سەنىمدى بەكەمدەپ، كەلەر جىلعى ەكونوميكالىق قىزمەتتى ويداعىداي ىستەيىك
— اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
گازەتىمىزدىڭ شولۋشىسى
”14 ـ بەسجىلدىق“ تولىق تابىسپەن اياقتالىپ، ”15 ـ بەسجىلدىق“ باستالۋ الدىندا تۇرعان ماڭىزدى تاريحي ساتتە، اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسى اشىلىپ، 2025 ـ جىلعى ەكونوميكالىق قىزمەتتى قورىتىندىلاپ، شينجياڭ ٴدوپ كەلگەن ەل ٴىشى ـ سىرتى جاعدايىنا جانە ٴوز ارتىقشىلىعى مەن شارت ـ جاعدايىنا عىلمي تالداۋ جاساپ، 2026 ـ جىلعى ەكونوميكالىق قىزمەتتى ورنالاستىرىپ، ٴبىزدىڭ ”15 ـ بەسجىلدىقتىڭ“ باستاما جىلىندا ەكونوميكالىق قىزمەتتى ويداعىداي ىستەۋ سەنىمىمىز بەن بەكىمىمىزدى ونان ارى نىعايتتى.
سەنىم تيانشان الابىنىڭ كۇن سايىن جاڭارعان دامۋ ناتيجەسىنەن كەلدى. 2025 ـ جىلى تەرەڭ دە كۇردەلى دامۋ ورتاسى الدىندا پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم تۇتاس رايونداعى ٴار ۇلت كادرلارى مەن بۇقاراسىن ىنتىماقتاستىرىپ، باستاپ، جاڭا دامۋ ۇستانىمىن بۇلجىماي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتتى، قوعامدىق كەلەلى جاعدايدىڭ ٴۇرتىس ورنىقتىلىعى ساقتالىپ، ساياساتتىڭ پايداسى مەن دامۋ قوزعالىس قۋاتى ۇزدىكسىز جارىققا شىعىپ، ەكونوميكالىق اينالىم ورنىقتىلىق بارىسىندا ىلگەرىلەدى، ورنىقتىلىق بارىسىندا جاقساردى. وتكەن بەس جىلدا رايونىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مادەنيەت ناقتى قۋاتى، جالپىلىق باسەكەلىك قۋاتى جانە حالىقتىڭ تۇرمىس ورەسى تىڭ ساتىعا كوتەرىلدى. اماليات شينجياڭنىڭ ەكونوميكالىق دامۋى حاۋىپ ـ قاتەرگە توتەپ بەرە الاتىن قۋاتتى سەرپىمدىلىككە، سەرپىلىس جاساپ قارىشتايتىن وراسان زور كومەسكى كۇشكە يە ەكەندىگىن پارمەندى دالەلدەدى. بۇگىنگى تاڭدا جينالىپ قالىپتاسقان بەرىك نەگىز، ٴسوز جوق، ”15 ـ بەسجىلدىقتاعى“ ەكونوميكالىق دامۋدىڭ ٴتۇرلى حاۋىپ ـ قاتەرگە، سىن ـ سايىسقا توتەپ بەرىپ، ٴتۇرلى دامۋ ورايىن مىقتى يگەرۋىنە جەتكىلىكتى ”قور“ جينايدى، نەگىزدى بەكەمدەيدى.
