انار بۇلت \ شينجياڭ گازەتىنىڭ ٴتىلشىسى جيا چۇنشيا، پراكتيكانت ارنا
قىستىگۇنگى جەمسارى اۋدانى شيندي اۋىلى شياۋفىنزى قىستاعى مۇلگىگەن تىنىشتىققا شومعان سيا سۋرەتكە ۇقسايدى، اپپاق قار ۇشى ـ قيىرسىز ەگىس اتىزدارىن قىمتاپ تاستاپتى، كوز ۇشىنداعى تيانشان شىڭدارى كۇمىس ساۋىت جامىلعانداي كوكپەڭبەك اسپان استىندا جىم ـ جىلاس قاسقايىپ تۇر. 60 جاستاعى جاڭ شينشياڭ ٴۇي جۇمىستارىن ىڭعايلاپ بولعاننان كەيىن، سۋرەت قاعازىن جايىپ، سۋرەت قالامىن الىپ، تۋعان جەرىنىڭ قىسقى كوركەم كورىنىسىن سىزا باستادى.
”قازىر ەگىس جۇمىسىنىڭ سايابىر كەزى، مەن قىستاقتاعى سۋرەتشىلەردەن سۋرەت سىزۋدى ۇيرەنىپ، بالا كەزىمدەگى ارمانىمدى ورىنداعانداي بولدىم“. كەزىندە كۇن كورىس ٴۇشىن شاپقىلاپ ٴجۇرىپ سۋرەت قالامىن تاستاپ قويعان وسى شارۋا ايەل شياۋفىنزى قىستاعىنا كوركەمونەرشىلەر كەلگەندە سۋرەت سىزۋ ىنتا ـ ىقىلاسىن قايتا تاپتى، بۇگىن دە ول تۋعان جەرىنىڭ كورىنىسى تۇسىرىلگەن 10 نەشە سۋرەت سىزىپ بولدى. شياۋفىنزى قىستاعىندا جاڭ شينشياڭ سياقتى سۋرەت سىزۋ اۋەسكەرلەرى كوپ، ولار ەگىس جۇمىسىنىڭ سايابىر كەزىندە سۋرەت قالامدارىن قولىنا الىپ، تۋعان جەرلەرىنىڭ جاڭا كەلبەتىن سىزىپ، باقىتتى تۇرمىستى كەسكىندەدى.
شياۋفىنزى قىستاعى كەزىندە ”تابيعاتقا سۇيەنىپ جان باعاتىن“ قىستاق ەدى، اۋىل ـ قىستاق پەن كوركەمونەردىڭ عاجايىپ ”حيميالىق رەاكسياسى“ 2014 ـ جىلدان باستالدى. جازۋشى ۋاڭ گاڭ ويدا جوقتا وسى اراعا كەلگەندە، سۋرەتتەگىدەي كوركەم جاراتىلىستىق كورىنىس پەن قاراپايىم حالىقتىق سالت ـ سانا ونى قاتتى اسەرلەندىردى، ول وسى اراعا قونىستانۋ ويىنا كەلەدى ٴارى تۇڭعىش جازۋشىلار قىزمەت كەڭسەسىن قۇردى. وسىدان سوڭ بىردەن ونعا، وننان جۇزگە تاراپ دەگەندەي، وسى اراعا شابىت ىزدەي كەلگەن كوركەمونەرشىلەر بارعان سايىن كوبەيە تۇسەدى.
