”قالا ەلگەزەكتەرىنىڭ“ مەيىرىممەن العا ىلگەرىلەۋىنە مۇمكىندىك جاسالدى
انار بۇلت \ شينجياڭ گازەتىنىڭ ٴتىلشىسى جاڭ يۇنمەي
1 ـ ايدىڭ 6 ـ كۇنى قابا اۋدانى اق قار، كوك مۇز جامىلىپ جاتقان، ۇلكەندى ـ كىشىلى كوشەلەردە قايشالىسقان بۇيىرتپا جەتكىزۋشىلەردىڭ قايرات ـ جىگەرى تاسقىنداپ ”زىر جۇگىرەدى“.
”ٴتوراعا شي جينپيڭ جاڭا جىلدى قۇتتىقتاۋ سوزىندە جاڭادان جۇمىستانعان قاۋىمدى تىلگە الدى، كوسەمنىڭ قامقورلىعى كوپشىلىكتىڭ كوڭىلىن مەيىرگە بولەدى“، ـ دەدى قابا اۋدانى ىحى سۋدا ينتەرنەتتە تۇرمىستىق قىزمەت وتەۋ پۋنكتىنىڭ (تاۋباۋ شانگوۋ) قالا ديرەكتورى گاۋ جيە.
2020 ـ جىلى 9 ـ ايدا شارۋاشىلىق قۇرۋدا ساتسىزدىككە ۇشىراعاننان كەيىن، گاۋ جيە تىڭنان باستاۋ ٴتۇيىنىن بۇيىرتپا جەتكىزۋ كاسىبىنە تياناقتاندىرىپ، شىڭگىل اۋدانىنا بارىپ ”ىلىما“ ۇجىمىنا قوسىلادى. ”بۇيىرتپا كاسىبىندە دەنە قۋاتىنا سۇيەنۋدەن سىرت، ويلاۋ قابىلەتىنە دە سۇيەنۋگە تۋرا كەلەدى“. گاۋ جيە بىلاي دەدى: جىلدام جەتكىزەمىن، ويداعىداي جەتكىزەمىن دەيدى ەكەنسىڭ، جەرگىلىكتى ورىننىڭ جولدارىنا قانىق بولۋىڭ، سونداي ـ اق جول جەلىسىن ۇيلەسىمدى جوبالاۋىڭ قاجەت. كەيبىر ۇساق بۋىندارعا دا نازار اۋدارۋعا تۋرا كەلەدى، مىسالى، دۇكەندەرمەن تاپسىرىس ٴنومىرىن جانە تاعام ٴتۇرىن سالىستىرۋ، تاماشا قىزمەت وتەۋ پوزيتسياسىن ساقتاۋ سياقتىلار.
قاتارىنان وزا شاپقاندىقتان 2022 ـ جىلى گاۋ جيە ”ىلىمانىڭ“ شىڭگىل اۋدانىنداعى قالا ديرەكتورلىعىنا ٴوسىرىلدى، كەيىن قابا اۋدانىنا جىبەرىلدى. 2025 ـ جىلى ول داڭقپەن ”مەملەكەتتىك ەڭبەك ەرى“ اتاعىنا يە بولدى. ”باسىپ وتكەن جولىمدا مەنى ەڭ كوپ اسەرلەندىرگەنى، قوعامنىڭ ٴار سالاسىنىڭ بارعان سايىن ٴبىزدىڭ وسى كاسىبىمىزگە ٴمان بەرۋى بولدى، مەنىڭ وسى داڭققا بولەنۋىم مۇنىڭ ەڭ جاقسى دالەلى“، ـ دەيدى گاۋ جيە.
