تيانشان الابىندا جاڭا داۋىردەگى ”تاۋلى اۋىل زور وزگەرىسى“ تاراۋىن ۇزدىكسىز جازايىق
گازەتىمىزدىڭ شولۋشىسى
2025 ـ جىل كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ٴونىمدى ۇشتاستىرۋدىڭ بەس جىلدىق وتپەلى مەزگىلىنىڭ ەڭ سوڭعى جىلى. وتپەلى مەزگىلدەن كەيىن قايتۋ كەرەك؟ 2025 ـ جىلى 12 ـ ايدا اشىلعان ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ ”كەدەيلىكتەن ارىلتۋدان قامال الۋ جەڭىسكە جەتكەننەن كەيىن ٴبىر وتپەلى مەزگىل بار، بيىل ورىندالدى. دەگەنمەن، ورىندالۋ مىندەت كۇشىنەن قالدى دەگەنگە ۋاكىلدىك ەتپەيدى، ٴالى دە اۋىل شارۋاشىلىعى، اۋىل ـ قىستاق، شارۋالار قىزمەتىن ماڭىزدىنىڭ ماڭىزدىسى رەتىندە قاراپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل ـ قىستاقتى گۇلدەندىرۋمەن ۇشتاستىرۋدى ويداعىداي يگەرۋ كەرەك“ دەپ اتاپ كورسەتتى. بۇل پارتيا ورتالىق كوميتەتىنىڭ اۋىل ـ قىستاقتى جاپپاي گۇلدەندىرۋدى ىلگەرىلەتۋ جونىندەگى تەرەڭ تولعانىسىن، بىرگە بايۋ نىساناسىن جۇزەگە اسىرۋداعى بەرىك تالپىنىسىن تەرەڭ ايگىلەپ، ٴبىزدىڭ جاڭا جورىقتا اۋىل شارۋاشىلىعىن، اۋىل ـ قىستاقتى وسىزامانداندىرۋدى كوزدەپ، اۋىل ـ قىستاقتى جاپپاي گۇلدەندىرۋدى تىڭعىلىقتى ىلگەرىلەتۋىمىزگە عىلمي جەتەكشىلىك ازىرلەدى.
جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، اۋىل ـ قىستاقتى گۇلدەندىرۋدى جەدەل ىلگەرىلەتۋ كەرەك. شينجياڭ كەزىندە مەملەكەت بويىنشا كەدەيلىك اۋماعى ەڭ ۇلكەن، كەدەيلىك دارەجەسى ەڭ اۋىر وڭىرلەردىڭ ٴبىرى بولاتىن. پارتيا 18 ـ قۇرىلتايىنان بەرى تۇتاس رايون بويىنشا جوعارىدان تومەنگە دەيىن پارتيا ورتالىق كوميتەتىنىڭ پارمەندى باسشىلىعىندا كەدەيلىكتەن ارىلتۋدان قامال الۋدى ٴبىرىنشى ورىنداعى حالىق تۇرمىسى ينجەنەرياسى ەتۋگە تاباندى بولىپ، بار قايراتپەن شايقاسقا اتتانىپ، دالمە ـ ٴدال شارا اتقارىپ، ۇزدىكسىز كۇرەس جۇرگىزۋ ارقىلى كەدەيلىك قامالىن الىپ، بۇكىل ەلمەن بىرگە جاپپاي دوڭگەلەك داۋلەتتى قوعام قۇرىپ شىقتى. كەدەيلىكتەن ارىلىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. 5 جىلدىق وتپەلى كەزەڭدە شينجياڭ قايتا كەدەيلەسۋدەن، كەدەيلەسۋدەن ساقتانۋ بويىنشا قاداعالاۋ، كومەكتەسۋ ـ سۇيەمەلدەۋ ونىمدىلىگىن بەلسەنە جوعارىلاتىپ، ”ۇشپەن قامتاماسىز ەتۋ“ مەن اۋىز سۋ حاۋىپسىزدىگىن قامتاماسىزداندىرۋ جەتىستىكتەرىن ۇزدىكسىز بەكەمدەپ، جوعارىلاتىپ، جەرگىلىكتى جاعدايعا قاراي اۋىل ـ قىستاق كاسىپ سالاسىن جەتىلدىرىپ، دامىتىپ، تومەنگى شەكتى ساقتاۋ، كاسىپ سالاسىن گۇلدەندىرۋ، كومەكتەسۋ ـ سۇيەمەلدەۋدى كۇشەيتۋ، كىرىستى ارتتىرۋدى جەبەۋ ارقىلى كەدەيلىكتەن ارىلعان بۇقارانىڭ كىرىسىن ارتتىرىپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن بەرىك ساقتادى. سونىمەن بىرگە وسى زامانعى تۇرمىس شارت ـ جاعدايىن نەگىزىنەن ازىرلەۋدى نىسانا ەتىپ، اۋىل ـ قىستاق قۇرىلىسى ارەكەتىن اتقارىپ، اۋىل ـ قىستاقتاردىڭ بەت ـ بەينەسىن ۇزدىكسىز جاقسارتىپ، جاراسىمدى دا كورىكتى اۋىل ـ قىستاق قۇرىلىسىن جەدەل ىلگەرىلەتىپ، كەدەيلىكتەن تۇبەگەيلى ارىلعان شينجياڭنىڭ بايتاق اۋىل ـ قىستاقتارى وسىزاماندانعان تۇرمىستى بىرتىندەپ باستادى.
