”ونەركاسىپ اۋىر جۇك ارقالايتىن“ ناقتى ىسكەرلىكپەن، ناقتى ناتيجەمەن جوعارى ساپالى دامۋدىڭ جاڭا جاعدايىن اشامىز
— اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى جاۋ شيفىڭمەن سۇحبات
انار بۇلت \ شينجياڭ گازەتىنىڭ ٴتىلشىسى ما ينيڭ
پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى الداعى 5 جىلداعى دامۋدىڭ ۇلى جوباسىن جاساپ، وسىزاماندانعان كاسىپ سالاسى جۇيەسىن قۇرۋ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتۋ سياقتىلار جونىندە ستراتەگيالىق جوسپار جانە جۇيەلى ورنالاستىرۋ جاساپ، الداعى 5 جىلداعى ونەركاسىپ جانە ينفورماتسيالاندىرۋدىڭ جوعارى ساپالى دامۋىنا ٴتۇبىرلى بويسۇنۋ ولشەمىن ازىرلەدى. قايتكەندە پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ناقتى تياناقتاندىرىپ، رايونىمىزدىڭ ونەركاسىپ جانە ينفورماتسيالاندىرۋ ىستەرىنىڭ جوعارى ساپالى دامۋدىڭ تىڭ ساتىسىنا كوتەرىلۋىن ىلگەرىلەتۋگە بولادى؟
تاياۋدا اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى جاۋ شيفىڭ انار بۇلت \ شينجياڭ گازەتى ٴتىلشىسىنىڭ تىلشىلىگىن قابىلداعاندا مىنالاردى ٴبىلدىردى: اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى ”بەس ۇلكەن ستراتەگيالىق ورىندى“ كوزدەي وتىرىپ، جاڭاشا ونەركاسىپتەندىرۋدى جوعارى ساپامەن ىلگەرىلەتۋ سىندى شەشۋشى مىندەتپەن تىعىز بايلانىستىرىپ، ”15 ـ بەسجىلدىق“ مەزگىلىندەگى ٴتۇيىندى قىزمەتتەردى ٴبىر تۇتاس جوسپارلاپ، ويداعىداي جوبالاپ، ارتۋدى ورنىقتىرۋعا، تيپ جاڭالاۋدى ساپالىلاندىرۋعا، جاڭالىق اشۋدى كۇشەيتۋگە، توعىسۋدى جەبەۋگە كۇش سالادى. ”ونەركاسىپ اۋىر جۇك كوتەرەتىن“ ناقتى ىسكەرلىكپەن، ناقتى ناتيجەمەن جالپى ٴماجىلىس رۋحىنىڭ بۇكىل رايونىمىزدىڭ ونەركاسىپ جانە ينفورماتسيالاندىرۋ سالاسىندا تياناقتانىپ تامىر تارتۋىنا، ارەكەتتە ايگىلەنىپ ونىمدىلىك كورسەتۋىنە شىنايى كەپىلدىك ەتەدى.
كاسىپ سالاسى قۇرىلىمىن كۇش سالا ساپالىلاندىرىپ، ناقتى ەكونوميكا نەگىزىن بەكەمدەيمىز
وسىزاماندانعان كاسىپ سالاسى جۇيەسى — جۇڭگو ۇلگىسىندەگى وسىزامانداندىرۋدىڭ زاتتىق تەحنولوگيالىق نەگىزى، ونان دا ماڭىزدىسى، جوعارى ساپالى دامۋدى ىلگەرىلەتۋدىڭ وزەكتى تىرەگى.
جاۋ شيفىڭ بىلاي دەپ تانىستىردى: ۇزاق ۋاقىت توپتاۋ، اسىرەسە، ”14 ـ بەسجىلدىق“ مەزگىلىندە ۇزدىكسىز كۇش سالۋ ارقىلى بۇكىل رايونىمىزدىڭ ونەركاسىپ ەكونوميكاسىنىڭ ارتۋى ورنىقتىلىق بارىسىندا ىلگەرىلەدى، ەرەكشەلىككە، باسىمدىققا يە كاسىپ سالاسى جۇيەسى العاشقى قادامدا قۇرىلدى، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋ تەرەڭ توعىسىپ، ورتا، شاعىن كاسىپورىنداردى ساتىلى جەتىلدىرۋ جەتىستىگى كورنەكتىلەندى، ”زەردەلىلەندىرىپ جاڭالاۋ، سيفرلاندىرۋعا قاراي بۇرىلىس جاساۋ، تورلاستىرىپ تۇتاستىرۋ“ اياق الىسى تەزدەدى، ونەركاسىپتىڭ جاسىل دامۋىندا بەلسەندى ونىمدىلىككە قول جەتتى.
