋان مەن جەرگىلىكتى ورىننىڭ توعىسۋىن جەبەۋ كەرەك؛ جۇرت تىلەگىن ۇيىستىرۋعا كۇش سالۋدى ارقاۋ ەتىپ، حالىق تۇرمىسىن قامتاماسىز ەتۋگە جانە جاقسارتۋعا ۇزدىكسىز كۇش سالۋ كەرەك؛ حاۋىپسىزدىك تومەنگى شەگىن ساقتاۋدى ارقاۋ ەتىپ، ٴتۇرلى حاۋىپ ـ قاتەرلەردەن، كومەسكى كىناراتتاردان ساقتانۋ جانە ونى جويۋ كەرەك.
پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ — ەكونوميكالىق قىزمەتتى ويداعىداي ىستەۋدىڭ ٴتۇبىرلى كەپىلى. پارتيانىڭ باسشىلىعىن جوعارى ساپالى دامۋدىڭ تۇتاس بارىسىنا، ٴار جاعىنا سىڭىرۋگە تاباندى بولىپ، پارتيانىڭ ەكونوميكالىق قىزمەتكە باسشىلىق ەتۋ قابىلەتى مەن دەڭگەيىن شىنايى جوعارىلاتىپ، ٴتۇزىم ابزالدىلىعىن باسقارۋ ونىمدىلىگىنە اينالدىرۋ كەرەك.
بوران ـ شاشىننىڭ شىڭداۋىنان ٴوتىپ، تار جول، تايعاق كەشۋلەردى باستان كەشىرگەندە، بولاشاق، ٴسوز جوق، ايبىندى كورىنىستەرگە تولادى. ٴبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، زەيىن ـ زەردەنى، كۇش ـ قۋاتتى ۇيىستىرىپ، شىنايى يگەرىپ ناقتى ىستەپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، جاڭا باستامادا قۇلشىنا سوتسياليستىك وسىزاماندانعان شينجياڭ قۇرايىق.
