− 20 ـ كەزەكتى ورتالىق ٴتارتىپ تەكسەرۋ كوميتەتى بەسىنشى جالپى ٴماجىلىسىنىڭ اشىلۋى قارساڭىندا
شينحۋا اگەنتتىگىنىڭ تىلشىلەرى سۇن شاۋلۇڭ، ۋاڭ پىڭ، دۇڭ بوتيڭ
”پارتيا گۇلدەنگەندە عانا مەملەكەت قۇدىرەتتەنەدى“.
2026 ـ جىلى جاڭا جىل قارساڭىندا مەملەكەت ٴتوراعاسى شي جينپيڭ جاڭا جىلدى قۇتتىقتاۋ ٴسوزىن سويلەپ، بىلاي دەپ اتاپ كورسەتتى: ”اۋەلگى ماقساتتى، بورىشتى نىعايتىپ، تاباندىلىق كورسەتىپ، ۇزدىكسىز قاجىماي كۇش سالىپ، يان ـ انداعى ’جەر كەپە سۇراۋىنا‘ ۇزدىكسىز ويداعىداي جاۋاپ بەرىپ، حالىق قالاۋىنان شىعاتىن ٴداۋىر جاۋابىن جازۋىمىز كەرەك“.
”جەر كەپە سۇراۋىنا“ ويداعىداي جاۋاپ بەرۋدى كوزدەپ، ماڭگىلىك ۇلى ٴىستى باياندى جالعاستىرۋعا بەل بۋدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگو كوممۋنيستىك پارتياسى ٴىرى پارتياعا عانا ٴتان قيىن ماسەلەلەردى شەشۋ سەرگەكتىگى مەن تاباندىلىعىن قاي ـ قاشان دا ساقتاپ، پارتيانى جاپپاي قاتاڭ باسقارۋدى ىلگەرىلەتۋدە بوساڭسىماي، كىدىرمەي، تاعى دا اتتانىپ، پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتتى.
ۇزدىكسىز قاجىماي كۇش سالىپ، وزىنە ـ ٴوزى توڭكەرىس جاساۋ سىندى ارقاۋدى مىقتاپ شيراتتى
2025 ـ جىلى ”جەر كەپە سۇراۋى“ العا قويىلعاندىعىنىڭ 80 جىلدىعى.
80 جىلدىڭ الدىنداعى سول جازدا دەموكرات قايراتكەر حۋاڭ يانپەي ۇسىنىس بويىنشا يان ـ انعا كەلىپ، ماۋ زىدۇڭ جولداستىڭ جەر كەپەسىنە كىرىپ، ”گۇلدەنىپ ـ كوركەيۋ دە تەز، قۇرىپ ـ جوعالۋ دا تەز بولۋ“ سىندى تاريح پەريودىنان قالاي اتتاپ وتۋگە بولادى دەگەن ”جەر كەپە سۇراۋىن“ قويدى، ماۋ زىدۇڭ جولداس ”حالىققا ۇكىمەتتى باقىلاتۋ“ دەگەن ٴبىرىنشى جاۋاپتى بەردى.
جاڭا داۋىرگە قادام تاستاعاندا، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ باسقارۋ سىندى جاڭا داۋىردەگى پارتيانىڭ وزىنە ـ ٴوزى توڭكەرىس جاساۋ ۇلى امالياتىن بۇلجىماي ىلگەرىلەتىپ، امالياتتىق ىزدەنىس پەن نازاريالىق تولعانىستى ۇزدىكسىز تەرەڭدەتىپ، ”جەر كەپە سۇراۋىنىڭ“ وزىنە ـ ٴوزى توڭكەرىس جاساۋ دەگەن ەكىنشى جاۋابىن بەردى .
ۇزاق جىلداردان اتتاعان ەكى جاۋاپتا پارتيا مەن حالىقتىڭ قاتىناسىنا ۇڭىلۋدەن وزىنە كوز سالۋعا، پىشاقتىڭ ٴجۇزىن ىشكە قاراتۋعا دەيىن باستان ـ اياق ساباقتاسقانى اۋەلگى ماقساتتان، بورىشتان اينىمايتىن، تاريحي ىرىقتىلىقتى يگەرەتىن سانالىلىق، ”جەر كەپەدەگى سۇراۋعا“ ويداعىداي جاۋاپ بەرەتىن سەرگەكتىك پەن تاباندىلىق بولدى.
2025 ـ جىل − جۇڭگو كوممۋنيستىك پارتياسى قۇرىلعاندىعىنىڭ 104 جىلدىعى.
پارتيانىڭ تۋعان كۇنى قارساڭىندا جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋ، ”ٴتورت بۇرىس ستيلدى“ تۇزەتۋ باياندى مەحانيزمىن اقاۋسىزداندىرۋ جونىندە 21 ـ رەتكى توپتىق ۇيرەنۋ وتكىزدى.
باس شۋجي شي جينپيڭ ۇيرەنۋدى باسقارعاندا بىلاي دەپ باسا دارىپتەدى: وزىنە ـ ٴوزى توڭكەرىس جاساۋ − پارتيامىزدىڭ تىنىشتىق ـ بىلىقپالىق، گۇلدەنۋ ـ قۇلدىراۋ سىندى تاريح پەريودىنان اتتاپ وتۋدەگى ەكىنشى جاۋابى. ستيلدى يگەرۋدەن باستاپ كىرىسىپ، پارتيانى جاپپاي قاتاڭ باسقارۋدى ىلگەرىلەتۋ جاڭا داۋىردەگى پارتيانىڭ وزىنە ـ ٴوزى توڭكەرىس جاساۋداعى ماڭىزدى تاجىريبەسى.
پارتيانىڭ ستيلى − پارتيانىڭ وبرازى، حالىقتىڭ قولداۋ ـ قولداماۋىنا، پارتيانىڭ ٴومىر ٴسۇرۋى مەن قۇرىپ ـ جوعالۋىنا سايادى.
2025 ـ جىلى 3 ـ ايدا مەملەكەتتىك ەكى ٴماجىلىس ەندى عانا اياقتالعاندا، شىنداپ كىرىسىپ قيىن تۇيىندەرگە سايىس جاريالايتىن، سوڭىنا دەيىن يگەرىلەتىن پارتيا ىشىندەگى ٴبىر رەتكى شوعىرلى تاربيە − ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى بۇكىل پارتيادا دابىرالى ورىستەتىلدى.
