انار گۇلى پاميردە اشىلدى
انار بۇلت \ شينجياڭ گازەتىنىڭ ٴتىلشىسى ياڭ شۋحان
پامير ۇستىرتىندە فۋتبول جارىسىن كورىپ قالساڭىز، وندا ول، ٴسوز جوق، تۇرلىشە ۇلت مۇشەلەرىنەن ۇيىمداسقان فۋتبول كوماندالارى باسەكەلەسىپ جاتقان بولۋى مۇمكىن؛ الەۋمەتتىك اۋماققا بارساڭىز، تۇرلىشە ۇلت بالالارىنىڭ بىرگە اسىر سالىپ ويناپ جۇرگەنىن كورەسىز؛ اۋىل ـ قىستاقتا سەيىلدەپ جۇرگەنىڭىزدە ٴار ۇلت بۇقاراسىنىڭ زاۆودتا، سەحتاردا بىرگە ورىنداعان كۇرەس سيمفونياسىن ەستي الاسىز.
بۇل جەر قىزىلسۋ قىرعىز اۆتونوميالى وبلىسى، بۇل اراداعى اڭگىمەلەرگە قۇلاق تۇرگەنىڭىزدە، ”جۇڭحۋا ۇلتى ورتاق تۇلعا تانىمىن بەكەمدەۋدىڭ“ ەشقاشان دا ابستراكت ۇعىم ەمەس ەكەندىگىن، قايتا شەكارانى قورعاۋ جولىندا بىرگە باسقان قادام، قىستاقتاردا شىعانداعان ٴان اۋەنى، دامۋ بارىسىندا بىرگە يگىلىكتەنگەن تابىستىڭ جەمىسى، ۋاقىتتىڭ سالقار كوشىندە تۇنعان تەرەڭ سۇيىسپەنشىلىك ەكەنىن بايقايسىز. ول وسىناۋ ۇمىتكە تولى توپىراقتا تامىر تارتىپ وركەن جايىپ، الدەقاشان ٴبىر ٴتۇرلى تۇرمىس تاسىلىنە، ٴبىر ٴتۇرلى رۋحاني تۇسكە، بارلىق ادام تىزە قوسا العا ۇمتىلاتىن كوركەم بولاشاققا اينالعان.
ىنتىماقتىڭ جاندى كارتيناسىن سالدى
قىسقى كۇنگى اتۇش قالاسى فۋتبول باقشاسىندا كۇننىڭ شۇلەن شۇعىلاسى مەن الاقايلاعان ٴۇن توعىستى.
الاڭ يەسى كاتتايايلاق كومانداسىنىڭ مۇشەسى ٴومار اسپاي ـ ساسپاي جازا دوپتى قاقپاعا تەۋىپ كىرگىزگەندە بۇكىل الاڭ ٴاپ ـ ساتتە دۋمانعا بولەندى، 10 مىڭنان استام كورەرمەن ”اتۇش، قايراتتان“ دەگەن جازۋ جازىلعان كەرمە تۋدى بۇلعاپ ايعاي سالىپ مەدەت بەردى؛ ال ۋاقىت تولىقتاۋ ساتىندە بۇراتالا موڭعۇل اۆتونوميالى وبلىسى پاريديو كومانداسى جازا دوپپەن ۇپايدى تەڭەستىرگەننەن كەيىن الىستان كەلگەن دوپ جان كۇيەرلەرى مەن جەرگىلىكتى كورەرمەندەردىڭ الاقايلاعان ٴۇنى ٴبىر ـ بىرىنە قوسىلىپ اسپاندى جاڭعىرتتى.
2025 ـ جىلعى ”اتۇش ساۋىتى“ بۇكىل شينجياڭ فۋتبول ۇسىنىس جارىسىنىڭ قوزعاعان ٴدۇمپۋى كورەرمەندەر عانا ەمەس ٴارى قۇبىلىس دارەجەسىندەگى جالپى حالىقتىڭ شاتتىعى بولدى.
قىزىلسۋ وبلىسىندا فۋتبولدى دانەكەر ەتىپ ۇيىسقان ىنتىماق كۇشى تۇرمىستىڭ بارلىق جاعىنا دەيىن كەڭەيدى، ”بىرگە تۇرىپ بىرگە ۇيرەنۋ، بىرگە قۇرىپ بىرگە يگىلىكتەنۋ، بىرگە ىستەپ بىرگە شاتتانۋ“ قالىپتى كۇيگە اينالدى.
