1 - ايدىڭ 10 - كۇنى ٴۇرىمجى قالالىق قوعام حاۋىپسىزدىگى مەكەمەسى سايباق رايوندىق بولىمشە مەكەمەسىنىڭ زەينەتكە شىققان حالىق ساقشىلارى مەن جاس حالىق ساقشىلارى مەرەكە بالكۇلشەسىنەن بىرگە ءدام تاتتى.
□ انار بۇلت/ شينجياڭ زاڭ گازەتىنىڭ ٴتىلشىسى شان كۇن تۇسىرگەن
انار بۇلت \ شينجياڭ گازەتىنىڭ تىلشىلەرى سۇي يۇنيان، ۋاڭ نا، ياڭ شۋحان، ٴجازيرا نەسىپبەك
ساقشى گەربى جارقىراپ، اۋەلگى ماقساتتان اينىمادى. 1 ـ ايدىڭ 10 ـ كۇنى — 6 ـ رەتكى جۇڭگو حالىق ساقشىلارى مەرەكەسى، شينجياڭنىڭ جەر ـ جەرىندە ٴارقايسى ساقشى تۇرلەرى الۋان فورمالى قيمىلدار ارقىلى مەرەكەنى قۇتتىقتاپ، بارلىق ساقشىنى كۇش توپتاپ، قىزمەت جاۋاپكەرشىلىگىن تولىق ادا ەتىپ، اناعۇرلىم بەرىك سەنىم جانە اناعۇرلىم تاسقىنداعان قىزۋ ىنتامەن ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات ـ شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋعا قورعان بولۋعا جىگەرلەندىردى.
1 ـ ايدىڭ 10 ـ كۇنى تۇستەن بۇرىن اۆتونوميالى رايوندىق قوعام حاۋىپسىزدىگى مەڭگەرمەسى 6 ـ رەتكى جۇڭگو حالىق ساقشىلارى مەرەكەسىن قۇتتىقتاپ، ساقشى تۋىن شىعارۋ سالتىن وتكىزدى. بىرنەشە كۇننەن بەرى، اۆتونوميالى رايوندىق قوعام حاۋىپسىزدىگى مەڭگەرمەسى تاعى اقپار جاريالاۋ ٴماجىلىسىن وتكىزدى، باقىلاۋشى ساقشىلاردىڭ ساقشىلىق شەنىن ٴوسىرۋ، جاڭادان مىندەتكە تاعايىندالعان باسقارما دارەجەلى باسشى كادرلاردىڭ نەگىزگى زاڭ الدىندا سەرت بەرۋ سالتى، نەگىزگى تاقىرىپتىق بۇلتتىق ولەڭ جينالىسى، ”ساقشى فورماسى كەلبەتتى ايگىلەۋ، ادال نيەتپەن ساقشى رۋحىن سومداۋ“ حاتكەرلىك، سۋرەت، فوتوسۋرەت كورمەسى سياقتى قيمىلدار وتكىزىپ، قوعام حاۋىپسىزدىگى قوسىنىنىڭ ۇيىسۋ كۇشىن، سەنترگە تارتۋ كۇشىن تاسقىنداتتى.
اۆتونوميالى رايون، ايماق (وبلىس، قالا)، اۋدان (قالا، رايون) ٴۇش دارەجەلى مەملەكەت حاۋىپسىزدىگى ورگاندارى ساقشى تۋىن شىعارۋ سالتىن تەڭ قادامدا وتكىزىپ، ”ماڭگى ادال بولۋ، قاھارماندا ات بولمايدى“ اتتى 6 ـ رەتكى جۇڭگو حالىق ساقشىلارى مەرەكەسىن قۇتتىقتاۋ جانە مەملەكەت حاۋىپسىزدىگى مادەنيەت قۇرىلىسى نەگىزگى تاقىرىپتىق كورمەسىن وتكىزىپ، ساقشى شەنىن ٴوسىرۋ سالتىن ۇيىمداستىرىپ ورىستەتىپ، قىزمەت ۇستىندە قۇربان بولعان كادر ـ ساقشىلاردىڭ وتباسىنداعىلاردان جانە دەمالىسقا، زەينەتكە شىققان كادرلاردان حال سۇرادى، ”جاس كادر ـ ساقشىلاردىڭ عىلىم ـ تەحنولوگيا ارقىلى قۋات ۇستەۋ اڭگىمە ٴماجىلىسى“ سياقتى جەلىلەس قيمىلدار وتكىزىپ، قالىڭ قوعام حاۋىپسىزدىگى ورگانىنداعى كادر ـ ساقشىلاردى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن قورعاۋ جاڭا جورىعىندا جاڭا داڭق جاراتۋعا جىگەرلەندىردى.