گاۋ جيە ٴاردايىم ٴتۇرلى مەيىرىمدى ٴىس ـ ارەكەتتەردەن ”جانى جىلىنىپ“ جۇرەدى: ساۋداگەرلەر بۇيىرتپا جەتكىزۋشىلەردى ارنايى ەرەكشە باعاداعى تاماقپەن قامدايدى؛ قاريدارلار شىلىڭگىر ىستىقتا ٴبىر قۇمىرا سۋ بولسا دا بەرىپ جاتادى؛ قابا اۋداندىق پارتكومنىڭ قوعامدىق قىزمەت ٴبولىمى، جۇمىسشى ۇيىمى سياقتى ۇيىمدار كوپشىلىكتىڭ مەرزىمدى ۋاقىتتا دەنساۋلىعىن تەكسەرتەدى؛ قوعامنىڭ ٴار سالاسىنداعىلار كوپ بولىپ اقىل قوسىپ، بۇيىرتپا جەتكىزۋشىلەردىڭ اۋىز سۋ قيىنشىلىعىن، دەمالۋ قيىنشىلىعىن، دارەتحاناعا بارۋ قيىنشىلىعىن، قول تەلەفوندارىن زاريادتاۋ قيىنشىلىعىن شەشتى... ”وسى شارالار كوپشىلىكتىڭ بۇل كاسىپتى جاقسى ىستەۋدەگى سەنىمى مەن قوزعاۋشى كۇشىن ارتتىردى“.
بۇيىرتپا جەتكىزۋشىلەر جاڭادان جۇمىستانعان قاۋىمنىڭ ماڭىزدى قۇرامداس بولىگى، قاراپايىم بۇقارانىڭ ٴتورت ماۋسىمداعى ٴۇش ۋاقىتتىق تاماعىنا قىزمەت ەتەدى. قايتكەندە ولاردى قالامەن اناعۇرلىم ويداعىداي توعىستىرىپ، ورنىقتى جۇمىستاندىرۋدى جۇزەگە اسىرۋعا بولادى؟
بۇيىرتپا جەتكىزۋشىلەردىڭ ”توركىنى“رەتىندە، التاي ايماقتىق پارتكومنىڭ قوعامدىق قىزمەت ٴبولىمى وسى جۇمىستانعان قاۋىمعا ٴسات سايىن نازار اۋدارىپ، ٴارقايسى تاراۋمەن بىرلەسىپ ۇقىق ـ مۇددەسىن قامتاماسىز ەتۋ، قامقورلىق قىزمەت وتەۋى، تالاپ ـ تىلەكتەرىن شەشۋ جاقتارىنا جان ـ جاقتىلى كۇش سالدى.
2025 ـ جىلى التاي ايماقتىق ادام كۇشى بايلىعى جانە قوعامدىق قامتاماسىزداندىرۋ مەكەمەسى قاتىناس، بازار باقىلاۋ ـ باسقارۋ، پوچتا سياقتى تاراۋلارمەن بىرلەسىپ، جاڭادان جۇمىستانعان قاۋىم ەڭبەكشىلەرىنىڭ ەڭبەك ەتۋ ۇقىق ـ مۇددەسىن قامتاماسىز ەتۋ دەڭگەيىن جوعارىلاتۋ ارناۋلى ارەكەتىن ورىستەتىپ، ٴبىر توپ كورنەكتى ماسەلەلەردى شوعىرلى شەشىپ، 519 ەڭبەك توقتامىنا، 152 جازباشا كەلىسىمگە قول قويىلۋىنا كومەكتەستى.
التاي ايماقتىق پارتكومنىڭ ۇيىمداستىرۋ ٴبولىمى، قوعامدىق قىزمەت ٴبولىمى سياقتىلار بىرلەسىپ «التاي ايماعىنىڭ جاڭادان جۇمىستانعان قاۋىمدى مەيىرگە بولەۋ ارەكەتىن ورىستەتۋ جونىندەگى قىزمەت جوباسىن» باسىپ تاراتىپ، 10 ارناۋلى ارەكەتتى اتقارۋ ارقىلى جاڭادان جۇمىستانعان قاۋىمدى تالاپ ـ تىلەگىن شەشۋ، شەبەرلىگىن جوعارىلاتۋ، زاڭدىق كومەك بەرۋ سياقتى جان ـ جاقتىلى قىزمەت وتەۋمەن قامدادى.
سونىمەن بىرگە التاي ايماعى تاعى ”كاسىپورىنعا بىرگە پايدا جەتكىزۋ“ تالاپ ـ تىلەكتەرىن قابىلداسىمەن دەر كەزىندە ٴبىتىرۋ قىزمەت وتەۋ تۇعىرىنان ويداعىداي پايدالانىپ، جاڭادان گۇلدەنگەن سالالاردىڭ ٴتۇرلى ۇيىمدارىنداعى قاتىستى ادامداردىڭ قيىنشىلىقتارىن، تالاپ ـ تىلەكتەرىن جيناقتادى، قازىر قيىنشىلىقتارىن، تالاپ ـ تىلەكتەرىن ٴبىتىرۋ مولشەرى %100كە جەتتى.