باس شۋجي شي جينپيڭ وسى رەتكى ۇيرەنۋ تاربيەسىنە ايرىقشا ٴمان بەردى، وتكەلدى يگەرىپ باعىت بەلگىلەپ، تۇتاس بارىستا جەتەكشىلىك ەتىپ، ٴوزى ىلگەرىلەتىپ، ٴبىر قىدىرۋ جەلىلەس ماڭىزدى ٴسوز سويلەپ، كوپ رەت ماڭىزدى نۇسقاۋ بەرىپ، بەكىتۋ جازىپ، بۇكىل پارتيادا ۇيرەنۋ تاربيەسىن ويداعىداي ورىستەتۋگە ايقىن بەتالىس كورسەتتى.
ٴار دارەجەلى پارتيا ۇيىمدارى ساياسي جاۋاپكەرشىلىكتى مىقتاپ ارقالاپ، دەن قويا ۇيىمداستىرىپ اتقاردى، قالىڭ پارتيا مۇشەلەرى مەن كادرلار بەلسەنە ٴۇن قوسىپ، مۇقيات قاتىناستى، حالىق بۇقاراسى كەڭ كولەمدە نازار اۋدارىپ، قىزۋ قولدادى. ۇيرەنۋدى، تەكسەرۋدى، تۇزەتۋدى ٴبىر تۇلعالى ىلگەرىلەتۋ، ”ٴتورت بۇرىس ستيل“ كورنەكتى ماسەلەلەرىن شەشۋگە شىنداپ كىرىسۋ جانە ستيل قۇرىلىسىنداعى ٴتۇزىم ولقىلىقتارىن تولىقتاۋ، ٴتۇزىمدى اتقارۋ قۋاتىن كۇشەيتۋ سياقتى جاقتاردا كورنەكتى تابىستارعا قول جەتكىزىپ، كوزدەگەن ماقساتقا جەتتى.
قىراعىلىقپەن ٴوزىن تەكسەرىپ، باستان ـ اياق بايسالدى بولدى. باس شۋجي شي جينپيڭ بۇكىل پارتياعا ساقتىق دابىلىن قاقتى: ”مىنانى سەرگەكتىكپەن كورۋىمىز كەرەك: ’ٴتورت بۇرىس ستيل‘ ماسەلەسى ٴۇزىلدى ـ كەسىلدى تازالانعان جوق، توپىراعى ٴالى بار، بۇرىس ستيل مەن شىرىكتەسۋ قۇبىلىسىنىڭ ساقتالعان مولشەرى تۇبەگەيلى جويىلمادى، ارتۋ مولشەرى ٴالى دە وڭاي ٴارى ٴجيى جارىققا شىعۋدا، ورتالىقتىڭ سەگىز ٴتۇرلى بەلگىلەمەسىنىڭ رۋحىن دايەكتىلەندىرۋ، ستيلدى دۇرىستاپ ٴتارتىپتى قاتايتۋ، شىرىكتەسۋگە قارسى تۇرۋ ٴۇشىن، ٴسوز جوق، ۇزاققا سوزىلاتىن شايقاس جۇرگىزۋ كەرەك“.
2025 ـ جىل ايرىقشا وزگەشە ٴبىر جىل بولدى.
حالىقارالىق اۋمالى ـ توكپەلى جاعداي قۇبىلىپ، ەل ٴىشى ەكونوميكالىق اينالىمىندا پەريودتىق، قۇرىلىمدىق قايشىلىقتار ٴبىرشاما كورنەكتى بولدى، ”14 ـ بەسجىلدىق“ اياقتالعالى تۇر، ”15 ـ بەسجىلدىق“ جاڭا تاراۋى باستالادى... جاعداي مەن مىندەت، تاريح پەن بورىش تۇگەل اناعۇرلىم قۋاتتى دا پارمەندى، اناعۇرلىم ومىرشەڭ كۇشكە تولى پارتيانى شاقىرۋدا.
2025 ـ جىلى 10 ـ ايدا پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى بەيجيڭدە اشىلدى، جالپى ٴماجىلىس «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ تۋرالى ۇسىنىسىن» قاراپ ماقۇلدادى.
پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرىپ، كادرلار قوسىنىن وسىزامانداندىرۋ قۇرىلىسى قابىلەتىن جوعارىلاتۋ، ٴار سالاداعى نەگىزگى ساتى پارتيا ۇيىمى قۇرىلىسىن ٴبىر تۇتاس جوسپارلاپ ىلگەرىلەتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن بۇلجىماي تياناقتاندىرىپ، شىرىكتەسۋگە قارسى تۇرۋ كۇرەسىندە قامال الۋ شايقاسىن، ۇزاققا سوزىلاتىن شايقاستى، جالپى تۇلعالىق شايقاستى باتىل ويداعىداي جۇرگىزۋ كەرەك ...
جوبا ۇسىنىسىندا پارتيانى جاپپاي قاتاڭ باسقارۋدىڭ ٴتۇبىرلى قامتاماسىزداندىرۋ رولى اناعۇرلىم ايقىندالىپ، ٴبىر قىدىرۋ ماڭىزدى ورنالاستىرۋلار جاسالدى.
”شىرىكتەسۋگە تەمىردەي تەگەۋرىنمەن قارسى تۇرماسا ايىقپاس زارداپ تۋىلادى. ’سۋعا باتقان كەمەنىڭ تۇسىنان وتەر مىڭ قايىق. قۋارعان اعاش تۇبىنەن، كوكتەيدى بۇتاق ٴبۇر جارىپ‘ “. ٴتورتىنشى جالپى ماجىلىستە شىرىكتەسۋگە قارسى تۇرۋ كۇرەسىن بۇلجىماي ىلگەرىلەتۋدى تىلگە تيەك ەتكەندە، باس شۋجي شي جينپيڭنىڭ ٴسوزى باتىل دا پارمەندى بولدى −
”شىرىكتەسۋگە قارسى تۇرۋدىڭ تەگەۋرىندى كۇيىن باستان ـ اياق ساقتاپ، شىرىكتەسۋ دەلولارىن زاڭ بويىنشا، ەرەجە بويىنشا تەكسەرىپ ٴبىر جاقتى ەتىپ، شىرىكتەسكەندەردى قاتاڭ جازالاپ، ٴبىر قادام دا توقتاتپاي، جارتى قادام دا شەگىنبەي، شىرىكتەسكەندەرگە ەشقانداي جاسىرىنار جەر قالدىرماۋ كەرەك، ٴارقانداي ادامنىڭ باق سىناۋىنا، قۇر قيالعا سالىنۋىنا بولمايدى“.
