انار بۇلت \شينجياڭ گازەتىنىڭ ٴتىلشىسى ما ينيڭ 1 ـ ايدىڭ 2 ـ كۇنى ۇرىمجىدەن حابارلايدى. 2025 ـ جىلى ٴۇرىمجى تيانشان حالىقارالىق اۋەجايىنىڭ جولاۋشى قابىلداۋ ـ جونەلتۋ مولشەرى 29 ميلليون 179 مىڭ 700 ادامعا (رەت)، جۇك ـ پوچتا جولدامالارىن قابىلداۋ ـ جونەلتۋ مولشەرى 331 مىڭ 800 تونناعا جەتىپ، 194 مىڭ 900 ۇشاقتىڭ (رەت) ۇشۋ ـ قونۋىن قامتاماسىز ەتىپ، سايكەس مەزگىلدەگىدەن جەكە ـ جەكە %5.09، %40.65، %3.27 ارتىپ، ٴۇش ۇلكەن وزەكتى كورسەتكىش تۇگەلدەي تاريحتاعى تىڭ دەڭگەيدى جاراتتى.
2025 ـ جىلى ٴۇرىمجى تيانشان حالىقارالىق اۋەجايى ەل ٴىشى جولاۋشىلارىنان 28 ميلليون 190 مىڭ 700 ادام (رەت)، حالىقارالىق جانە وڭىرلىك جولاۋشىلاردان 989 مىڭ ادام (رەت) تاسىمالداپ، سايكەس مەزگىلدەگىدەن جەكە ـ جەكە %3.81، %62.31 ارتىپ، توراپتىق ىقپال قۋاتى كۇن سايىن ارتتى. ٴتۇيىندى ساتتەگى بەينەسى كوز تارتادى: كوكتەم مەرەكەسى كەزىندەگى تاسىمالدا 40 كۇندە جيىنى 2 ميلليون 911 مىڭ ادام (رەت) جولاۋشى قامتاماسىز ەتىلدى؛ جازعى دەمالىستا جيىنى 6 ميلليون 440 مىڭ 100 ادام (رەت) جولاۋشى تاسىمالداندى، 8 ـ ايدىڭ 9 ـ كۇنى 108 مىڭ 700 ادامدىق (رەت) كۇندىك جولاۋشى تاسىمال رەكوردىن جاڭالادى؛ مەملەكەت مەرەكەسى، جۇڭچيۋ دەمالىسى كەزىندە 763 مىڭ ادامدىق (رەت) تاسىمال مولشەرى ونىڭ توراپتىق اۋەجاي رەتىندەگى كۇشتى باۋراۋ قۋاتىن تاعى ٴبىر رەت دالەلدەدى.
331 مىڭ 800 توننالىق جۇك ـ پوچتا جولدامالارىن قابىلداۋ ـ جونەلتۋ مولشەرى، %40.65تىك سايكەس مەزگىلدەگى ارتۋ قارقىنى جىلدىق ەڭ ۇلكەن جارقىن تۇيىنگە اينالىپ، ”كەڭىستىكتەگى جىبەك جولى“ زات تاسىمال تورابىنىڭ قاتتى وزەكتى قۋاتىن ايگىلەدى. ارتۋ قوزعالىس قۋاتى حالىقارالىق زات تاسىمال ارناسىنىڭ ۇزدىكسىز كەڭەيۋىنەن باستاۋ العان: تۇتاس جىلدا حالىقارالىق جۇك ـ پوچتا جولدامالارىن قابىلداۋ ـ جونەلتۋ مولشەرى 122 مىڭ 700 تونناعا جەتىپ، سايكەس مەزگىلدەگىدەن %204.8 ارتىپ، ”جۇڭگو - ەۆروپا تەز جەلىسى + ورتا ازيا ارناسى“ سىندى قوس تەگەرشىك ارقىلى قوزعالتىلعان زات تاسىمالى تورى جاعدايىن قالىپتاستىردى — ”ٴۇرىمجى - پاريج \ مادريد“ جۇك تاسىمال اۋە جەلىسى باتىس ەۆروپاعا توتە قاتىنايتىن زات تاسىمالىنىڭ توتە جولىن اشتى، ”ٴۇرىمجى - ۇرگەنىش“ جۇك تاسىمال اۋە جەلىسى ورتا ازيا ەلەكتروندى ساۋدا زات اينالىمىنىڭ ”ەڭ سوڭعى ٴبىر كيلومەترىن“ اشىپ، تۇتاس جۇك ۇشاعى اۋە جولى تورابى كۇن سايىن كەمەلدەندى.
2025 ـ جىلى ٴۇرىمجى تيانشان حالىقارالىق اۋەجايىنىڭ حالىقارالىق جانە وڭىرلىك كەزەكشى ۇشاعىنىڭ رەت سانى قاۋىرت ارتىپ، سايكەس مەزگىلدەگىدەن %79.88 ارتىپ، وسى اۋەجايدىڭ حالىقارالىق اۆياتسيا تورابى يقۋاتىنىڭ ۇزدىكسىز جوعارىلاعاندىعىن بەينەلەدى. كوپتەگەن سىرعىما جولداردىڭ سايكەستى جۇمىس جۇرگىزۋىنە سۇيەنىپ، اۋەجايدىڭ ۇشۋ ـ قونۋ سيىمدىلىعى زور مولشەردە جوعارىلاپ، كۇنىنە ورتا ەسەپپەن 534 ۇشاقتىڭ (رەت) ۇشۋ ـ قونۋى قامتاماسىز ەتىلدى.
2025 ـ جىلى ٴۇرىمجى تيانشان حالىقارالىق اۋەجايى جالپى 311 اۋە جەلىسىن ىسكە قوستى، مۇنىڭ ىشىندە 236 ەل ٴىشى جولاۋشى تاسىمال اۋە جەلىسى، 6 جۇك تاسىمال اۋە جەلىسى، 32 حالىقارالىق جولاۋشى تاسىمال اۋە جەلىسى، 37 جۇك تاسىمال اۋە جەلىسى بولىپ، ورتا ازياداعى 5 ەلدى جاپپاي قامتىپ، ”ٴۇرىمجى ارقىلى ۇشۋ“ ۇشاق اۋىستىرۋ تورىنىڭ ونىمدىلىگى كورنەكتى بولدى.
