— جاڭا جىلعا ارناۋ ٴسوز
حالىق گازەتى باسماقالاسى
تاڭعى شۇعىلاعا شومىلا تاعى دا تىڭ ساپارعا اتتاندىق. جاڭا ٴبىر جىلدا جاڭا بەينەمەن ەكپىندەي ىلگەرىلەيىك.
ەندى عانا وتكەن 2025 ـ جىل وتە كەرەمەت، ەستەن كەتپەستەي بولدى، جۇڭگو ۇلگىسىندەگى وسىزامانداندىرۋ ۇردىسىندە ماڭىزدى مانگە يە بولىپ، ۋاقىتتىڭ ۇزاق اعىسىندا تەرەڭ ٴىز قالدىردى.
وسى ٴبىر جىلدا ٴبىز كۇش ـ قۋاتتى شوعىرلاندىرىپ ٴوز ىستەرىمىزدى ويداعىداي ىستەپ، جوعارى ساپالى دامۋدىڭ ايقىندىلىعى ارقىلى ٴتۇرلى ايقىنسىزدىققا توتەپ بەردىك. ەكونوميكانىڭ جالپى مولشەرى 140 تريلليون يۋان اينالاسىنا جەتەتىندىگى مەجەلەندى، استىقتان تاعى ٴبىر رەت جوعارى دەڭگەيدە ٴونىمدى ارتتىرۋ جۇزەگە اسىرىلدى، عىلىم ـ تەحنولوگيادا جاڭالىق اشۋ جەتىستىكتەرى ادامدى جەلپىندىردى، جاڭاشا وندىرگىش كۇشتەر تاسقىندادى، وسىزاماندانعان كاسىپ سالاسى جۇيەسى قۇرىلىسى ۇزدىكسىز ىلگەرىلەتىلدى، رەفورما جاساۋدى ونان ارى جاپپاي تەرەڭدەتۋ اياق الىسى بەرىك بولدى، حالىق تۇرمىسى جاۋاپناماسى جۇرت جۇرەگىن جىلىتتى، ەلىمىز ەكونوميكاسىنىڭ تاعانى بەرىك، اينالىمى ورنىقتى، اقاۋسىز بولىپ، جاڭا، ساپالى بولۋعا قاراي دامىدى.
وسى ٴبىر جىلدا ٴبىز سىرتقا ەسىك اشۋدى بۇلجىماي كەڭەيتىپ، جۇڭگو دامۋىنىڭ ورنىقتىلىعى ارقىلى دۇنيە جۇزىنە وڭ ەنەرگيا ۇستەدىك. يمپورت كورمەسىندە جىلدىق جوسپار نيەتناماسى بويىنشا كەلىسىلگەن سوما تاعى دا تاريحتاعى تىڭ دەڭگەيدى جاراتىپ، جۇڭگونىڭ ەرەكشە ۇلكەن كولەمدى بازارىنىڭ ”ماگنيت تارتۋىن“ جارىققا شىعاردى. حاينان ەركىن ساۋدا پورتىنىڭ تۇتاس ارالدا كەدەن جابىق كۇيدە جۇمىس جۇرگىزۋى رەسمي باستالىپ، جوعارى دەڭگەيدە سىرتقا ەسىك اشۋدىڭ ورنىقتى قاداممەن ىلگەرىلەۋىنە كۋا بولدىق. شاڭحاي سەلبەستىك ۇيىمى تيانجين باسشىلار ٴماجىلىسى تابىسپەن وتكىزىلىپ، الەمدىك باسقارۋ باستاماسى الەمدىك باسقارۋ جۇيەسىن رەفورمالاۋعا، كەمەلدەندىرۋگە جۇڭگو جوباسىن ازىرلەدى.