باسىمدىققا يە بايلىقتى كادەگە جاراتۋدى جەدەلدەتىپ، ەرەكشەلىككە، باسىمدىققا يە كاسىپ سالالارىنىڭ نەگىزىن كۇشەيتىپ ونىمدىلىگىن ارتتىردى. 2025 ـ جىلى مۇناي ـ گاز بالاماسى 67 ميلليون 400 مىڭ توننا بولىپ، ٴۇرتىس 5 جىل بۇكىل ەل بويىنشا 1 ـ ورىندا تۇردى؛ كومىر ٴونىم مولشەرى بۇكىل ەل بويىنشا 4 ـ ورىنعا شىقتى؛ 10 ٴتۇرلى ٴتۇستى مەتالدىڭ ٴونىم مولشەرى بۇكىل ەل بويىنشا 1 ـ ورىندا تۇردى؛ ماقتا ٴجىپ سياقتىلاردىڭ ٴونىم مولشەرى بۇكىل ەل بويىنشا الدىڭعى قاتاردا بولىپ، جۇمىستاندىرۋعا جەتەكشىلىك ەتۋ ونىمدىلىگى كورنەكتى بولدى؛ وزىق جابدىق جاساۋ كاسىبى جەدەل دامىپ، جەل ەلەكتر گەنەراتور اگراگاتتارىنىڭ ٴونىم مولشەرى بۇكىل ەل بويىنشا 1 ـ ورىنعا شىقتى، ەرەكشە جوعارى كەرنەۋلى ەلەكتر جەتكىزۋ تەحنولوگياسى دۇنيە جۇزىندە كوش باستادى، اۋىل شارۋاشىلىق ماشينالارى جابدىقتارىن جاساۋدا كۇشتى شوعىرلاندىرا وتىرىپ سەرپىلىس جاسالدى، ٴۇرىمجى - سانجى - شىحىزى فوتوۆولت شوعىرى مەملەكەتتىڭ وزىق جاساۋ كاسىبى شوعىرىنا ەنگىزىلدى.
عىلىم ـ تەحنولوگيادا جاڭالىق اشۋ ارقىلى دەم بەرۋدى كۇشەيتىپ، كاسىپورىنداردىڭ جاڭالىق اشۋداعى تۇلعالىق ورنى كورنەكتىلەندى. 2025 ـ جىلدىڭ سوڭىنا دەيىن اۆتونوميالى رايون دارەجەلىدەن جوعارى كاسىپورىنداردىڭ 661 تەحنولوگيا ورتالىعىن، 22 كاسىپ سالاسىندا جاڭالىق اشۋدى زەرتتەۋ ورنىن تۇراقتاندىرىپ، 21 جاساۋ كاسىبىندە جاڭالىق اشۋ ورتالىعىن جەتىلدىرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتۋگە بەرىك نەگىز ازىرلەدى. كاسىپورىن جەتىلدىرۋدە سان مەن ساپا بىردەي جوعارىلاپ، جاڭالىق اشۋ ومىرشەڭ كۇشى جەدەل جارىققا شىقتى. جالپى مەملەكەت دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان 61 ”شاعىن قۋاتتى“ كاسىپورىندى، اۆتونوميالى رايون دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان 1113 ورتا، شاعىن كاسىپورىندى جەتىلدىردى.
سيفرلى كاسىپ سالاسىنىڭ دامۋىن جەدەل ىلگەرىلەتىپ، بۇكىل رايونىمىزدىڭ سيفرلى نەگىزدىك قۇرىلعىلارى كۇن سايىن كەمەلدەندى. جيىنى 89 مىڭ 5G بازالىق ستانسيا قۇرىلىپ، تۇتاس رايونىمىزداعى بارلىق اۋىل ـ قالاشىقتان جوعارى وڭىرلەردى قامتىدى؛ ەسەپتەۋ قۋاتى كولەمىندە ورلەۋ جۇزەگە اسىپ، ٴۇرىمجى، قارامايلى، سانجى، قۇمىل ەسەپتەۋ قۋاتى شوعىرى العاشقى قادامدا قالىپتاسىپ، شينجياڭنىڭ زەردەلى ەسەپتەۋى ”جوقتان بار بولۋ“ سىندى تاريحي سيپاتتى سەرپىلىستى جۇزەگە اسىردى.
