اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ قىزمەتى ٴماجىلىسى اشىلدى
شي جينپيڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، سوتسياليستىك وسىزاماندانعان شينجياڭ قۇرىلىسىن زاڭمەن باسقارۋ ارقىلى قامتاماسىز ەتۋ كەرەك
چىن شياۋجياڭ ٴسوز سويلەدى، ەركىن تۇنياز باسقاردى، ٴزۇمىرات وبۇل، نۇرلان ٴابىلماجىن، حى جۇڭيوۋ، جاڭ جۋ، چىن ميڭگو قاتىناستى
1 - ايدىڭ 7 - كۇنى اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ قىزمەتى ءماجىلىسى اشىلدى، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ءارى ءسوز سويلەدى.
□سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ قىزمەتى ٴماجىلىسى 1 ـ ايدىڭ 7 ـ كۇنى اشىلدى، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەپ، بىلاي دەپ باسا دارىپتەدى: شي جينپيڭ زاڭمەن باسقارۋ يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ مەملەكەتتى جاپپاي زاڭمەن باسقارۋ قىزمەتى جونىندەگى ماڭىزدى نۇسقاۋىنىڭ جانە ورتالىقتىڭ مەملەكەتتى جاپپاي زاڭمەن باسقارۋ قىزمەتى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جاڭا جورىقتا شينجياڭدى جاپپاي زاڭمەن باسقارۋدى ىشكەرىلەي ىلگەرىلەتىپ، سوتسياليستىك وسىزاماندانعان شينجياڭ قۇرۋعا پارمەندى زاڭمەن باسقارۋ قامتاماسىزدىعىن ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل، اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ قاتىناستى. اۆتونوميالى رايوندىق پارتكومنىڭ ورىنباسار شۋجيى، ساياسي ـ زاڭ كوميتەتىنىڭ شۋجيى چىن ميڭگو قورىتىندى ٴسوز سويلەدى.
چىن شياۋجياڭ بىلاي دەپ اتاپ كورسەتتى: شي جينپيڭ زاڭمەن باسقارۋ يدەياسى ماركسيزمنىڭ زاڭمەن باسقارۋ نازارياسىن جۇڭگونىڭ زاڭمەن باسقارۋ قۇرىلىسىنىڭ ناقتى امالياتىمەن ٴوزارا ۇشتاستىرۋعا، جۇڭحۋانىڭ تاڭداۋلى ٴداستۇرلى زاڭ مادەنيەتىمەن ٴوزارا ۇشتاستىرۋعا تاباندى بولىپ، جاڭا داۋىردە مەملەكەتتى جاپپاي زاڭمەن باسقارۋدى نە ٴۇشىن اتقارۋ، مەملەكەتتى جاپپاي زاڭمەن باسقارۋدى قالاي اتقارۋ سياقتى ٴبىر قىدىرۋ كەلەلى ماسەلەگە تەرەڭدەي جاۋاپ بەرىپ، ەلىمىزدىڭ سوتسياليستىك زاڭمەن باسقارۋ قۇرىلىسىندا تاريحي تابىسقا جەتۋگە، تاريحي وزگەرىس تۋدىرۋعا جەتەكشىلىك ەتتى. شي جينپيڭ زاڭمەن باسقارۋ يدەياسىن جەتە ۇيرەنىپ، جەتە يگەرىپ، شىنايى تياناقتاندىرىپ، ”ون ەكىگە تاباندى بولۋدىڭ“ وزەكتى ماڭىزىن ىشكەرىلەي ٴتۇسىنىپ، يگەرىپ، وندا قامتىلعان تۇرعىنى، كوزقاراستى، ٴادىستى جاپپاي ۇيرەنىپ، ۇعىنىپ، شينجياڭدى جاپپاي زاڭمەن باسقارۋدى تىڭعىلىقتى ىلگەرىلەتىپ، اناعۇرلىم جوعارى دەڭگەيدەگى زاڭمەن باسقارىلاتىن شينجياڭ قۇرۋ كەرەك.