قازىرگى ۋاقىتتاعى شىرىكتەسۋگە قارسى كۇرەس جاعدايى جونىندە ”ەكى ٴالى دە“ سىندى كەلەلى تۇجىرىمدى العا قويۋدان ”شىرىكتەسۋگە قارسى تۇرۋ كۇرەسىنىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىلدىقپەن ويداعىداي جۇرگىزۋدى“ العا قويۋعا، ودان ”پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋدە ’بەستى ونان ارى تىڭعىلىقتى تياناقتاندىرۋ‘ كەرەكتىگىن العا قويۋعا دەيىن“...
وتكەن ٴبىر جىلدا باس شۋجي شي جينپيڭ پارتيانى جاپپاي قاتاڭ باسقارۋدى دايەكتى جالعاستىراتىن ايقىن پوزيتسيامەن، تاستاي بەرىك ستراتەگيالىق تاباندىلىقپەن ىلگەرىلەتىپ، پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جالعاستىرۋ ايقىن سيگنالىن جەتكىزدى.
تاريحتىڭ سالقار كوشى ۇزدىكسىز جالعاسا بەرەدى، ٴداۋىردىڭ ەمتيحان قاعازى جاڭالانىپ تۇرادى.
بارلىق دامۋ مەن العا باسۋ، بارلىق ۇلى وزگەرىس پەن جاڭالىق اشۋ تۇگەلدەي پارمەندى دە قۋاتتى پارتيادان ايرىلا المايدى، تۇگەلدەي پارتيانى پارتيا باسقارۋعا، پارتيانى جاپپاي قاتاڭ باسقارۋعا باستان ـ اياق تاباندى بولىپ، پارتيانىڭ وزىنە ـ ٴوزى توڭكەرىس جاساۋىن ۇزدىكسىز ىلگەرىلەتىپ، پارتيانىڭ باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋدەن باستاۋ الادى.
ۇستىنەن وڭاۋ مەن تۇبىرىنەن وڭاۋدى قاتار جۇرگىزىپ، ەكونوميكانىڭ، قوعامنىڭ دامۋىنداعى كەدەرگىلەردى الاستاپ قورعان بولدى
”جۇڭحۋا مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ بۇرىنعى مۇشەسى، شۋجيچۋىنىڭ بۇرىنعى شۋجيى، بۇرىنعى ورىنباسار ٴتوراعا جاڭ شىپيڭ تارتىپكە، زاڭعا اۋىر قايشىلىق جاسادى دەگەن كۇمانمەن قازىر ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جاعىنان تارتىپتىك تەكتەۋگە جانە باقىلاۋ ـ تەكسەرۋگە الىندى“.
2025 ـ جىلى 12 ـ ايدىڭ 30 ـ كۇنى وسى حاباردىڭ جاريالانۋىمەن، ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ سايتىندا تۇتاس جىلدا اشىق جاريالانعان ”وماقاسقان“ ورتالىق باسقاراتىن كادر 65كە جەتتى، 12 ـ ايدا ٴتىپتى ”ٴبىر ايدا توعىز جولبارىس سوعىلىپ“، شىرىكتەسۋگە قارسى تۇرۋداعى ”ٴبىر قادام دا توقتاتپاۋ، جارتى قادام دا شەگىنبەۋ“ سىندى باتىل پوزيتسيانى ايگىلەدى.
وتكەن ٴبىر جىلدا ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جانە ٴار دارەجەلى ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى ورگاندارى ۇزدىكسىز ”شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى“ ٴبىر تۇلعالى ىلگەرىلەتۋ سەرپىنىن ارتتىرۋ جاعىندا كۇش سالىپ، ۇشەۋىنە بىردەي كۇش سالۋعا، ٴبىر باعىتتا كۇش سالۋعا، جالپىلاي كۇش سالۋعا قوزعاۋشىلىق ەتىپ، ۇزدىكسىز قاباتتاسۋ اسەرى مەن جالپىلىق ونىمدىلىك قالىپتاستىردى.
”شىرىكتەسۋگە باتىلدىق ەتكىزبەۋ“ سىندى سەستى كۇشەيتىپ، بۇرىس ستيل مەن شىرىكتەسۋدى بىرگە تەكسەرىپ، بىرگە جونگە سالۋدى ىشكەرىلەي ىلگەرىلەتتى −
”شەشۋشى ازشىلىقتى“ قاتاڭ قاداعالاپ، تەكتەۋ، تەكسەرۋ ورىستەتتى. ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جياڭ چاۋلياڭ، جين شياڭجۇن، لان تيانلي، ليۋ حۇي، ي حۇيمان سياقتى ورتالىق باسقاراتىن كادرلاردى دەلو تىركەپ، تەكتەپ تەكسەردى. 2025 ـ جىلى الدىڭعى ٴۇش ماۋسىمدا بۇكىل ەل بويىنشا ٴتارتىپ تەكسەرۋ، باقىلاۋ ـ تەكسەرۋ ورگاندارى جيىنى 789 مىڭ دەلو تىركەدى، مۇنىڭ ىشىندە ولكە، مينيسترلىك دارەجەلى 90 كادردىڭ دەلوسى تىركەلدى.
بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋ ۇزدىكسىز ىلگەرىلەتىلدى. 2025 ـ جىلى 1 ـ ايدان 11 ـ ايعا دەيىن، بۇكىل ەل بويىنشا جيىنى بۇقارانىڭ جانىنداعى 840 مىڭ بۇرىس ستيل جانە شىرىكتەسۋ ماسەلەسى تەكسەرىپ ٴبىر جاقتى ەتىلدى، 536 مىڭ ادام جازاعا تارتىلدى، 20 مىڭ ادام پروكۋراتۋرا ورگاندارىنا وتكىزىپ بەرىلدى، بۇقارانىڭ 66 ميلليارد 620 ميلليون يۋان مال ـ مۇلكىن قايتارىپ الۋى تىكەلەي ٴبىتىرىلدى نەمەسە ىلگەرىلەتىلدى.
