انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 7 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى چىن شياۋجياڭ، اۆتونوميالى رايوننىڭ ٴتوراعاسى ەركىن تۇنياز 1 ـ ايدىڭ 7 ـ كۇنى ۇرىمجىدە حۋارۇن (توبى) شەكتى سەرىكتەستىگىنىڭ باس جوراسى ۋاڭ شياڭميڭمەن، باس ديرەكتورى ۋاڭ سۇيجۇنمەن جانە ونىڭ ساپارلاستارىمەن كەزدەستى.
چىن شياۋجياڭ اۆتونوميالى رايوندىق پارتكوم مەن ۇكىمەت اتىنان ۋاڭ شياڭميڭنىڭ، ۋاڭ سۇيجۇننىڭ جانە ونىڭ ساپارلاستارىنىڭ شينجياڭعا تەكسەرۋ جۇرگىزۋگە كەلگەندىگىن قارسى الدى، حۋارۇن توبىنىڭ ۇزاق ۋاقىتتان بەرى شينجياڭنىڭ ەكونوميكالىق، قوعامدىق دامۋىنا زور كۇشپەن قولداۋ كورسەتىپ كەلگەندىگىنە العىس ايتتى. ول بىلاي دەدى: بيىل ”15 ـ بەسجىلدىقتىڭ“ باستاما جىلى، سوتسياليستىك وسىزامانداندىرۋدى نەگىزىنەن جۇزەگە اسىرۋ نەگىزدى بەكەمدەۋدىڭ، جاپپاي كۇش سالۋدىڭ شەشۋشى مەزگىلىنە ٴوتتى. جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ جاڭا جورىعىندا شينجياڭنىڭ سالىستىرمالى باسىمدىعى كورنەكتى، جوعارى ساپالى دامۋ كومەسكى كۇشى اسا زور. ٴبىز پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جانە ورتالىقتىڭ ەكونوميكالىق قىزمەت ٴماجىلىسىنىڭ ورنالاستىرۋلارىن جاپپاي دايەكتىلەندىرىپ، تياناقتاندىرىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، ٴوز ەرەكشەلىگىنە ۇيلەسەتىن جوعارى ساپالى دامۋ جولى جونىندە بەلسەنە ىزدەنىس جاساپ، سوتسياليستىك وسىزاماندانعان شينجياڭ قۇرىلىسىن قۇلشىنا ىلگەرىلەتۋدەمىز. حۋارۇن توبىنىڭ شينجياڭمەن ستراتەگيالىق سەلبەستىكتى ونان ارى تەرەڭدەتىپ، جاڭا ەنەرگيا نىساندارىنا قارجى قوسۋ سەرپىنىن ارتتىرىپ، شينجياڭنىڭ جاڭاشا ەلەكتر جۇيەسىن قۇرۋىنا، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋىنا دەم بەرۋىن؛ شينجياڭنىڭ وسىزاماندانعان اۋىل شارۋاشىلىعىنىڭ دامۋىنا قولداۋ كورسەتىپ، اۋىل شارۋاشىلىق ونىمدەرىن ٴوندىرۋ، وڭدەۋ كاسىپ سالاسى تىزبەگىن ۇزارتىپ، ٴتىپتى دە كوپ ساپالى ەگىن، مال شارۋاشىلىق ونىمدەرىنىڭ بۇكىل ەل بازارىنا كىرۋىن ىلگەرىلەتۋىن؛ وڭتۇستىك شينجياڭ ٴوڭىرىنىڭ دامۋىن جەبەپ، تىرەكتىك قۋاتى كۇشتى، جۇمىستاندىرۋ سيىمدىلىعى زور نىسانداردى بەلسەنە ورنالاستىرىپ، اناعۇرلىم كوپ بۇقارانى جۇمىستانىپ كىرىستەرىن ارتتىرۋعا جەتەكتەپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىنىڭ جاقسارۋىن اناعۇرلىم ويداعىداي ىلگەرىلەتۋىن ٴۇمىت ەتەمىن.
ۋاڭ شياڭميڭ شينجياڭنىڭ باستان ـ اياق حۋارۇن توبىنىڭ دامۋىنا كوڭىل ٴبولىپ جانە قولداۋ كورسەتىپ كەلگەندىگىنە العىس ايتتى. ول مىنالاردى ٴبىلدىردى: ”15 ـ بەسجىلدىق“ مەزگىلىندە حۋارۇن توبى شينجياڭدا قارجى قوسۋ سەرپىنىن ۇزدىكسىز ارتتىرىپ، تازا ەنەرگيا ٴتۇيىندى نىساندارى قۇرىلىسىن جەدەلدەتىپ، قالا قۇرىلىسى سالاسىنداعى سەلبەستىكتى تەرەڭدەتىپ، شينجياڭنىڭ ەرەكشە ەگىن، مال شارۋاشىلىق ونىمدەرىن ساتۋ ارناسىن بەلسەنە كەڭەيتىپ، جۇڭي شيپاگەرلىگى، ٴدارى ـ دارمەگى سياقتى ۇلكەن سالاماتتىق كاسىپ سالالارىنىڭ ورنالاسۋىن كۇشەيتىپ، ٴار ۇلت بۇقاراسىن جۇمىستانىپ كىرىسىن ارتتىرۋعا كوپ ٴتۇرلى تاسىلمەن جەتەكتەپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋعا اناعۇرلىم زور ۇلەس قوسادى.
قادەن كابەن، ۋاڭ گاڭ، اۆتونوميالى رايوننىڭ قاتىستى ورىندارىنداعى جاۋاپتى جولداستار كەزدەسۋگە قاتىناستى.