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى مىنانى اتاپ كورسەتتى: حالىق تۇرمىسىن قامتاماسىز ەتۋدى شىن مانىندە ويداعىداي يگەرىپ، كومەسكى كۇشتەردى كوپ ارنامەن اشىپ، جۇمىس ورنىن ورنىقتىرىپ، جۇمىستانۋدى جەبەۋ قىزمەتىن كۇشەيتىپ، ٴتۇيىندى قاۋىمنىڭ ورنىقتى جۇمىستانۋىن جەبەۋ كەرەك.
التاي ايماقتىق پارتكوم قوعامدىق قىزمەت ٴبولىمىنىڭ ورىنباسار باستىعى فان يچىن تانىستىرىپ بىلاي دەدى: ايماق ”ٴبىر اۋداندا (قالا) ٴبىر ورتالىق + N پۋنكت ٴتۇيىنى“ قىزمەت وتەۋ شەبى قۇرىلىسىمەن بىرلەستىرىپ، 387 دوستىق ورتاسىن، 303 جاڭادان جۇمىستانعان قاۋىمدى مەيىرگە بولەۋ ايالداماسىن قۇرىپ، 256 دۇكەنگە ”جاڭادان جۇمىستانعان قاۋىمدى مەيىرگە بولەۋ“ ماڭدايشالىعىن استى. 2026 ـ جىلى ٴۇش دارەجەلى شەپ شوعىرىن قۇرىپ، تۇتاس وڭىرلىك قىزمەت وتەۋ تورابىن تۇلعالاپ، جاڭادان جۇمىستانعان قاۋىمدى ”شارشاعاندا دەمالاتىن، شولدەگەندە سۋسىندايتىن، بوساي قالعاندا قول تەلەفونىن زاريادتايتىن، قيىنشىلىققا جولىقسا جاردەم سۇراي الاتىن“ جاعدايعا جەتكىزەدى. سونىمەن بىرگە زاڭ بويىنشا ۇقىعىن قورعاۋ جولىن جالپى بەتتىك كەڭەيتىپ، تالاپ ـ تىلەگىنىڭ شەشىمى بولۋ، ەڭبەكاقى قامتاماسىزدىعى، ۇقىق ـ مۇددەسىن قورعاۋ سياقتى قيىن ماسەلەلەردى شەشەدى.
”سونداي ـ اق كوڭىل ٴبولۋ، قامقورلىق جاساۋ تەبىنىن جالپى بەتتىك كۇشەيتىپ، دالمە ـ ٴدال، كوپ نەگىزدى، ۇدايىلاندىرىلعان قوعامدىق توپ قىزمەت وتەۋ جۇيەسىن ورناتامىز“. فان يچىن مىنالاردى ٴبىلدىردى: جاڭادان جۇمىستانعان قاۋىمنىڭ قىزمەت ەرەكشەلىگى مەن ٴىس جۇزىندىك قاجەتىن تياناق ەتىپ، نازاردى قوعامدىق قىزمەت وتەۋ، تۇرعىن ٴۇي، بەيقۇت ٴۇي، قولدانۋ جاعدايى، شەبەرلىگىن كۇشەيتۋ سياقتى شەشۋشى بۋىندارعا شوعىرلاندىرىپ، قىزمەت وتەۋ بايلىعىن نەگىزگى ساتىعا ٴتۇسىرۋدى، شارالاردىڭ تياناقتانۋىن قامتاماسىز ەتۋدى، قامقورلىق شارالارىمەن مەيىرگە بولەۋدى ىلگەرىلەتىپ، بۇيىرتپا جەتكىزۋشىلەردى قامتىعان جاڭادان جۇمىستانعان قاۋىمنىڭ الاڭسىز قىزمەت ىستەۋىنە، جايلى تۇرمىس كەشىرۋىنە، بار كۇشپەن كۇرەس جۇرگىزۋىنە جاعداي جاسايمىز.
