حالىق گازەتى باسماقالاسى
جۇڭگو ۇلگىسىندەگى وسىزامانداندىرۋ اۋىل شارۋاشىلىعىن، اۋىل ـ قىستاقتى وسىزامانداندىرۋدان ايرىلا المايدى. باس شۋجي شي جينپيڭ ماڭىزدى نۇسقاۋ بەرىپ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ پارتيا مەن مەملەكەت ىستەرىنىڭ دامۋ جالپى جاعدايىنداعى ستراتەگيالىق ورنىن عىلمي يگەرىپ، كەلەر جىلعى اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋ جونىندە ايقىن تالاپ قويدى، ماڭىزدى ورنالاستىرۋ جاسادى، بۇل ٴبىزدىڭ جاڭا جورىقتا اۋىل شارۋاشىلىعىن، اۋىل ـ قىستاقتى وسىزامانداندىرۋدى كوزدەپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋىمىزگە عىلمي جەتەكشىلىك ازىرلەدى.
12 ـ ايدىڭ 29 ـ كۇنىنەن 30 ـ كۇنىنە دەيىن بەيجيڭدە اشىلعان ورتالىقتىڭ اۋىل ـ قىستاق قىزمەتى ماجىلىسىندە كەزەكتەگى اۋىل شارۋاشىلىعى، اۋىل ـ قىستاق، شارۋالار قىزمەتىندە ٴدوپ كەلگەن جاعداي مەن سىن ـ سايىسقا ىشكەرىلەي تالداۋ جاسالىپ، 2026 ـ جىلعى اۋىل شارۋاشىلىعى، اۋىل ـ قىستاق، شارۋالار قىزمەتىنە جالپى بەتتىك ورنالاستىرۋ جاسالدى، بۇل ٴبىزدىڭ اۋىل شارۋاشىلىعى، اۋىل ـ قىستاق سالاسىنداعى كورنەكتى ولقىلىقتاردى جەدەل تولىقتاۋىمىزدا، اۋىل شارۋاشىلىعىندا قۋاتتى ەل قۇرۋدى جەدەلدەتۋىمىزدە ماڭىزدى مانگە يە.
اۋىل شارۋاشىلىعىن دامىتۋعا ٴمان بەرۋ — مەملەكەتتىڭ ٴتۇبىرلى ۇلى جوسپارى. 2025 ـ جىل ەرەكشە بولدى، سىرتقى قىسىم كۇشەيگەن جانە ىشكى قيىنشىلىق ٴبىرشاما كوپ بولعان كۇردەلى جاعدايدا، بۇكىل ەل ٴبىر تۇتاس جۇيە، جوعارى مەن تومەن ٴبىر نيەت، ٴبىر تىلەكتە بولىپ، ٴبىرشاما اۋىر جاراتىلىستىق اپات سياقتى ٴتيىمسىز فاكتورلاردىڭ ىقپالىن جەڭدى، تۇتاس جىلدا استىق ٴونىمى تاعى دا ارتىپ، كەدەيلىكتەن ارىلتۋدان قامال الۋ جەتىستىكتەرى ۇزدىكسىز بەكەمدەلىپ، كەڭەيىپ، شارۋالاردىڭ كىرىسى ۇزدىكسىز ارتىپ، اۋىل ـ قىستاق قوعامى جاراسىمدى، ورنىقتى بولدى. اۋىل شارۋاشىلىعى، اۋىل ـ قىستاق، شارۋالار قىزمەتىنىڭ ناتيجەسى كورنەكتى بولىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋگە، ”14 ـ بەسجىلدىقتىڭ“ تابىسپەن اياقتالۋىن جۇزەگە اسىرۋعا پارمەندى تىرەك ازىرلەندى. وتكەن بەس جىل اسا وزگەشە بولدى، ٴبىزدىڭ قيىنشىلىقتار مەن حاۋىپ ـ قاتەرلەردى جەڭىپ، پارتيا مەن مەملەكەت ىستەرىندە تىڭ دا كەلەلى جەتىستىكتەرگە قول جەتكىزۋدى ىلگەرىلەتىپ، ەكىنشى 100 جىلدىق كۇرەس نىساناسىنىڭ جاڭا جورىعىندا تاماشا باستاما اشۋىمىزدىڭ ماڭىزدى ٴبىر جاعى اۋىل شارۋاشىلىعىنىڭ نەگىزگى جاعدايىن ورنىقتىرۋدى، اۋىل شارۋاشىلىعى، اۋىل ـ قىستاق، شارۋالار نەگىزىن ويداعىداي ساقتاۋدى ٴتۇرلى سوققىلار مەن سىن ـ سايىستارعا توتەپ بەرۋدىڭ ”ورنىقتىرعىشى“ ەتۋگە تاباندى بولىپ، اۋىل شارۋاشىلىعى، اۋىل ـ قىستاق، شارۋالار قىزمەتىنىڭ جاقسارۋى ارقىلى جالپى جاعدايدىڭ ىرىقتىلىعىنا قول جەتكىزگەندىگىمىزدەن بولدى.