شىرىكتەسۋگە قارسى تۇرۋدا حالىقارادا قاشقانداردى قۋىپ ۇستاپ اكەلۋ، ارام ولجانى قايتارىپ اكەلۋ ىستەرىنەن ۇزدىكسىز قۋانىشتى حابار تارادى. 2025 ـ جىلى 1 ـ ايدان 11 ـ ايعا دەيىن، ”اسپان تورى 2025“ ارەكەتىندە شەتەلگە قاشقانداردان جالپى 782 ادام ۇستاپ اكەلىندى، شەكارا سىرتىنان 23 ميلليارد 657 ميلليون يۋان ارام ولجا قايتارىپ اكەلىندى. ”قىزىل ٴتۇستى قۋعىنداۋ بۇيرىعى شىعارىلعان 100 ادامنىڭ“ ٴبىرى جوۋ جيڭحۋا تايلاندتان وتكىزىپ الىنىپ ەلگە اكەلىندى؛ ازيا وڭىرىندە ”قىزىل ٴتۇستى قۋعىنداۋ بۇيرىعى شىعارىلعان 100 ادامدى “ نولگە ٴتۇسىرۋ جۇزەگە اسىرىلدى؛ شەتەلدە قاشىپ جۇرگەنىنە 28 جىل بولعان ”قىزىل ٴتۇستى قۋعىنداۋ بۇيرىعى شىعارىلعان 100 ادامنىڭ“ ٴبىرى لياڭ جينۋىن ەلگە قايتىپ ٴوزىن مالىمدەدى ٴارى ارام ولجانى تولىق قايتاردى.
... ...
كەيبىرەۋلەرى ۇزاق ۋاقىت جەكە ساۋىقحاناعا بارىپ قوناعاسى وتكىزىپ، اراق ىشكەن، كەيبىرەۋلەرى تالاي رەت قول استىنداعىلار جانە جەكە كاسىپورىن يەلەرى ۇسىنعان تارتۋ ـ تارالعىلاردى، سياقىلاردى العان، قابىلداعان، كەيبىرەۋلەرىنىڭ ناتيجە كوزقاراسى قاتە كەتكەن، وڭاي ولجاعا ۇمتىلعان، ٴىس جۇزىندىكتەن الشاق كەتكەن، بەتالدى قارىز الىپ نىسان باستاعان ... 2026 ـ جىلعى جاڭا جىل قارساڭىندا ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان 7 تيپتىك ماسەلەنى اشىق حابارلاپ، اتى ـ ٴجونىن اتاپ، اۋرۋ وشاعىن كورسەتىپ، قۋاتتى سەس قالىپتاستىردى.
ٴار جولعى ”1 ـ مامىر“ مەن دۋان ـ ۋ، جۇڭچيۋ مەن مەملەكەت مەرەكەسى، جاڭا جىل مەن كوكتەم مەرەكەسى سياقتى ماڭىزدى تۇيىندەردە تيپتىك ماسەلەلەر اشىق حابارلاندى؛ قازىرگە دەيىن بۇكىل ەلدە تەكسەرىپ ٴبىر جاقتى ەتىلگەن ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشىلىق جاساعان ماسەلەلەردىڭ ايلىق ساندى مالىمەتتەرى ٴۇرتىس 147 اي جاريالاندى؛ ۇيرەنۋ تاربيەسى كەزىندە بەلگىلەمەگە قايشىلىق جاساپ ٴىشىپ ـ جەپ، ورتالىقتىڭ سەگىز ٴتۇرلى بەلگىلەمەسىنىڭ رۋحىنا اۋىر قايشىلىق جاساعان 3 توپتاعى جيىنى 4 ماسەلە اشىق حابارلاندى...
2025 ـ جىلى ٴار دارەجەلى ٴتارتىپ تەكسەرۋ، باقىلاۋ ـ تەكسەرۋ ورگاندارى ستيل دۇرىستاۋ مەن شىرىكتەسۋگە قارسى تۇرۋدى ٴبىر تۇلعالى تەرەڭدەتۋدى كۇش سالا ىلگەرىلەتىپ، بۇرىس ستيلدەن تۋىلعان شىرىكتەسۋدى تەكسەرۋگە، شىرىكتەسۋدەن تۋىلعان بۇرىس ستيلدى تۇزەتۋگە تاباندى بولىپ، ”تەكسەرۋ“ مەن ”جونگە سالۋدى“ ساباقتاستىرۋ ارقىلى بۇرىس ستيلدىڭ شىرىكتەسۋگە اينالۋىن ٴۇزىپ، ستيلى پاك، سالتى دۇرىس ساياسي ەكولوگيانى كۇش سالا قالىپتاستىردى.
”شىرىكتەسۋگە مۇمكىندىك بەرمەۋ“ قاپاسىن بەكەمدەپ، ۇقىق اينالىمىن باقىلاۋدى، تەجەۋدى كۇشەيتتى −
2025 ـ جىلى 20 ـ كەزەكتى ورتالىق كوميتەتتىڭ 5 ـ كەزەكتى، 6 ـ كەزەكتى شارلاۋى ىلگەرىندى ـ كەيىندى ورىستەتىلىپ، ولكە، اۆتونوميالى رايون، قالالاردى شارلاۋمەن جاپپاي قامتۋ ورىندالدى.
سونىمەن بىرگە شارلاۋدى ۇيىمداستىرۋ تاسىلىندە جاڭالىق اشۋ ۇزدىكسىز تەرەڭدەتىلدى، 20 ـ كەزەكتى ورتالىق كوميتەتتىڭ 5 ـ كەزەكتى، 6 ـ كەزەكتى شارلاۋىندا داعدىلى شارلاۋدان تىس، يۇننان ولكەسىنىڭ كۇنميڭ قالاسىنا دارەجە جوعارىلاتىپ شارلاۋ ورىستەتىلىپ، 15 ورىنباسار ولكە دارەجەلى قالاعا بىرلەسىپ شارلاۋ جۇرگىزىلىپ، باقىلاۋدىڭ دالدىگى، ونىمدىلىگى جاپپاي جوعارىلاتىلىپ، شارلاۋدا ماسەلەنى بايقاۋ قابىلەتى مەن دەڭگەيى ۇزدىكسىز جوعارىلاتىلدى.
جەر ـ جەر دە بەلسەنە جاڭالىق اشىپ، جىلجىمالى شارلاۋ، ارناۋلى شارلاۋ جانە ”قايتا قاداعالاۋ“ تاسىلدەرىن قاتارلاستىرا قولدانىپ، شارلاۋدا، شارلاپ تەكسەرۋدە جوعارى مەن تومەننىڭ بىرلەسە قيمىلداۋىن، ٴبىر باعىتتا كۇش سالۋىن ىلگەرىلەتتى. 2025 ـ جىلى 31 ولكە، رايون، قالا جانە شينجياڭ ٴوندىرىس ـ قۇرىلىس بيڭتۋانى پارتكومى 2663 پارتيا ۇيىمىن شارلاپ، ٴبىر كەزەك مىندەت مەرزىمىندەگى شارلاۋدىڭ قامتۋ مولشەرىن %85.7كە جەتكىزدى.
