شينحۋا اگەنتتىگىنىڭ ٴتىلشىسى سۇن شاۋلۇڭ
1 ـ ايدىڭ 12 ـ كۇنى باس شۋجي شي جينپيڭ 20 ـ كەزەكتى ورتالىق ٴتارتىپ تەكسەرۋ كوميتەتىنىڭ بەسىنشى جالپى ماجىلىسىنە قاتىناستى ٴارى ماڭىزدى ٴسوز سويلەدى.
2026 ـ جىل ”15 ـ بەسجىلدىقتىڭ“ باستاما جىلى. سوتسياليستىك وسىزاماندانۋدى نەگىزىنەن جۇزەگە اسىرۋدىڭ شەشۋشى مەزگىلىن كوزدەي وتىرىپ، باس شۋجي شي جينپيڭنىڭ ماجىلىستە باسا دارىپتەگەن ٴۇش ”اناعۇرلىم“ تالابى توتەنشە ايقىن بولدى.
(1) ”پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن اناعۇرلىم باتىل، پارمەندى دايەكتىلەندىرۋ، تياناقتاندىرۋ كەرەك“
ٴبىر ۇلەس ورنالاستىرۋدا، توعىز ۇلەس تياناقتاندىرۋدا.
باس شۋجي شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ _ پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن قورعاۋدىڭ ٴتۇبىرلى تالابى، سونداي ـ اق پارتيا مەن حالىق ىستەرىنىڭ ۇزدىكسىز دامۋىنداعى، العا باسۋىنداعى ماڭىزدى تاريحي تاجىريبە.
پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ جاعىندا ماسەلەلەردىڭ ٴالى دە ورىن تەۋىپ وتىرعاندىعىن، ٴسوز جوق، سەرگەكتىكپەن كورە ٴبىلۋىمىز كەرەك. ساندى مالىمەتتەردە كورسەتىلۋىنشە، 2025 ـ جىلدىڭ الدىڭعى 11 ايىندا بۇكىل مەملەكەتتە تەكسەرىلىپ ٴبىر جاقتى ەتىلگەن ورتالىقتىڭ سەگىز ٴتۇرلى بەلگىلەمەسىنىڭ رۋحىنا قايشى ماسەلەلەردىڭ اراسىندا ”مىندەتىن اتقارۋ، جاۋاپكەرشىلىگىن ادا ەتۋ، ەكونوميكالىق، قوعامدىق دامۋعا قىزمەت وتەۋ جانە ەكولوگيالىق ورتانى قورعاۋ جاعىندا جاۋاپكەرشىلىگىن ارقالاماۋ، ٴىس تىندىرماۋ، بەتالدى ىستەۋ، جالعان ىستەۋ، جوعارى ساپالى دامۋعا اۋىر ىقپال جەتكىزۋ“ جاعىنداعى ماسەلە ەڭ كوپ بولىپ، 105 مىڭ 8گە جەتىپ، ۇستاعان سالىستىرماسى %40تەن اسقان.
ساياسي باقىلاۋدى تەرەڭدەتۋ _ پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ىلگەرىلەتۋدىڭ ماڭىزدى كەپىلى.
وسىزاماندانعان كاسىپ سالاسى جۇيەسىن قۇرۋدان، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدان، مەملەكەتتىك ٴبىر تۇتاس ۇلكەن بازار قۇرۋدان جوعارى دەڭگەيدە سىرتقا ەسىك اشۋدى كەڭەيتۋگە، جالپى حالىقتىڭ بىرگە بايۋىن تىڭعىلىقتى ىلگەرىلەتۋگە، قايتا كەدەيلەسۋدەن جانە كەدەيلەسۋدەن ۇدايىلانا ساقتانۋعا دەيىن، ونان جەرگىلىكتى ۇكىمەتتەردىڭ كومەسكى قارىزىن شەشۋگە، ەكولوگيالىق ورتانى قورعاۋدى كۇشەيتۋگە، دامۋ مەن حاۋىپسىزدىكتى ٴبىر تۇتاس جوسپارلاۋعا دەيىن...