2026 ـ جىل ”15 ـ بەسجىلدىقتىڭ“ باستاما جىلى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ”15 ـ بەسجىلدىق“ جوبا ۇسىنىسىن قاراپ ماقۇلداپ، ەلىمىزدىڭ الداعى بەس جىلداعى ەكونوميكالىق، قوعامدىق دامۋى جونىندە جوعارى دەڭگەيلى جوبا جانە ستراتەگيالىق جوسپار جاساپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى جەدەلدەتۋ جونىندە ارناۋلى تاراۋ ورنالاستىردى. اۋىل شارۋاشىلىعىن، اۋىل ـ قىستاقتى وسىزامانداندىرۋ جۇڭگو ۇلگىسىندەگى وسىزامانداندىرۋدىڭ جالپى جاعدايى مەن ساپاسىنا سايادى. ٴبىز اۋىل شارۋاشىلىعى، اۋىل ـ قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ٴتۇيىنى ەتۋگە تاباندى بولىپ، ورتالىقتىڭ اۋىل ـ قىستاق قىزمەتى ٴماجىلىسىنىڭ رۋحىن شىنايى دايەكتىلەندىرىپ، ٴىس جۇزىندىكپەن ۇشتاستىرىپ ٴتۇرلى قىزمەت ورنالاستىرۋلارىنىڭ تياناقتانۋىن، ناقتىلانۋىن جەرگىلىكتى جاعدايعا قاراي ويداعىداي يگەرىپ، اۋىل شارۋاشىلىعىن، اۋىل ـ قىستاقتى الدىمەن دامىتۋعا تاباندى بولىپ، اۋىل شارۋاشىلىعىندا قۋاتتى ەل قۇرۋ نىساناسىنا قاراي تىڭعىلىقتى قادام تاستاۋىمىز كەرەك.