چىن شياۋجياڭ بىلاي دەپ باسا دارىپتەدى: وتكەن 5 جىلدا بۇكىل رايونىمىزدا جوعارىدان تومەنگە دەيىن شي جينپيڭ زاڭمەن باسقارۋ يدەياسىن ىشكەرىلەي امالياتتا ايگىلەپ، شينجياڭدى جاپپاي زاڭمەن باسقارۋدى رەفورما، دامۋ، ورنىقتىلىق قىزمەتتەرىنىڭ ٴارقايسى جاعىنا، جالپى بارىسىنا سىڭىرۋگە تاباندى بولىپ، پارتيانىڭ شينجياڭدى جاپپاي زاڭمەن باسقارۋعا باسشىلىعىن اناعۇرلىم كۇشەيتىپ، جەرگىلىكتى زاڭ ەرەجە، ەرەجە جۇيەسىن اناعۇرلىم اقاۋسىزداندىرىپ، قوعام ورنىقتىلىعىنىڭ زاڭمەن باسقارىلۋ نەگىزىن اناعۇرلىم بەكەمدەپ، زاڭمەن باسقارۋدىڭ رەفورمانى، دامۋدى قورعاۋ ونىمدىلىگىن اناعۇرلىم كورنەكتىلەندىرىپ، زاڭمەن باسقارۋ قىزمەتى قوسىنى قۇرىلىسىن اناعۇرلىم جۇيەلىلەندىرىپ، زاڭمەن باسقارىلاتىن شينجياڭ قۇرىلىسىندا نىق قادام تاستادى.
چىن شياۋجياڭ بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ ستراتەگيالىق ورنالاستىرۋلارىن جاپپاي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن تىعىز ارقاۋ ەتىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، نازاردى ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىسانا ـ مىندەتتەرىنە شوعىرلاندىرىپ، شينجياڭدى جاپپاي زاڭمەن باسقارۋدى ىشكەرىلەي ىلگەرىلەتىپ، زاڭمەن باسقارۋدىڭ سوتسياليستىك وسىزاماندانعان شينجياڭ قۇرۋداعى ماڭىزدى قامتاماسىزدىق رولىن اناعۇرلىم ويداعىداي ساۋلەلەندىرۋ كەرەك. زاڭمەن باسقارۋ ارقىلى ٴتۇزىم ابزالدىلىعىن بەكەمدەۋ جانە ايگىلەۋ كەرەك. پارتيانىڭ باسشىلىق ٴتۇزىمى جۇيەسىن اقاۋسىزداندىرىپ جانە تياناقتاندىرىپ، پارتيا ورتالىق كوميتەتىنىڭ كەلەلى باعىت ـ ساياساتتارى مەن شەشىم ـ ورنالاستىرۋلارىنىڭ ٴونىمدى دايەكتىلەندىرىلۋىن قامتاماسىز ەتىپ، جالپى بارىستىق حالىق دەموكراتياسىن امالياتتا ايگىلەپ، نەگىزگى زاڭدى جاپپاي دايەكتىلەندىرىپ، اتقارىپ، باسقارۋ جۇيەسى مەن باسقارۋ قابىلەتىنىڭ وسىزاماندانۋىن زاڭمەن باسقارۋ ارناسىندا ىلگەرىلەتۋ كەرەك. زاڭمەن باسقارۋ ارقىلى قوعامنىڭ حاۋىپسىزدىگىن، ورنىقتىلىعىن قورعاۋ كەرەك. ”مەملەكەتتىڭ وڭىرلىك حاۋىپسىزدىگىن قورعاۋ ستراتەگيالىق قالتقىسى“ جونىندەگى زاڭ شىعارۋ زەرتتەۋىن كۇشەيتىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن ىشكەرىلەي ىلگەرىلەتىپ، ٴتۇرلى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، شينجياڭعا ساياتىن سىرتقا باعىتتالعان كۇرەستى زاڭمەن باسقارۋ ٴتاسىلىن قولدانىپ ورىستەتىپ، جۇڭحۋا ۇلتى ورتاق تۇلعا تانىمىن بەكەمدەۋ جونىندەگى جەرگىلىكتى زاڭ ەرەجەلەردى اقاۋسىزداندىرىپ، ٴدىن ىستەرىن باسقارۋدىڭ زاڭمەن باسقارىلۋ دەڭگەيىن جوعارىلاتىپ، قوعام ورنىقتىلىعى مەن باياندى تىنىشتىق نەگىزىن بەكەمدەۋ كەرەك. زاڭمەن باسقارۋ ارقىلى جوعارى ساپالى دامۋعا قىزمەت وتەۋ كەرەك. مەملەكەتتىك ٴبىر تۇتاس ۇلكەن بازار قۇرىلىسىنا ۇيلەسەتىن ٴتۇزىمدى، ەرەجەنى جەدەل ورناتىپ، ٴتۇرلى مەنشىكتەگى شارۋاشىلىقتى زاڭ بويىنشا قورعاپ، ەرەكشەلىككە، باسىمدىققا يە وسىزاماندانعان كاسىپ سالاسى جۇيەسى قۇرىلىسىنىڭ زاڭمەن باسقارىلۋ قامتاماسىزدىعىن كۇشەيتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەردىڭ جەرگىلىكتى ورىندارىمەن زاڭمەن باسقارۋ سەلبەستىگىن تەرەڭدەتىپ، جاڭا دامۋ ارناسىن قالىپتاستىرۋدىڭ ستراتەگيالىق تىرەگىن تۇلعالاۋعا دەم بەرۋ كەرەك. زاڭمەن باسقارۋ ارقىلى حالىق تۇرمىسى قۇت ـ ىرىسىن ارتتىرۋ كەرەك. ادامدىق ۇقىقتى زاڭمەن باسقارۋ ارقىلى قامتاماسىزداندىرۋدى كۇشەيتىپ، ايەلدەردىڭ، ازامات جاسىنا تولماعانداردىڭ، قارتتاردىڭ، مۇگەدەكتەردىڭ ۇقىق ـ مۇددەسىن قورعاۋدى كۇشەيتىپ، قالا، اۋىلدىڭ زاڭدىق قىزمەت وتەۋ بايلىعىنىڭ بىركەلكى ورنالاسۋىن جەبەپ، بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن زاڭ بويىنشا رەتتەۋ ـ جونگە سالۋ كەرەك. زاڭمەن باسقارۋ ارقىلى قوعامدىق ادىلدىكتى، ادىلەتتىلىكتى جەبەۋ كەرەك. ۇقىق ـ مۇددە تەپە ـ تەڭدىگىن، وراي تەپە ـ تەڭدىگىن، قاعيدا تەپە ـ تەڭدىگىن ايگىلەيتىن زاڭ ەرەجەنى، ٴتۇزىمدى جەدەل كەمەلدەندىرىپ، ٴادىل زاڭ اتقارۋ ٴادىليا ٴتۇزىلىس ـ مەحانيزمىن اقاۋسىزداندىرىپ، ٴادىليانىڭ ساپاسىن، ونىمدىلىگىن جانە الەۋمەتتىك سەنىمدىلىگىن جوعارىلاتىپ، ٴار ۇلت بۇقاراسىنا ٴاربىر زاڭ ـ تۇزىمنەن، ٴاربىر زاڭ اتقارۋ ۇيعارىمىنان، ٴاربىر ٴادىليالىق دەلودان ادىلدىك پەن ادىلەتتىلىكتى سەزىندىرۋگە قۇلشىنۋ كەرەك.
چىن شياۋجياڭ بىلاي دەپ باسا دارىپتەدى: عىلمي زاڭ شىعارۋدى، زاڭدى قاتاڭ اتقارۋدى، ٴادىليانى ٴادىل جۇرگىزۋدى، جالپى حالىقتىڭ زاڭعا بويسۇنۋىن جاپپاي ىلگەرىلەتىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ٴبىر تۇلعالى ىلگەرىلەتۋ كەرەك. ٴتۇيىندى سالالارداعى، جاڭادان گۇلدەنگەن سالالارداعى، شەتەلگە ساياتىن سالالارداعى جەرگىلىكتى زاڭ ەرەجە شىعارۋدى كۇشەيتىپ، تاماشا زاڭ ارقىلى رەفورمانى ىلگەرىلەتۋ، دامۋدى جەبەۋ، شەبەرلىكپەن باسقارۋدى قامتاماسىزداندىرۋ كەرەك. ۇكىمەت فۋنكتسياسىن زاڭ بويىنشا اتقارىپ، اكىمشىلىك زاڭ اتقارۋ بويىنشا باقىلاۋ جۇيەسىن كەمەلدەندىرىپ، قاتاڭ، جۇيەلى، ٴادىل، وركەنيەتتى زاڭ اتقارۋ دەڭگەيىن جوعارىلاتۋ كەرەك. ٴادىليانى حالىق ٴۇشىن جۇرگىزۋگە تاباندى بولىپ، ٴادىليالىق تورەلىك ايتۋدىڭ ادىلدىگىن، ورنىقتىلىعىن، قۇزىرەتتىلىگىن جوعارىلاتىپ، ٴادىليا ٴتۇزىلىس رەفورماسىن تەرەڭدەتىپ، ٴادىليالىق ۇقىق اينالىمىن جۇيەلىلەندىرىپ، ٴادىليانىڭ اشىق بولۋىن ىلگەرىلەتۋ كەرەك. زاڭمەن باسقارۋدىڭ قوعامدىق نەگىزىن بەكەمدەپ، ارىز ـ ارمان قىزمەتىنىڭ زاڭمەن باسقارىلۋىن ىلگەرىلەتىپ، قايشىلىقتاردى، داۋ ـ شارلاردى قاينارىنان شەشۋدى، كوپ نەگىزدى شەشۋدى ىلگەرىلەتىپ، قوعامدىق باسقارۋدىڭ زاڭمەن باسقارىلۋ دەڭگەيىن جوعارىلاتىپ، تۇتاس قوعام زاڭمەن باسقارۋدى ارداقتايتىن، ەرەجەگە بۇلجىماي بويسۇناتىن، كەلىسىمگە قۇرمەت ەتەتىن، ادىلدىكتى قورعايتىن تاماشا ورتا قالىپتاستىرۋ كەرەك. زاڭمەن باسقارۋ قىزمەتى قوسىنى قۇرىلىسىن جانە زاڭمەن باسقارۋ دارىندىلارىن باۋلۋدى تەرەڭدەتىپ، نەگىزگى ساتى زاڭمەن باسقارۋ قىزمەتىنىڭ قامتاماسىزداندىرىلۋ دەڭگەيىن جوعارىلاتىپ، ستيل دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى بۇلجىماي ويداعىداي يگەرىپ، زاڭ اتقارۋداعى، ٴادىلياداعى شىرىكتەسۋدى مۇلدە راقىم ەتپەۋ پوزيتسياسىمەن جازالاۋ كەرەك.