2025 ـ جىلدان بەرى، ۇلۇقشات اۋداندىق فۋتبول كومانداسى اتۇش قالاسىنىڭ، چاڭجوۋ قالاسىنىڭ ۋاكىلدەر كومانداسىمەن قول ۇستاسىپ، ”جىبەك جولىنداعى جاڭا جورىق . جاسىل الاڭدا ارماندى ورىنداۋ“ فۋتبول ۇسىنىس جارىسىنا بىرگە بارىپ، ٴار ۇلت جاستارى مەن ورەندەرىن شينجياڭنىڭ ٴىشى ـ سىرتىندا جەلىدە جانە جەلىدەن تىس ٴتۇرلى اۋىس ـ كۇيىس قيمىلىن ورىستەتۋگە ۇيىمداستىردى.
مۇنىڭ استارىندا قىزىلسۋ وبلىسىنىڭ ”ۇشكە كىرۋ، ەكىمەن بايلانىس ورناتۋ، بىرمەن دوستاسۋ“ قيمىلىنىڭ ۇزدىكسىز تەرەڭدەتىلۋى جاتىر — 18 مىڭنان استام وقىتۋشى 170 مىڭنان استام وقۋشىمەن جۇپ قۇراپ، دوستاستى، ۇلۇقشات اۋدانىنداعى ورتا، باستاۋىش مەكتەپتەر چاڭجوۋ قالاسىنداعى مەكتەپتەرمەن 52 رەت جەلىدە جانە جەلىدەن تىس وقىتۋدى زەرتتەۋ قيمىلىن ورىستەتتى، تۇتاس جىلدا 6200دەن استام جاستار مەن ورەندەر ٴوڭىر اتتاپ اۋىس ـ كۇيىس جاساۋعا قاتىناستى.
”سەن مەنىڭ ۇيىمە كەلىپ ساڭزى جە، مەن سەنىڭ ۇيىڭە بارىپ ايكۇلشە جەيىن“ مەرەكەنىڭ داعدىسىنا اينالدى، بەينە جاسىل الاڭداعى دوپ جەتكىزۋ سەلبەستىگى سياقتى ٴار ۇلت جاستارى مەن ورەندەرى بىرگە ۇيرەنۋ، ويناۋ بارىسىندا دوستىقتىڭ تۇقىمىن سەۋىپ، جۇڭحۋا ۇلتى ورتاق تۇلعا تانىمىنىڭ جۇرەك تۇكپىرىنە تەرەڭ ۇيالاۋىنا مۇمكىندىك جاسادى.
ٴوزارا كىرىكپەلى الەۋمەتتىك اۋماق قۇرىلىسى وسى توعىسۋدى اناعۇرلىم تەرەڭدەتتى. قىزىلسۋ وبلىسىنداعى شاعىن اۋماقتار %100 ٴوزارا كىرىكپەلى قونىستانۋدى جۇزەگە اسىردى، سىناق ٴتۇيىنى ەتىلگەن 28 شاعىن اۋماق سەيىل ـ سەرۋەن شاعىن الاڭىن، حالىققا قولايلى قىزمەت وتەۋ ەرەن بازارىن جانە مادەنيەت قيمىل زالىن سايكەستى سالىپ، ٴار ۇلت بۇقاراسىنا ”نولدىك ارالىق“ اۋىس ـ كۇيىس تۇعىرىن ورناتتى.
اقتاۋ اۋدانى اقتاۋ قالاشىعى جاراسىمدىلىق جولى الەۋمەتتىك اۋماعىندا مادەنيەت الاڭىنداعى الاڭ ٴبيى، مادەنيەت، دەنە تاربيە قيمىل بولمەسىندەگى ونەر بايقاۋى، ٴدامدى تاعامداردان بىرگە ٴدام تاتۋ باس قوسۋىنداعى ٴار ۇلتتىڭ ٴدامدى تاعامى... ٴجيى ـ ٴجيى وتكىزىلگەن ٴتۇرلى قيمىلدار قالاشىق تۇرعىنى وبۇلقاسىم ايىتتى شىنايى اسەرلەندىردى: ”كوپشىلىك قيمىلعا بىرگە قاتىناسىپ، تاتۋ ـ ٴتاتتى ٴوتىپ جاتىرمىز، ەرەكشە باقىتتىمىز“.