استىق حاۋىپسىزدىگى — ”مەملەكەتتىڭ زور ٴىسى“. سوڭعى جىلدارى ەلىمىزدە استىقتان جىل سايىن مول ٴونىم الىنىپ، استىق حاۋىپسىزدىگى جالپى تۇلعالىق جاقتان قامتاماسىزداندىرىلعانىمەن، ۇزاق بولاشاقتان قاراعاندا، سۇرانىس ٴالى دە ٴۇرتىس ارتادى. قوعامنىڭ وسىزاماندانۋ دارەجەسى قانشالىق جوعارى بولسا دا، ٴبىر ميلليارد 400 ميلليوننان استام جان سانىن استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى قامداۋ باستان ـ اياق ماڭداي الدى ٴىرى ٴىس بولىپ كەلەدى. سىرتقى ورتا نەعۇرلىم سۇراپىل داۋىلدى، اساۋ تولقىندى بولعان سايىن، استىق حاۋىپسىزدىگى سىندى ارقاۋدى سولعۇرلىم مىقتاپ شيراتىپ، استىق ٴوندىرىسىن تيتتەي دە بوساڭسىماي ويداعىداي يگەرۋ كەرەك. ورتالىقتىڭ وسى رەتكى اۋىل ـ قىستاق قىزمەتى ٴماجىلىسى كەلەر جىلعى اۋىل شارۋاشىلىعى، اۋىل ـ قىستاق، شارۋالار قىزمەتى جونىندە ورنالاستىرۋ جاساپ، اۋىل شارۋاشىلىعىنىڭ جالپىلىق ٴوندىرىس قۋاتى مەن ساپاسىن، ونىمدىلىگىن جوعارىلاتۋدى ماڭداي الدى ورىنعا قويدى. ٴونىم مولشەرىن، ٴوندىرىس قۋاتىن، ٴوندىرىس ەكولوگياسىن، ٴونىمدى ارتتىرۋدى، كىرىستى ارتتىرۋدى بىرگە يگەرۋگە تاباندى بولىپ، استىق ساقتاۋدا جەرگە سۇيەنۋ، استىق ساقتاۋدا تەحنولوگياعا سۇيەنۋگە تاباندى بولىپ، استىق حاۋىپسىزدىگى نەگىزىن جان ـ جاقتى بەكەمدەپ، استىق حاۋىپسىزدىگىنىڭ ىرىقتىلىق ۇقىعىن مىقتى يگەرۋ كەرەك.
”15 ـ بەسجىلدىق“ مەزگىلى — كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدىڭ وتپەلى كەزەڭىنەن كەيىنگى ٴبىرىنشى بەس جىل، كەلەر جىلى ۇدايىلانعان كومەكتەسۋ ـ سۇيەمەلدەۋ ورىستەتىلەتىن ٴبىرىنشى جىل. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتىپ، ادامزاتتىڭ كەدەيلىكتى ازايتۋ تاريحىندا كەرەمەت جاراتىلدى، جالپى حالىقتىڭ بىرگە بايۋىن ىلگەرىلەتۋ جولىندا نىق قادام تاستالدى، بۇل تەرەڭ تاريحي مانگە جانە دۇنيە جۇزىلىك مانگە يە. ٴار دارەجەلى پارتكومدار مەن ۇكىمەتتەر كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەۋدى، كەڭەيتۋدى كەلەلى ساياسي مىندەت ەتىپ، ۇدايىلانعان كومەكتەسۋ ـ سۇيەمەلدەۋدى اۋىل ـ قىستاقتى گۇلدەندىرۋ ستراتەگياسىنا ەنگىزىپ، ٴبىر تۇتاس جوسپارلاپ اتقارىپ، ۇدايىلانعان كومەكتەسۋ ـ سۇيەمەلدەۋ ساياسات جۇيەسىن اقاۋسىزداندىرىپ، قازىنالىق ۇسىنىلىم، فينانستىق قولداۋ، بايلىق فاكتورلارىن ورنالاستىرۋ سياقتى جاقتارداعى ساياساتتاردىڭ جالپى تۇلعالىق ورنىقتىلىعىن ساقتاپ، اشۋ ۇلگىسىندەگى كومەكتەسۋ ـ سۇيەمەلدەۋدى ەڭ ماڭىزدى ورىنعا قويىپ، باقىلاۋ ـ ولشەۋدىڭ، كومەكتەسۋ ـ سۇيەمەلدەۋدىڭ دالدىگىن، ناقتى ونىمدىلىگىن جوعارىلاتىپ، كولەمدى قايتا كەدەيلەسۋ، كەدەيلەسۋ تۋىلماۋىنا شىنايى كەپىلدىك ەتۋى كەرەك.
