شي جينپيڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ٴسوز سويلەپ، بىلاي دەپ باسا دارىپتەدى
پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، ”15 ـ بەسجىلدىق“ مەزگىلىندەگى نىسانا ـ مىندەتتەردى جۇزەگە اسىرۋعا پارمەندى قامتاماسىزدىق ازىرلەۋ كەرەك
لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى، لي شي ٴماجىلىستى باسقاردى
1 ـ ايدىڭ 12 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ٴسوز سويلەدى.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 1 ـ ايدىڭ 12 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 1 ـ ايدىڭ 12 ـ كۇنى تۇستەن بۇرىن جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماڭىزدى ٴسوز سويلەدى. ول بىلاي دەپ باسا دارىپتەدى: پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن اناعۇرلىم باتىل، پارمەندى تۇردە دايەكتىلەندىرىپ، تياناقتاندىرىپ، ۇقىقتى اناعۇرلىم عىلمي، ٴونىمدى تۇردە ٴتۇزىم قاپاسىندا ۇستاپ، شىرىكتەسۋگە قارسى تۇرۋ كۇرەسىن اناعۇرلىم سەرگەك، باتىل تۇردە ىلگەرىلەتىپ، ”15 ـ بەسجىلدىق“ مەزگىلىندەگى نىسانا ـ مىندەتتەردى جۇزەگە اسىرۋعا پارمەندى قامتاماسىزدىق ازىرلەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى لي شي ٴماجىلىستى باسقاردى.
شي جينپيڭ بىلاي دەپ اتاپ كورسەتتى: 2025 ـ جىلى پارتيا ورتالىق كوميتەتى پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، كورنەكتى ونىمدىلىككە قول جەتكىزدى. ساياسي باقىلاۋدى كۇشەيتىپ، ساياسي شارلاۋدى تەرەڭدەتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ دايەكتىلەنۋىن، تياناقتانۋىن پارمەندى قامتاماسىز ەتتى؛ ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، بۇكىل پارتيانىڭ ونان ارى ستيلدى جاقسارتىپ، جاڭا ستيل ورناتۋىن ىلگەرىلەتتى؛ شىرىكتەسۋگە قارسى تۇرۋ تەگەۋرىندى كۇيىن ساقتاپ، بۇرىس ستيل مەن شىرىكتەسۋدى بىرگە تەكسەرۋدى، بىرگە وڭاۋدى ىلگەرىلەتىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن ىشكەرىلەي وڭاپ، شىرىكتەسۋ ٴوسىپ ـ ٴوربيتىن توپىراق پەن شارت ـ جاعدايدى كۇش سالا الاستادى.
شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ _ پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن قورعاۋدىڭ ٴتۇبىرلى تالابى، سونداي ـ اق پارتيا مەن حالىق ىستەرىنىڭ ۇزدىكسىز دامۋىنداعى، العا باسۋىنداعى ماڭىزدى تاريحي تاجىريبە. ”15 ـ بەسجىلدىق“ مەزگىلى _ سوتسياليستىك وسىزامانداندىرۋدى نەگىزىنەن جۇزەگە اسىرۋدا نەگىزدى بەكەمدەيتىن، جاپپاي كۇش سالاتىن شەشۋشى مەزگىل، ٴار دارەجەلى پارتيا ۇيىمدارى جانە قالىڭ پارتيا مۇشەلەرى، كادرلار ساياسي جاۋاپكەرشىلىك سەزىمدى، تاريحي بورىشتىلىق سەزىمدى كۇشەيتىپ، ٴىس جۇزىندىك ارەكەتتەرى ارقىلى پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ شەشىمدەرى مەن ورنالاستىرۋلارىن ويداعىداي دايەكتىلەندىرۋى، تياناقتاندىرۋى