اتۇش قالاسى جاڭادان سالىناتىن شاعىن اۋماقتىڭ جوباسىندا ٴار ۇلت بۇقاراسىنىڭ ارالاس قونىستانۋ سالىستىرماسىن ايقىنداپ، ”كورشىلەر مەرەكەسى“، ”ٴجۇز وتباسى قوناعاسى“ سياقتى قيمىلداردى ۇدايىلاندىرا ورىستەتتى، كۇندەلىكتى تۇرمىستاعى ٴوزارا قۇرمەت ەتۋ، سيىسىمدىلىق ۇلتتار ىنتىماعى گۇلىن قۇلپىرتا ٴتۇستى.
ٴار ۇلت ىشكەرىلەي ارالاسىپ، ىشتەسىپ، توعىسىپ، ساياحاتتىڭ توعىسۋىنا قۋاتتى قوزعاۋشى كۇش ۇستەدى.
قىزىلسۋ وبلىسى ”جۇڭگونىڭ باتىس ۇيەگى . تاۋلى قىزىلسۋ وبلىسى“، ”ازحان ٴانجۇرى حالىقتىق سالت ـ سانا مادەنيەت ـ ساياحات كورىنىس ٴوڭىرىن“ قۇرىپ، ”حالىقتىق سالت ـ سانا + ساياحات“، ”دەنە تاربيە + ساياحات“ سىندى دامۋ ۇلگىسىن تۇلعالادى. ۇلۇقشات اۋدانى مادەنيەت كورمە سارايىنا، سوۆەت ۇلگىسىندەگى قۇرىلىس شوعىرىنا، تيانشان تاۋى مەن كۇنلۇن تاۋىنىڭ توعىسقان جەر بەدەرىنە سۇيەنىپ، شەكاراداعى قىزىل ٴتۇستى زەرتتەۋ ـ ۇيرەنۋ ساياحاتى، گەولوگيالىق عىلمي تەكسەرۋ ساياحاتى سياقتىلاردى ۇسىندى، 2025 ـ جىلى 2 ميلليون 306 مىڭ 100 ساياحاتشى (رەت) قابىلداپ، ساياحات كىرىسى 860 ميلليون يۋانعا جەتىپ، سايكەس مەزگىلدەگىدەن جەكە ـ جەكە %40.57 جانە %45.52 ارتتى.
فۋتبول جارىسى الاڭىنان الەۋمەتتىك اۋماق كوشەلەرىنە، مەكتەپ ساباقحاناسىنان ساياحات كورىنىس وڭىرىنە دەيىن ”ۇلتتار ىنتىماعىنىڭ بەرەكەلى شاڭىراعى“ سۇيىسپەنشىلىگى ٴتۇرلى قيمىلداردا ۇزدىكسىز تەرەڭدەدى.
شىنايى مويىنداۋدىڭ رۋحاني قۇنارلى توپىراعىنا تەرەڭ تامىر تارتتى
ۇستىرتتەگى مال فەرمادا سوققان ىزعارلى بوراندا ات ٴۇستى ۇگىتشىسى جاقىپۋالي بەكجول مەن اترەت مۇشەلەرى قۇلاما تاۋ جولىن بويلاپ جوعارى قاراي ورلەدى. ونىڭ قورجىنىندا مالشىلاردىڭ كۇندەلىكتى قاجەتتى بۇيىمدارى عانا ەمەس، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحى جونىندەگى ۇگىت لەكسيا ماتەريالدارى دا بار ەدى.
جاقىپۋالي اتتان تۇسە سالا بىرنەشە مالشى قاۋمالاي كەلدى. ول ىستىق شاي ىشۋگە ۇلگىرمەستەن، سيا ٴيىسى اڭقىعان گازەتتى وقي باستادى. حالىق تۇرمىسى ساياساتىنا كەلگەندە، ول ارنايى توقتالىپ، الىستاعى قارلى تاۋدى، جايلىمدى نۇسقاپ: ”بەينە ٴبىزدىڭ شەكارا كۇزەتشىلەرىمىز شەكارانى شارلاعانداي، پارتيا مەن مەملەكەت ٴبىزدىڭ باقىتتى تۇرمىسىمىزدى قورعاپ كەلەدى“، ـ دەدى.