نازاردى جوعارىداعى مىندەتتەر مەن تالاپتارعا شوعىرلاندىرىپ، باس شۋجي شي جينپيڭ بىلاي دەپ باسا دارىپتەدى: ناقتىلانعان، دالمە ـ ٴدال، ۇدايىلانعان باقىلاۋ ـ تەكسەرۋدى كۇشەيتىپ، شارلاۋ جەتىستىكتەرىنەن ويداعىداي پايدالانىپ، رەتتەۋ ـ تۇزەتۋدى، باقىلاۋدى كۇشەيتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىنىڭ ناقتاپ تياناقتانۋىن قامتاماسىز ەتۋ كەرەك.
ناقتىلىق ارقىلى تەرەڭدەتۋگە ۇمتىلۋ، دالمە ـ دالدىك ارقىلى ناقتى ونىمدىلىككە ۇمتىلۋ، ۇدايىلىق ارقىلى ۇزاق ونىمدىلىككە ۇمتىلۋ كەرەك، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارى قاي جەرگە بارسا، ساياسي باقىلاۋدى دا سول جەرگە اپارۋدى ىسكە اسىرعاندا عانا ٴتىپتى دە ويداعىداي ماسەلەلەردى بايقاپ، ماسەلەلەردى زەرتتەپ، ماسەلەلەردى شەشىپ، باقىلاۋ ساپاسىن ۇزدىكسىز جوعارىلاتىپ، باقىلاۋ ونىمدىلىگىنە كەپىلدىك ەتىپ، پارتيا ورتالىق كوميتەتىنىڭ كەلەلى باعىت ـ ساياساتتارىن اتقارۋدا اۋىتقىماۋعا، وزگەرتپەۋگە شىنايى كەپىلدىك ەتۋگە بولادى.
(2) ”ۇقىقتى اناعۇرلىم عىلمي، ٴونىمدى تۇردە ٴتۇزىم قاپاسىندا ۇستاۋ كەرەك“
باس شۋجي شي جينپيڭ بىلاي دەپ اتاپ كورسەتتى: پارتيانىڭ وزىنە ـ ٴوزى توڭكەرىس جاساۋىندا، ماڭىزدىسى، ۇقىقتى باسقارۋ، ۇقىقتى ٴتۇزىم قاپاسىندا ۇستاۋ _ جاڭا داۋىردەگى پارتيانى جاپپاي قاتاڭ باسقارۋداعى ماڭىزدى مىندەت.
پارتيا 18 ـ قۇرىلتايىنان بەرى، باس شۋجي شي جينپيڭ ”ۇقىقتى ٴتۇزىم قاپاسىندا ۇستاۋدى“ تالاي رەت باسا دارىپتەدى. سوناۋ 2013 ـ جىلى حىبەيدە تەكسەرۋ ـ زەرتتەۋ جۇرگىزىپ، پارتيانىڭ بۇقارالىق لۋشيان تاربيەسىن امالياتتا ايگىلەۋ قيمىلىنا جەتەكشىلىك ەتكەن كەزدە، باس شۋجي شي جينپيڭ توتەنشە جاندى مىسال كورسەتىپ بىلاي دەگەن ەدى: ”ەرەجە ـ ٴتۇزىم ورناتۋ توتەنشە ماڭىزدى، قاپاستى مىقتى توقۋ كەرەك، سيىر قوراعا مىسىق قاماۋعا كەلمەيدى، بوستىق وتە ۇلكەن بولعاندىقتان مىسىق ەمىن ـ ەركىن جۇرەدى“.
ۇقىقتى ٴتۇزىم قاپاسىندا ۇستاۋدا ورتالىقتىڭ سەگىز ٴتۇرلى بەلگىلەمەسىن شىعارۋدىڭ ٴوزى تيپتىك مىسال.
پارتيا 18 ـ قۇرىلتايىنان كەيىن، پارتيا ورتالىق كوميتەتى جاساعان ٴبىرىنشى ماڭىزدى پارتيا ىشىندەگى زاڭ ەرەجە رەتىندە، ورتالىقتىڭ سەگىز ٴتۇرلى بەلگىلەمەسى بۇقارانىڭ اڭىسى ەڭ كۇشتى بولعان ماسەلەلەردەن باستاپ كىرىسىپ، قۇرىش قاعيدا ورناتىپ، قاتاڭ شەكتەمەنى كۇشەيتىپ، پارتيا ستيلىنىڭ، ۇكىمەت ستيلىنىڭ شىت جاڭا بەينەگە ەنۋىن ىلگەرىلەتتى.