2025 ـ جىلى الدىڭعى 11 ايدا شينجياڭدا كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن %7.4 ارتتى. ٴۇش ۇلكەن تۇردەن قاراعاندا، كەن اشۋ كاسىبى، جاساۋ كاسىبى، ەلەكتر، جىلۋ، جانار گاز، سونداي ـ اق سۋ ٴوندىرىسى مەن قامداۋ كاسىبىنىڭ ارتقان قۇنى سايكەس مەزگىلدەگىدەن جەكە ـ جەكە %5.9، % 11، %3.7 ارتقان.
ەرەكشەلىككە، باسىمدىققا يە كاسىپ سالالارىن دامىتىپ، جاڭاشا وندىرگىش كۇشتەردى جەتىلدىرەمىز، زورايتامىز
”15 ـ بەسجىلدىقتىڭ“ جاڭا جورىعى باستالدى، بولاشاق داستانى جازۋدى كۇتىپ تۇر.
جاۋ شيفىڭ مىنالاردى ٴبىلدىردى: ”15 ـ بەسجىلدىققا“ نازار سالساق، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جەتەكشى، جاڭاشا ونەركاسىپتەندىرۋدى جوعارى ساپامەن ىلگەرىلەتۋدى تۇتقا ەتىپ، ەرەكشەلىككە، باسىمدىققا يە كاسىپ سالالارىن جەدەل دامىتىپ، جاڭاشا وندىرگىش كۇشتەردى جەتىلدىرىپ، زورايتىپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن قۇرۋعا تىڭ ۇلەس قوسادى.
جاۋ شيفىڭ بىلاي دەدى: كاسىپ سالاسى جۇيەسىن كۇشەيتىپ قۇرىپ، مەملەكەت ستراتەگياسىنا قىزمەت وتەۋگە ۇزدىكسىز كۇش سالادى. ٴداستۇرلى كاسىپ سالالارىن ساپالىلاندىرىپ، دارەجەسىن جوعارىلاتىپ، شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن جەدەل ورناتادى. بايلىق ارتىقشىلىعى مەن كاسىپ سالاسى نەگىزىن تياناق ەتىپ، كاسىپ سالاسى شوعىرى قۇرىلىسىن جوعارى دەڭگەيدە جوبالاۋدى كۇشەيتىپ، مۇناي ـ گاز ٴوندىرۋ، وڭدەۋ، كومىردەن تازا، جوعارى ٴونىمدى پايدالانۋ، جاڭاشا ەلەكتر قۋاتى، جاسىل كەن كاسىبى جانە وڭدەۋ، توقىماشىلىق، كيىم ـ كەشەك، وزىق جابدىق جاساۋ سياقتى باسەكەلىك قۋاتقا يە كاسىپ سالاسى شوعىرىن جەتىلدىرەدى، زورايتادى. تىزبەكتى ۇزارتۋ، تىزبەكتى تولىقتاۋ، تىزبەكتى كۇشەيتۋ جاعىنا دالمە ـ ٴدال كۇش سالىپ، ٴتۇرلى فورماداعى ساۋداگەر شاقىرۋدى، تانىستىرۋدى ىشكەرىلەي ورىستەتىپ، شىعىس، ورتا بولىك وڭىرلەردىڭ كاسىپ سالالارىن شينجياڭعا ويىسۋعا باۋراپ، كاسىپ سالاسىنىڭ سايكەستى قابىلەتىن كۇشەيتىپ، وزىندىك اينالىمى، قان جاساۋ قابىلەتى كۇشتى كاسىپ سالالارىنىڭ دامۋ ەكولوگياسىن قالىپتاستىرادى.
