انار بۇلت \ شينجياڭ گازەتىنىڭ ٴتىلشىسى حي حۇڭۋي 1 ـ ايدىڭ 3 ـ كۇنى ۇرىمجىدەن حابارلايدى. مەيتۋان ساياحات ساندى مالىمەتىندە كورسەتىلۋىنشە، وزگەشە قار ـ مۇز بايلىعىنا سۇيەنىپ، شينجياڭ 2026 - جىلعى جاڭا جىل دەمالىسى كەزىندە ولكە اتتاپ ساياحاتتاۋدا قىزۋ قارسى الىناتىن نىسانالى جەرگە اينالىپ، مادەنيەت، ساياحاتقا الدىن الا تاپسىرىس بەرۋ مولشەرىنىڭ سايكەس مەزگىلدەگىدەن ارتۋ قارقىنى %67كە جەتىپ، قار ـ مۇز ساياحاتى ۇزدىكسىز قىزا تۇسكەن، كوپ جەر جاڭالىق اشا سەزىنۋدى جەرگىلىكتەندىرۋ ارقىلى ساياحاتشىلاردىڭ ايالدايتىن ۋاقىتىن ۇزارتىپ، مادەنيەت، ساياحات تۇتىنۋىنىڭ مولشەرى مەن ساپاسىنىڭ بىردەي ارتۋىن جۇزەگە اسىرىپ، شينجياڭ قار ـ مۇز ساياحات ماركاسىنىڭ قۋاتتى باۋراۋ كۇشىن ايگىلەگەن.
جاڭا جىل دەمالىسى كەزىندە سايرام كولى كورىنىس ٴوڭىرىنىڭ، كوكتوعاي حالىقارالىق شاڭعى تەبۋ دەمالىس اۋماعىنىڭ ماڭىنداعى قوناق ۇيلەردىڭ ىزدەلۋ مولشەرى سايكەس مەزگىلدەگىدەن تۇگەلدەي %200تەن استام ارتقان. ساياحاتشى قاينارى بازارى جاعىندا، بەيجيڭ، شي ـ ان، چىڭدۋ، شىنجىن، گۋاڭجوۋ، چۇڭچيڭ سياقتى قالالار شينجياڭنىڭ وزگە جەردەن كەلەتىن ساياحاتشىلارىنىڭ نەگىزگى قاينار جەرىنە اينالعان، بۇل اۋقىم شينجياڭ قار ـ مۇز ساياحات ماركاسىنىڭ باياندى ىقپالىن دالەلدەدى ٴارى قىسقى ساياحات بازارىنىڭ جوعارى ساپالى جاراتىلىستىق كورىنىس نىسانالى جەرىنە دەگەن كۇشتى سۇرانىسىن اڭعارتتى.
”ادامزاتتىڭ شاڭعى مەكەنى“ رەتىندە، شينجياڭ قار ـ مۇز كاسىپ سالاسىنىڭ تۇتاس تىزبەكتى دامۋىن جەدەل ىلگەرىلەتىپ، وزگەشە قار ـ مۇز بايلىعىن دامۋ باسىمدىعىنا اينالدىرۋدا، بۇل «شينجياڭ ۇيعۇر اۆتونوميالى رايونىنىڭ مادەنيەت جانە ساياحات كاسىپ سالاسى شوعىرىن دامىتۋ جوباسىنداعى (2030 — 2025 - جىل)» ”حالىقارالىق ىقپالعا يە جوعارى ساپالى قار ـ مۇز مادەنيەتى، ساياحاتى، سپورتى، سەيىل ـ سەرۋەن نىسانالى جەرىن قۇرۋ“ سىندى دامۋ نىساناسىنا ۇيلەسەدى.
جاڭا جىل دەمالىسىندا شينجياڭنىڭ جەر ـ جەرى دەن قويا دايىنداعان ۇشقىش اپپارات شىراق سالتاناتى، مۋزيكا مەرەكەسى، جارقىلداق اتۋ ويىنى، جىل اتتاۋ شام ساۋىعى سياقتى باي مازمۇندى قيمىلدار قار ـ مۇز ساياحاتىن ٴتىپتى دە قىزىقتى، ات سالىسۋعا لايىقتى ەتىپ، جاس ساياحاتشىلاردى ٴساتتى تۇردە ”ٴبىر ٴتۇن ارتىق قونۋعا“ باۋرادى. مەيتۋان ساياحات ساندى مالىمەتىندە كورسەتىلۋىنشە، شينجياڭنىڭ تۇرپان قالاسى شيزاڭنىڭ لحاسا، حىناننىڭ جييۋان سياقتى جەرلەرىمەن بىرگە 2000 - جىلدان كەيىن دۇنيەگە كەلگەن جاس ساياحاتشىلاردىڭ جاڭا جىل دەمالىسىندا حالىقتىق تۇسەلحاناعا الدىن الا تاپسىرىس بەرۋدە ”ارتىق ٴبىر ٴتۇن قونۋعا قىزىعا تاڭدايتىن نىسانالى جەرى“ قاتارىنان ورىن العان.
قازىر شينجياڭ ”قار ـ مۇز + حالىقتىق سالت ـ سانا“، ”قار ـ مۇز + بەيزاتتىق مادەنيەت مۇراسى“، ”قار ـ مۇز + كۇتىنۋ“ سياقتى كوپ نەگىزدى كاسىپ كۇيلەرىن توعىستىرۋ ارقىلى ساياحات كەشىرمەلەرىن ۇزدىكسىز بايىتۋدا. جاڭا جىل دەمالىسىندا ٴۇرىمجى جىبەك جولى تاۋلى ٴوڭىر دەمالىس اۋماعىنىڭ جىل اتتاۋ جارقىلداق سالتاناتىنان التايدىڭ قار ـ مۇز تاقىرىپتىق ىقپالداستىق قيمىلىنا، ونان جەر ـ جەردەگى شاڭعى الاڭدارىنداعى ەرەكشەلىككە يە حالىقتىق سالت ـ سانانى سەزىنۋگە دەيىن، ٴبارى دە شينجياڭنىڭ قار ـ مۇز ساياحات كاسىپ كۇيىنىڭ جاڭالىق اشۋىنىڭ ناقتى بەينەسى. ۇعىسۋعا قاراعاندا، شينجياڭ 2026 — 2025 - جىل قار ـ مۇز ماۋسىمىنداعى قار ـ مۇز تۇتىنۋ بەلەتىن تاراتۋ، حالىقارالىق ەڭ جوعارى دارەجەلى شاڭعى جارىسىن وتكىزۋ سياقتى شارالار ارقىلى قار ـ مۇز ساياحاتى بازارىن ۇزدىكسىز جانداندىرىپ، قار ـ مۇز ”سۋىق بايلىعىنىڭ“ ”ىستىق ومىرشەڭ كۇشتى“ ۇزدىكسىز شىعارۋىنا مۇمكىندىك جاساعان.
