مەملەكەتتىك ۇگىت ٴبولىمى باستىقتارى ٴماجىلىسى بەيجيڭدە اشىلدى
ساي چي قاتىناستى ٴارى ٴسوز سويلەدى
شينحۋا اگەنتتىگىنىڭ 1 ـ ايدىڭ 5 ـ كۇنى بەيجيڭنەن بەرگەن حابارى. مەملەكەتتىك ۇگىت ٴبولىمى باستىقتارى ٴماجىلىسى 1 ـ ايدىڭ 5 ـ كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ٴارى ٴسوز سويلەدى. ول بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ٴتورتىنشى جالپى ٴماجىلىس ورنالاستىرۋلارىن مۇقيات تياناقتاندىرىپ، شي جينپيڭ مادەنيەت يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ جاسامپاز نازارياسى جونىندە ۇيرەنۋ جانە ۇگىت تاربيەسىن كۇش سالا تەرەڭدەتىپ، نەگىزگى اعىمدىق قوعامدىق پىكىردىڭ جەتەكتەۋ قابىلەتىن كۇش سالا جوعارىلاتىپ، سوتسياليستىك وزەكتى قۇن كوزقاراسىن كۇش سالا اسقاقتاتىپ جانە امالياتتا ايگىلەپ، مادەنيەت ىستەرىن، مادەنيەت كاسىپ سالاسىن كۇش سالا گۇلدەندىرىپ، دامىتىپ، جۇڭحۋا وركەنيەتىنىڭ تاراتۋ كۇشىن، ىقپالىن كۇش سالا جوعارىلاتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ىلگەرىلەتۋگە قۋاتتى يدەيالىق كەپىل، قۋاتتى رۋحاني كۇش، پايدالى مادەنيەت شارت ـ جاعدايىن ازىرلەۋ كەرەك.
ساي چي بىلاي دەپ اتاپ كورسەتتى: پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ستراتەگيالىق جانە جالپى جاعداي بيىگىنەن ۇگىت، يدەيا، مادەنيەت قىزمەتىن يگەرۋگە تاباندى بولدى، باس شۋجي شي جينپيڭ ٴبىر قىدىرۋ ماڭىزدى ماجىلىستەردى باسقارىپ اشىپ، ٴبىر قىدىرۋ ماڭىزدى ٴسوز جاريالاپ، ٴبىر قىدىرۋ جاڭا يدەيالاردى، جاڭا كوزقاراستاردى، جاڭا تۇجىرىمداردى العا قويىپ، شي جينپيڭ مادەنيەت يدەياسىن قالىپتاستىرىپ، جاڭا داۋىردەگى ۇگىت، يدەيا، مادەنيەت ىستەرىندە تاريحي سيپاتتى تابىستارعا قول جەتكىزۋگە جەتەكشىلىك ەتتى. ۇيرەنۋدى، دايەكتىلەندىرۋدى ونان ارى ويداعىداي يگەرىپ، پارتيا ورتالىق كوميتەتىنىڭ مادەنيەتتە قۋاتتى ەل قۇرىلىسى جونىندەگى ستراتەگيالىق ورنالاستىرۋلارىن جاپپاي تياناقتاندىرىپ، ”15 ـ بەسجىلدىق“ ۇگىت، يدەيا، مادەنيەت قىزمەتىندە جاقسى باستاما اشۋدى، جاقسى قادام تاستاۋدى ىلگەرىلەتۋ كەرەك.
