ٴوز حابارىمىز. تاياۋدا اۆتونوميالى رايوندىق پارتكومنىڭ شارلاۋ قىزمەتى باسشىلىق گرۋپپاسى اۆتونوميالى رايونعا توتە قاراستى ورىنداردى شارلاپ تەكسەرۋ قىزمەتىنىڭ ارناۋلى تەكسەرۋى بويىنشا شوعىرلى اڭىس ەتۋ ٴماجىلىسىن جانە جوعارى ساپالى دامۋدى ىلگەرىلەتۋ ٴماجىلىسىن اشتى. ٴماجىلىس باس شۋجي شي جينپيڭنىڭ پارتيانىڭ وزىنە ـ ٴوزى توڭكەرىس جاساۋى جونىندەگى ماڭىزدى يدەياسىن جانە شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جانە پارتيا ورتالىق كوميتەتىنىڭ شارلاۋ ـ شارلاپ تەكسەرۋ قىزمەتى جونىندەگى تىڭ ورنالاستىرۋلارىن، تىڭ تالاپتارىن مۇقيات دايەكتىلەندىرىپ، اۆتونوميالى رايوندىق 10 ـ كەزەكتى پارتكوم ون بەسىنشى جالپى ٴماجىلىسىنىڭ رۋحىن تياناقتاندىرىپ، اۆتونوميالى رايونعا توتە قاراستى ورىنداردى شارلاپ تەكسەرۋ قىزمەتىنىڭ ارناۋلى تەكسەرۋىندە بايقالعان كورنەكتى ماسەلەلەردى حابارلاپ، تاجىريبەلەردى قورىتىندىلاپ، اۋىستىرىپ، ولقىلىقتاردى، جەتەرسىزدىكتەردى تەكسەرىپ تاۋىپ، قىزمەتتەردى ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ باستىعى تيان شياڭلي ماجىلىسكە قاتىناستى ٴارى ٴسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ ورىنباسار باستىعى ۋاڭ لين ٴماجىلىستى باسقاردى.
ٴماجىلىس مىنالاردى باسا دارىپتەدى: ساياسي دەڭگەيدى شىنايى جوعارىلاتىپ، ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ ساياسي تۇرعىسىنان جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ سىندى تاريحي تۇيىننەن، اۆتونوميالى رايونعا توتە قاراستى ورىنداردى شارلاپ تەكسەرۋ قىزمەتىنىڭ جوعارى ساپالى دامۋىن ىلگەرىلەتۋدىڭ كەلەلى ٴمانى مەن امالياتتىق تالابىن جەتە تانىپ جانە دالمە ـ ٴدال يگەرىپ، ارناۋلى تەكسەرۋ بويىنشا اڭىس ەتىلگەن ماسەلەلەردى رەتتەۋ ـ تۇزەتۋدى يگەرۋ ساياسي سانالىلىعىن، يدەيالىق سانالىلىعىن جانە ارەكەت سانالىلىعىن ونان ارى كۇشەيتۋ كەرەك. ارناۋلى تەكسەرۋ جەتىستىكتەرىنەن جان ـ جاقتى پايدالانىپ، بولجامدىلىقپەن ويلاپ، جالپى جاعدايدى جوسپارلاپ، ”تاباندا تۇزەتۋدى“ جانە ”باياندى مەحانيزم ورناتۋدى“ ٴوزارا ۇشتاستىرۋعا تاباندى بولىپ، ارناۋلى تەكسەرۋ بويىنشا اڭىس ەتىلگەن كورنەكتى ماسەلەلەردى شوعىرلى شەشۋمەن بىرگە، ٴتۇزىلىس ـ مەحانيزم مەن تەرەڭ قاتپارلى ماسەلەلەردى شەشىپ، باقىلاۋدىڭ، رەتتەۋ ـ تۇزەتۋدىڭ، باسقارۋدىڭ ورگانيكالى ساباقتاسۋىن ىلگەرىلەتىپ، جابىق اينالىم قالىپتاستىرىپ، ارناۋلى تەكسەرۋ جەتىستىكتەرىن قىزمەتتى ىلگەرىلەتۋدىڭ ٴىس جۇزىندىك ونىمدىلىگىنە شىن مانىندە اينالدىرۋ كەرەك. شارلاپ تەكسەرۋ قىزمەتىن پارتيا باسشىلىق گرۋپپاسىنىڭ (پارتكوم) ماڭىزدى ٴىس قاراۋ كۇن تارتىبىنە سانالى تۇردە ەنگىزىپ، جۇيەلى اقىلداسىپ ورنالاستىرىپ، ٴتۇزىم ـ مەحانيزمدى اقاۋسىزداندىرىپ، ساباقتاستىرۋدى، سايكەستىرۋدى ىلگەرىلەتىپ، قوسىن قۇرىلىسىن كۇشەيتىپ، قىزمەت نەگىزىن بەكەمدەپ، شارلاپ تەكسەرۋ قىزمەتىنىڭ ارناعا ٴتۇسۋ دەڭگەيىن ۇزدىكسىز جوعارىلاتۋ كەرەك. ساياسي شارلاپ تەكسەرۋدىڭ ماندىك تالابىن دالمە ـ ٴدال يگەرىپ، وزەكتى فۋنكتسيالىق جاۋاپكەرشىلىكپەن تىعىز بايلانىستىرىپ، نازاردى بۇقارانىڭ جانىنداعى بۇرىس ستيلدەر مەن شىرىكتەسۋ ماسەلەلەرىنە شوعىرلاندىرىپ، ”ٴبىرىنشى باسشى“ مەن باسشىلىق القاسىن قاتاڭ قاداعالاي وتىرىپ ساياسي باقىلاۋدى كۇشەيتىپ، جوعارى ساپالى دامۋعا ىقپال جاسايتىن باستى قايشىلىقتاردى، رەفورما ورنالاستىرۋىن تياناقتاندىرۋداعى ەلەۋلى اۋىتقۋدى، ساقتانۋعا، جويۋعا تۋرا كەلەتىن ەلەۋلى حاۋىپ ـ قاتەرلەردى، پارتيانى جاپپاي قاتاڭ باسقارۋ جاعىنداعى كورنەكتى ماسەلەلەردى ىشكەرىلەي تەكسەرىپ تاۋىپ، شارلاپ تەكسەرۋ قىزمەتىنىڭ سەسكەندىرۋ كۇشىن، اسەر ەتۋ كۇشىن، ىلگەرىلەتۋ كۇشىن كۇشەيتۋ كەرەك.
اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ مۇشەلەرى، شارلاپ تەكسەرۋ قىزمەتى ورىستەتىلگەن اۆتونوميالى رايونعا توتە قاراستى ورىندارداعى جاۋاپتى جولداستار، قاتىستى ٴتارتىپ تەكسەرۋ، باقىلاۋ ـ تەكسەرۋ قۇرىلىمدارىنداعى جانە شارلاپ تەكسەرۋ قۇرىلىمدارىنداعى جاۋاپتىلار ماجىلىسكە قاتىناستى. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى سياقتى 6 ورىن پىكىر اۋىستىرىپ ٴسوز سويلەدى.
