كەلەر جىلعى ەكونوميكالىق قىزمەتتىڭ ٴتۇرلى مىندەتتەرىن تياناقتاندىرۋعا، ناقتىلاندىرۋعا شىنايى كەپىلدىك ەتەيىك
— اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
گازەتىمىزدىڭ شولۋشىسى
تاماشا باستاما جارتىلاي تابىسقا جەتكەندىك سانالادى. ”15 ـ بەسجىلدىق“ دامۋ جوباسى ورىستەتىلۋ الدىندا تۇر، باستالۋ جىلىندا ەكونوميكالىق قىزمەتتى قالاي ىستەۋ كەرەك؟ اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسى ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋدى كوزدەپ، ٴبىر قىدىرۋ دامۋ مىندەتتەرىن ورنالاستىردى، كەلەر جىلعى ەكونوميكالىق قىزمەتتى ويداعىداي ىستەۋ ٴۇشىن نەگىزگى قامال الۋ بەتالىسىن ايقىندادى، اماليات جولىن نۇسقادى. جوبا جاسالدى، دابىل جورىققا شاقىرۋدا. ٴبىز ٴماجىلىس ورنالاستىرعان ٴتۇرلى مىندەتتەردى مىقتاپ ارقاۋ ەتىپ، قىزمەتتى بايىپتىلىقپەن ىستەپ، ۇزدىكسىز كۇش سالىپ، ٴتۇرلى قىزمەتتى ەگجەي ـ تەگجەيلى يگەرىپ، ناقتى يگەرىپ، يگەرۋدەن ونىمدىلىك شىعارۋعا ۇمتىلۋىمىز كەرەك.
قىزمەت ىستەۋدىڭ ماڭىزدىلىعى تياناقتاندىرۋدا، قيىندىعى دا تياناقتاندىرۋدا. كەزەكتە ٴتۇرلى مىندەت ايقىندالعانىمەن، ەكونوميكالىق قىزمەت سان سالالى، تەپە ـ تەڭ كۇش سالىپ، تەگىس قامتۋعا بولمايدى، ٴبارىن ٴبىر تاياقپەن ايداپ، جۇيەسىز ىستەۋگە دە بولمايدى، ٴسوز جوق، عىلمي، ۇتىمدى ٴادىستى يگەرۋ كەرەك. كەلەر جىلعى ەكونوميكالىق قىزمەت مىندەتىن تياناقتاندىرۋدا، ٴسوز جوق، ”كوپىر“ مەن ”قايىقتى“ دالمە ـ ٴدال تابۋ كەرەك، وسىنداي بولعاندا عانا اياق الىستى ىلگەرىلەتۋ تىڭعىلىقتى، ىركىلىسسىز بولادى، تياناقتاندىرۋ، ناقتىلاندىرۋ پارمەندى، ٴونىمدى بولادى.
مىندەتتى تياناقتاندىرۋدى ويداعىداي يگەرۋدە، ٴسوز جوق، جۇيە وي جەلىسىنە تاباندى بولىپ، سايكەستى ىلگەرىلەتۋ كەرەك. پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، جاڭا دامۋ ارناسىنا بەلسەنە قىزمەت وتەپ جانە توعىسىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكالىق قىزمەت پەن شينجياڭعا ساياتىن سىرتقى كۇرەستى اناعۇرلىم ويداعىداي ٴبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، مەملەكەتتىڭ اناعۇرلىم بەلسەندى، ۇتىمدى ماكرولىق ساياساتتارىن تياناقتاندىرىپ، ساياساتتىڭ بولجامدىلىعىن، باعىتتامالىلىعىن، سايكەسىمدىلىگىن كۇشەيتىپ، ىشكى سۇرانىستى ۇزدىكسىز كەڭەيتىپ، قامداۋدى ساپالىلاندىرىپ، ساپانى جاقسارتىپ، مولشەردى ارتتىرىپ، بۇرىننان بارىن جانداندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، مەملەكەتتىك ٴبىر تۇتاس ۇلكەن بازارمەن جەدەل توعىسىپ، ٴتۇيىندى سالالارداعى حاۋىپ ـ قاتەرلەردەن ۇزدىكسىز ساقتانىپ جانە ونى جويىپ، جۇمىستاندىرۋدى ورنىقتىرۋعا، كاسىپورىندى ورنىقتىرۋعا، بازاردى ورنىقتىرۋعا، مەجەنى ورنىقتىرۋعا كۇش سالىپ، وڭتۇستىك شينجياڭنىڭ دامۋىن كورنەكتى ورىنعا قويىپ، بيڭتۋان مەن جەرگىلىكتى ورىننىڭ توعىسا دامۋىن ىلگەرىلەتىپ، ەكونوميكانىڭ ساپا جاعىندا ٴونىمدى جوعارىلاۋىن جانە سان جاعىندا ۇيلەسىمدى ارتۋىن ىلگەرىلەتىپ، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتىلىعىن ساقتاۋ كەرەك. جالپى جاعدايدى تياناق ەتىپ، جالپى تۇلعالىق تالاپتى انىق تۇسىنگەندە عانا ”جەكە دارا ۇدەرە ىلگەرىلەۋدەن“، ”ٴبىر جاعىنا ٴمان بەرىپ، ٴبىر جاعىن قاعىس قالدىرۋدان“ ساقتانۋعا بولادى.
