اۆتونوميالى رايوندىق پارتكوم تۇراقتى كوميتەتى ٴماجىلىس اشتى
باس شۋجي شي جينپيڭنىڭ ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەندى، دايەكتىلەندىردى
اۆتونوميالى رايوندىق حالىق قۇرىلتايى تۇراقتى كوميتەتى، اۆتونوميالى رايوندىق حالىق ۇكىمەتى، اۆتونوميالى رايوندىق ساياسي كەڭەس، اۆتونوميالى رايوندىق جوعارى حالىق سوتى مەكەمەسى، اۆتونوميالى رايوندىق حالىق پروكۋراتۋراسى پارتيا باسشىلىق گرۋپپالارىنىڭ جانە شينجياڭ ٴوندىرىس ـ قۇرىلىس بيڭتۋانى پارتكومىنىڭ قىزمەت مالىمەتى تىڭدالدى
چىن شياۋجياڭ ٴماجىلىستى باسقاردى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 1 ـ ايدىڭ 8 ـ كۇنى ۇرىمجىدەن حابارلايدى. اۆتونوميالى رايوندىق پارتكوم تۇراقتى كوميتەتى 1 ـ ايدىڭ 8 ـ كۇنى تۇستەن بۇرىن ٴماجىلىس اشتى. اۆتونوميالى رايوندىق پارتكومنىڭ شۋجيى چىن شياۋجياڭ ٴماجىلىستى باسقاردى.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ 2026 ـ جىلعى جاڭا جىلدى قۇتتىقتاۋ ٴسوزى مەن مەملەكەتتىك ساياسي كەڭەستىڭ جاڭا جىل شاي ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا مەن مەملەكەت ىستەرىنىڭ دامۋىندا قول جەتكەن جاڭا تاريحي تابىستاردى تەرەڭ ٴتۇسىنىپ، يگەرىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نىسانا ـ مىندەتتەرىن كوزدەپ، سەنىمدى بەكەمدەپ، قولايلى ساتتەن پايدالانىپ العا ۇمتىلىپ، جاڭا دامۋ ۇستانىمى مەن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق قىزمەت باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى مىقتاپ ارقاۋ ەتىپ، نازاردى پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىنعا“ شوعىرلاندىرىپ، قوعامدىق كەلەلى جاعدايدىڭ ورنىقتىلىعىن بار كۇشپەن قورعاپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتىپ، رەفورما جاساۋدى، ەسىك اشۋدى ونان ارى جاپپاي تەرەڭدەتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، قۇلشىنا سوتسياليستىك وسىزاماندانعان شينجياڭ قۇرۋ كەرەك.
ٴماجىلىس مىنالاردى باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ اۋىل ـ قىستاق قىزمەتى ٴماجىلىسىنىڭ ورنالاستىرۋلارىن دايەكتىلەندىرىپ، تياناقتاندىرىپ، اۋىل شارۋاشىلىعى، اۋىل ـ قىستاق، شارۋالار ماسەلەسىن ويداعىداي شەشۋدى ەڭ ماڭىزدى ورىنعا قويۋعا تاباندى بولىپ، استىق ٴوندىرىسىن تيتتەي دە بوساڭسىماي ويداعىداي يگەرىپ، اۋىل شارۋاشىلىعىنىڭ جالپىلىق ٴوندىرىس قۋاتى مەن ساپاسىن، ونىمدىلىگىن جوعارىلاتىپ، مەملەكەتتىك ساپالى ەگىن، مال شارۋاشىلىق ونىمدەرى ماڭىزدى قامداۋ بازاسىن قالىپتاستىرۋ؛ ۇدايىلانعان، دالمە ـ ٴدال كومەكتەسۋ ـ سۇيەمەلدەۋدى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن بەرىك ساقتاۋ؛ اۋىل شارۋاشىلىعىن كۇشەيتۋ، اۋىل شارۋاشىلىعىنا تيىمدىلىك جاساۋ ساياساتىن تياناقتاندىرىپ، شارۋالاردىڭ كىرىسىن ورنىقتى ارتتىرۋدى مۇمكىندىكتىڭ بارىنشا جەبەۋ؛ اۋىل ـ قىستاقتى باسقارۋ مەن وركەنيەتتى اۋىل سالتى قۇرىلىسىن تەرەڭدەتىپ، جەرگىلىكتى جاعدايعا قاراي قونىسقا جايلى، كاسىپكە ىڭعايلى، جاراسىمدى دا كورىكتى اۋىل ـ قىستاق قۇرىپ، قۇلشىنا اۋىل شارۋاشىلىعىن وسىزاماندانعان ٴىرى كاسىپ سالاسى ەتىپ قۇرىپ شىعىپ، اۋىل ـ قىستاقتا وسى زامانعى تۇرمىس شارت ـ جاعدايىنىڭ نەگىزىنەن ازىرلەنۋىنە، شارۋالار تۇرمىسىنىڭ اناعۇرلىم باي، تاماشا بولۋىنا مۇمكىندىك جاساۋ كەرەك.