ٴارى ”سيىر قوراعا مىسىق قاماۋ“ كەمىستىگىنەن ساقتانۋ، ٴارى ”قاعاز قاپاسقا جولبارىس قاماۋ“ قيىنشىلىعىن شەشۋ كەرەك.
باس شۋجي شي جينپيڭ بىلاي دەپ اتاپ كورسەتتى: ۇقىقتى ٴتۇزىم قاپاسىندا ۇستاۋدا ٴارى ٴتۇزىم ـ بەلگىلەمەلەردى ۇزدىكسىز كەمەلدەندىرىپ، ٴتۇزىمنىڭ تىعىز، ٴبىراق شىرما ـ شاتۋ بولماۋىنا، ٴونىمدى، جارامدى بولۋىنا مۇمكىندىك جاساۋ، ٴارى ٴتۇزىمدى اتقارۋ قۋاتىن كۇش سالا جوعارىلاتىپ، بۇلجىماس تەجەمدى كۇشەيتۋ كەرەك.
ٴتۇزىمنىڭ ومىرشەڭ كۇشى اتقارىلۋىندا، ٴتۇزىمنىڭ بەدەلى ٴادىل اتقارىلۋىندا. زاڭ ەرەجە، ٴتۇزىم الدىندا بارلىق ادامنىڭ تەرەزەسى تەڭ بولۋعا، زاڭ ەرەجەگە، تۇزىمگە بويسۇنۋدا ەرەكشە ۇقىق بولماۋعا، زاڭ ەرەجەنى، ٴتۇزىمدى اتقارۋدا قاعىس قالدىرماۋعا تاباندى بولىپ، ”قىزىل شامعا قاراماي وتە شىعۋدى“، ”قورشاۋدان اتتاپ ٴوتۋدى“ قاتاڭ تەكسەرىپ ٴبىر جاقتى ەتكەندە عانا ٴتۇزىم ـ بەلگىلەمەلەردىڭ شىن مانىندە توگى بار جوعارى كەرنەۋلى ەلەكتر سىمىنا اينالۋىنا شىنايى كەپىلدىك ەتىپ، ۇزدىكسىز كەمەلدەنگەن تۇزىمدىك ارناعا سالۋ جۇيەسى ارقىلى پارتيانى جاپپاي قاتاڭ باسقارۋدىڭ نىق قاداممەن الىسقا جەتۋىنە شىنايى كەپىلدىك ەتۋگە بولادى.
(3) ”شىرىكتەسۋگە قارسى تۇرۋ كۇرەسىن اناعۇرلىم سەرگەك، باتىل تۇردە ىلگەرىلەتۋ كەرەك“
بىلتىر جىل باسىنداعى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴتورتىنشى جالپى ماجىلىسىندە باس شۋجي شي جينپيڭ بىلاي دەپ ىشكەرىلەي اتاپ كورسەتتى: قازىر شىرىكتەسۋگە قارسى تۇرۋ كۇرەسىنىڭ جاعدايى ٴالى قاتاڭ دا كۇردەلى. شىرىكتەسۋدىڭ قالدىعى ٴالى جويىلعان جوق، ارتقان مولشەر ٴالى دە ۇزدىكسىز جارىققا شىعۋدا، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن جويۋ مىندەتى اۋەلگىدەي جاپالى دا اۋىر بولىپ وتىر.
”ەكى ٴالى دە“ سىندى كەلەلى تۇجىرىم ٴىس جۇزىندىك جاعدايعا تەرەڭدەي تالداۋ جاساۋدان، بايسالدىلىقپەن وي جۇگىرتۋدەن كەلگەن.
2025 ـ جىلى ورتالىق ٴتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى سايتىندا اشىق جاريالانعان ”وماقاسقان“ ورتالىق باسقاراتىن كادر 65كە جەتتى، مۇنىڭ اراسىندا 12 ـ ايدا، ٴتىپتى، ”ٴبىر ايدا توعىز جولبارىس سوعىلعان“. شىرىكتەسۋ ماسەلەسى ٴالى وڭاي تۋىلۋدا، كوپ تۋىلۋدا، كەيبىر اۋىر دەلولاردان جان تۇرشىگەدى.