ۇلۇقشات اۋدانىندا جاقىپۋالي سياقتى ات ٴۇستى ۇگىتشىلەرى از ەمەس. ولار جىل بويى وتارلار اراسىندا قاربالاس جۇرەدى، مىنبە، ميكروفون جوق، ٴبىر كەسەك تاس، ٴبىر دوڭبەك ۇگىت لەكسيا تۇعىرى بولدى؛ تىلدەرى دە ”قاراپايىم، ۇعىنىقتى“، مالشىلار ىستىق ىقىلاسپەن ”جۇگەرى نان“ ۇلگىسىندەگى — شىنايى، قارىندى تويعىزاتىن، وڭاي قورىتىلاتىن ۇگىت لەكسيا دەپ اتادى.
اقتاۋ اۋدانى حىشيە جولى الەۋمەتتىك اۋماعىندا ”قىزىل ٴتۇستى تىكە تاراتۋ بولمەسى“ ۇلتتار ىنتىماعى ۇگىتىنىڭ جاڭا شەبىنە اينالدى، الەۋمەتتىك اۋماق تۇرعىنى نۇرگۇل تۇرسۇن وسى اۋداننىڭ ۇلتتار ىنتىماعىنداعى وزات جەكە، ۇنەمى تىكە تاراتۋ بولمەسىنە كىرىپ، جانىنداعى جۇرەكتى جىلىتاتىن اڭگىمەلەردى بولىسەدى، ونىڭ 40 نەشە رەتكى تىكە تاراتۋى 60 مىڭنان استام ادامدى (رەت) باۋرادى.
ەگەر حالىققا جاناسىمدى ۇگىت لەكسيا تىكە تاراتۋى حالىق تىلەگىن جاقىنداتاتىن دانەكەر دەسەك، وندا بەيزاتتىق مادەني مۇرالاردى جالعاستىرۋدى مادەنيەتتى شىنايى مويىنداۋدى جەبەيتىن جاندى دانەكەر دەۋگە بولادى.
قىزىلسۋ وبلىسى دۇنيە جۇزىلىك بەيزاتتىق مادەنيەت مۇراسى ”ماناستى“ شينجياڭدى مادەنيەتپەن نارلەندىرۋدى ىلگەرىلەتۋدىڭ وزەگى ەتىپ، ٴۇرتىس 11 كەزەك ماناس حالىقارالىق مادەنيەت ـ ساياحات مەرەكەسىن وتكىزىپ، ”ەپوستى رۋح، تاۋ ـ وزەندەردى تۇلعا، مادەنيەت پەن ساياحاتتى قانات ەتكەن“ ستەرەولدى كورسەتۋ جۇيەسىن قالىپتاستىردى.
«ماناس پەن المانبەتتىڭ تۋىسقاندىق سۇيىسپەنشىلىگى» سياقتى تەاترلار شينجياڭنىڭ ٴىشى ـ سىرتىندا 23 رەت قويىلدى، 64 مىڭنان استام كورەرمەن اسقاق جىر اۋەنىنەن جۇڭحۋا مادەنيەتىنىڭ تارتىمدىلىعىن سەزىندى.
سونىمەن بىرگە قۇسبەگىلىك مادەنيەتى تاقىرىبىنداعى ميكرو قىسقا تەاتر «قىراننىڭ عايىپ بولۋى» كەسكىنگە الىنىپ بولىپ، بەيزاتتىق مادەني مۇرالاردى ۇستىرتتەن شىعاردى؛ العاشقى ٴان «اتۇش قۇرمەتى»، «باتىس ۇيەكتەگى ۇلۇقشات» بۇكىل توراپتا كەڭىنەن تارالدى، حالىق سايتى تاراتقان «ۇلۇقشاتتا كەزدەسۋ» اتتى ارناۋلى تاقىرىپتىڭ جالپى شولىنۋ مولشەرى ٴبىر ميلليون 487 مىڭعا جەتىپ، قىزىلسۋ وبلىسى مادەنيەتىن ۇلتتىق سۇيىسپەنشىلىكتى ۇيىستىراتىن رۋحاني دانەكەرگە اينالدىردى.
مۇنان سىرت، قىزىلسۋ وبلىسىنىڭ بايتاق دالاسىندا ۇرپاقتان ـ ۇرپاققا جالعاسىپ كەلە جاتقان وتاندى ٴسۇيۋ، شەكارانى قورعاۋ رۋحى قان تامىرعا ويىلعان مادەنيەت بەلگىسى ەدى.