ٴبىر جاعىنان، باقىلاۋدىڭ تياناقتانۋىن يگەردى، ٴبىر جاعىنان، ٴتۇزىمنىڭ كەمەلدەنۋىن يگەردى.
2025 ـ جىلى 6 ـ ايدىڭ 1 ـ كۇنى وزگەرىس ەنگىزىلگەننەن كەيىنگى «ۇجۋحڭا حالىق رەسپۋبليكاسىنىڭ باقىلاۋ ـ تەكسەرۋ زاڭى» جانە ونى اتقارۋ ەرەجەسى تەڭ قادامدا اتقارىلدى.
وزگەرىس ەنگىزىلگەننەن كەيىنگى باقىلاۋ ـ تەكسەرۋ زاڭى جانە ونى اتقارۋ ەرەجەسى شىرىكتەسۋگە قارسى تۇرۋ كۇرەسىنىڭ جاڭا جاعدايىنا، جاڭا مىندەتىنە نەگىزدەلىپ، ونان ارى باقىلاۋ ـ تەكسەرۋ ۇقىق شەگىن بەرىپ، شىرىكتەسۋگە قارسى تۇرۋدىڭ ٴتاسىلىن، شاراسىن كەمەلدەندىرىپ، تۇزىمدەگى بوگەتتى ٴتۇيىندى، قيىن ٴتۇيىندى اشىپ، ىڭعايلاپ، شىرىكتەسۋدى تەگەۋرىندى جازالاۋ سىندى ايقىن پوزيتسيانى ايگىلەدى.
«پارتيا، ۇكىمەت ورگاندارىنىڭ ۇنەمشىلدىكتى قاتاڭ اتقارۋ، ىسىراپشىلدىققا قارسى تۇرۋ ەرەجەسىنە» تۇزەتۋ ەنگىزۋ پارتيا، ۇكىمەت ورگاندارىنىڭ باستاماشىلدىقپەن ۇنەمشىل تۇرمىس كەشىرۋىنىڭ ”بۇرانداسىن“ ونان ارى مىقتاپ بۇرادى؛ ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ ساياسي باقىلاۋ قىزمەتىن ورىستەتۋ ٴادىسىنىڭ جاسالىپ شىعارىلۋى ساياسي باقىلاۋدىڭ ناقتىلانۋىن، دالمە ـ ٴدال بولۋىن، ۇدايىلانۋىن ىلگەرىلەتتى؛ «اۋىل ـ قىستاق نەگىزگى ساتى كادرلارىنىڭ قىزمەت جاۋاپكەرشىلىگىن كىرشىكسىز اتقارۋى جونىندەگى بەلگىلەمەگە» تۇزەتۋ ەنگىزۋ اۋىل ـ قىستاق پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ قىزمەتىن كۇشەيتتى ...
وتكەن ٴبىر جىلدا ”دەرەۋ تۇزەتۋ“ مەن ”باياندى مەحانيزم ورناتۋدى“ ۇشتاستىرۋعا تاباندى بولىپ، ٴتارتىپ تەكسەرۋ، باقىلاۋ ـ تەكسەرۋ ٴتۇزىلىسى رەفورماسى ىشكەرىلەي ىلگەرىلەتىلدى، پارتيا مەن مەملەكەتتىڭ باقىلاۋ جۇيەسى كۇن سايىن كەمەلدەنىپ، ۇقىقتى بەتالدى پايدالانۋ اياسىن ۇزدىكسىز تارايتىپ، شىرىكتەسكەن ەلەمەنتتەرگە قارماناتىن وراي قالدىرمادى.
”شىرىكتەسۋدى ويىنا الماۋ“ سانالىلىعى كۇشەيىپ، پاكتىك مادەنيەتى ارقىلى ستيلدىڭ پاك، سالتتىڭ دۇرىس بولۋىنا ٴنار بەردى −
” ’جيڭيۋانتاڭنىڭ‘ ماعىناسى جۋگى لياڭنىڭ «ۇلىما ٴناسيحاتىنداعى» ’كوز الداعى پايداعا بوي ۇرساڭ ايقىن مۇرات ورناتا المايسىڭ، كوڭىلدىڭ تىنىشتىعىن ساقتاماساڭ كوزدەگەن ماقساتىڭا جەتە المايسىڭ‘ دەگەنىنەن الىنعان، بۇل ونىڭ ۇرپاقتارىن قاتاڭ تاربيەلەپ، پاك، كىرشىكسىز بولۋدى دارىپتەگەن وتباسى سالتىنىڭ اقىلياسى عانا ەمەس، ونان دا ماڭىزدىسى، ونىڭ ’اقتىق دەمىنە دەيىن قىزمەت ەتىپ، بار ٴومىرىن ارنايتىن‘ رۋحاني دەڭگەيىنىڭ شىن بەينەسى......“
سىچۋاننىڭ چىڭدۋىنداعى ۋحوۋ تاۋاپحاناسىنداعى پاكتىك مادەنيەت بازاسىندا ٴتۇسىندىرۋشىنىڭ بايانداۋىمەن مىڭ جىلدىق پاكتىك مادەنيەتى بەينە سالقىن سامالداي سارايىڭىزدى اشادى.
پاكتىك مادەنيەتى بازاسىن تۇلعالاپ، پاكتىك مادەنيەتىنىڭ مارتەبەسىن ٴوسىردى، پاكتىك ەلەمەنتتەرىن ايگىلى ادامداردىڭ بايىرعى تۇراعى، كىتاپحانا، مۇراجاي سياقتى الەۋمەتتىك مادەنيەت ورىندارىمەن توعىستىردى...... سوڭعى جىلدارى سىچۋاننىڭ چىڭدۋى جاڭا داۋىردەگى پاكتىك مادەنيەت قۇرىلىسىن شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتۋدىڭ نەگىزدىك ينجەنەرياسى رەتىندە يگەرىپ، پاكتىك مادەنيەتى شەبى شوعىرىن كۇش سالا قالىپتاستىرىپ، پاك، كىرشىكسىز بولۋدى دارىپتەيتىن مادەنيەت توپىراعىن قۇنارلاندىردى.