باس شۋجي شي جينپيڭ ”قالا مەن اۋىلدىڭ توعىسپالى دامۋى ارقىلى اۋىل ـ قىستاقتى جاپپاي گۇلدەندىرۋگە جەتەكشىلىك ەتۋدى“، ”اۋىل ـ قىستاقتى جاپپاي گۇلدەندىرۋ مەن جاڭاشا قالا ـ قالاشىقتاندىرۋدى ورگانيكالى ۇشتاستىرۋدى كۇشەيتۋدى“ اتاپ كورسەتىپ، جۇيە كوزقاراسىنا تاباندى بولۋدىڭ، ٴبىر تۇتاس جوسپارلاپ تەڭ ٴمان بەرۋدىڭ ٴادىسناماسىن ايگىلەدى. اۋىل ـ قىستاقتى جاپپاي گۇلدەندىرۋدى ىلگەرىلەتۋ — جاڭا ٴداۋىردىڭ جاڭا جورىعىنداعى اۋىل شارۋاشىلىعى، اۋىل ـ قىستاق، شارۋالار قىزمەتىنىڭ باس تۇتقاسى، ٴسوز جوق، اۋىل ـ قىستاق بايلىق فاكتورلارىنىڭ ومىرشەڭ كۇشىن قاۋلاتۋ كەرەك. قالا مەن اۋىلدىڭ توعىسۋىن جانە وڭىرلەردىڭ بىرلەسىپ قيمىلداۋىن جەبەۋ كەلەلى جاعدايىن تياناق ەتىپ، اۋدان ورتالىعىن ماڭىزدى دانەكەر ەتكەن قالا ـ قالاشىقتاندىرۋ قۇرىلىسى مەن اۋىل ـ قىستاقتى جاپپاي گۇلدەندىرۋدى ٴبىر تۇتاس جوسپارلاپ ىلگەرىلەتىپ، جەرگىلىكتى جاعدايعا قاراي وزىندىك ەرەكشەلىككە يە اۋدان ٴوڭىرى ەكونوميكاسىن دامىتىپ، اۋىل شارۋاشىلىعىن كۇشەيتۋ، اۋىل ـ قىستاققا تيىمدىلىك جاساۋ، شارۋالاردى بايىتۋ ساياساتىنىڭ ونىمدىلىگىن جوعارىلاتىپ، كاسىپتى كوركەيتۋدىڭ، اۋداندى الۋەتتەندىرۋدىڭ، حالىقتى بايىتۋدىڭ ٴبىر تۇلعالى دامۋىن ىلگەرىلەتىپ، قونىسقا جايلى، كاسىپكە ىڭعايلى، جاراسىمدى، كورىكتى اۋىل ـ قىستاق قۇرىلىسىن ىلگەرىلەتىپ، اۋىل ـ قىستاق كاسىپ سالاسىنىڭ دامۋ دەڭگەيىن، اۋىل ـ قىستاق قۇرىلىسى دەڭگەيىن، اۋىل ـ قىستاقتى باسقارۋ دەڭگەيىن ۇزدىكسىز جوعارىلاتۋ كەرەك.
اۋىل شارۋاشىلىعىن، اۋىل ـ قىستاقتى وسىزامانداندىرۋدى جۇزەگە اسىرۋ — جۇيەلى ينجەنەريا، ستراتەگيالىق مىندەت، ۇزدىكسىز قاجىماي كۇش سالۋمەن بىرگە، ۋاقىتپەن جارىسۋ كەرەك. ٴبىز يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، نىسانانى كوزدەپ، زاڭدىلىققا قۇرمەت ەتىپ، قايراتتى تاسقىنداتىپ، قايراتتانا العا ۇمتىلىپ، اۋىل شارۋاشىلىعىن وسىزاماندانعان ٴىرى كاسىپ سالاسى ەتىپ قۇرىپ شىعۋعا قۇلشىنىپ، اۋىل ـ قىستاقتىڭ وسى زامانعى تۇرمىس شارت ـ جاعدايىن نەگىزىنەن ازىرلەۋىنە، شارۋالاردىڭ تۇرمىسىنىڭ اناعۇرلىم باي، كوركەم بولۋىنا مۇمكىندىك جاساۋىمىز كەرەك.
(شينحۋا اگەنتتىگىنىڭ 12 ـ ايدىڭ 30 ـ كۇنى بەيجيڭنەن بەرگەن حابارى)
