اۆتونوميالى رايوندىق حالىق ۇكىمەتى ٴماجىلىس اشتى
اۆتونوميالى رايوننىڭ جاڭاشا ەلەكتر قۋاتى جۇيەسىن قۇرۋدى جەدەلدەتۋ سياقتى قىزمەت جاعدايلارىن تىڭدادى
انار بۇلت \ شينجياڭ گازەتىنىڭ ٴتىلشىسى لي ياڭ 1 ـ ايدىڭ 8 ـ كۇنى ۇرىمجىدەن حابارلايدى. 1 ـ ايدىڭ 8 ـ كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقارىپ اشتى، ٴماجىلىس اۆتونوميالى رايوننىڭ جاڭاشا ەلەكتر قۋاتى جۇيەسىن قۇرۋدى جەدەلدەتۋ، جۇڭگو (شينجياڭ) ەركىن ساۋدا سىناق رايونى قۇرىلىسى جاعدايى، ٴوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتى، ەمدەۋ قامسىزداندىرۋى نەگىزدىك قورىن باسقارۋداعى كورنەكتى ماسەلەلەردى ارناۋلى وڭاۋ ”100 كۇندىك ارەكەتى“، جەرلەۋ ىستەرى سالاسىنداعى شىرىكتەسۋ بىلىقپالىقتارىن وڭاۋ ارناۋلى ارەكەتى سياقتى جاعدايلار جونىندەگى مالىمەتتى تىڭداپ، ۇكىمەتتىڭ تاياۋداعى ٴتۇيىندى قىزمەتتەرىنە ورنالاستىرۋ جاسادى.
ٴماجىلىس مىنالاردى اتاپ كورسەتتى: رايونىمىزدىڭ جاڭا ەنەرگيا كاسىپ سالاسىنىڭ دامۋ سەرپىمدىلىگى ۇزدىكسىز كۇشەيىپ، ەكونوميكالىق، قوعامدىق دامۋعا مىعىم تىرەك ازىرلەندى. سەنىمدى بەكەمدەپ، باسىمدىقتى تياناق ەتىپ، جۇيەلى جوسپارلاپ، عىلمي ورنالاستىرىپ، جاڭا ەنەرگيا نىساندارىنىڭ قۇرىلۋ كولەمىن ۇزدىكسىز زورايتىپ، ەلەكتر تورىنىڭ كوتەرىمدىلىك قابىلەتىن جانە قابىلداۋ كەڭىستىگىن باعالاۋ تالابىن قاتاڭ تياناقتاندىرىپ، جەل ەلەكترى، فوتوۆولت، ەنەرگيا ساقتاۋ، سۋتەگى، اممياك، سپيرت ٴبىر تۇلعالاندىرۋ نىسان قۇرىلىسىن جانە جاسىل ەسەپتەۋ قۋاتىنىڭ دامۋىن ىلگەرىلەتۋ كەرەك. شينجياڭ ەلەكترىن سىرتقا جەتكىزۋ ارناسى قۇرىلىسىن ۇزدىكسىز كۇشەيتىپ، ”جاڭا ەنەرگيا + كاسىپ سالاسى“ قابىلداۋ ۇلگىسىن تۇلعالاپ، جاڭا ەنەرگيانىڭ جەلىگە قوسىلعاننان كەيىنگى ەلەكتر باعاسىن بازارلاندىرۋ رەفورماسىن تەرەڭدەتىپ، جاڭا ەنەرگيا كاسىپ سالاسىنىڭ ساپاسىن، ونىمدىلىگىن جوعارىلاتۋدى ىلگەرىلەتۋ كەرەك.
ٴماجىلىس مىنالاردى اتاپ كورسەتتى: بيىل — شينجياڭ ەركىن ساۋدا سىناق رايونى قۇرىلعاندىعىنىڭ ٴۇشىنشى جىلى، يدەيانى ازات ەتىپ باتىلدىقپەن جاڭالىق اشىپ، ٴبىر توپ جەتەكشىلىك سيپاتتى، شوعىرلى سيپاتتى رەفورما شارالارىن جانە تۇزىمدە جاڭالىق اشۋ جەتىستىكتەرىن ۇسىنۋ كەرەك. 2026 ـ جىلعى رەفورما سىناق ٴتۇيىنى مىندەت ٴتىزىمىن ويداعىداي جوسپارلاپ بەلگىلەپ، ”قولدانىلۋى دا، كورىنىسى دە بولۋ“ جاعىندا كۇش سالۋ كەرەك. ٴارقايسى اۋماق فۋنكتسيالىق ورنىمەن تىعىز بايلانىستىرىپ، جاڭا ەنەرگيا، جاڭا ماتەريال، بيولوگيالىق ەمدەۋ، ٴدارى ـ دارمەك، وسى زامانعى زات اينالىمى، مادەنيەت ـ ساياحات، جاساندى زەردە +، تومەن كەڭىستىك ەكونوميكاسى سياقتى ٴتۇيىندى سالالاردا تۇتاس كاسىپ سالاسى تىزبەگىندە شوعىرلى جاڭالىق اشۋ ورىستەتىپ، شينجياڭ ەركىن ساۋدا سىناق رايونىنىڭ اسەر كۇشىن جانە ىقپال كۇشىن جوعارىلاتۋى كەرەك.
