ورتالىق كوميتەت ۇگىت ٴبولىمى، قوعام حاۋىپسىزدىگى مينيسترلىگى 2025 ـ جىلعى ”ەڭ ارداقتى نەگىزگى ساتى حالىق ساقشىلارىن“ بىرلەسىپ جاريالادى
شينجياڭنان ٴبىر ادام سايلاندى
شينحۋا اگەنتتىگىنىڭ 1 ـ ايدىڭ 9 ـ كۇنى بەيجيڭنەن بەرگەن حابارى. باس شۋجي شي جينپيڭنىڭ جاڭا داۋىردەگى قوعام حاۋىپسىزدىگى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، تىنىش جۇڭگو، زاڭمەن باسقارىلاتىن جۇڭگو قۇرۋدىڭ كۇشىن ونان ارى ۇيىستىرۋ ٴۇشىن، 6 ـ رەتكى جۇڭگو حالىق ساقشىلارى مەرەكەسى قارساڭىندا ورتالىق كوميتەت ۇگىت ٴبولىمى، قوعام حاۋىپسىزدىگى مينيسترلىگى تۇتاس قوعامعا ”ەڭ ارداقتى نەگىزگى ساتى حالىق ساقشىلارىن“ جاريالادى.
جاڭ لەي، ليان جيە، رىن في، جين لياڭ، فىڭ جيڭ، سۇڭ ليۋفىڭ، سۇي حۇي، ۋىڭ حۇڭحۋا، سۇڭ چيڭگاڭ، ۋان سۇڭ، لياۋ تيانحۇڭ، يان ميڭ، تان جيانحۋا، جاۋ ياڭ، دانجى داۋجيە، چىن شاۋجۇن، جۇما ابلەز، لين فاڭدى، پىڭ زىدۇڭ، ي گۇيپيڭ قاتارلى 20 جولداس داڭقپەن تاڭدالدى. ولار پارتياعا ادال بولىپ، حالىققا قىزمەت وتەپ، زاڭدى ٴادىل اتقارىپ، تارتىپتە قاتاڭ بولدى، كەيبىرەۋى زاڭعا قايشى قىلمىستارعا سوققى بەرۋدىڭ ٴبىرىنشى شەبىندە شايقاس جاساپ، ەرلىك كورسەتىپ، قۇربان بەرۋدەن قورىقپادى؛ كەيبىرەۋى قيىن ماسەلەلەردى عىلىم ـ تەحنولوگيا ارقىلى شەشۋدى ماقسات ەتىپ، سيفرلى، زەردەلى تەحنولوگيا ارقىلى ساقشى ىستەرى ناقتى شايقاسىنا قۋات ۇستەدى؛ كەيبىرەۋى ٴمورالدى، زاڭدى سەرىك ەتىپ، سان مىڭداعان وتباسىنىڭ قامىن جەپ، ازامات جاسىنا تولماعانداردىڭ اقاۋسىز ٴوسىپ ـ جەتىلۋىن دەن قويا قورعادى؛ كەيبىرەۋى شەكارادان كىرۋ ـ شىعۋ شەكارالىق قورعانىس تەكسەرۋ ٴبىرىنشى شەبىنە تەرەڭ تامىر تارتىپ، مەملەكەت قاقپاسىنىڭ حاۋىپسىزدىگىن بار كۇشىمەن قورعادى؛ كەيبىرەۋى كوشە، الەۋمەتتىك اۋماق بۇقارالارىنا قىزمەت وتەپ، بۇقارانىڭ ”شۇعىل، قيىن، ۋايىمداعان، ٴزارۋ“ ماسەلەلەرىن دەن قويا، سۇيىسپەنشىلىكپەن شەشتى... ولار ٴىس جۇزىندىك ارەكەتتەرى ارقىلى ”حالىق قوعام حاۋىپسىزدىگى حالىق ٴۇشىن“ ايبىندى ۋادەسىن ورىنداپ، حالىق ساقشىلارىنىڭ كوپتىڭ قامىن ويلايتىن، قالتقىسىز ۇلەس قوساتىن تاماشا وبرازىن شوعىرلى ايگىلەدى.
قالىڭ قوعام حاۋىپسىزدىگى حالىق ساقشىلارى مىنالاردى ٴبىلدىردى: التىن قالقان ىستىق قانمەن سومدالعان، ”ەڭ ارداقتى نەگىزگى ساتى حالىق ساقشىلارىن“ ۇلگى ەتىپ، پارتياعا ادال بولىپ، پارتيانىڭ قولباسشىلىعىنا قۇلاق اسىپ، قوعام حاۋىپسىزدىگى ورگاندارىنىڭ تاڭداۋلى ٴداستۇرى مەن ستيلىن سانالىلىقپەن اسقاقتاتىپ، مەملەكەت حاۋىپسىزدىگىن، قوعامنىڭ تىنىشتىعىن، حالىقتىڭ اماندىعىن قورعاۋ قىزمەت جاۋاپكەرشىلىگىن باتىل، ويداعىداي اتقارىپ، العان بەتىمىزدەن قايتپاي، پارتيا مەن حالىقتىڭ ادال قورعاۋشىسى بولامىز.
ۇعىسۋعا قاراعاندا، 2025 ـ جىلى ”ەڭ ارداقتى نەگىزگى ساتى حالىق ساقشىسىنا“ سايلانعان جۇما ابلەز بۇگۇر اۋداندىق قوعام حاۋىپسىزدىگى مەكەمەسى تارلاق اۋىلدىق ساقشى بولىمشەسىنىڭ جەتەكشىسى، 1 ـ دارەجەلى اعا ساقشى ەكەن.