اۆتونوميالى رايوندىق جوعارى حالىق سوتى مەكەمەسى ”زاڭ قالقانى ارقىلى تۋراشىلدىقتى قورعاۋ، توڭكەرىستىك جۇرەكپەن ادالدىقتى سومداۋ“ اتتى جۇڭگو حالىق ساقشىلارى مەرەكەسى جەلىلەس قيمىلدارىن ۇيىمداستىرىپ ورىستەتتى، داڭق اتاعىن بەرۋ سياقتى بۋىندار ارقىلى زەينەتكە شىققان كادر ـ ساقشىلاردىڭ، 30 جىل ساقشىلىقپەن شۇعىلدانعانداردىڭ ۋاكىلدەرىنە، سونداي ـ اق وزات تيپتەرگە قۇرمەت ٴبىلدىرىپ، ٴادىليا ساقشىلارىنىڭ ادالدىعىن جانە جاۋاپكەرشىلىك ارقالاۋىن ايگىلەدى. 1 ـ ايدىڭ 10 ـ كۇنى ٴۇش دارەجەلى سوت مەكەمەسى ٴادىليا ساقشىلارى ۋاكىلدەرى قىسقى دالالىق جاتتىعۋ ورىستەتىپ، قاقاعان ايازدا ەرىك ـ جىگەرىن شىڭداپ، دەنەسىن شىنىقتىرىپ، قوسىننىڭ ناقتى شايقاس قابىلەتىن جانە ۇجىمدىق سايكەسۋ دەڭگەيىن ونان ارى جوعارىلاتتى.
بۇكىل شينجياڭنىڭ پروكۋراتۋرا ورگاندارىنداعى ٴادىليا ساقشىلارى قوسىنى مەرەكەنى كوپ ٴتۇرلى فورمامەن قۇتتىقتاپ، جاڭا داۋىردەگى بورىش پەن مىندەتتى ادالدىقپەن اتقارۋدىڭ جاڭا جاۋاپكەرشىلىگىن، جاڭا ىسكەرلىگىن تولىق ايگىلەدى. 1 ـ ايدىڭ 9 ـ كۇنى اقتاۋ اۋداندىق حالىق پروكۋراتۋراسى حال سۇراۋ، اڭگىمە ٴماجىلىسىن اشىپ، پروكۋراتۋراداعى بىردەن ـ ٴبىر ٴادىليا ساقشىسى ۋاڭ چىڭدۇڭعا مەرەكە بايلانىسىمەن قامقورلىق كورسەتتى جانە قۇرمەت ٴبىلدىردى. وسى پروكۋراتۋرا پارتيا باسشىلىق گرۋپپاسىنىڭ ورىنباسار شۋجيى، باس پروكۋرورى تالايگۇل قاشقارباي: ”ۋاڭ چىڭدۇڭ جولداس بۇكىل پروكۋراتۋراداعى ٴادىليا ساقشى ىستەرى سىندى اۋىر مىندەتتى ارقالادى، ول تاباندىلىعى مەن قۇلشىنىسى ارقىلى بۇكىل پروكۋراتۋرانىڭ مويىنداۋىنا يە بولدى، پروكۋراتۋرا پارتيا باسشىلىق گرۋپپاسى باستان ـ اياق ٴادىليا ساقشىسىنىڭ بەرىك تىرەگى بولادى“، ـ دەدى.
اۆتونوميالى رايوننىڭ تۇرمە، ەسىرتكىدەن ايىقتىرۋ جۇيەسىندەگى قالىڭ حالىق ساقشىلارى ساقشى تۋىن شىعارۋ، ساقشى بولۋ سەرتىن قايتا ەسكە الۋ، زاڭ جالپىلاستىرۋ ۇلكەن ساباقحاناسى، احۋال ۇعىسۋ، حال سۇراۋ سياقتى ٴبىر قىدىرۋ قيمىلدار وتكىزۋ ارقىلى كاسىپتىك داڭق سەزىمىن، ماقتانىش سەزىمىن، تاۋەلدىلىك سەزىمىن ونان ارى كۇشەيتىپ، كاسىپكە شەكسىز ادالدىعى مەن قىزۋ سۇيىسپەنشىلىكتەرىن، پارتيا ىستەرى ٴۇشىن ٴومىر بويى كۇرەس جاساۋ سەنىمى مەن بەكىمىن بەينەلەدى.