”15 ـ بەسجىلدىققا“ قادام تاستاعاندا دامۋ — ٴالى دە ٴتۇرلى ايقىنسىز، بولجاۋ قيىن فاكتورلارعا ٴدوپ كەلىپ وتىر. اۋىل شارۋاشىلىعىنىڭ نەگىزگى جاعدايىن ورنىقتىرۋ، اۋىل شارۋاشىلىعى، اۋىل ـ قىستاق، شارۋالار نەگىزىن بەكەمدەۋ — قاشاندا ٴبىزدىڭ ٴتۇرلى حاۋىپ ـ قاتەرگە، سىن ـ سايىسقا توتەپ بەرۋىمىزدىڭ ”ورنىقتىرعىشى“. كەلەلى ساياسي جاۋاپكەرشىلىكتى باتىلدىقپەن ارقالاپ، بوساڭسۋ يدەياسىن باتىل جەڭىپ، كەدەيلىكتەن ارىلتۋدان قامال الۋ جەتىستىكتەرىن تيتتەي دە بوساڭسىماي ويداعىداي بەكەمدەپ، ويداعىداي كەڭەيتىپ، اۋىل ـ قىستاقتى گۇلدەندىرۋدى پارمەندى، ٴونىمدى جاپپاي ىلگەرىلەتۋ — ٴسوز جوق، ٴبىزدىڭ جاڭا باستامادا سوتسياليستىك وسىزاماندانعان شينجياڭدى قۇلشىنا قۇرۋىمىزعا بەرىك تىرەك ازىرلەيدى. باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۋىل شارۋاشىلىعىن، اۋىل ـ قىستاقتى وسىزامانداندىرۋدى كوزدەپ، ۇدايىلانعان كومەكتەسۋ ـ سۇيەمەلدەۋدى اۋىل ـ قىستاقتى گۇلدەندىرۋ ستراتەگياسىنا ەنگىزىپ ٴبىر تۇتاس جوسپارلاپ اتقارىپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن بەرىك ساقتاۋ كەرەك. بىرەۋى ارقىلى وزگەسىن تۇسپالداۋعا، ماسەلەنىڭ قاينارىن ٴدال تابۋعا، دالمە ـ ٴدال شارا اتقارۋعا تاباندى بولىپ، ولقىلىقتاردى، ٴالسىز تۇستاردى اناعۇرلىم تولىقتاپ، ماسەلەلەردى رەتتەۋ ـ تۇزەتۋ ارقىلى قىزمەت دەڭگەيىنىڭ جوعارىلاۋىن ىلگەرىلەتۋ كەرەك. باياندى مەحانيزم ورناتۋدى، اقاۋسىزداندىرۋدى كوزدەپ، باعىتتامالىلىق سيپاتتى ساياسات ـ شارالاردى ۇزدىكسىز كەمەلدەندىرىپ، تياناقتاندىرىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل ـ قىستاق قۇرىلىسىن جەرگىلىكتى جاعدايعا قاراي ىلگەرىلەتۋ كەرەك.
كۇرەس جۇرگىزۋ ارقىلى ٴۇمىت اتىزىندا قاجىرلىلىقپەن ەڭبەكتەنىپ، ناقتى ىستەۋ ارقىلى گۇلدەنۋدىڭ كارتيناسىن سالدى. كەدەيلىكتەن ارىلتۋدان قامال الۋ ۇلى رۋحىن اسقاقتاتىپ، نىسانانى كوزدەپ زاڭدىلىققا قۇرمەت ەتىپ، قايراتتى تاسقىنداتىپ قايراتتانا العا ۇمتىلىپ، ماڭگى بويكۇيەزدىككە سالىنبايتىن رۋحاني كۇيمەن ٴتۇرلى قىزمەتتەردى كۇش سالا ويداعىداي ىستەپ، اۋىل ـ قىستاقتى جاپپاي گۇلدەندىرۋدە تىڭ ىلگەرىلەۋشىلىككە قول جەتكىزۋدى، اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋىنىڭ تىڭ ساتىعا كوتەرىلۋىن ىلگەرىلەتەيىك.