بۇكىل وبلىستا جۇڭحۋا ۇلتى ورتاق تۇلعا تانىمىن بەكەمدەۋ تاربيەسى بويىنشا 23 امالياتتىق بازا قۇرىلدى، وبلىستىق مۇراجاي، ۇلۇقشات اۋدانى بۇرماحان مولدو شەكارا قورعاۋ سارايى سياقتى قىزىل سارايلار، شەكارا بويىنداعى رۋحاني ٴدالىزدى قالىپتاستىردى.
ىنتىماقتىڭ زاتتىق نەگىزىن بەكەمدەدى
قىسقى كۇننىڭ العاشقى ساۋلەسى ۇلۇقشات اۋدانى قىزىلوي اۋىلى ەكىتەرەك قىستاعىنىڭ اۋىل جولىنا تۇسكەندە ”ارمانداعى مەكەن“ شارۋاشىلىق قۇرۋ بازاسىنداعى دۇكەندەر الدەقاشان دۋمانعا بولەندى.
قىستاق ەركەشتام شەكارا وتكەلىنە جاقىن بولۋداي وڭىرلىك ورىن باسىمدىعىنا سۇيەندى، ٴبىر جىلدىڭ الدىندا قىستاق ”ەكى كوميتەتى“ باس بولىپ شوفەرلەر ايالداماسىن قۇرىپ، ”تۇراقتى جالاقى + جۇمىس جۇرگىزۋ تابىس ٴبولىسى“ سىندى تابىس ۇلگىسىن جاسامپازدىقپەن العا قويىپ، ارى ـ بەرى وتكەن شوفەرلەردى اۆتوكولىك توقتاتۋ، اس ـ سۋ، جاتىن ورىن سىندى ٴبىر بەكەتتىك قىزمەت وتەۋمەن قامداپ عانا قويماي، قىستاق كوللەكتيۆىنىڭ كىرىستى ورنىقتى ارتتىرۋ ارناسىنا دا يە بولۋىنا مۇمكىندىك جاسادى.
شەكارا وتكەلى ەكونوميكاسىنىڭ دامۋى شەكاراداعى قىستاقتىڭ ومىرشەڭ كۇشىن جانداندىردى، ەرەكشەلىككە يە كاسىپ سالاسىنىڭ دارەجەسىن جوعارىلاتۋ اتۇش قالاسىنداعى جەمىس ورمانىن ەگەتىن وتباسىلارىنا كاسىپ سالاسى تىزبەگىن كەڭەيتۋدىڭ پايداسىن كورسەتتى.
جاس ٴانجۇردى جاس كۇيىندە ساقتاۋ ۋاقىتى قىسقا بولۋ سىندى قيىن ماسەلەنى شەشۋ ٴۇشىن، جەرگىلىكتى ورىن توڭازىتىپ قۇرعاتۋ تەحنولوگياسىن ەنگىزىپ، جاس جەمىستى ساقتاۋعا وڭاي، تاسىمالداۋعا قولايلى توڭازىتىپ قۇرعاتىلعان ونىمگە اينالدىرىپ، كەڭ بازار اشتى.
”ٴبىز كاسىپورىنمەن ساتىپ الۋ كەلىسىمىنە قول قويىستىق، كاسىپورىن ٴاربىرىن 2.5 يۋاندىق ەڭ تومەنگى باعامەن ساتىپ الادى“، ـ دەدى ەگىنشى ابدۇشكۇر وشۇر كۇلىپ. ونىڭ ٴۇيى 6 مۋ جەرگە ٴانجۇر ەكتى، 2025 ـ جىلى كىرىسى 100 مىڭ يۋاننان استى.
كاسىپ سالاسى تىزبەگىن ۇزارتۋ، ۇستەمە قۇندى جوعارىلاتۋ، كولەمدەنگەن ونىمدىلىك قالىپتاستىرۋ قىزىلسۋ وبلىسىنىڭ ەرەكشە كاسىپ سالاسىن دامىتۋداعى ماسەلەنى شەشۋدىڭ كىلتىنە اينالدى.