وسى ٴبىر جىلدا ٴبىز بوران ـ شاشىننان تايسالماي، قىسىمعا توتەپ بەرىپ العا ىلگەرىلەپ، قيىندىقتاردى، حاۋىپ ـ قاتەرلەردى جەڭىپ شىعۋ بارىسىندا ستراتەگيالىق ىرىقتىلىقتى مىقتى يگەردىك. ەكى كەلەلى جاعدايدى كوكەيدە ساقتاپ، ناقتى ەكونوميكا سىندى نەگىزدى تياناق ەتىپ، ىشكى سۇرانىستى كەڭەيتۋ سىندى ستراتەگيالىق نەگىزگى تۇيىنگە تاباندى بولىپ، ىشكى قابىلەتكە قاجىرلىلىقپەن جاتتىعىپ، كومەسكى قۋاتتى تەرەڭ اشتىق. ەل ىشىندەگى ەكونوميكالىق قىزمەت پەن حالىقارالىق ساۋدا سايىسىن ٴبىر تۇتاس جوسپارلاپ، ٴتۇيىندى سالالارداعى حاۋىپ ـ قاتەرلەردى ٴونىمدى جويىپ، ٴوزىمىزدىڭ ورىندى ۇقىق ـ مۇددەمىزدى باتىل قورعاپ، قاتتى وزەكتى ناقتى كۇشتى ايگىلەدىك. جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىس جەڭىسىنىڭ 80 جىلدىعىن سالتاناتپەن ەسكە ٴتۇسىرىپ، جاپون شاپقىنشىلارىنا قارسى سوعىس ۇلى رۋحىن اسقاقتاتىپ، جەڭىس بارىسىنان ەكپىندەي العا ىلگەرىلەۋدىڭ پارمەندى كۇش ـ قۋاتىن قابىلدادىق.
”حالىقتىڭ كوڭىلىن ويلاپ، الەمنىڭ يگىلىگىن كوزدەگەن“ باس شۋجي شي جينپيڭنىڭ ماڭىزدى تۇجىرىمى جۇڭگو دامۋىنىڭ سەنىم نەگىزىن، تياناق نەگىزىن، كۇش ـ قۋات نەگىزىن ايگىلەدى. وتكەن 5 جىلعا قايىرىلا قاراساق، ٴبىز ٴتۇرلى سوققىعا، سىن ـ سايىستارعا ٴونىمدى توتەپ بەردىك، ەلىمىزدىڭ ەكونوميكالىق ناقتى قۋاتى، عىلىم ـ تەحنولوگيالىق ناقتى قۋاتى، مەملەكەت قورعانىسى ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى، ”14 ـ بەسجىلدىق“ تابىسپەن اياقتالىپ، ەكىنشى ٴجۇز جىلدىق كۇرەس نىساناسىنىڭ تىڭ جورىعىندا تاماشا باستاما اشۋ جۇزەگە استى، جۇڭحۋا ۇلتىنىڭ ۇلى گۇلدەنۋى بوگەۋ بەرمەيدى. بۇل ”ەكىنى تۇراقتاندىرۋدىڭ“ شەشۋشى ٴمانىن تولىق ايگىلەپ، ٴبىزدىڭ پارتيا ورتالىق كوميتەتىنىڭ پارمەندى باسشىلىعىندا قايراتتانا ەكپىندەي ىلگەرىلەۋ ۇستامدىلىعىمىز بەن سەنىمىمىزدى ٴتىپتى دە بەكەمدەدى.
شەشۋشى مەزگىلدە بۇرىنعىعا مۇراگەر، كەيىنگىگە بۇيداگەر بولدى، پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ”15 ـ بەسجىلدىق“ جوبا ۇسىنىسىن قاراپ ماقۇلداپ، جۇڭگونىڭ الداعى 5 جىلداعى دامۋىنا جوبا جاسادى ٴارى دۇنيە جۇزىنە ”وراي ٴتىزىمىن“ ازىرلەپ بەردى. 2026 ـ جىل ”15 ـ بەسجىلدىق“ باستالاتىن جىل، تاماشا باستاما جارتى تابىسقا جەتۋمەن بارابار. تەرەڭ دە كۇردەلى وزگەرىس ورتاسى الدىندا، كونە ماسەلەلەر، جاڭا سىن ـ سايىستار الدىندا، ٴبىز دامۋ اۋقىمىن يگەرىپ، ٴسوزسىز، جەڭىسكە جەتۋ سەنىمىن كۇشەيتىپ، ”ٴتورت ۇلكەن باسىمدىقتان“ ويداعىداي پايدالانىپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، ەكونوميكانىڭ جىلدام دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ جاڭا تاراۋىن ۇزدىكسىز جازۋىمىز كەرەك.