كەرەك. جاڭا دامۋ ۇستانىمىن دايەكتىلەندىرۋدى، جوعارى ساپالى دامۋدى ىلگەرىلەتۋدى، جاڭا دامۋ ارناسىن قالىپتاستىرۋدى تەزدەتۋدى تىعىز ارقاۋ ەتىپ، نازاردى وسىزاماندانعان كاسىپ سالاسى جۇيەسىن قۇرۋ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ، مەملەكەتتىك ٴبىر تۇتاس ۇلكەن بازار قۇرۋ، جوعارى دەڭگەيدە سىرتقا ەسىك اشۋدى كەڭەيتۋ، جالپى حالىقتىڭ بىرگە بايۋىن تىڭعىلىقتى ىلگەرىلەتۋ، قايتا كەدەيلەسۋدەن، كەدەيلەسۋدەن ۇدايىلاندىرا ساقتانۋ، جەرگىلىكتى ۇكىمەتتەردىڭ كومەسكى قارىزىن جويۋ، ەكولوگيالىق ورتانى قورعاۋدى كۇشەيتۋ، دامۋ مەن حاۋىپسىزدىكتى ٴبىر تۇتاس جوسپارلاۋ سياقتى مىندەتتەر مەن تالاپتارعا شوعىرلاندىرىپ، ناقتىلانعان، دالمە ـ ٴدال، ۇدايىلانعان باقىلاۋ ـ تەكسەرۋدى كۇشەيتىپ، شارلاۋ جەتىستىكتەرىنەن ويداعىداي پايدالانىپ، رەتتەۋ ـ تۇزەتۋدى، باقىلاۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ ناقتاپ تياناقتانۋىن قامتاماسىز ەتۋ كەرەك. جەر ـ جەر، تاراۋلار ٴىس جۇزىندىكپەن ۇشتاستىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ٴونىمدى ٴادىسى مەن جولى جونىندە مۇقيات ىزدەنىس جاساۋى كەرەك. بيىل جەرگىلىكتى ورىندار كەزەك اۋىستىرۋدى باستايدى، شىنايى، ادال، سەنىمدى، ٴىشى ـ سىرتى بىردەي، جاۋاپكەرشىلىك ارقالاپ، جاۋاپكەرشىلىكتى ادا ەتەتىن جاقسى كادرلاردى ىستەتۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ وزىنە ـ ٴوزى توڭكەرىس جاساۋىندا، ماڭىزدىسى، ۇقىقتى باسقارۋ، ۇقىقتى ٴتۇزىم قاپاسىندا ۇستاۋ _ جاڭا داۋىردەگى پارتيانى جاپپاي قاتاڭ باسقارۋداعى ماڭىزدى مىندەت. پارتيا 18 ـ قۇرىلتايىنان كەيىن، پارتيا ورتالىق كوميتەتى ورتالىقتىڭ سەگىز ٴتۇرلى بەلگىلەمەسىن جاساۋ جانە اتقارۋ ارقىلى جاڭا جاعداي اشىپ، ماسەلەلەردى شەشىپ، قۇرىش قاعيدا ورناتىپ، قاتاڭ شەكتەمەنى كۇشەيتىپ، پارتيا ستيلىنىڭ، ۇكىمەت ستيلىنىڭ شىت جاڭا بەينەگە ەنۋىن ىلگەرىلەتتى. ۇقىقتى ٴتۇزىم قاپاسىندا ۇستاۋدا ٴارى ٴتۇزىم ـ بەلگىلەمەلەردى ۇزدىكسىز كەمەلدەندىرىپ، ٴتۇزىمدى كۇردەلى قىلماي قايتا قاتايتۋ، ٴونىمدى ەتۋ، كادەگە جاراتۋ ٴارى ٴتۇزىمدى اتقارۋ قابىلەتىن كۇش سالا جوعارىلاتىپ، بۇلجىماس تەجەمدى كۇشەيتۋ كەرەك. زاڭ ەرەجە، ٴتۇزىم الدىندا بارلىق ادامنىڭ تەرەزەسى تەڭ بولۋعا، زاڭ ەرەجەگە، تۇزىمگە بويسۇنۋدا ەرەكشە ۇقىق بولماۋعا، زاڭ ەرەجە، ٴتۇزىم اتقارۋدا قاعىس قالدىرماۋعا تاباندى بولىپ، ٴتۇزىم ـ بەلگىلەمەلەردىڭ شىن مانىندە توگى بار جوعارى كەرنەۋلى ەلەكتر سىمىنا اينالۋىنا شىنايى كەپىلدىك ەتۋ كەرەك. ”ٴبىرىنشى باسشى“ ٴتۇزىمدى باستاماشىلدىقپەن اتقارۋى كەرەك. زاڭ ەرەجە، ٴتۇزىم ۇگىتى تاربيەسىن كۇشەيتىپ، پارتيا مۇشەلەرىن، كادرلاردى زاڭ ـ ٴتارتىپتى تۇسىنۋگە، قاعيدانى تۇسىنۋگە، يمەنۋدى بىلۋگە جەتەكتەۋ كەرەك. پارتيا ىستەرىنىڭ، ۇكىمەت ىستەرىنىڭ جاريالىلىعىن ونان ارى جوعارىلاتىپ، ۇقىقتى جاريا جۇرگىزۋ كەرەك.
