پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتەيىك
— اۆتونوميالى رايوندىق پارتكومنىڭ ەكونوميكالىق قىزمەت ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندە
گازەتىمىزدىڭ شولۋشىسى
”15 ـ بەسجىلدىقتا“ جاقسى باستامانى جۇزەگە اسىرا الۋ ـ الماۋ، تۇبىرىنەن العاندا، پارتيانىڭ ەكونوميكالىق، قوعامدىق دامۋداعى باسشىلىق ۇيتقىلىق رولىن ويداعىداي ساۋلەلەندىرە الۋ ـ الماۋىنا بايلانىستى. اۆتونوميالى رايوندىق پارتكومنىڭ ەكونوميكالىق قىزمەت ماجىلىسىندە پارتيانىڭ ەكونوميكالىق قىزمەتكە جالپى بەتتىك باسشىلىعىن كۇشەيتىپ، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاۋ باسا دارىپتەلدى. ”15 ـ بەسجىلدىقتىڭ“ باستاما جىلىنداعى ەكونوميكالىق قىزمەتتى تىڭعىلىقتى ويداعىداي ىستەۋ ٴۇشىن، پارتيانىڭ باسشىلىعىن جوعارى ساپالى دامۋدىڭ تۇتاس بارىسىنا، ٴار جاعىنا سىڭىرۋگە تاباندى بولىپ، پارتيانىڭ ەكونوميكالىق قىزمەتكە باسشىلىق ەتۋ قابىلەتى مەن دەڭگەيىن شىنايى جوعارىلاتىپ، ٴتۇزىم ابزالدىلىعىن باسقارۋ ونىمدىلىگىنە اينالدىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ سوڭىنا دەيىن جالعاسۋىن، ناقتى تياناقتانىپ ونىمدىلىك كورسەتۋىن ىلگەرىلەتۋ كەرەك.
تۋلاعان الىپ تولقىندار تىرەكتىڭ كۇشىن كورسەتەدى، ايبىندى تاۋلار اسقار شىڭىنا باعىنادى. شەشۋشى ساتتە، ماڭىزدى تۇيىندە شي جينپيڭ جولداستى ۇيتقى ەتكەن پارتيا ورتالىق كوميتەتى جاعدايدى دەر كەزىندە تۇجىرىمداپ، شەشىم، ورنالاستىرۋ جاساپ، ەلىمىزدىڭ ەكونوميكا كەمەسىنىڭ تولقىن جارا العا ىلگەرىلەۋىنە، ورنىقتى قاداممەن الىسقا جەتۋىنە شىنايى كەپىلدىك ەتتى، بۇل بۇكىل پارتيادا جوعارىدان تومەنگە دەيىن قالىپتاسقان ەڭ ۇلكەن ورتاق تانىم، كوپ جىلدىق امالياتتىق تاجىريبەدەن كەلگەن تابيعي قورىتىندى. پارتيا ورتالىق كوميتەتىنىڭ كەلەر جىلعى ەكونوميكالىق قىزمەت جونىندەگى وي جەلىسى، مىندەتى، ساياساتى تولىق دالەلدەنگەن، قايتا ـ قايتا زەرتتەۋدەن وتكەن، ٴسوز جوق، تياناقتاندىرۋدى مۇقيات، ويداعىداي يگەرىپ، باعداردان اۋىتقىماۋعا، ٴتۇسىن تۇرلەندىرمەۋگە، فورماسىن وزگەرتپەۋگە شىنايى كەپىلدىك ەتۋ كەرەك.
دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاۋ كەرەك. حاۋىپسىزدىك — دامۋدىڭ العى شارتى، دامۋ — حاۋىپسىزدىكتىڭ قامتاماسىزدىعى. قوعام ورنىقتىلىعىن بار كۇشپەن قورعاۋ ارقىلى جوعارى ساپالى دامۋعا ٴتيىمدى شارت ـ جاعداي ازىرلەپ، ورنىقتىلىقتى ماڭداي الدى ورىنعا قويۋ جاعىندا يدەيانى بىرلىككە كەلتىرىپ، اياق الىستى بىرلىككە كەلتىرىپ، ارەكەتتى بىرلىككە كەلتىرىپ، ٴوز جاۋاپكەرشىلىگىن ٴبىلۋدى، ٴوز جاۋاپكەرشىلىگىن ارقالاۋدى، ٴوز جاۋاپكەرشىلىگىن ادا ەتۋدى ورىنداۋ كەرەك. جوعارى ساپالى دامۋ ارقىلى قوعام ورنىقتىلىعى مەن باياندى تىنىشتىقتىڭ ماتەريالدىق نەگىزىن بەرىك قالاپ، بارلىق رەفورماعا، دامۋعا جۇڭحۋا ۇلتى ورتاق تۇلعا تانىمىن ايگىلەۋ ٴمانىن، ٴبىر تۇتاستىقتى قورعاپ بولشەكتەۋشىلىككە قارسى تۇرۋ ٴمانىن، حالىق تۇرمىسىن جاقسارتىپ جۇرت تىلەگىن ۇيىستىرۋ ٴمانىن ۇستەۋ كەرەك. ەلەۋلى حاۋىپ ـ قاتەرلەردەن، كومەسكى كىناراتتاردان ساقتانۋ جانە ونى جويۋ مەحانيزمىن ۇزدىكسىز كەمەلدەندىرىپ، تاۋقىمەت تانىمىن كۇشەيتىپ، تومەنگى شەك ويىن بەرىك ورناتىپ، ەكونوميكالىق، قوعامدىق دامۋدىڭ ورنىقتى، ٴتارتىپتى، حاۋىپسىز، جوعارى ٴونىمدى بولۋىنا شىنايى كەپىلدىك ەتۋ كەرەك.