سونىمەن بىرگە كاسىپ سالاسىندا جاڭالىق اشۋدى ىلگەرىلەتىپ، جاڭالىق اشۋ فاكتورلارىمەن قامداۋعا ۇزدىكسىز كۇش سالادى. ”عىلىم ـ تەحنولوگيادا جاڭالىق اشۋدىڭ جەتەكشىلىك رولىن كورنەكتىلەندىرۋ ٴۇشىن، پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ’جوعارى دەڭگەيلى عىلىم ـ تەحنولوگيادا ٴوز كۇشىنە سۇيەنۋ، ٴوزىن الۋەتتەندىرۋدى جەدەلدەتىپ، جاڭاشا وندىرگىش كۇشتەردى دامىتۋعا جەتەكشىلىك ەتۋدى‘ العا قويدى“. جاۋ شيفىڭ مىنالاردى ٴبىلدىردى: ”ٴبىز عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتىپ، جۇيەلىلەنگەن قامال الۋ قابىلەتىن كۇشەيتەمىز. كاسىپ سالاسىندا جاڭالىق اشۋ تۇعىرى قۇرىلىسىن كۇشەيتىپ، جاڭالىق اشۋ فاكتورلارىنىڭ كاسىپورىندارعا شوعىرلانۋىن ىلگەرىلەتەمىز. ورتا باسقىشتا سىناق ەتۋ تۇعىرىنىڭ جاڭالىق اشا دامۋىن ىلگەرىلەتۋدى زەرتتەپ، باستاماشى كاسىپورىنداردىڭ جاڭالىق اشۋ بىرلەستىگىن باستاماشىلدىقپەن قۇرۋىنا قولداۋ كورسەتىپ، وزىق تەحنولوگيانى كاسىپ سالالاندىرۋدى تياناقتاندىرۋدى جانە كولەمدەندىرىپ قولدانۋدى ىلگەرىلەتەمىز. زەردەلى اۋىل شارۋاشىلىق ماشينالارى، بيولوگيالىق ٴدارى ـ دارمەك، جاڭا ەنەرگيا جابدىقتارىن جاساۋ سياقتى ٴتۇيىندى كاسىپ سالاسى تىزبەگىندەگى ولقىلىقتاردى تولىقتاۋدى، ارتىقشىلىقتاردى شىڭداۋدى جەدەلدەتىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىز، ورنىقتى دەڭگەيىن كۇشەيتىپ، جاساۋ كاسىبىنىڭ ٴتۇيىندى كاسىپ سالاسى تىزبەگىنىڭ جوعارى ساپالى دامۋىن جەبەيمىز“.
تىزبەك باسى كاسىپورىندارىن جەتىلدىرۋدى كۇشەيتىپ، كاسىپ سالاسىنىڭ تيبىن وزگەرتىپ دارەجەسىن جوعارىلاتۋىن جەبەيمىز
ٴتۇرلى شارۋاشىلىق تۇلعالارىنىڭ ومىرشەڭ كۇشىن تولىق تاسقىنداتۋ ٴۇشىن، پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ”ورتا، شاعىن كاسىپورىندار مەن جەكە ساۋدا ـ ونەركاسىپشىلەردىڭ دامۋىن قولداپ، ٴىرى، ورتا، شاعىن كاسىپورىنداردىڭ سايكەستى، توعىسپالى دامۋىن ىلگەرىلەتۋدى“ العا قويدى. شينجياڭ كاسىپورىن شارشى توبىن زورايتىپ، شارۋاشىلىق تۇلعالارىن جەتىلدىرۋگە ۇزدىكسىز كۇش سالادى.
جاۋ شيفىڭ مىنالاردى ٴبىلدىردى: ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىنداردىڭ دامۋىن جەبەپ، ناقتى ەكونوميكانىڭ نەگىزىن ۇزدىكسىز بەكەمدەيمىز، زورايتامىز. ٴبىر جاعىنان، ساپالى كاسىپورىنداردى ساتىلى جەتىلدىرۋ جۇيەسىن اقاۋسىزداندىرىپ، كەمەلدەندىرىپ، ٴبىر توپ جاڭاشىل، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىنداردى جانە ورتا، شاعىن كاسىپورىنداردىڭ ەرەكشە كاسىپ سالاسى شوعىرىن جەتىلدىرەمىز؛ ەندى ٴبىر جاعىنان، ٴتۇيىندى سالالاردا وزەكتى باسەكەلىك قۋاتقا يە كاسىپ سالاسى تىزبەگىندەگى تىزبەك باسى كاسىپورىندارىن جەتىلدىرىپ، كاسىپ سالاسى تىزبەگىنىڭ جوعارعى، تومەنگى بۋىندارىنىڭ سايكەستى دامۋىنا دەم بەرەمىز. سونىمەن بىرگە ”كاسىپورىندارعا بىرگە تيىمدىلىك جاساۋ“ بويىنشا ورتا، شاعىن كاسىپورىندارعا قىزمەت وتەۋ ارەكەتى مەن ”ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان“ ارناۋلى بولىك قۇرىلىسىن ۇزدىكسىز ورىستەتىپ، كاسىپورىنداردىڭ قارجى قۇراۋداعى قيىن ماسەلەلەرىن كۇش سالا شەشىپ، ورتا، شاعىن كاسىپورىنداردىڭ تاماشا ەكولوگياسىن قالىپتاستىرامىز.