قازىرگە دەيىن قىزىلسۋ وبلىسىنداعى قىستاقتاردىڭ كوللەكتيۆ شارۋاشىلىق كىرىسى 112 ميلليون يۋانعا جەتىپ، 211 قىستاق كوللەكتيۆى بۇقاراعا 23 ميلليون 897 مىڭ 900 يۋان پايدا ٴبولىسىن بەردى. شىنايى پايدا ٴار ۇلت بۇقاراسىنىڭ دامۋعا بىرگە ۇمتىلۋ تىلەگىن اناعۇرلىم جاقىنداتا ٴتۇستى.
2025 ـ جىلى قىزىلسۋ وبلىسى ساياساتتىق ورايدى مىقتى يگەرىپ، 23 ەرەكشەلىككە، باسىمدىققا يە كاسىپ سالاسى نىسانىن دالمە ـ ٴدال اتقاردى، بۇل ەگىمشىلىك، باعىمشىلىق، اۋىل ـ قىستاق ساياحاتى، شەكارا ساۋداسى سياقتى كوپتەگەن سالالاردى قامتىدى؛ شەكارا وتكەلى ەكونوميكاسىن زور كۇشپەن دامىتىپ، ”شەكارا وتكەلى باقشا رايونى قارىز اقشاسى“ ساياساتى ارقىلى سۇيەمەلدەۋ جانە ”كۇتۋشى ۇلگىسىندەگى“ ەتەنە قىزمەت وتەۋ ارقىلى 200دەن استام يمپورت ـ ەكسپورت ساۋدا كاسىپورنىن ىرگە تەبۋگە باۋراپ، شەكارا بويىنداعى 63 مىڭ حالىقتى ٴوزارا بازارشىلاۋ سەلبەستىك كووپەراتيۆىنە كىرۋگە جەتەكتەپ، ٴار ۇلت بۇقاراسىنىڭ ەسىك الدىندا ـ اق كىرىسىن ارتتىرىپ بايۋىنا مۇمكىندىك جاسادى.
سونىمەن بىرگە قىزىلسۋ وبلىسى حالىق تۇرمىسىن الدىمەن ويلاستىرۋعا باستان ـ اياق تاباندى بولىپ، قازىنالىق شىعىستىڭ %76تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمسادى: شينجياڭ تيانشان كاسىپتىك ـ تەحنولوگيالىق داشۋەسىنىڭ (قىزىلسۋ وبلىسى مەكتەپ رايونى) 2 ـ مەرزىمدىك نىسانى ٴساتتى اياقتالدى؛ قالا مەن اۋىلدىڭ مىندەتتى وقۋ ـ اعارتۋ پارقى ۇزدىكسىز ازايىپ، جوعارى مەكتەپ ەمتيحانىندا تولىق كۋرسقا ٴوتۋ مولشەرى سايكەس مەزگىلدەگىدەن %7.27 ارتتى؛ قىزىلسۋ وبلىستىق جۇڭي شيپاحاناسى پايدالانۋعا بەرىلۋ الدىندا تۇر، ٴار ۇلت بۇقاراسىنا اناعۇرلىم ساپالى ەمدەۋ قىزمەتىن وتەيدى؛ ”بەستى قامتاماسىز ەتۋ“ ارەكەتى 65 مىڭ 800 بۇقارانىڭ زەينەتكەرلىك قامسىزداندىرۋ قاراجاتىن تاپسىرۋىنا كومەكتەستى، قيىنشىلىعى بار بۇقاراعا 289 ميلليون يۋان قۇتقارۋ كومەك قاراجاتى دالمە ـ ٴدال تاراتىلىپ، حالىق تۇرمىسىنىڭ تومەنگى شەگى مىقتى بەكەمدەلدى.
ىنتىماق گۇلى پامير ۇستىرتىندە قۇلپىرا اشىلدى. قىزىلسۋ وبلىسى مادەنيەت ارقىلى رۋحتى سومداپ، رۋحاني كۇشتى ۇيىستىرىپ، بىرگە بايۋ ارقىلى زاتتىق نەگىزدى بەكەمدەپ، ارالاسۋ، ىشتەسۋ، توعىسۋ ارقىلى ۇلتتار سۇيىسپەنشىلىگىن كۇشەيتىپ، جۇڭحۋا ۇلتى ورتاق تۇلعا تانىمىن ٴار ۇلت حالقىنىڭ قان تامىرىنا ٴسىڭىردى.