جاقسى باستاما اشۋدا، جاقسى قادام تاستاۋدا ٴبىز تاباندىلىقتى، سابىرلىلىقتى ساقتاۋىمىز كەرەك. وسىزامانداندىرۋ — ٴبىر مايدان ۇزاققا جۇگىرۋ. كەدەي ٴارى ٴالسىز اۋىل شارۋاشىلىعى ەلىنەن دۇنيە جۇزىندەگى ٴبىرىنشى جاساۋ كاسىبى ٴىرى ەلىنە، ەكىنشى ٴىرى ەكونوميكالىق تۇلعاعا اينالۋعا دەيىن، تالاي ـ تالاي بوران ـ شاشىندى باستان كەشىردىك، ٴبىز ۇزدىكسىز كۇرەس جۇرگىزىپ، جۇڭگو ۇلگىسىندەگى وسىزامانداندىرۋدى ٴساتتى ىلگەرىلەتتىك جانە كەڭەيتتىك، ادامزاتتىڭ وسىزامانداندىرۋعا اياق باسۋىنىڭ تىڭ جولىن اشتىق. بولاشاققا بەت العاندا، ۋاقىت، جاعداي، ادىلەت تۇگەلدەي ٴبىز جاقتا. ۇلكەن تاريحي كوزقاراستى بەرىك ورناتىپ، كۇللى الەمدى كوكەيدە ساقتاپ، العان بەتتەن قايتپاي، ٴتۇرلى حاۋىپ ـ قاتەرلەردەن قورىقپاي، بەلگىلەنگەن ستراتەگيالىق نىسانانى بەتكە الىپ، تاريحي سابىرلىلىق پەن ورنىقتى ريتىمدى ساقتاپ، جىلدى جىلعا جالعاپ ىستەسەك، تاريحتىڭ ۇتىلامالى تاياقشاسىن، ٴسوزسىز، ويداعىداي جەتكىزىپ، سوتسياليستىك وسىزامانداندىرۋدى نەگىزىنەن جۇزەگە اسىرۋعا ٴتىپتى دە بەرىك نەگىز قالاي الامىز.
جاقسى باستاما اشۋدا، جاقسى قادام تاستاۋدا ٴبىز تاريحي ىرىقتىلىق رۋحىن ساۋلەلەندىرۋىمىز كەرەك. تاريحي دامۋدىڭ وزىندىك قاعيداسى بار. قاعيدانى يگەرىپ، ورايدى مىقتى ۇستاپ، ىڭعايىنا قاراي ىستەپ، قايراتتانا ٴىس تىندىرۋ — ٴبىزدىڭ بوران ـ شاشىننىڭ سىنىنان سۇرىنبەي ٴوتىپ، ۇزدىكسىز دامىپ زورايۋىمىزداعى قۇپيا، سونداي ـ اق جاڭا جورىقتا وزگەرىسكە توتەپ بەرىپ، جاڭا باستاما اشۋىمىزداعى ماڭىزدى كورسەتكىش. العا باسۋ جولى تەپ ـ تەگىس بولمايدى، قيىنشىلىقتارعا، حاۋىپ ـ قاتەرلەرگە، بوگەتتەرگە جولىعۋىمىز مۇندا تۇر، اۋىر سىناقتارعا ٴدوپ كەلەرىمىز داۋسىز. ٴبىز وزگەرىستى تانۋعا، وزگەرىسكە توتەپ بەرۋگە، وزگەرىسكە تالپىنۋعا شەبەر بولىپ، ورنىقتىلىق بارىسىندا ىلگەرىلەپ، بەلسەنە ىسكەرلىك كورسەتىپ، تار جول، تايعاق كەشۋگە جولىققان سايىن ورشەلەنە العا تارتاتىن جىگەرمەن قيىن وتكەلدەردەن ٴوتىپ، حاۋىپ ـ قاتەرلەردى جەڭىپ، سىن ـ سايىستاردى قارسى الىپ، بوگەتتەردى بۇزۋ بارىسىندا سارا جول سالىپ، سۇراپىل تولقىندا باستان ـ اياق جەڭىلمەي تابانداپ تۇرۋىمىز كەرەك.
