”ماسەلە ٴتىزىمى“ ”باقىت تالونىنا“ اينالدى
انار بۇلت \ شينجياڭ گازەتىنىڭ ٴتىلشىسى ٴپاريزات ابدۇل
”ۋاڭ شۋجي، ٴسىزدىڭ ارقاڭىزدا مىنا ەڭبەكاقى تياناقتاندى“. 1 ـ ايدىڭ 3 ـ كۇنى شەريا اۋدانى نۇر اۋىلى شارتاش قىستاعى قىستاق تۇرعىندار كوميتەتىندە قىستاق تۇرعىنى ٴمادينۇر توحتىسەيت شەريا اۋداندىق حالىق پروكۋراتۋراسىنىڭ شارتاش قىستاعىندا تۇراتىن قىزمەت اترەتىنىڭ باستىعى، ٴبىرىنشى شۋجي ۋاڭ لياڭنىڭ قولىن ۇستاپ تۇرىپ قايتا ـ قايتا العىس ايتتى.
وسىنىڭ الدىندا ۋاڭ لياڭ مەن قىستاق كادرلارى بىرگە اۋدان اتتاپ كەڭەسىپ، ٴمادينۇردىڭ كەشىكتىرىلگەن ەڭبەكاقىسىن الىپ بەرگەن ەدى.
بۇل ٴىس ٴدال شارتاش قىستاعىنىڭ ”ٴتىزىم ۇلگىسىندە“ قىزمەت وتەۋ مەحانيزمىنىڭ تياناقتانىپ ٴونىم بەرۋىنىڭ جاندى كورىنىسى. شارتاش قىستاعىندا بۇقارا اڭىس ەتكەن قايشىلىقتاردى جاراستىرۋ، كاسىپ سالاسى ارقىلى كومەكتەسۋ ـ سۇيەمەلدەۋ، جول جاساپ ـ كوپىر سالۋ سياقتى ۇلكەندى ـ كىشىلى ىستەردىڭ ٴبارى قىستاق تۇرعىندار كوميتەتى مەن قىزمەت اترەتىنىڭ ”مىندەت تىزىمىنە“ جانە ”ناقتى ٴىس ىستەۋ تىزىمىنە“ ەنگىزىلىپ، ۋاقىت شەگى ايقىندالىپ، جاۋاپكەرشىلىك ادامعا تياناقتاندىرىلدى، جالپى بارىس بويىنشا قاداعالاندى، جابىق اينالىمدى ٴبىتىرىپ اياقتاتتى.
باسقارۋ ونىمدىلىگىن جوعارىلاتۋ ٴۇشىن، شارتاش قىستاعى نازاردى بۇقارانىڭ شۇعىل، قيىن، ۋايىمداعان، ٴزارۋ ىستەرىنە شوعىرلاندىرىپ، ”قيىنشىلىق، تالاپ ـ تىلەك ٴتىزىمى + حالىق ٴۇشىن ناقتى ٴىس ىستەۋ ٴتىزىمى“ سىندى قوس جەلى قىزمەت مەحانيزمىن ورناتىپ، وتباسىلارىن ارالاپ جاعداي ۇعىسۋ، قىستاق تۇرعىندارى جينالىسى، 12345 ىستىق لەنياسى سياقتى ارنالار ارقىلى حالىق رايىن يكەمدى جيناپ، ”ماسەلەنى قالاي يگەرۋ، كىم ٴبىتىرۋ، قالاي باقىلاۋ“ سىندى جابىق اينالىم ۇلگىسىن قالىپتاستىرىپ، ماسەلەنىڭ شەشىلۋىن شىن مانىندە ىلگەرىلەتىپ، ”ماسەلە ٴتىزىمىن“ ”باقىت تالونىنا“ اينالدىردى.
”بۇرىن ەسىكتىڭ الدىنداعى جول ويلى ـ شۇڭقىر بولىپ جاتاتىن، قىستاققا اڭىس ەتكەننەن كەيىن، قازىر سەمەنت جول ەسىگىمىزدىڭ الدىنا دەيىن جاتقىزىلدى“. قىستاق تۇرعىنى ٴماتتۇردى حاكىم ەسىگىنىڭ الدىنداعى 300 مەتر قاتتىلاندىرىلعان جولدى كورسەتكەندە جۇزىنەن قۋانىش ەستى. بۇل جول قىستاقتان باستالىپ بەتكەيدەگى 5 وتباسىنا دەيىن تۇتاسادى.