شي جينپيڭ بىلاي دەپ باسا دارىپتەدى: شىرىكتەسۋ _ پارتيا مەن مەملەكەت ىستەرىنىڭ دامۋ اياق الىسىنداعى توسقاۋىل، بوگەت. شىرىكتەسۋگە قارسى تۇرۋ _ جەڭىلۋگە بولمايتىن ٴارى استە جەڭىلمەۋگە ٴتيىستى كەلەلى كۇرەس. پارتيا 18 ـ قۇرىلتايىنان بەرى، پارتيامىز پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتۋ سىندى شىرىكتەسۋگە قارسى تۇرۋدىڭ جۇڭگوشا جولىن ٴساتتى اشتى، بۇل جولمەن تاباندىلىقپەن جۇرە بەرۋ كەرەك. قازىر شىرىكتەسۋگە قارسى تۇرۋ كۇرەس جاعدايى ٴالى دە قاتاڭ دا كۇردەلى، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن الاستاۋ مىندەتى ٴالى دە جاپالى دا اۋىر. تەگەۋرىندى كۇيدى ساقتاۋدان اۋىتقىماي، شىرىكتەسۋگە، ٴسوز جوق، قارسى تۇرىپ، قياناتشىلدىقتى، ٴسوز جوق، الاستاپ، سۇرقيالىقتى ٴبىرجولاتا جويىپ، شىرىكتەسكەندەرگە تاسالاناتىن ورىن قالدىرماۋ كەرەك. شىرىكتەسۋدىڭ جاڭا اۋقىمىن، جاڭا ەرەكشەلىگىن يگەرىپ، تاسىلدە جاڭالىق اشىپ، شىرىكتەسۋگە قارسى تۇرۋ جاۋاپكەرشىلىگىن تياناقتاندىرۋ مەحانيزمىن كەمەلدەندىرىپ، ٴتۇرلى شىرىكتەسۋ ماسەلەلەرىن دەر كەزىندە بايقاپ، دالمە ـ ٴدال پارىقتاپ، ٴونىمدى باسقارىپ، شىرىكتەسۋگە قارسى تۇرۋدىڭ اسەر ەتۋ كۇشىن ۇزدىكسىز ارتتىرۋ كەرەك. ٴبىر تۇلعالاندىرىپ ىلگەرىلەتۋگە اناعۇرلىم زور كۇش سالىپ، جۇيە كوزقاراسىن كۇشەيتىپ، ىقپالداستىقتى، سايكەسۋدى كۇشەيتىپ، ٴار جاقتىڭ باقىلاۋىن ساباقتاستىرىپ، تۇتاس تىزبەكتى سەلبەستىك ارقىلى ٴبىر تۇلعالاندىرىپ باسقارۋدى جەبەۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋدە، پارتيانى جاپپاي قاتاڭ باسقارۋدا ٴتارتىپ تەكسەرۋ، باقىلاۋ ـ تەكسەرۋ ورگاندارىنىڭ جاۋاپكەرشىلىگى اۋىر، بورىشى داڭقتى، پارتيانىڭ ىنتىماعىن، بىرلىگىن باتىل قورعاۋى، پارتيانىڭ العاباسارلىعى مەن كىرشىكسىزدىگىن باتىل قورعاۋى كەرەك. ٴتارتىپ تەكسەرۋ، باقىلاۋ ـ تەكسەرۋ قىزمەتىن ارناعا ٴتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن ۇزدىكسىز كۇشەيتىپ، باقىلاۋ، ٴتارتىپ اتقارۋ، زاڭ اتقارۋ ساپاسىن، ونىمدىلىگىن ۇزدىكسىز جوعارىلاتۋ كەرەك. ساياسيدا ىسىلعان بولۋ، قابىلەت جاعىندا ىسىلعان بولۋ، ستيلدە ىسىلعان بولۋ، پاكتىك جاعىندا ىسىلعان بولۋ تالابىنا ساي، ادال، كىرشىكسىز، جاۋاپكەرشىلىك ارقالايتىن، باتىلدىقپەن، شەبەرلىكپەن كۇرەس جۇرگىزەتىن ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن كۇش سالا سومداۋ كەرەك.