قايتكەندە كوركەمونەرشىلەردى الىپ قالىپ، كوركەمونەردى تامىر تارتتىرىپ بۇرشىك جارعىزۋعا بولادى؟ جەمسارى اۋدانى 120 ميلليون يۋان قارجى قوسىپ شياۋفىنزى اسەمونەر سارايى، قىش بۇيىمدار ونەرى مادەنيەت جاسامپازدىعى سارايى، مينجياڭ كوركەمونەرشىلەر پىكىر اۋىستىرۋ، شىعارماشىلىق بازاسى سياقتى مادەنيەت الاڭ ـ ورىندارىن تۇلعالادى، سونداي ـ اق ارناۋلى ساياسات ارقىلى دارىندى ەنگىزدى، وسىنىڭ ناتيجەسىندە شينجياڭنىڭ ٴىشى ـ سىرتىنان 36 كوركەمونەرشى وسى اراعا تامىر تارتىپ قونىستاندى. بوس تۇرعان شارۋا ۇيلەرىن قىزمەت كەڭسەسىنە جانە ەرەكشەلىككە يە حالىقتىق تۇسەلحاناعا وزگەرتىپ، كوركەمونەر ومىرشەڭ كۇشى قىستاققا توقتاۋسىز اعىلدى.
”شياۋفىنزى قىستاعى مەنىڭ كوركەمونەرلىك شىعارماشىلىعىمنىڭ ماڭىزدى بازاسى. ٴار رەتكى دەمالىس كەزىندە كولىكپەن كەلىپ، سۋرەت قالامىمەن ٴتورت ماۋسىمىنىڭ اۋىسۋىن قاعاز بەتىنە تۇسىرەمىن“. شينجياڭ كوركەمونەر شۋەيۋانى اسەمونەر شۋەيۋانى سۋرەت فاكۋلتەتىنىڭ مەڭگەرۋشىسى مىڭ ىرحۋ تۇڭعىش توپتا وسى اراعا قونىستانعانداردىڭ ٴبىرى، ونىڭ تۋىندىلارى قىستاق كورىنىسىن ايگىلەپ قانا قويماي، اسىرەسە، وسى جەرگە دەگەن قىزۋ سۇيىسپەنشىلىگىن دە جەتكىزدى. ول جانە شينجياڭ كوركەمونەر شۋەيۋانىن شياۋفىنزى قىستاعىن پراكتيكا، شىعارماشىلىقپەن اينالىسۋ بازاسى ەتۋگە جەبەپ، ٴار جىلى اسەمونەر شۋەيۋانىنداعى نەشە جۇزدەگەن وقۋشىنى وسى اراعا كەلىپ 2 اپتالىق شىعارماشىلىق امالياتىن وتكىزۋگە ۇيىمداستىرادى.
كوركەمونەرشىلەردىڭ اۋىل ـ قىستاققا قونىستانۋى تەرەڭ ٴارى كوپ قىرىنان وزگەرىستەر اكەلدى. ورتالىق تەلەۆيزيا ستانسياسى جۇڭگو ٴتىلى حالىقارالىق ارناسى «جۇڭگونى ارالاۋ» باعدارلاماسىنىڭ بۇرىنعى اتقارۋشى رەجيسسەرى لۋ دي 2019 ـ جىلى تۇڭعىش رەت وسى اراعا كەلگەندە از ۋاقىت عانا ايالداماقشى بولعان ەدى، الايدا سوڭىندا وسى ارادان قىزمەت كەڭسەسىن قۇرىپ، ”جاڭا قىستاق تۇرعىنى“ بولۋدى تاڭدادى. ول قىسقا بەينەجازبا، ماقالا سياقتى فورمالارمەن قىستاقتىڭ تابيعات كورىنىسىن، بۇقارانىڭ تۇرمىسىن جانە كوركەمونەر رايىن ۇزدىكسىز ەستەلىككە الدى. ”مادەنيەت ارقىلى قۋات ۇستەۋدىڭ وزەگى ’ادامعا قۋات ۇستەپ‘، ادامنىڭ رۋحاني بەت ـ بەينەسىن جانە ەستەتيكالىق قابىلەتىن جوعارىلاتۋ“. لۋ دي بىلاي دەدى: كوركەمونەرشىلەر قىستاق تۇرعىندارىنىڭ تۋعان جەرىنىڭ كوركەمدىگىن قايتادان ”بايقاۋىنا“ كومەكتەستى، مۇنداي ەستەتيكالىق ويانۋ جانە رۋحاني ٴوسۋ اۋىل ـ قىستاقتىڭ گۇلدەنۋىن جەبەۋدىڭ ىشكى كۇشىنە اينالدى.