ساي چي بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىمەن قاجىماي ـ تالماي زەيىن ـ زەردەنى ۇيىستىرىپ، رۋحتى سومداپ، پارتيانىڭ جاسامپاز نازارياسىمەن بۇكىل پارتيانى قارۋلاندىرۋ، حالىقتى تاربيەلەۋ، ٴىس جۇزىندىك قىزمەتكە جەتەكشىلىك ەتۋ جۇيەسىن اقاۋسىزداندىرۋ كەرەك. اقپاراتتىق قوعامدىق پىكىر قىزمەتىن ويداعىداي ىستەپ، ەكونوميكا ۇگىتىن ماڭىزدى ورىنعا قويىپ، قوعامدىق پىكىر جاعدايىنا توتەپ بەرۋ جانە قوعامدىق پىكىر جەتەكشىلىگىن كۇشەيتىپ، يدەولوگيا قىزمەتى جاۋاپكەرشىلىك ٴتۇزىمىن قاتايتىپ، وزىنە سەنەتىن، ٴوزىن الۋەتتەندىرەتىن، ىنتىماقتاسا ەكپىندەي ىلگەرىلەيتىن نەگىزگى اعىمدىق يدەيالىق قوعامدىق پىكىردى بەكەمدەۋ، زورايتۋ كەرەك. سوتسياليستىك وزەكتى قۇن كوزقاراسىنىڭ جەتەكشىلىك قۋاتىن، سومداۋ كۇشىن ۇزدىكسىز كۇشەيتىپ، يدەيا ـ ساياسي قىزمەتىن ويداعىداي ىستەۋدى ىلگەرىلەتۋ كەرەك. مادەنيەت ٴتۇزىلىس ـ مەحانيزمى رەفورماسىن تەرەڭدەتىپ، جاڭاشا مادەنيەت كاسىپ كۇيىن دامىتىپ، مادەنيەت پەن ساياحاتتىڭ تەرەڭدەي توعىسۋىن ىلگەرىلەتۋ كەرەك. ينتەرنەت ەكولوگياسىن باسقارۋ ونىمدىلىگىن جوعارىلاتىپ، ينتەرنەت وركەنيەتى قۇرىلىسىن كۇشەيتۋ كەرەك. حالىقارالىق تاراتۋ قابىلەتى قۇرىلىسىن كۇشەيتىپ، جاڭا داۋىردەگى جۇڭگو حيكاياسىن ناقتى، ستەرەولدى، جان ـ جاقتى ويداعىداي بايانداۋ كەرەك. پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، شىرىكتەسۋگە قارسى تۇرۋ كۇرەسىن جانە ستيل قۇرىلىسىن ىلگەرىلەتىپ، ۇگىت، يدەيا، مادەنيەت قىزمەتىنىڭ جاڭا جاعدايىن اشۋعا كۇشتى ساياسي كەپىلدىك ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ٴبولىمىنىڭ باستىعى لي شۋلەي ٴماجىلىستى باسقاردى ٴارى قىزمەت ورنالاستىرۋىن جاسادى، ول بىلاي دەپ باسا دارىپتەدى: شي جينپيڭ مادەنيەت يدەياسىن ىشكەرىلەي ۇيرەنىپ، امالياتتا ايگىلەپ، پارتيانىڭ جاسامپاز نازارياسىن ۇيرەنۋ ـ زەرتتەۋدى جانە ۇگىتتەۋ ـ ٴتۇسىندىرۋدى كۇشەيتىپ، نەگىزگى اعىمدىق مەديالاردىڭ جۇيەلىك وزگەرىسىن جەدەل ىلگەرىلەتىپ، يدەيا ـ ساياسي قىزمەتىن ويداعىداي ىستەۋ قابىلەتىن جانە دەڭگەيىن جوعارىلاتىپ، ينتەرنەت شارت ـ جاعدايىندا جاڭا بۇقارالىق ادەبيەت ـ كوركەمونەردى گۇلدەندىرىپ، بەلگى سيپاتتى رەفورما شارالارى ارقىلى مادەنيەت ەسكەرتكىشتەرىن جۇيەلى قورعاۋدى ىلگەرىلەتىپ، جالپى حالىقتىق كىتاپ وقۋ جانە كىتاپقۇمار قوعام قۇرىلىسىن زور كۇشپەن ىلگەرىلەتىپ، قالا مەن اۋىل رۋحاني وركەنيەت قۇرىلىسىن ٴبىر تۇتاس جوسپارلاپ ىلگەرىلەتىپ، جۇڭگونىڭ فيلوسوفيالىق، قوعامدىق عىلىمدار دەربەس ٴبىلىم جۇيەسىن بەلسەنە ورناتىپ، حالىقارالىق تاراتۋ ونىمدىلىگىن، قابىلەتىن جاپپاي كۇشەيتىپ، مادەنيەت قۇرىلىسىنىڭ سيفرلانىپ، زەردەلىلەنىپ كۇش ۇستەۋىن جانە ينفورماتسيالانىپ تيپ جاڭالاۋىن ىلگەرىلەتىپ، وسكەلەڭ جاۋاپكەرشىلىك سەزىممەن، بورىشتىلىق سەزىممەن ٴتۇرلى مىندەتتەردى ناقتى تياناقتاندىرۋ كەرەك.
مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى تيە نيڭ، مەملەكەتتىك كەڭەستىڭ مۇشەسى شىن يچين ماجىلىسكە قاتىناستى.