دۇرىس ناتيجە كوزقاراسىن بەرىك ورناتۋ جانە ونى امالياتتا ايگىلەۋ كەرەك. ناتيجە دامۋدى يگەرۋ جاعىندا دا، حالىق تۇرمىسىنا تيىمدىلىك جەتكىزۋ، ورنىقتىلىقتى ساقتاۋ جاعىندا دا ايگىلەنەدى؛ جاقىنعى مەزگىلدە ٴونىم قالىپتاستىرعان كورنەكتى ناتيجەدەن دە، نەگىز قالايتىن، تەبىندى ارتتىراتىن، ۇزاق بولاشاققا ٴتيىمدى كومەسكى ناتيجەدەن دە ايگىلەنەدى؛ ٴىس جۇزىندىك قايشىلىقتاردى شەشۋدەن دە، تاريحتان قالعان ماسەلەلەردى شەشۋدەن دە ايگىلەنەدى. حالىق ٴۇشىن ناتيجە شىعارۋعا، ناقتى ٴىس ىستەۋ ارقىلى ناتيجە شىعارۋعا تاباندى بولىپ، سانالى تۇردە ەكونوميكالىق زاڭدىلىق بويىنشا ٴىس ىستەپ، پارىقتى تەكسەرۋ، باعالاۋ جۇيەسىن كەمەلدەندىرىپ، اۆتونوميالى رايوننىڭ ”15 ـ بەسجىلدىق“ جوباسىن عىلمي جاساپ، جوعارى ساپالى، باياندى دامۋدى جۇزەگە اسىرۋعا شىنايى كەپىلدىك ەتۋ كەرەك.
شەشىم جاساۋ قابىلەت دەڭگەيىن كۇش سالا جوعارىلاتۋ كەرەك. ويداعىداي شەشىم جاساۋ دۇرىس ۇستانىم، تاماشا ستيل، ىسىلعان قابىلەتتى عانا ەمەس، ودان دا ماڭىزدىسى، بەرىك پارتيالىلىق بولۋدى قاجەت ەتەدى. دەموكراتيالىق ورتالىقتاندىرۋ ٴتۇزىمىن مۇقيات دايەكتىلەندىرىپ، ٴىس قاراۋ، شەشىم جاساۋ ەرەجەسىنە قاتاڭ بويسۇنىپ، ماسەلە تالقىلاعاندا دەموكراتيانى تولىق ساۋلەلەندىرۋمەن بىرگە، دۇرىس ورتالىقتاندىرۋعا دا شەبەر بولۋ كەرەك؛ قازىنا ٴتارتىبىن قاتايتىپ، ”ۇنەمشىل تۇرمىس كەشىرۋ“ تالابىن ناقتى تياناقتاندىرۋ كەرەك. عىلمي شەشىم جاساۋ، دەموكراتيالى شەشىم جاساۋ، زاڭ بويىنشا شەشىم جاساۋدى شىن مانىندە ورىنداپ، جاساعان شەشىمدەردىڭ حالىق جۇرتشىلىعىنىڭ قولداۋىنا يە بولۋىنا، اماليات پەن تاريحتىڭ سىنىنان وتۋىنە شىنايى كەپىلدىك ەتۋ كەرەك.
تاماشا ساياسي ورتا، دارىندىلار ورتاسىن، شارۋاشىلىق ـ ساۋدا ورتاسىن، قوعامدىق پىكىر ورتاسىن جاراتۋ كەرەك. شينجياڭنىڭ ەكونوميكالىق قىزمەتىن ويداعىداي ىستەپ، جوعارى ساپالى دامۋدى ىلگەرىلەتۋ تاماشا ىشكى ـ سىرتقى ورتاعا مۇقتاج. ستيلى پاك، سالتى دۇرىس ساياسي ورتا جاراتۋ كەرەك؛ ەڭبەككە قۇرمەت ەتەتىن، بىلىمگە قۇرمەت ەتەتىن، دارىندىلارعا قۇرمەت ەتەتىن، جاسامپازدىققا قۇرمەت ەتەتىن دارىندىلار ورتاسىن جاراتۋ كەرەك؛ بازارلانعان، زاڭمەن باسقارىلاتىن، حالىقارالانعان بىرەگەي شارۋاشىلىق ـ ساۋدا ورتاسىن جاراتۋ كەرەك؛ نەگىزگى اۋەندى اسقاقتاتىپ، وڭ ەنەرگيا تاراتاتىن قوعامدىق پىكىر ورتاسىن جاراتىپ، جوعارى ساپالى دامۋدى ىلگەرىلەتۋدىڭ قۋاتتى بىرىككەن كۇشىن ۇيىستىرۋ كەرەك.
اعىلعان تايتالاسا سانسىز كەمە، اتتاندى تىڭ جورىققا الىس ـ قيىر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، ٴورىس اشا ەكپىندەي ىلگەرىلەپ، پارتيانىڭ جالپى بەتتىك باسشىلىعى ارقىلى تەلەگەي كۇش توپتاپ، حاۋىپ ـ قاتەر، سىن ـ سايىس الدىندا ۇدەرە العا تارتىپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتەيىك.