”قىزمەت اترەتى مەنىڭ اۋلا باعىمشىلىعىن دامىتۋىما كومەكتەستى، تۇرمىسىم بارعان سايىن شالقىپ كەلەدى“. قىستاق تۇرعىنى مامەت سايىم قوراسىنداعى قويلارعا قاراپ، كىرىستى ارتتىرۋ ەسەبىن جاسادى.
كىشى ـ گىرىم ىستەر تياناقتانىپ ونىمدىلىك كورسەتىپ، كادرلار مەن بۇقارانىڭ اراسى جاقىنداۋمەن بىرگە، قىستاق تۇرعىندارى وزگەرىستى كوردى، ناقتى تيىمدىلىككە يە بولدى.
”ىستەر ۇلكەن ـ كىشى دەپ بولىنبەيدى، تىزىمگە ەنگىزىلگەن ەكەن، بۇقاراعا بەرىلگەن ۋادە سانالادى، ٴسوز جوق، سوڭىنا دەيىن قاداعالاۋ كەرەك“، ـ دەدى ۋاڭ لياڭ. بۇگىنگى تاڭدا شارتاش قىستاعىنىڭ قىستاق كادرلارى بۇقارانىڭ كەلۋىن كۇتىپ وتىرمايتىن بولدى، قايتا ىرىقتىلىقپەن وتباسىلاردى ارالاپ تالاپتارىنا قۇلاق ٴتۇرىپ، تۇرگە ٴبولىپ تياناقتاندىرۋدى يگەردى. قىستاق تاعى دۇيسەنبى كۇنى مەملەكەت تۋىن شىعارۋ، ماۋسىمدىق ماراپاتتاۋ سياقتىلارعا سۇيەنىپ ٴتىزىمنىڭ ٴبىتىرىلۋ اياق الىسىن ۋاق ـ ۋاق جاريالاپ، بۇقارانىڭ رازىلىق دەڭگەيىن قىزمەتتى تارازىلاۋدىڭ ولشەمى ەتتى.
باسقارۋ مەيىرلى، دامۋ تەبىندى بولدى. شارتاش قىستاعى تاۋلى ٴوڭىردىڭ ٴىس جۇزىندىك جاعدايىن تياناق ەتىپ، بوس تۇرعان بايلىقتى جانداندىرىپ، بالىق كولشىگىن جاقسارتىپ، 2025 ـ جىلى قىستاق كوللەكتيۆىنىڭ ەكونوميكالىق كىرىسىن 20 مىڭ يۋان ارتتىردى؛ مال شارۋاشىلىعىنىڭ باسىمدىعىن ساۋلەلەندىرىپ، كاسىپ سالالارىن وتباسىلارعا جەتكىزۋ نىسانىن اتقارىپ، بۇكىل قىستاقتاعى ەگىنشى ـ مالشىلاردىڭ جان باسىندىق تازا كىرىسىن 20 مىڭ يۋاننان اسىردى؛ سونىمەن قاتار بەلسەندى تۇردە جۇمىس ورىندارىن اشىپ، شەبەرلىككە باۋلۋ كۋرسىن ۇيىمداستىرىپ، بۇقارانى سىرتقا شىعىپ جۇمىستانۋعا ىنتالاندىرىپ، بۇقارانىڭ كىرىستەرىن ارتتىرۋ ارناسىن ۇزدىكسىز كەڭەيتتى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە بار كۇشتى سالىپ ىستەۋگە، شاماعا قاراي ىستەۋگە تاباندى بولىپ، جالپىعا ٴتيىمدى، نەگىزدىك، تۇبەسەلى حالىق تۇرمىسى قۇرىلىسىن كۇشەيتىپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن ويداعىداي شەشۋ العا قويىلدى. ۋاڭ لياڭ مىنانى ٴبىلدىردى: قىستاق ٴتىزىم بويىنشا قىزمەت وتەۋ مەحانيزمىن ۇزدىكسىز كەمەلدەندىرىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ناقتاپ تياناقتاندىرىپ، ايقىن دا جاريا، ناقتى دا جارامدى قىزمەت مەحانيزمى ارقىلى حالىق تۇرمىسىنداعى ناقتى ىستەردى امالىن تاۋىپ ويداعىداي شەشىپ، قىستاق تۇرعىندارىنىڭ تۇرمىستارىنىڭ اناعۇرلىم جايلى، اناعۇرلىم مەيىرلى، اناعۇرلىم ٴۇمىتتى بولۋىنا مۇمكىندىك جاسايدى.