مادەنيەت ارقىلى ادامعا ىقپال جاساپ، پاكتىك ارقىلى ٴمورالدى شىڭدادى.
پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ «ۇسىنىسىندا» سەنىمدىلىك مادەنيەتىن، پاكتىك مادەنيەتىن اسقاقتاتۋ ايقىن ورتاعا قويىلدى. 2025 ـ جىلى جاڭا داۋىردەگى پاكتىك مادەنيەت قۇرىلىسى 3 جىلدىق ارەكەت جوسپارى (2025 ـ جىلدان 2027 ـ جىلعا دەيىن) جاساپ شىعارىلىپ، جاڭا داۋىردەگى پاكتىك مادەنيەت قۇرىلىسىن كۇشەيتۋ جونىندە ناقتى ورنالاستىرۋ جاسالدى. جەر ـ جەردەگى ٴتارتىپ تەكسەرۋ، باقىلاۋ ـ تەكسەرۋ ورگاندارى قاتىستى تاراۋلارمەن بىرلەسىپ، دالمە ـ ٴدال شارا قولدانۋ، بەينەلەۋدە جاڭالىق اشۋ، سايكەسە بىرلەسىپ قيمىلداۋ سياقتى تۇرلىشە تاسىلدەرمەن پاكتىك مادەنيەتىنىڭ باعىتتامالىلىعىن، باۋراۋ قۋاتىن جانە اسەرلەندىرۋ قۋاتىن ۇزدىكسىز كۇشەيتىپ، ستيلى پاك، سالتى دۇرىس ساياسي ەكولوگيانى جەتىلدىرىپ، پاكتىكتى دارىپتەپ شىرىكتەسۋگە قارسى تۇراتىن قوعامدىق سالت قالىپتاستىردى.
جاماندى داتتاپ، جاقسىنى ماقتاپ، پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جالعاستىردى
قازىر 100 جىلدان استام ۋاقىت كۇرەس جۇرگىزۋ جولىن باسىپ وتكەن جۇڭگو كوممۋنيستىك پارتياسى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى كەزەڭىندە تۇر.
2026 ـ جىل − ”15 ـ بەسجىلدىقتىڭ“ باستاما جىلى، ەلىمىز سوتسياليستىك وسىزامانداندىرۋدى، نەگىزىنەن، جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىلگە ٴوتتى.
ەڭ قاتتى تەمىردى سوعۋعا قۇرىشتاي ادام كەرەك. ٴداۋىردىڭ سىناعى، تاريحتىڭ اۋىر مىندەتى، وسىلاردىڭ ٴبارى پارتيامىزدىڭ وپەراتسيا پىشاعىن وزىنە قاراتىپ، سۇيەكتى قىرىپ، ۋىتتى ايداپ، دەرتتى الاستاپ، دەنەنى قالپىنا كەلتىرىپ، وزىنە ـ ٴوزى ەڭ تۇبەگەيلى توڭكەرىس جاساۋىن قاجەت ەتەدى.
”قازىر شىرىكتەسۋگە قارسى تۇرۋ كۇرەسىنىڭ جاعدايى ٴالى قاتاڭ دا كۇردەلى. شىرىكتەسۋدىڭ قالدىعى ٴالى جويىلعان جوق، ارتقان مولشەر ٴالى دە ۇزدىكسىز جارىققا شىعۋدا، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن جويۋ مىندەتى اۋەلگىدەي جاپالى دا اۋىر بولىپ وتىر“. باس شۋجي شي جينپيڭنىڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندەگى ەسكەرتۋى كوڭىلدى وياتىپ، ساناعا وي سالدى −
”شىرىكتەسۋگە قارسى تۇرۋ كۇرەسىندە، ٴسوز جوق، اۋىتقىماۋ كەرەك، ٴارقانداي ٴارى ـ ٴسارى بولۋ، اۋىتقۋ، بوساڭسۋ، اياۋشىلىق ىستەۋ نەمەسە اياقسىز قالدىرۋدىڭ ٴبارى اۋدارۋ سيپاتتى قاتەلىك تۋدىرادى.“
تەك پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ وزىنە ـ ٴوزى توڭكەرىس جاساۋ تالابىن باتىلدىقپەن ونان ارى جەتە تياناقتاندىرىپ، جاڭا سالتتى، دۇرىس ستيلدى اسقاقتاتىپ، قاساڭ دەرتتەردى تۇزەتىپ، حالىق تىلەگىن، حالىق كۇشىن ۇيىستىرعاندا عانا بۇكىل پارتيادا جوعارىدان تومەنگە دەيىن قۇدىرەتتى بىرىككەن كۇش ۇيىستىرىپ، قايراڭداپ قالۋ قاتەرىنەن، ورگە ۇمتىلۋ ماشاقاتىنان، قامال الۋ قيىندىعىنان تايىنباي، ”15 ـ بەسجىلدىقتى“ جاقسى باستاۋدى، جاقسى قادام تاستاۋدى جۇزەگە اسىرۋعا پارمەندى كەپىل ازىرلەۋگە بولادى.
ساياسي باقىلاۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىنە شىنايى كەپىلدىك ەتتى −
2025 ـ جىلى 12 ـ ايدىڭ 18 ـ كۇنى حاينان ەركىن ساۋدا پورتى تۇتاس ارالدا كەدەن جابىق كۇيدە جۇمىس جۇرگىزۋدى باستادى، ەلىمىزدىڭ سىرتقا ەسىك اشۋى جاڭا بەلەستىك ٴساتتى قارسى الدى.
كەدەن جابىق كۇيدە جۇمىس جۇرگىزۋ باس نىساناسىن كوزدەپ، شوعىرلى باقىلاۋ ورىستەتىپ، كەدەن جابىق كۇيدە جۇمىس جۇرگىزۋدىڭ قىسىم سىناعىنىڭ ٴارقايسى بۋىنىنا دالمە ـ ٴدال تۋرالاندى؛ ”ٴبىر توردا باقىلاۋ“ تۇعىرىنان ويداعىداي پايدالانىپ، باقىلاۋ، تەكسەرۋدە بايقالعان ماسەلەلەردىڭ ٴبىر جاقتى ەتىلۋىن جەلىدە قاداعالاپ، جالپى بارىستى ىزىنە ٴتۇسىپ قاداعالادى؛ ٴوڭىر اتتاعان، سالا اتتاعان، دارەجە اتتاعان، تاراۋ اتتاعان، تور اتتاعان سيفرلانعان، زەردەلىلەنگەن باقىلاۋ تۇعىرىن تۇلعالادى......