مىندەتتى تياناقتاندىرۋدى ويداعىداي يگەرۋدە، ٴسوز جوق، تەتىكتى يگەرىپ، ماڭىزدى ٴتۇيىندى كورنەكتىلەندىرۋ كەرەك. تومەنگى شەكتى بەرىك ساقتاۋعا تاباندى بولىپ، ٴتۇيىندى سالالارداعى حاۋىپ ـ قاتەرلەردى بەلسەندى، ۇيلەسىمدى جويۋ؛ ىشكى سۇرانىستى جەتەكشى ەتۋگە تاباندى بولىپ، تۇتىنۋدى بار كۇشپەن جەبەۋ مەن ٴونىمدى قارجى قوسۋدى كەڭەيتۋدى ٴبىر تۇتاس جوسپارلاۋ؛ جاڭالىق اشۋ ارقىلى دەم بەرۋگە تاباندى بولىپ، وسىزاماندانعان كاسىپ سالاسى جۇيەسىن جەدەل قۇرۋ؛ رەفورمادان قامال الۋعا تاباندى بولىپ، جوعارى ساپالى دامۋدىڭ ىشكى قوزعاۋشى كۇشىن، ومىرشەڭ كۇشىن ارتتىرۋ؛ ەسىك اشۋدى كەڭەيتۋگە تاباندى بولىپ، ەل ٴىشى جانە حالىقارا سىندى قوس اينالىمعا اناعۇرلىم ويداعىداي قىزمەت وتەۋ جانە توعىسۋ؛ سايكەستى دامۋعا تاباندى بولىپ، قالا مەن اۋىلدىڭ توعىسۋىن جانە وڭىرلەردىڭ بىرلەسىپ قيمىلداۋىن جەبەۋ؛ ”كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى“ جەتەكشى ەتۋگە تاباندى بولىپ، ەكونوميكالىق، قوعامدىق دامۋدىڭ جاپپاي جاسىل تيپ جاڭالاۋىن جەدەلدەتۋ؛ حالىق تۇرمىسى بارىنەن ماڭىزدى دەگەنگە تاباندى بولىپ، دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتۋ كەرەك. وسى ٴتۇيىندى مىندەتتەردى ويداعىداي يگەرسەك بولعانى، شينجياڭنىڭ جوعارى ساپالى دامۋىنىڭ ”بۇيداسىن“ ۇستاي الامىز، نەگىزدى يگەرىپ، باسقا ىستەرگە جول اشىپ، تۇيىندەردە سەرپىلىس جاساۋ ارقىلى جالپى جاعدايدىڭ دامۋىنا جەتەكشىلىك ەتە الامىز.
مىندەتتى تياناقتاندىرۋدى ويداعىداي يگەرۋدە، ٴسوز جوق، ماسەلەنى باعدار ەتۋگە تاباندى بولىپ، قىزمەت شارالارىن اشالاپ، شەشۋشى تۇيىندەر مەن قامال الۋ تۇيىندەرىن ٴداپ باسىپ تابۋ كەرەك. ىشكى سۇرانىستى كەڭەيتۋدى ارقاۋ ەتە وتىرىپ، تۇتىنۋدى جەبەۋ مەن قارجى قوسۋدى كەڭەيتۋ تەبىنىن ارتتىرۋ؛ وسىزاماندانعان كاسىپ سالاسى جۇيەسىن قۇرۋدى ارقاۋ ەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتۋ؛ جوعارى ساپالى دامۋدىڭ قوزعاۋشى كۇشىن، ومىرشەڭ كۇشىن كۇشەيتۋدى ارقاۋ ەتىپ، رەفورما جاساۋدى، ەسىك اشۋدى ونان ارى جاپپاي تەرەڭدەتۋ؛ وڭىرلەردىڭ سايكەسە دامۋىن جەبەۋدى ارقاۋ ەتىپ، وڭتۇستىك شينجياڭ سىندى ”شاحمات كوزىن“ كۇش سالا جانداندىرۋ، بيڭتۋان مەن جەرگىلىكتى ورىننىڭ توعىسا دامۋىن جەبەۋ؛ جۇرت تىلەگىن ۇيىستىرۋعا قۇلشىنۋدى ارقاۋ ەتىپ، حالىق تۇرمىسىن قامتاماسىز ەتۋگە جانە جاقسارتۋعا ۇزدىكسىز كۇش سالۋ؛ حاۋىپسىزدىك تومەنگى شەگىن مىقتى يگەرۋدى ارقاۋ ەتىپ، ٴتۇرلى حاۋىپ ـ قاتەردەن، كومەسكى كىناراتتاردان ساقتانۋ جانە ونى جويۋ كەرەك. وسى شەشۋشى سالالاردى ٴجىتى قاداعالاپ دالمە ـ ٴدال كۇش سالىپ، نىسانالى شارا اتقارعاندا عانا قىزمەتتى تياناقتاندىرۋ نىسانادان اۋىتقىماي، شىنايى يگەرىلەدى، سوندا عانا قامال الىپ قيىنشىلىقتاردى جەڭۋ بارىسىندا دامۋدىڭ جاڭا جاعدايىن اشۋعا بولادى.
تياناقتاندىرۋدى يگەرۋدىڭ ٴوزى دامۋدى يگەرگەندىك، شىنايى تياناقتاندىرعاندا عانا دامۋ بولادى. العان بەتىنەن قايتپايتىن قايسارلىقپەن كەلەلى جاعداي اياسىندا ارەكەتتەنىپ، شەشۋشى تۇيىندە كۇش سالىپ، ٴتۇرلى مىندەتتەردى تياناقتاندىرۋدى نىق قاداممەن تىڭعىلىقتى ىلگەرىلەتسەك، ٴسوز جوق، ەكونوميكانىڭ ورنىقتىلىق بارىسىندا جاقسارۋ ارىنىن ۇزدىكسىز بەكەمدەپ، كەڭەيتىپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتە الامىز.