سەنىم ەكونوميكالىق قىزمەتتى ويداعىداي ىستەۋدەگى قىمباتتى تاجىريبەدەن كەلدى. ”14 ـ بەسجىلدىققا“ قايىرىلا قاراساق، تۇتاس رايوننىڭ ەكونوميكالىق، قوعامدىق دامۋىندا قول جەتكەن ناتيجەلەر كىسىنى جىگەرلەندىرەدى، تاجىريبەلەر ەرەكشە باعالى. ”ەكىنى تۇراقتاندىرۋ“ — ٴبىزدىڭ بارلىق جاپا ـ ماشاقاتتى، قيىنشىلىقتى، حاۋىپ ـ قاتەردى، كەدەرگىنى جەڭۋدەگى، بارلىق ايقىنسىزدىققا توتەپ بەرۋدەگى ەڭ زور ايقىندىلىعىمىز، ەڭ زور سەنىمىمىز، ەڭ زور كەپىلىمىز؛ جاڭا داۋىردەگى پارتيانىڭ شينجياڭدى باسقارۋ جالپى جوباسى شينجياڭ قىزمەتىنىڭ قىم ـ قۋىت، كۇردەلى بارىستا تۋراشىلدىقتان اينىماي جاڭالىق اشۋىنا، قايشىلىق، حاۋىپ ـ قاتەر ىشىندە جەڭىسپەن العا باسۋىنا جەتەكشىلىك ەتەتىن قۋاتتى يدەيالىق قارۋ؛ شينجياڭ قول جەتكىزگەن دۇنيە ٴجۇزىن جالت قاراتقان دامۋ جەتىستىكتەرى ۇلت ماسەلەسىن شەشۋدىڭ جۇڭگوشا دۇرىس جولىنىڭ قۋاتتى ومىرشەڭ كۇشىن تولىق ايگىلەدى؛ شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ورىنعا يە، ول مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ كەلەلى جاعدايىنا سايادى. وسى تاجىريبەلەر اۆتونوميالى رايوندىق پارتكومنىڭ ەكونوميكانىڭ دامۋىن ىلگەرىلەتۋ امالياتىن تەرەڭ تانۋى بولىپ، ٴبىزدىڭ شينجياڭنىڭ ٴىس جۇزىندىگىنە ۇيلەسەتىن جوعارى ساپالى دامۋ جولىمەن بۇلجىماي جۇرۋىمىزگە ماڭىزدى تانىم نازارياسىن جانە ادىستەمە ازىرلەدى.
سەنىم كەزەكتەگى جاعدايعا عىلمي تۇجىرىم جاساۋدان كەلدى. ”15 ـ بەسجىلدىق“ مەزگىلى نەگىزدى بەكەمدەيتىن، جاپپاي كۇش سالاتىن شەشۋشى مەزگىل. شينجياڭنىڭ دامۋى قاتاڭ دا كۇردەلى جاعدايعا ٴدوپ كەلىپ وتىر، وراي مەن سىن ـ سايىس قاتار ٴومىر سۇرۋدە، الايدا جالپى العاندا، وراي سىن ـ سايىستان كوپ، ٴتيىمدى شارت ـ جاعداي ٴتيىمسىز فاكتورلاردان كۇشتى. پارتيا ورتالىق كوميتەتى شينجياڭعا بەلگىلەگەن مەملەكەت جالپى جاعدايىنداعى ”بەس ۇلكەن ستراتەگيالىق ورىن“ شينجياڭنىڭ دامۋىنا بۇرىن بولماعان وراي اكەلدى؛ مەملەكەتتىڭ باتىسقا ەسىك اشۋىنا جانە جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ىشكەرىلەي ىلگەرىلەتىلۋىنە ىلەسە، شينجياڭنىڭ ”5 شەكارا وتكەلى 8 ەلگە تۇتاساتىن، ٴبىر جولى ەۆروپا مەن ازيانى جالعايتىن“ وڭىرلىك ورىن باسىمدىعى كۇن سايىن كورنەكتىلەنۋدە؛ شينجياڭعا باعىتتامالى كومەكتەسۋ شينجياڭنىڭ ٴۇرتىس دامۋىنىڭ نەگىزىن بەكەمدەدى... تەك ٴار جاقتاعى باسىمدىقتى جوعارى ساپالى دامۋدىڭ ٴىس جۇزىندىك ونىمدىلىگىنە اينالدىرعاندا عانا سوتسياليستىك وسىزاماندانعان شينجياڭ قۇرىلىسىنىڭ جاڭا تاراۋىن ۇزدىكسىز جازۋعا بولادى.
قازىر جونىنەن سەنىمىمىز بار، بولاشاق جونىنەن ٴتىپتى دە سەنىمىمىز بار. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، ستراتەگيالىق ٴتيىمدى شارت ـ جاعدايدى بارىنشا ويداعىداي يگەرىپ، قيىن ـ قىستاۋ جاعدايدا دۇرىس بەتالىستى مىقتاپ يگەرىپ، حاۋىپ ـ قاتەر، سىن ـ سايىس الدىندا ۇدەرە العا تارتىپ، ىرىقتىلىقتى مىقتاپ يگەرىپ، شينجياڭ دامۋىنىڭ كوركەم بولاشاعىن قۇلشىنا اشايىق.