ٴماجىلىس مىنالاردى باسا دارىپتەدى: 2026 ـ جىلى — ٴوندىرىس حاۋىپسىزدىگىن تۇبىرىنەن وڭاۋدان قامال الۋدىڭ 3 جىلدىق ارەكەتى اياقتالاتىن جىل. ”اۋرۋعا شالدىعۋدان بۇرىن الدىن الۋ“ بولجامپازدىق تانىمى، ”شەگە قاعۋ“ ناقتى ستيلى ارقىلى نازاردى ٴتۇبىرلى سيپاتتى ماسەلەلەرگە شوعىرلاندىرىپ نىسانالى شارا قولدانىپ، تۇبىرىنەن وڭاۋدان قامال الۋدىڭ ٴتۇرلى ٴتۇيىندى مىندەتتەرىن ەگجەي ـ تەگجەيلى، ناقتى يگەرىپ، يگەرۋدەن ونىمدىلىك شىعارۋ كەرەك. قىزمەتتى ٴبىر تۇتاس جوسپارلاۋدى كۇشەيتىپ، قامال الۋ ەسەپ داپتەرىن ەگجەي ـ تەگجەيلىلەندىرىپ، باسقارۋ ۇلگىسىن ىستەن بۇرىن الدىن الا ساقتانۋعا قاراي ويىستىرۋدى ىلگەرىلەتۋ كەرەك. جۇيە وي جەلىسىنە تاباندى بولىپ، كەن، قاتەرلى حيميالىق بۇيىم، قاتىناس ـ تاسىمال، قۇرىلىس جۇرگىزۋ سياقتى ٴتۇيىندى كاسىپتەردى ٴجىتى قاداعالاپ، ۇدايىلانعان، ەگجەي ـ تەگجەيلەنگەن حاۋىپ ـ قاتەر، كومەسكى كىناراتتاردى ٴبىر ـ بىردەن تەكسەرۋدى، وڭاۋدى ىشكەرىلەي ورىستەتىپ، قاينارىنان وڭاۋدى كۇشەيتىپ، ٴوندىرىس حاۋىپسىزدىگى نەگىزىن بەكەمدەۋ كەرەك.
ٴماجىلىس مىنالاردى اتاپ كورسەتتى: ەمدەۋ قامسىزداندىرۋى قورىن باسقارۋداعى كورنەكتى ماسەلەلەردى ارناۋلى وڭاۋ ”ٴجۇز كۇندىك ارەكەتى“ ونىمدىلىگىن ۇزدىكسىز بەكەمدەپ، نازاردى ەمدەۋ قامسىزداندىرۋىنداعى قايتالاما دارىلەردى ساۋدالاۋعا، ەرەجەگە قايشى مولشەردەن ارتىق ٴدارى جازۋعا، تۋىت ۇستەمە قاراجاتى بويىنشا قامسىزداندىرۋ اقىسىن الداپ الۋعا سوققى بەرۋ سياقتى ٴۇش ۇلكەن وزەكتى مىندەتكە شوعىرلاندىرىپ، جاۋاپكەرشىلىك تىزبەگىن قاتايتىپ، ماسەلەلەردەن قامال الۋدى تەرەڭدەتىپ، الدامشىلىق ىستەپ قامسىزداندىرۋ قارجىسىن الداپ الۋ، ەمدەۋ قامسىزداندىرۋ قورىن ەرەجەگە قايشى پايدالانۋ، باقىلاۋ ـ باسقارۋ پارمەندى بولماۋ، بۇقارانىڭ مۇددەسىنە زيان سالۋ سياقتى بۇرىس ستيلدەرگە جانە شىرىكتەسۋ ماسەلەلەرىنە تۇتاس تىزبەك بويىنشا سوققى بەرۋ كەرەك. ۇزاق ٴونىمدى باقىلاۋ ـ باسقارۋ مەحانيزمىن كەمەلدەندىرىپ، قوعامدىق باقىلاۋ ـ قۋزاۋ ارناسىن ىركىلىسسىزدەندىرىپ، ەمدەۋ قامسىزداندىرۋى قورى حاۋىپسىزدىك تومەنگى شەگىن ساقتاۋ كەرەك.
ٴماجىلىس مىنالاردى اتاپ كورسەتتى: بيىل — جەرلەۋ ىستەرى سالاسىنداعى شىرىكتەسۋ بىلىقپالىعىن وڭاۋ ارناۋلى ارەكەتىن بەكەمدەۋ، دارەجەسىن ٴوسىرۋ جىلى. جەرلەۋ ىستەرىن باسقارۋ، قىزمەت وتەۋدەگى ساڭلاۋلاردى جاپپاي ىزدەپ، جەرلەۋ ىستەرى سالاسىنداعى بۇقارانىڭ مۇددەسىنە زالال جەتكىزەتىن، بازار قاعيداسىنا، سونداي ـ اق كاسىپپەن پاك اينالىسۋ تالابىنا قايشى كەلەتىن زاڭعا قايشى، ەرەجەگە قايشى ارەكەتتەرگە قاتاڭ سوققى بەرۋ جانە ونى ٴونىمدى تەجەۋ كەرەك. كۇندەلىكتى باقىلاۋ ـ باسقارۋدى جانە زاڭ اتقارۋ تەبىنىن كۇشەيتىپ، قىزمەت وتەۋ ونىمدىلىگىن جوعارىلاتىپ، جەرلەۋ ىستەرىنىڭ جوعارى ساپالى دامۋىن ۇزدىكسىز ىلگەرىلەتۋ كەرەك.
اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەلەرى، ۇكىمەتتىڭ قاتىستى قۇرامداس تاراۋلارىنداعى جاۋاپتى جولداستار ماجىلىسكە قاتىناستى.