جاساۋ كاسىبى ەل بولىپ تۇرۋدىڭ تياناعى، مەملەكەتتى قۇدىرەتتەندىرۋدىڭ نەگىزى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ماجىلىسىندە ”جاساۋ كاسىبىنىڭ ۇيلەسىمدى سالىستىرماسىن ساقتاپ، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن ورناتۋ“ العا قويىلدى. ”15 ـ بەسجىلدىق“ مەزگىلىندە شينجياڭ سيفرلى ەكونوميكا مەن ناقتى ەكونوميكانىڭ توعىسۋىن تەرەڭدەتىپ، كاسىپ سالاسىنىڭ تيبىن وزگەرتىپ دارەجەسىن جوعارىلاتۋعا ۇزدىكسىز كۇش سالادى.
”ٴبىز ’جاساندى زەردە + جاساۋ‘ ارەكەتىن ىشكەرىلەي اتقارىپ، جاساۋ كاسىبىنىڭ سيفرلانعان تيپ جاڭالاۋ اياق الىسىن جەدەلدەتەمىز“. جاۋ شيفىڭ بىلاي دەدى: اۆتونوميالى رايوننىڭ وزەكتى جۇمساق بولشەك جانە بۇلتتىق ەسەپتەۋ كاسىپ سالاسى بازاسىنىڭ، ساندى مالىمەت ورتالىعىنىڭ قۇرىلىسى مەن اينالىمىن بەكەمدەيمىز جانە ىلگەرىلەتەمىز. جاساندى زەردەنىڭ ونەركاسىپتەگى ٴتۇيىندى سالالاردا جالپىلاستىرىلۋىن، قولدانىلۋىن كۇش سالا ىلگەرىلەتىپ، ورتا، شاعىن كاسىپورىنداردىڭ سيفرلانعان تيپ جاڭالاۋىن قالالاردا تۇيىندە سىناق ەتۋ قۇرىلىسىن قولداپ، زەردەلى جاساۋدى تۇيىندە سىناق ەتۋدەن ۇلگى كورسەتۋ ارەكەتىن ىشكەرىلەي ورىستەتىپ، سيفرلانعان سەح، زەردەلى زاۆود، زەردەلى جاساۋ ۇلگى كاسىپورىندارىن نەگىزگى دانەكەر ەتكەن زەردەلى جاساۋدىڭ جاڭا جاعدايىن قالىپتاستىرامىز. ەنەرگيا ۇنەمدەپ كومىر قىشقىل گازىنىڭ شىعارىلۋىن ازايتۋ بويىنشا جاڭالاۋدى ىشكەرىلەي اتقارىپ، جاساۋ كاسىبىنىڭ جاسىلدانىپ دامۋىن ىلگەرىلەتەمىز.
ەنەرگيا پايدالاناتىن ٴتۇيىندى سالالاردا ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋ تەحنولوگياسى بويىنشا جاڭالاۋ نىساندارىنان ٴبىر توبىن اتقارىپ، كومىر قىشقىل گازىن شىعارمايتىن زاۆودتار مەن كومىر قىشقىل گازىن شىعارمايتىن ونەركاسىپ باقشا رايوندارىن جەتىلدىرۋ جونىندە ىزدەنىس جاساپ، جاسىل جاساۋ جۇيەسىن ورناتامىز. مەملەكەتتىڭ ”ەكى كەلەلى“، ”ەكىنى جاڭالاۋ“ ساياساتىن ىشكەرىلەي ويداعىداي تياناقتاندىرىپ، ٴتىپتى دە كوپ اسا ۇزاق مەرزىمدى ارنايى زايوم قولداۋىنا قول جەتكىزىپ، كاسىپورىنداردى جابدىقتاردى جاڭالاۋ جانە تەحنولوگيانى جاڭالاۋ سەرپىنىن ارتتىرۋعا شابىتتاندىرىپ جانە جەتەكتەپ، شەشۋشى، وزەكتى تەحنولوگيالارداعى قيىن ماسەلەلەردەن قامال الىپ، جاساۋ كاسىبىنىڭ جوعارى ساپالى دامۋىن جانە كاسىپ سالاسىنىڭ تيپ وزگەرتىپ دارەجەسىن جوعارىلاتۋىن جەبەيمىز.
