شينحۋا اگەنتتىگىنىڭ 12 ـ ايدىڭ 27 ـ كۇنى بەيجيڭنەن بەرگەن حابارى. 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19 ـ ٴماجىلىسى 12 ـ ايدىڭ 27 ـ كۇنى 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسىن اشۋ جونىندەگى قاۋلىنى داۋىسقا سالىپ ماقۇلدادى. قاۋلىعا ساي، 14 ـ كەزەكتى مەملەكەتتىك حالىق قۇرىلتايىنىڭ 4 ـ ٴماجىلىسى 2026 ـ جىلى 3 ـ ايدىڭ 5 ـ كۇنى بەيجيڭدە اشىلادى.
قاۋلى ۇسىنىس ەتكەن 14 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ كەڭەستىك تارتىپتەرى مىناداي: ۇكىمەت قىزمەتىنەن باياندامانى قاراۋ؛ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوبا باعدارلاماسى جوباسىن تەكسەرۋ؛ 2025 ـ جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2026 ـ جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى، 2026 ـ جىلعى حالىق شارۋاشىلىعى مەن قوعامدىق دامۋ جوسپار جوباسىن تەكسەرۋ؛ 2025 ـ جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2026 ـ جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى، 2026 ـ جىلعى ورتالىق پەن جەرگىلىكتى ورىنداردىڭ مەجە ەسەپ جوباسىن تەكسەرۋ؛ مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ ەكولوگيالىق ورتا زاڭناماسىن (جوبا)» قاراۋعا ۇسىنۋ جونىندەگى كەڭەستىك جوباسىن قاراۋ؛ مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ ۇلتتار ىنتىماعى، العاباسارلىعىن جەبەۋ زاڭىن (جوبا)» قاراۋعا ۇسىنۋ جونىندەگى كەڭەستىك جوباسىن قاراۋعا، مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسىنىڭ مەملەكەتتىك دامۋ پلانى زاڭىن (جوبا)» قاراۋعا ۇسىنۋ جونىندەگى كەڭەستىك جوباسىن قاراۋ؛ مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قاراۋ؛ ەڭ جوعارى حالىق سوتى مەكەمەسىنىڭ قىزمەت بايانداماسىن قاراۋ؛ ەڭ جوعارى حالىق پروكۋراتۋراسىنىڭ قىزمەت بايانداماسى قاتارلىلاردى قاراۋ.