لي شي ٴماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ٴسوزى وتكەن ٴبىر جىلدا پارتيانى جاپپاي قاتاڭ باسقارۋدا قول جەتكەن كورنەكتى تابىستاردى تولىق تۇراقتاندىرىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ شەشۋشى مەزگىلىن كوزدەپ، پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، ”15 ـ بەسجىلدىق“ مەزگىلىندەگى نىسانا ـ مىندەتتەردى جۇزەگە اسىرۋعا پارمەندى قامتاماسىزدىق ازىرلەۋ جونىندە ستراتەگيالىق ورنالاستىرۋ جاسادى. ٴسوز بيىكتە تۇرىپ الىستى بولجاعان، كوز اياسى كەڭ، يدەياسى تەرەڭ، مازمۇنى باي، پارتيانى جاپپاي قاتاڭ باسقارۋدى جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋگە ٴتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن مۇقيات اتقارىپ، ماڭگى جولدامىز دەيتىن قايسارلىق پەن تاباندىلىق ارقىلى پارتيانىڭ وزىنە ـ ٴوزى توڭكەرىس جاساۋىن بۇلجىماي ىشكەرىلەي ىلگەرىلەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، ورتالىق اسكەري ىستەر كوميتەتىنىڭ ورىنباسار ٴتوراعالارى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ورتالىق ٴتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ ٴارقايسى تاراۋلارىنداعى، ٴارقايسى حالىقتىق ۇيىمدارداعى، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىندا وتكىزىلدى، ٴارقايسى ولكە، اۆتونوميالى رايون، توتە قاراستى قالادا جانە شينجياڭ ٴوندىرىس ـ قۇرىلىس بيڭتۋانىندا، سونداي ـ اق ارميانىڭ قاتىستى ورىندارىندا بولىمشە ٴماجىلىس ورنى ورنالاستىرىلدى.
جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ٴماجىلىسى 1 ـ ايدىڭ 12 ـ كۇنى بەيجيڭدە اشىلدى. ورتالىق ٴتارتىپ تەكسەرۋ كوميتەتى تۇراقتى كوميتەتى ٴماجىلىستى باسقاردى. 1 ـ ايدىڭ 12 ـ كۇنى تۇستەن كەيىن لي شي ورتالىق ٴتارتىپ تەكسەرۋ كوميتەتى تۇراقتى كوميتەتى اتىنان «پارتيانى جاپپاي قاتاڭ باسقارۋدى اناعۇرلىم جوعارى ولشەممەن، اناعۇرلىم ناقتى شارامەن ىلگەرىلەتىپ، ”15 ـ بەسجىلدىق“ مەزگىلىندەگى نىسانا ـ مىندەتتەردى جۇزەگە اسىرۋعا پارمەندى قامتاماسىزدىق ازىرلەۋ كەرەك» دەگەن تاقىرىپتا قىزمەت بايانداماسىن جاسادى.