ٴماجىلىس مەملەكەتتىك ۇگىت ٴبولىمى باستىقتارى ٴماجىلىسىنىڭ رۋحىن جەتكىزىپ، دايەكتىلەندىرىپ، بىلاي دەپ باسا دارىپتەدى: شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ۇگىت، يدەيا، مادەنيەت شەبىنىڭ جۇرت تىلەگىن ۇيىستىرۋداعى، شىنايى مويىنداۋدى كۇشەيتۋدەگى ماڭىزدى رولىن تولىق ساۋلەلەندىرۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋح سومداۋعا تاباندى بولىپ، پارتيانىڭ جاسامپازدىق نازارياسىن ۇيرەنۋدى جانە ۇگىت تاربيەنى ۇزدىكسىز تەرەڭدەتۋ؛ شينجياڭدى مادەنيەتپەن نارلەندىرۋدى ىشكەرىلەي اتقارىپ، جۇڭحۋا ۇلتى ورتاق تۇلعا تانىمىن بەكەمدەۋ تاربيەسىن تىڭعىلىقتى ىلگەرىلەتىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز كۇشەيتۋ؛ قوعامدىق پىكىرگە جەتەكشىلىك ەتۋ قابىلەتىن جوعارىلاتىپ، نەگىزگى اعىمداعى يدەيالىق قوعامدىق پىكىردى بەكەمدەۋ، زورايتۋ؛ حالىقارالىق تاراتۋ قابىلەتى قۇرىلىسىن كۇشەيتىپ، جاڭا داۋىردەگى شينجياڭ حيكاياسىن ويداعىداي بايانداۋ؛ ۇگىت، يدەيا، مادەنيەت شەبى قۇرىلىسىن جانە ونى باسقارۋدى كۇشەيتىپ، يدەولوگيا سالاسىنىڭ حاۋىپسىزدىگىن باتىل قورعاپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا قۋاتتى رۋحاني كۇش ۇيىستىرۋ كەرەك.
ٴماجىلىس اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ، اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ، اۆتونوميالى رايوندىق جوعارى حالىق سوتى مەكەمەسى پارتيا باسشىلىق گرۋپپاسىنىڭ، اۆتونوميالى رايوندىق حالىق پروكۋراتۋراسى پارتيا باسشىلىق گرۋپپاسىنىڭ جانە شينجياڭ ٴوندىرىس ـ قۇرىلىس بيڭتۋانى پارتكومىنىڭ قىزمەت مالىمەتىن تىڭداپ، 5 پارتيا باسشىلىق گرۋپپاسى مەن بيڭتۋان پارتكومىنىڭ قىزمەتىن تولىق تۇراقتاندىردى. ٴماجىلىس مىنالاردى اتاپ كورسەتتى: بيىل ”15 ـ بەسجىلدىقتىڭ“ باستاما جىلى، ٴارقايسى پارتيا باسشىلىق گرۋپپالارى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ ستراتەگيالىق ورنالاستىرۋلارىن جاپپاي دايەكتىلەندىرىپ، تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، مىندەت اتقارىپ جاۋاپكەرشىلىكتى ادا ەتۋدىڭ كىرىسۋ ٴتۇيىنى مەن كۇش سالۋ ٴتۇيىنىن شىن مانىندە ٴداپ باسىپ تاۋىپ، تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، پارتيا باسشىلىق گرۋپپالارىنىڭ وزىندىك قۇرىلىسىن كۇش سالا كۇشەيتىپ، پارتيانى جاپپاي قاتاڭ باسقارۋدى ىشكەرىلەي ىلگەرىلەتىپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، سوتسياليستىك وسىزاماندانعان شينجياڭ قۇرۋدا اناعۇرلىم زور ىسكەرلىك كورسەتۋى كەرەك. بيڭتۋان پارتكومى پارتيا ورتالىق كوميتەتىنىڭ بيڭتۋاننىڭ ورنى جونىندەگى تالابىن مىقتاپ يگەرىپ، جاڭا داۋىردەگى مىندەت جاۋاپكەرشىلىگىن، بورىشىن ادالدىقپەن اتقارىپ، ”ٴۇش ۇلكەن فۋنكتسياسىن“، ”ٴتورت ۇلكەن رولىن“ اناعۇرلىم ويداعىداي ساۋلەلەندىرىپ، شينجياڭ قىزمەتى باس نىساناسىن جۇزەگە اسىرۋعا اناعۇرلىم زور ۇلەس قوسۋعا قۇلشىنۋى كەرەك.
ٴماجىلىس جاڭا جاعدايداعى شينجياڭ ەنەرگياسىنىڭ جوعارى ساپالى دامۋى قىزمەتىنە قاتىستى جاعدايلار جونىندەگى مالىمەتتى تىڭداپ، بىلاي دەپ اتاپ كورسەتتى: مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن تۇلعالاۋدى كوزدەپ، جاڭاشا ەلەكتر قۋاتى جۇيەسىن بەلسەنە ورناتىپ، جاڭا ەنەرگيانى دامىتۋ ورنالاسىمى مەن ٴتاسىلىن ساپالىلاندىرىپ، جاسىل ەلەكتردى سول جەردىڭ وزىندە تۇتىنۋدى كوپ ارنامەن جەبەپ، ”شينجياڭ ەلەكترىن سىرتقا جەتكىزۋ“ ارناسى قۇرىلىسىن جەدەلدەتىپ، ەلەكتر قۋاتىن قاربالاس كەزدەن اۋاشالاپ ساۋدالاۋ مەحانيزمىن جاسامپازدىقپەن ورناتىپ، تازا، تومەن كومىر قىشقىل گازدى، حاۋىپسىز، جوعارى ٴونىمدى جاڭاشا ەنەرگيا جۇيەسىن قۇرۋدى جەدەلدەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم زور ۇلەس قوسۋ كەرەك.
ٴماجىلىس باسقا دا ىستەردى اقىلداستى.