قاردى ومبىلاپ، شەكارانى شارلادى، شەكارا قۇلپىتاسىن قىزىلعا بويادى، مال شارۋاشىلىق وڭىرىنە زاڭ بىلىمدەرىن جەتكىزدى، ساقشى كازارماسىن اشىق ۇستاۋ كۇنى قيمىلىن وتكىزدى... مەملەكەت قاقپاسى شەكارا وتكەلى ٴبىرىنشى شەبىندە شينجياڭ شەكارادان كىرۋ ـ شىعۋ شەكارالىق قورعانىس تەكسەرۋ باس پۋنكتىنىڭ حالىق ساقشىلارى جۇڭگو حالىق ساقشىلارى مەرەكەسىن قۇتتىقتاۋدى وراي ەتىپ، اسقاق جىگەردى مىندەت اتقارۋدىڭ ناقتى ناتيجەسىنە اينالدىرىپ، مەملەكەت قاقپاسىن، شەكارانى اناعۇرلىم ويداعىداي قورعاپ، ەسىك اشىپ دامۋعا قىزمەت وتەدى.
پامير ۇستىرتىندەگى قارلى تاۋلار اسپانمەن تىلدەسىپ تۇر. شينجياڭ شەكارادان كىرۋ ـ شىعۋ شەكارالىق قورعانىس تەكسەرۋ باس پۋنكتىنىڭ قاراسۋ شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىندەگى حالىق ساقشىلارى 83 ـ ٴنومىرلى شەكارا بەلگىسىنىڭ الدىندا ساقشى بولۋ سەرتىن قايتا ەسكە الدى. ”ٴبىز ساقشىلار مەرەكەسىن جاڭا باستاما ەتىپ، ’حالىق ٴۇشىن ادالدىقپەن ىستەۋ، كاسىپتە وركەنيەتتى بولۋ‘ سىندى كاسىپتىك رۋحقا ۇزدىكسىز تاباندى بولىپ، جوعارى دەڭگەيدە سىرتقا ەسىك اشۋعا قىزمەت وتەۋگە شەكارالىق قورعانىس تەكسەرۋ پۋنكتىنىڭ كۇشىن قوسامىز“، ـ دەدى قاراسۋ شەكارادان كىرۋ ـ شىعۋ شەكارالىق قورعانىس تەكسەرۋ پۋنكتىنىڭ باستىعى ساۋ شياڭ ـ ي.
ٴۇرىمجى تەمىر جولى قوعام حاۋىپسىزدىگى مەكەمەسى كۇيتۇن قوعام حاۋىپسىزدىگى باسقارماسى جەلىلەس قيمىل ورىستەتتى، پويەز كۇتۋ بولمەسىندەگى قىزمەت وتەۋ تۇيىندەرىن ارتتىرۋ، شاڭعى تەبۋگە كەلگەن ساياحاتشىلارعا ارناۋلى قىزمەت وتەۋ تەرەزەسىن اشۋ سياقتىلار ارقىلى تۇرعان جەرىندە ساقشى كازارماسىن اشىق ۇستاۋ كۇنى، حالىق ساقشىلارى مەن ساقشى كومەكشىلەرىن ساقشى بولۋ سەرتىن قايتا ەسكە الۋعا ۇيىمداستىرۋ سياقتى ٴتۇرلى فورمالارمەن حالىق ساقشىلارىنىڭ بورىشتىلىق سەزىمىن ارتتىرىپ، قىزمەت وتەۋدى اناعۇرلىم حالىققا جاناسىمدى ەتىپ، اناعۇرلىم شىت جاڭا بەينەمەن ٴبىر ٴوڭىردىڭ تىنىشتىعىن قورعادى.
ٴۇرىمجى كەدەنى اتكەزشىلىككە سوققى بەرۋ مەكەمەسى ”ساقشى رۋحىن بەكەمدەپ، جاۋاپكەرشىلىكتى قاتايتىپ، ساقشىلار تىلەگىن ۇيىستىرىپ، جاڭا تاراۋ جازۋدى“ نەگىزگى تاقىرىپ ەتكەن جەلىلەس قۇتتىقتاۋ قيمىلدارىن ورىستەتىپ، احۋال ۇعىسۋ، حال سۇراۋ، ساقشى تۋىن شىعارۋ، داڭق اپەرگەندەردى ماداقتاۋ ـ سيلاۋ سالتى سياقتىلاردى وتكىزۋ ارقىلى قوسىننىڭ ۇيىسۋ كۇشى مەن كاسىپتىك داڭق سەزىمىن ونان ارى كۇشەيتتى. ٴارقايسى قاراستى بولىمشە مەكەمەلەر شەكارا وتكەلى ٴبىرىنشى شەبى قىزمەتىنىڭ ٴىس جۇزىندىگىمەن ۇشتاستىرىپ، الۋان فورمادا ساقشى كازارماسىن اشىق ۇستاۋ كۇنى، اتكەزشىلىككە قارسى تۇرۋ جونىندەگى زاڭ جالپىلاستىرۋ ۇگىتى مەن مادەنيەت، دەنە تاربيە قيمىلدارىن بىردەي ورىستەتىپ، قايراتتانا العا باسىپ، اسقاق جىگەرمەن ورگە ۇمتىلاتىن رۋحاني بەت ـ بەينەنى جاندى ايگىلەدى.