چىن شياۋجياڭ بىلاي دەپ باسا دارىپتەدى: پارتيانىڭ شينجياڭدى جاپپاي زاڭمەن باسقارۋعا باسشىلىعىنا تاباندى بولىپ جانە ونى كۇشەيتىپ، پارتيانىڭ زاڭ شىعارۋعا باسشىلىق ەتۋىن، زاڭ اتقارۋعا كەپىلدىك ەتۋىن، ٴادىليانى قولداۋىن، باستاماشىلدىقپەن زاڭعا بويسۇنۋىن ناقتاپ تياناقتاندىرىپ، «جۇڭگو كوممۋنيستىك پارتياسىنىڭ مەملەكەتتى جاپپاي زاڭمەن باسقارۋعا باسشىلىق ەتۋ قىزمەت ەرەجەسىن» مۇقيات دايەكتىلەندىرىپ، شينجياڭدى جاپپاي زاڭمەن باسقارۋ قىزمەت مەحانيزمىن اقاۋسىزداندىرىپ، كەمەلدەندىرىپ، زاڭمەن باسقارۋ قۇرىلىسى مىندەتىنىڭ تياناقتانىپ ونىمدىلىك كورسەتۋىن ىلگەرىلەتۋ كەرەك. ٴار دارەجەلى پارتكومدار (پارتيا باسشىلىق گرۋپپاسى) زاڭمەن باسقارۋ قىزمەتى تۇلعالىق جاۋاپكەرشىلىگىن اتقارىپ، پارتكوم مەن ۇكىمەتتەگى نەگىزگى جاۋاپتى جولداستاردىڭ ٴبىرىنشى جاۋاپتى ادام بولۋ جاۋاپكەرشىلىگىن ناقتىلاندىرىپ، ٴار دارەجەلى باسشى كادرلاردىڭ قىزمەت ۇقىعىنىڭ زاڭدا بەلگىلەنگەندىگىن ەستە بەرىك ساقتاۋىن، قاتاڭ تۇردە زاڭ بويىنشا ٴىس ٴبىتىرۋىن ىلگەرىلەتىپ، زاڭمەن باسقارىلاتىن شينجياڭ قۇرىلىسىن ىلگەرىلەتۋگە پارمەندى ساياسي كەپىلدىك ازىرلەۋ كەرەك.
ماجىلىستە اۆتونوميالى رايوندىق ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورگانىنداعى، اۆتونوميالى رايوندىق دامۋ جانە رەفورما كوميتەتىندەگى، ىلە قازاق اۆتونوميالى وبلىسىنداعى، قارامايلى قالاسىنداعى، قاشقار ايماعىنداعى قاتىستى جاۋاپتى جولداستار پىكىر اۋىستىرىپ ٴسوز سويلەدى.
تيان شياڭلي، ۋاڭ جيانشين، قادەن كابەن، اۆتونوميالى رايونداعى، شينجياڭ اسكەري رايونىنداعى، بيڭتۋانداعى قاتىستى باسشىلار، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، اۆتونوميالى رايوندىق پارتكومنىڭ شينجياڭدى جاپپاي زاڭمەن باسقارۋ كوميتەتىندەگى قاتىستى جولداستار، اۆتونوميالى رايوننىڭ جانە بيڭتۋاننىڭ قاتىستى ورىندارىنداعى، ورتالىقتىڭ شينجياڭدا تۇراتىن ٴبىر ٴبولىم ورىندارىنداعى جاۋاپتى جولداستار، ٴارقايسى ايماق، وبلىس، قالالارداعى قاتىستى جاۋاپتى جولداستار قاتارلىلار ماجىلىسكە قاتىناستى.