جاقسى باستاما اشۋدا، جاقسى قادام تاستاۋدا ٴبىز ٴبىر نيەتپەن كۇش سالىپ، ناقتى ىستەپ جاۋاپكەرشىلىك ارقالاۋىمىز كەرەك. جول الىس بولعانىمەن، جۇرە بەرسەك كوزدەگەن جەرىمىزگە جەتەمىز. ارماندى جۇزەگە اسىرۋدا، ٴتۇبىن قۋعاندا، ناقتى ىستەۋگە سۇيەنۋ كەرەك. جۇرگەن جولىمىزعا قايىرىلا قاراساق، ٴدال ٴجۇز ميلليونداعان حالىق ٴبىر نيەتپەن ىنتىماقتاسىپ، قيىندىقتى بىلەك بىرىكتىرە جەڭىپ، ٴاربىر ”مۇمكىن ەمەستەردى“ ” ٴسوزسىز قولىمنان كەلەدى“ دەگەنگە اينالدىردى. الدىڭعى جاققا كوز جىبەرسەك، ٴاربىر ”كىشى مەندى“ ۇلتتى گۇلدەندىرۋدىڭ ”ۇلكەن مەنىمەن“ توعىستىرعاندا عانا ماڭداي تەر جانە كۇرەس ارقىلى مەملەكەت دامۋىن العا ىلگەرىلەتۋدىڭ نۇرلى بولاشاعىن جاراتۋىمىزعا، ٴتىپتى دە باقىتتى تاماشا تۇرمىستى جاراتۋىمىزعا بولادى. حالىقتىڭ تۇرعىسىندا تۇرىپ ماسەلەگە وي جۇگىرتۋگە تاباندى بولىپ، حالىق ٴۇشىن ناتيجە جاراتىپ، ناقتى ىستەۋ ارقىلى ناتيجە شىعارىپ، باتىل تۇردە جاقسى ارەكەتتەنۋشى، ناقتى ىسكەر بولىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ تەلەگەي كۇشىن ۇيىستىرا الساق، جۇڭگو حالقىنىڭ العا باسقان قادامىنا ەشقانداي قيىنشىلىق اتاۋلى بوگەت بولا المايدى!
2026 ـ جىل قىزىل ارميانىڭ ۇزاق جورىق جەڭىسىنىڭ 90 جىلدىعى. 90 جىلدىڭ الدىندا سول ۇلى جورىقتا قيىن ـ قىسپاقتان نۇر ـ شۇعىلاعا بەت الۋدىڭ رۋحاني وشپەس ەسكەرتكىشى ورناتىلدى. جاڭا ٴداۋىردىڭ ۇزاق جورىق جولىندا جۇرگەندە ٴبىزدىڭ كوكىرەگىمىز ارمانعا تولى، كەۋدەمىزدى سەنىم كەرنەۋدە. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، قۇرىشتاي بەرىك سەنىممەن، جىلدام قيمىلدايتىن تەبىنمەن، مويىماس قاجىرلىلىقپەن سوتسياليستىك وسىزامانداندىرۋدى نەگىزىنەن جۇزەگە اسىرۋ ٴۇشىن بىرگە كۇرەس جۇرگىزىپ، ٴسوز جوق، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋى ۇلى ٴىسىن جاپپاي ىلگەرىلەتۋدىڭ جاڭا جاعدايىن ۇزدىكسىز اشا الامىز.
العا، ايبىندى ساپارعا قاراي ىلگەرىلەيىك!
(شينحۋا اگەنتتىگىنىڭ 12 ـ ايدىڭ 31 ـ كۇنى بەيجيڭنەن بەرگەن حابارى)
