رايونىمىز نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنىڭ ورنالاسىمىن جۇيەلى جوبالادى
2027 ـ جىلى ”ەكى جاپپاي قامتۋدى“ جۇزەگە اسىرۋ ايقىندالدى
انار بۇلت \ شينجياڭ گازەتىنىڭ ٴتىلشىسى سۋ لۋپيڭ 1 ـ ايدىڭ 5 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق دەنساۋلىق ساقتاۋ ـ سالاماتتىق كوميتەتى قاتارلى 11 تاراۋ بىرلەسىپ «اۆتونوميالى رايوننىڭ نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنىڭ ورنالاسىمى قۇرىلىسىن ساپالىلاندىرۋ جونىندەگى اتقارۋ جوباسىن» باسىپ تاراتىپ، تۇرعىنداردىڭ ەڭ جاقىن ەمدەۋ قىزمەت وتەۋى تۇيىنىنە 15 مينۋتتا جەتۋ پرينسيبى بويىنشا قالا مەن اۋىلدىڭ توعىسپالى دامۋى، حالىق سانى قۇرىلىمىنىڭ وزگەرىسى، بۇقارانىڭ سالاماتتىق قاجەتى، ەمدەۋ بايلىعى جوباسىن جاساۋ، اتقارۋ سياقتى فاكتورلاردى ٴبىر تۇتاس جوسپارلاپ ويلاستىرىپ، نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنىڭ ورنالاسىمىن جۇيەلى جوبالادى.
«جوبادا» مىنالار العا قويىلدى: 2027 ـ جىلعا بارعاندا اۋىل ـ قالاشىقتاردى، مالىلەردى قۇرىلىمدىق نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىمەن جاپپاي قامتۋ، اكىمشىلىك قىستاقتاردى جانە الەۋمەتتىك اۋماقتاردى نەگىزگى ەمدەۋ ـ دەنساۋلىق ساقتاۋ بويىنشا قىزمەت وتەۋمەن جاپپاي قامتۋ جۇزەگە اسىرىلىپ، نەگىزگى ساتى قۇرىلىمدارىنىڭ نەگىزدىك قۇرىلعى شارت ـ جاعدايى كورنەكتى جاقسارتىلادى. 2030 ـ جىلعا بارعاندا نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنىڭ ورنالاسىمى اناعۇرلىم بىركەلكى، ۇيلەسىمدى، قىزمەت وتەۋ اناعۇرلىم قولايلى بولادى.
جوبا بويىنشا ٴاربىر اۋىل ـ قالاشىقتا ٴبىر ولشەمدى ەمحانا قۇرىلادى، ٴاربىر مالىدە ٴبىر ولشەمدى الەۋمەتتىك اۋماق دەنساۋلىق ساقتاۋ بويىنشا قىزمەت وتەۋ ورتالىعى قۇرىلادى، ٴاربىر اكىمشىلىك قىستاقتا ٴبىر ولشەمدەندىرىلگەن قىستاق دەنساۋلىق ساقتاۋ بولمەسى نەمەسە ەمدەۋ (ارالاۋ) بويىنشا قىزمەت وتەۋ ٴتۇيىنى ورنالاستىرىلادى.
وسى نىسانانى جۇزەگە اسىرۋ ٴۇشىن، رايونىمىز نەگىزگى ساتى قۇرىلىمدارىن تۇرگە، ساتىعا ٴبولىپ قۇرۋدى جۇيەلى ىلگەرىلەتەدى.
اۋىل ـ قالاشىقتاردا تۇرلەر بويىنشا ادەتتەگى، سەنترلى جانە ٴتۇيىندى سەنترلى سىندى 3 تۇردەگى ەمحانا قۇرىلادى. مۇنىڭ ىشىندە ٴتۇيىندى سەنترلى اۋىل ـ قالاشىق ەمحانالارى اناعۇرلىم جوعارى ولشەممەن قۇرىلىپ، قىزمەت وتەۋ دەڭگەيىندە اۋدان دارەجەلى شيپاحانالارعا قاراي تۋرالانىپ، اۋدان دارەجەلى شيپاحانالاردىڭ ٴىشىنارا فۋنكتسياسىن ٴبولىپ كوتەرەدى.
اكىمشىلىك قىستاقتاردا حالىق سانى جانە قىزمەت وتەۋ كولەمى بويىنشا ادەتتەگى قىستاق دەنساۋلىق ساقتاۋ بولمەسى نەمەسە قىزمەت وتەۋ قابىلەتى اناعۇرلىم كۇشتى سەنترلى قىستاق دەنساۋلىق ساقتاۋ بولمەسى قۇرىلادى. حالىق سانى سيرەك نەمەسە شەكارا، شالعاي وڭىرلەردە ەمدەۋ (ارالاۋ) بويىنشا قىزمەت وتەۋ ٴتۇيىنىن قۇرۋ ارقىلى اۋىل ـ قالاشىق ەمحانالارىنىڭ ارالاپ دياگنوز قويۋى، تۇرۋعا جىبەرۋى سياقتى تاسىلدەرمەن نەگىزگى ەمدەۋ ـ دەنساۋلىق ساقتاۋ بويىنشا قىزمەت وتەۋ ازىرلەۋدە ”اقتاڭداق“ بولماۋىنا شىنايى كەپىلدىك ەتىلەدى.
الەۋمەتتىك اۋماقتا الەۋمەتتىك اۋماق دەنساۋلىق ساقتاۋ قىزمەت وتەۋى ورتالىعىنىڭ تۇلعالىق جاۋاپكەرشىلىگى كۇشەيتىلىپ، الەۋمەتتىك اۋماق دەنساۋلىق ساقتاۋ قىزمەت وتەۋى ورتالىعىنىڭ الەۋمەتتىك يگىلىك سيپاتىنا تاباندى بولىپ، ٴاربىر مالىدە، از دەگەندە، بىرەۋىن ويداعىداي قۇرۋعا شىنايى كەپىلدىك ەتىلەدى. حالىق سانى 100 مىڭنان اساتىن مالىلەردە قاجەتكە قاراي كوبەيتىلەدى نەمەسە كولەمى ۇلعايتىلادى.
بۇل «جوبانىڭ» شىعارىلۋى اۆتونوميالى رايوننىڭ نەگىزگى ساتى ەمدەۋ ـ دەنساۋلىق ساقتاۋ جۇيەسى قۇرىلىسىنىڭ جۇيەلى ساپالىلاندىرۋ، ساپاسىن جوعارىلاتىپ ونىمدىلىگىن ارتتىرۋ كەزەڭىنە وتكەندىگىن، ٴار ۇلت بۇقاراسىنا اناعۇرلىم مىعىم، اناعۇرلىم قولايلى سالاماتتىق قامتاماسىزدىعىن اكەلەتىندىگىن اڭعارتادى.