كەدەندە جابىق كۇيدە جۇمىس جۇرگىزۋدىڭ ٴساتتى بولۋىن ٴتارتىپ تەكسەرۋ، باقىلاۋ ـ تەكسەرۋ تاراۋىنىڭ باقىلاۋىنان، قورعاۋىنان بولە قاراۋعا بولمايدى. حاينان ولكەلىك ٴتارتىپ تەكسەرۋ، باقىلاۋ ـ تەكسەرۋ كوميتەتى ”كەدەن جابىق كۇيدە جۇمىس جۇرگىزۋدى باقىلاۋ ارقىلى قامتاماسىزداندىرۋ جىلى“ ارەكەتىن ورىستەتىپ، مىندەت، نىسان، قىسىم سىناعى سىندى ”ٴۇش تىزىمگە“ جالپى بارىستىق، جان ـ جاقتى، ستەرەولدى باقىلاۋ ـ تەكسەرۋ جۇرگىزىپ، حاينان ەركىن ساۋدا پورتى قۇرىلىسىنىڭ جەلكەن جايا ساپارعا شىعۋىن جەبەدى.
ساياسي باقىلاۋ ناقتى بولادى، امالي بولادى، ٴسوز جوق، ”مەملەكەتتىڭ زور ىسىمەن“، حالىق تۇرمىسى جوسپارىمەن تىعىز بايلانىستىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى، ەگجەي ـ تەگجەيلى تياناقتانۋىنا شىنايى كەپىلدىك ەتۋ كەرەك.
جاڭا جورىقتا، ٴسوز جوق، ”15 ـ بەسجىلدىق“ مەزگىلىندەگى نىسانا ـ مىندەتتەردى جۇزەگە اسىرۋدى تىعىز ارقاۋ ەتىپ، ساياسي باقىلاۋدى ىشكەرىلەي ناقتى جۇرگىزىپ، ساياسي باقىلاۋدىڭ ناقتىلانۋىن، دالمە ـ ٴدال بولۋىن، ۇدايىلانۋىن ۇزدىكسىز ىلگەرىلەتىپ، بۇكىل پارتيادا پارتيانىڭ ورتالىقتانعان ٴبىر تۇتاس باسشىلىعىنا تاباندى بولۋ يدەيالىق نەگىزىن ونان ارى بەكەمدەۋدى ىلگەرىلەتىپ، ”ەكىنى تۇراقتاندىرۋدى“ قولداۋ، ”ەكىنى قورعاۋدى“ ورىنداۋ ساياسى سانالىلىعىن، يدەيالىق سانالىلىعىن، ارەكەت سانالىلىعىن ونان ارى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتاپ تياناقتاندىرۋ كەرەك.
حالىقتىق تۇرعىدا بەرىك تۇرىپ، پارتيانىڭ بيلىك جۇرگىزۋ نەگىزىن ۇزدىكسىز بەكەمدەدى −
جاقىندا حيلۇڭجياڭ ولكەلىك ٴتارتىپ تەكسەرۋ كوميتەتى، باقىلاۋ ـ تەكسەرۋ كوميتەتى 2026 ـ جىلى بۇقارانىڭ ”اڭىس ەتكەن ماسەلەلەرىن تۇزەتۋ ـ وڭاۋ“ تەكسەرۋ ساۋالناماسىن تاراتتى. وقۋ ـ اعارتۋدان، ەمدەۋدەن ازىق ـ تۇلىك حاۋىپسىزدىگىنە، قارتتاردى كۇتىمدەۋ، قوعامدىق قامتاماسىزداندىرۋدان زاڭ اتقارۋ، ٴادىليا ىستەرىنە دەيىن... قالىڭ حالىق ەكىلىك كودتى سكانەرلەۋ ارقىلى وزدەرى كوڭىل بولگەن، ٴجىتى قاداعالاعان رەتتەۋ ـ وڭاۋعا قاتىستى مازمۇنداردى تاڭداسا بولاتىن بولدى.
”ٴبىز بۇقارانىڭ پىكىر ـ ۇسىنىسىن جانە شۇعىل شەشۋدى كۇتىپ تۇرعان كورنەكتى ماسەلەلەردى تۇرلىشە جولدارمەن جيناپ، ٴتۇيىندى تۇردە جويىپ، نىسانالى تۇردە تۇزەتىپ، رەتتەۋ ـ وڭاۋ ونىمدىلىگى ارقىلى بۇقارا ٴجىتى قاداعالاپ وتىرعان ىستەرگە جاۋاپ قايتاردىق“، ـ دەدى حيلۇڭجياڭ ولكەلىك ٴتارتىپ تەكسەرۋ، باقىلاۋ ـ تەكسەرۋ كوميتەتى پارتيا ستيلىن، ساياسي ستيلدى باقىلاۋ كەڭسەسىندەگى قاتىستى جاۋاپتى جولداس.
حالىق قالاۋىن تاپقان ۇكىمەت نىعايادى. ٴبىر پارتيانىڭ ۇزاق ۋاقىت بيلىك جۇرگىزە الۋ ـ الماۋىندا، باستىسى، حالىق بۇقاراسىمەن بايلانىسىنا، حالىق بۇقاراسىنىڭ قولداۋ ـ قولداماۋىنا، ريزا بولۋ ـ بولماۋىنا قاراۋ كەرەك.
ورتا، باستاۋىش مەكتەپتەردەگى ”مەكتەپ تاماعىنداعى“ كورنەكتى ماسەلەنى وڭاپ، بالالاردىڭ ”حاۋىپسىز تاعام“، ”قۋاتتى تاعام“، ”الاڭسىز تاعام“ جەي الۋىنا مۇمكىندىك جاراتتى؛ قارتتاردى كۇتىمدەۋگە قىزمەت وتەۋدەگى شەشۋشى بۋىندارعا قاداعالاي نازار اۋدارىپ، ”كەشكى شاپاقتى“ نىسانالى باقىلادى، قورعادى؛ اۋىل ـ قىستاقتى جاپپاي گۇلدەندىرۋ قارجىسىنىڭ پايدالانۋ جاعدايىن باقىلاپ ـ باسقارۋداعى كورنەكتى ماسەلەلەرگە وڭاۋ ورىستەتىپ، شارۋالارعا تيىمدىلىك جاساۋ ”اقشا قاپشىعىن“ جۇمىلا قورعادى...
