انار داندەرى الىستاعى حۋناندا كەزدەستى، دوستىق سۇيىسپەنشىلىك قويۋلادى
توقسۇندىق وقۋشىلار ٴۇرتىس 3 جىل چىنجوۋعا بارىپ بالالار كوكتەم مەرەكەسى ساۋىق كەشىنە قاتىناستى
ەرىكتى ٴتىلشى مارزياگۇل ابلەت
2025 ـ جىلى 12 ـ ايدىڭ 24 ـ كۇنى توقسۇن اۋداندىق 1 ـ باستاۋىش مەكتەپتىڭ، 2 ـ باستاۋىش مەكتەپتىڭ وقۋشىلارى حۋناننىڭ چىنجوۋىنا تاعى دا بارىپ، ەكى جەردىڭ ٴۇرتىس 3 جىل بويى بالالار كوكتەم مەرەكەسى ساۋىق كەشىندەگى پىكىر اۋىستىرۋ تاماشا اڭگىمەسىن جالعاستىردى. ”بىرگە وقۋ، بىرگە زەرتتەۋ، بىرگە كونسەرت قويۋدى“ نەگىزگى تاقىرىپ ەتكەن بالالاردىڭ كوركەمونەر جونىندەگى وسى اۋىس ـ كۇيىس قيمىلى تەك ٴبىر رەتكى ٴوڭىر اتتاعان باس قوسۋ عانا ەمەس، ونان دا ماڭىزدىسى، حۋنان مەن شينجياڭ سىندى ەكى جەردىڭ وقۋ ـ اعارتۋىنىڭ، مادەنيەتىنىڭ تەرەڭ توعىسۋىنىڭ جاندى امالياتى بولىپ، جۇڭحۋا ۇلتى ورتاق تۇلعا تانىمىن ٴوسپىرىم بالالاردىڭ جۇرەگىنە تەرەڭ تامىر تارتقىزدى.
ساباقحانادا وي توعىستىرۋ كىسىنى ەڭ تەبىرەنتتى. چىنجوۋعا جەتكەن العاشقى كۇنى توقسۇندىق وقۋشىلار چىنجوۋ قالالىق 3 ـ تولىق تۇزىمدەگى باستاۋىش مەكتەپكە كەلىپ، ناعىز شينجياڭ بيىمەن تاڭعالدىرا بوي كورسەتتى. سوڭىنان ولار چىنجوۋلىق وقۋشىلارمەن بىرگە ساباق تىڭدادى، ەكى جەردىڭ ورەندەرى بىرگە كىتاپ وقىدى، جاڭا بىلىمدەر جونىندە بىرگە ىزدەندى. مەكتەپتەر ارا جۇپ قۇراۋدىڭ تەرەڭ دوستىق سۇيىسپەنشىلىگى ٴتىپتى دە تەرەڭدەدى — وقۋ ـ اعارتۋ ۇستانىمىنىڭ ٴتۇيىلىسۋى، ەسەيۋ حيكاياسىمەن ٴبولىسۋ، بارلىعى دا ەكى جەردىڭ مەكتەبى اراسىنداعى ەڭ مەيىرگە تولى بايلانىسقا اينالدى.
قىزىل گەننىڭ جالعاسۋى وسى پىكىر اۋىستىرۋعا تەرەڭ رۋحاني بوياۋ ۇستەدى. 2025 ـ جىلى 12 ـ ايدىڭ 24 ـ كۇنىنەن 26 ـ كۇنىنە دەيىن توقسۇندىق وقۋشىلار ىلگەرىندى ـ كەيىندى ”جۇڭگو يادرو ونەركاسىبىندەگى ٴبىرىنشى ۇلەس قوسۋشى كەن“ 711 كەن، رۋچىڭداعى ”شولاق كورپەنىڭ جىلۋى“ اتىنداعى ارناۋلى تاقىرىپتىق كورمە سارايى سياقتىلاردى ەكسكۋرسيالادى. بالالار ەلىتۋ ۇلگىسىندەگى زەرتتەۋ ـ ۇيرەنۋ بارىسىندا توڭكەرىستىك اعا بۋىنداردىڭ اۋەلگى ماقساتىن، بورىشىن جانە توڭكەرىستىك رۋحىن سەزىنىپ، ونى ەسەيۋگە ٴنار بەرەتىن رۋحاني ازىققا اينالدىردى.