اۋىل ـ قىستاقتىڭ گۇلدەنۋىنە مادەنيەت ارقىلى قۋات ۇستەۋ امالياتى بارىسىندا شياۋفىنزى قىستاعى ”كوركەمونەر ارقىلى اۋىل ـ قىستاققا قۋات ۇستەۋ، مادەنيەت پەن ساياحاتتى توعىستىرا دامىتۋ“ وي جەلىسى ارقىلى كورنەكتى جاۋاپناما تاپسىردى. 2025 ـ جىلى شياۋفىنزى قىستاعى جەرگىلىكتى ورىنداعى مادەنيەت، ساياحات سەرىكتەستىگىمەن سەلبەسىپ، ”شياۋفىنزى سۋرەتشىلەر قىستاعىن“ تىرەك ەتىپ، بەيتيڭ بايىرعى قالا ەسكى جۇرتى مۇراجايى، ۋسارىمساق مادەنيەت عىلىم جالپىلاستىرۋ سارايى سياقتى مادەنيەت، ساياحات بايلىعىمەن بىرلەستىرىپ، ەرەكشەلىككە يە 5 زەرتتەۋ ـ ۇيرەنۋ جەلىسىن جاسامپازدىقپەن اشىپ، ٴوز كولىگىمەن ساياحاتتاۋ، اتا ـ انا بالالارىمەن بىرگە شىعارماشىلىقپەن اينالىسۋ سياقتى ەرەكشەلىككە يە قيمىلداردى تەڭ قادامدا ۇسىندى، تۇتاس جىلدا جالپى 200 مىڭنان استام ساياحاتشى (رەت) قابىلداپ، ساياحات كاسىبىنىڭ جالپىلىق كىرىسى 8 ميلليون يۋاننان استى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭ كۇشىن قاۋلاتىپ، سوتسياليستىك مادەنيەتتى گۇلدەندىرۋ، دامىتۋ العا قويىلدى. شيندي اۋىلىنىڭ ورىنباسار باستىعى ما مينا مىنالاردى ٴبىلدىردى: پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”مەملەكەتتىك زەرتتەۋ ـ ۇيرەنۋ، شىعارماشىلىق بازاسى“ جانە ”مەملەكەتتىك 4A دارەجەلى ساياحات كورىنىس ٴوڭىرى“ نىساناسىن كوزدەپ، شياۋفىنزى قىستاعىنىڭ شىعارماشىلىقپەن اينالىسۋ سايكەستى قۇرىلعىلارىن ارنايىلاندىرىپ، دارەجەسىن جوعارىلاتۋدى جانە ساياحاتتىق قىزمەت وتەۋ ساپاسىن ولشەمدەندىرىپ جوعارىلاتۋدى ٴتۇيىندى ىلگەرىلەتەمىز. سونىمەن بىرگە ”شىعارماشىلىقپەن اينالىسۋ + اۋىل شارۋاشىلىعى، مادەنيەت، ساياحات“ كاسىپ كۇيىن توعىستىرۋدا جاڭالىق اشۋدى تەرەڭدەتىپ، شياۋفىنزى قىستاعىن بۇكىل ەلدە ىقپالعا يە مادەنيەت، ساياحاتتى توعىستىرۋدان ۇلگى كورسەتۋ ونەگەسى ەتىپ تۇلعالاپ، اۋىل ـ قىستاقتىڭ گۇلدەنۋىنە جانە مادەنيەت، ساياحات كاسىپ سالاسىنىڭ جوعارى ساپالى دامۋىنا جاڭا قوزعالىس قۋاتىن ۇستەيمىز.