بۇقارانىڭ اڭىسى كۇشتى بولعان كورنەكتى ماسەلەلەرگە قاداعالاي نازار اۋدارىپ، حالىق تۇرمىسىنا تيىمدىلىك جاساۋ ساياساتىن تياناقتاندىرۋ بارىسىنداعى بوگەتتەردى ۇزدىكسىز الاستاپ، بۇقارانىڭ ماڭىنداعى ”بولماشى شىرىكتەسۋ“ ماسەلەلەرىن وڭاپ، ٴار ۇلت بۇقاراسىنا ستيل دۇرىستاپ، شىرىكتەسۋگە قارسى تۇرۋدىڭ سەرپىنى ارتقاندىعىن، كىرشىكسىز ستيل، دۇرىس سالتتىڭ ٴوز ماڭايىندا ەكەندىگىن شىنايى سەزىندىرگەندە عانا پارتيانىڭ ٴارقاشان حالىقتى ىنتىماقتاستىرىپ، باستاپ، قۇدىرەتتى مەملەكەت قۇرۋ قۇرىلىسى، ۇلتتى گۇلدەندىرۋ ۇلى ٴىسى جولىندا بىرگە كۇرەس جاساۋداعى تاريحي ىرىقتىلىققا قول جەتكىزۋىنە شىنايى كەپىلدىك ەتۋگە بولادى.
قاتاڭ باسقارۋعا، ايرىقشا قامقورلىق جاساۋعا تاباندى بولىپ، پارتيالى كادرلاردىڭ ىشكى قوزعاۋشى كۇشىن تولىق جۇمىلدىردى −
”قازىر قول تەلەفوندا ٴۇش وزەكتى قىزمەت توبى عانا قالدى، ٴبىز دە قول تەلەفونعا بايلانباي، بۇقارامەن بەتپە ـ بەت سويلەسۋگە اناعۇرلىم كوپ ۋاقىتىمىزدى شىعارا الاتىن بولدىق“. بۇل گانسۋدىڭ ولكە بويىنشا ”ساۋساق ۇشىنداعى فورماشىلدىقتى“ تۇزەتۋ قىزمەتىن ورىستەتكەننەن كەيىنگى ٴبىر نەگىزگى ساتى كادرىنىڭ شىنايى اسەرى.
2025 ـ جىلى ”نەگىزگى ساتىنىڭ اۋىرتپالىعىن جەڭىلدەتۋ“ شىرىكتەسۋگە قارسى تۇرۋداعى جىلدىق 10 ٴىرى قولامتالى ٴسوز قاتارىنا تاعى دا ەنگىزىلدى.
ٴبىر جىل ىشىندە ورتالىق دەڭگەيىندە فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ٴماجىلىسى تالاي رەت ورنالاستىرۋ جاساپ، تالاپتاردى العا قويدى، ورتالىقتان جەرگىلىكتى ورىنعا دەيىن فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋدەگى تيپتىك ماسەلەلەر تالاي رەت اشىق حابارلانىپ، شىنداپ كىرىسىپ قيىن ماسەلەلەردى شەشۋ كۇشتى سيگنالى تاراتىلدى.
نەگىزگى ساتىنىڭ اۋىرتپالىعىن جەڭىلدەتىپ، ناقتى ىستەپ جاۋاپكەرشىلىك ارقالاۋدى جەبەدى.
تەك فورماشىلدىقتى، تورەشىلدىكتى وڭاۋدى اناعۇرلىم كورنەكتى ورىنعا قويىپ، ”قاتاڭ باسقارۋ مەن ايرىقشا قامقورلىقتى ۇشتاستىرۋعا، شابىتتاندىرۋ مەن تەجەۋگە تەڭ ٴمان بەرۋگە تاباندى بولىپ، دۇرىس ساياسي ناتيجە كوزقاراسىن ورناتىپ جانە ونى امالياتتا ايگىلەگەندە عانا قالىڭ پارتيا مۇشەلەرىنىڭ، كادرلاردىڭ بەلسەندىلىگىن، ىرىقتىلىعىن، جاسامپازدىعىن اناعۇرلىم ويداعىداي قاۋلاتىپ، جاڭا جورىقتا ەكپىندەي ىلگەرىلەۋ، جاڭا داۋىردە ۇلەس قوسۋ قويۋ رايى مەن جاندى جاعدايىن قالىپتاستىرۋدى ىلگەرىلەتۋگە بولادى.
2025 ـ جىلى 12 ـ ايدىڭ 26 ـ كۇنى جاڭا جىلعا تاياعاندا ”فۋشيڭ“ زەردەلى موتورلى ۆاگوندار قۇراماسى يان ـ ان پويەز ستانسياسىنان جولعا شىعىپ، ورتا شانشي جازىعىن بەتكە الىپ زىمىرادى، توڭكەرىستىك قاسيەتتى جەر وسىدان باستاپ ”جوعارى قارقىندى پويەز ٴداۋىرىن“ قارسى الدى.
80 جىل ۋاقىت كوزدى اشىپ ـ جۇمعانشا زىمىراپ وتە شىقتى، ”جەر كەپەدەگى سۇراۋ“ قويىلعان جەردە الدەقاشان وراسان زور وزگەرىستەر تۋىلدى.
”ٴداۋىر دامۋىنىڭ تالابى بويىنشا وزىمىزگە ۇڭىلە قاراۋىمىز، كۇشتى تاۋقىمەت تانىمى ارقىلى ٴوزىمىزدى سەرگىتۋىمىز، وزىنە ـ ٴوزى توڭكەرىس جاساۋ رۋحىمەن ٴوزىمىزدى شىڭداۋىمىز كەرەك“.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قاي ـ قاشان دا ٴىرى پارتيالاردا عانا بولاتىن قيىن ماسەلەلەردى شەشۋدەگى سەرگەكتىك پەن تاباندىلىقتى ساقتاپ، ”جەر كەپەدەگى سۇراۋعا“ ويداعىداي جاۋاپ بەرىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جالعاستىرعاندا عانا جاڭا داۋىردەگى جۇڭگو كوممۋنيستەرى، ٴسوز جوق، ميلليارد حالىقتىڭ تەلەگەي كۇشىن ۇيىستىرىپ، جۇڭگو ۇلگىسىندەگى وسىزامانداندىرۋدىڭ جاڭا تاراۋىن بىرگە جازاتىن بولادى!
(شينحۋا اگەنتتىگىنىڭ 1 ـ ايدىڭ 11 ـ كۇنى بەيجيڭنەن بەرگەن حابارى)