كىسىنى ەڭ سۇيىندىرەتىن توعىسۋ كۇندەلىكتى تىرشىلىك تىنىسىنا جاسىرىندى. ىمىرت ۇيىرىلگەن شاقتا توقسۇندىق وقۋشىلار چىنجوۋ 19 ـ ورتا مەكتەبىن، 3 ـ تولىق تۇزىمدەگى باستاۋىش مەكتەبى وقۋشىلارىنىڭ ۇيىنە بارىپ، بىرگە باس قوسۋ تاماعىن جەپ، بىرگە جۇرەك قىلىن شەرتتى، كۇندىز ـ ٴتۇنى بىرگە بولعان ساتتەردە شىنايى سۇيىسپەنشىلىك كىشى ـ گىرىم ىستەر ارقىلى بىرتىندەپ نىعايىپ، ”جۇڭحۋا ۇلتىنىڭ بەرەكەلى شاڭىراعى“ ۇستاۋعا، سەزىنۋگە بولاتىن مەيىرگە اينالدى.
قيمىلدىڭ شارىقتاۋ كەزى چىنجوۋ تەلەۆيزيا ستانسياسىنىڭ ساحناسىندا ٴدال ۋاعىندا جارىققا شىقتى. 2025 ـ جىلى 12 ـ ايدىڭ 27 ـ كۇنى چىنجوۋ مەن توقسۇن ەكى جەردىڭ ورەندەرى قول ۇستاسا «انار گۇلى اشىلىپ، جاڭا جىلدى قارسى الۋ» اتىنداعى بالالار كوكتەم مەرەكەسى ساۋىق كەشىن قويدى، ويناقى ٴبي ارەكەتتەرى، ٴۇنسىز سەلبەسۋ، شىنايى كۇلىمسىرەۋ ارقىلى ”ٴار ۇلت حالقىنىڭ اناردىڭ دانىندەي تىعىز ۇيىسۋ“ ٴمانىن كورەرمەندەردىڭ كوز الدىندا ناقتى بەينەلەندى. ”بۇل مەنىڭ چىنجوۋعا 3 ـ رەت كەلىپ بالالار كوكتەم مەرەكەسى ساۋىق كەشىنە قاتىناسۋىم، وتە قۋانىشتامىن! وسى ارادان مەن تاعى كوپتەگەن جاقسى دوس تاپتىم، مەن دە ولاردى اۋىلىما قوناق بولىپ بارۋعا ۇسىنىس ەتتىم، ٴبىزدىڭ دوستىعىمىزدىڭ ۇزاققا جالعاسۋىن تىلەيمىن“، ـ دەدى توقسۇن اۋداندىق 1 ـ باستاۋىش مەكتەپتىڭ وقۋشىسى ٴپارزانا پارحات.
”مەكتەپتەر ارا جۇپ قۇراۋداعى العاشقى بايلانىس سۇيىسپەنشىلىك توعىسقان تەرەڭ ۇندەستىككە قاراي بەت الدى، چىنجوۋ مەن توقسۇن ەكى جەر بالالار كوكتەم مەرەكەسى ساۋىق كەشىن سۇيىسپەنشىلىك دانەكەرى ەتىپ، پىكىر اۋىستىرۋدى ’مەزەتتىك قيمىلدان’ ‘ۇنەمىلىك تاباندى بولۋعا‘ اينالدىردى، ۇلتتار ىنتىماعى تۇقىمى ورەندەردىڭ جۇرەگىنە تەرەڭ تامىر تارتتى. بولاشاقتا وسى سۇيىسپەنشىلىك تاعى دا توقتاۋسىز جەتكىزىلىپ، جۇڭحۋا ۇلتى ورتاق تۇلعا تانىمىن بەكەمدەۋگە سارقىلماس جاستىق ورال كۇشىن ۇستەيدى“، ـ دەدى توقسۇن اۋداندىق وقۋ ـ اعارتۋ مەكەمەسىنىڭ ورىنباسار باستىعى، چىنجوۋدىڭ شينجياڭعا كومەكتەسۋ قىزمەت اترەتىنىڭ وقۋ ـ اعارتۋ گرۋپپاسىنىڭ باستىعى جاۋ بو.