سونىمەن بىرگە ەكونوميكانىڭ، قوعامنىڭ جەدەل دامۋىنا ىلەسە، جاڭا تيپتى شىرىكتەسۋ، كومەسكى شىرىكتەسۋدىڭ ٴتۇرى جاڭالاندى، توقتاۋسىز جارىققا شىعۋدا، شىرىكتەسۋ ارەكەتى ”زاڭدى تون“ جامىلىپ ”كولەڭكەلى بەلدەۋدە“ تولاسسىز ساپىرىلىسىپ، بايقاۋعا جانە تەكسەرىپ ٴبىر جاقتى ەتۋگە سايىس الا كەلدى.
وسى رەتكى جالپى ماجىلىستە باس شۋجي شي جينپيڭ ”ەكى ٴالى دە“ سىندى شىرىكتەسۋگە قارسى كۇرەس جاعدايىن تاعى دا قايتالاي دارىپتەدى، سونىمەن بىرگە كەلەسى كەزەڭدەگى شىرىكتەسۋگە قارسى تۇرۋ كۇرەسىنە ناقتى جول كورسەتىپ بەردى _
شىرىكتەسۋگە قارسى تۇرۋدا تەگەۋرىندى كۇيدى ساقتاۋعا ايالداپ، ”شىرىكتەسۋگە، ٴسوز جوق، قارسى تۇرۋ، قياناتشىلدىقتى، ٴسوز جوق، الاستاۋ، سۇرقيالىقتى ٴبىرجولاتا جويۋ، شىرىكتەسكەندەرگە تاسالاناتىن ورىن قالدىرماۋدى“ تالاپ ەتتى؛
شىرىكتەسۋگە قارسى تۇرۋدىڭ ونىمدىلىگىن ۇزدىكسىز جوعارىلاتۋعا ايالداپ، ”شىرىكتەسۋدىڭ جاڭا اۋقىمىن، جاڭا ەرەكشەلىگىن يگەرىپ، تاسىلدە جاڭالىق اشىپ، شىرىكتەسۋگە قارسى تۇرۋ جاۋاپكەرشىلىگىن تياناقتاندىرۋ مەحانيزمىن كەمەلدەندىرىپ، ٴتۇرلى شىرىكتەسۋ ماسەلەلەرىن دەر كەزىندە بايقاپ، دالمە ـ ٴدال پارىقتاپ، ٴونىمدى باسقارۋدى“ تالاپ ەتتى؛
شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالاندىرىپ ىلگەرىلەتۋگە ايالداپ، ”جۇيە كوزقاراسىن كۇشەيتىپ، ىقپالداستىقتى، سايكەسۋدى كۇشەيتىپ، ٴار جاقتىڭ باقىلاۋىن ساباقتاستىرىپ، تۇتاس تىزبەكتى سەلبەستىك ارقىلى ٴبىر تۇلعالاندىرىپ باسقارۋدى جەبەۋدى“ تالاپ ەتتى؛
...
مەملەكەتتى باسقارۋدا، ٴسوز جوق، الدىمەن پارتيانى باسقارۋ كەرەك، پارتيا كوركەيگەندە عانا مەملەكەت قۇدىرەتتەنەدى. پارتيانى باسقارۋ، پارتيانى جونگە سالۋ ٴونىمدى بولعان سايىن ەكونوميكالىق، قوعامدىق دامۋعا ٴتىپتى دە قۋاتتى قامتاماسىزدىق ازىرلەۋگە بولادى.
باس شۋجي شي جينپيڭنىڭ ٴۇش ”اناعۇرلىم“ سىندى ماڭىزدى تالابىن ەستە بەرىك ساقتاپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ٴتىپتى دە جوعارى ولشەم، ٴتىپتى دە ناقتى شارالار ارقىلى پارتيانى جاپپاي قاتاڭ باسقارۋدى ىلگەرىلەتۋ ”15 ـ بەسجىلدىق“ مەزگىلىندەگى نىسانا ـ مىندەتتەردى جۇزەگە اسىرۋعا، ٴسوزسىز، بەرىك قامتاماسىزدىق ازىرلەيدى.
(شينحۋا اگەنتتىگىنىڭ 1 ـ ايدىڭ 12 ـ كۇنى بەيجيڭنەن بەرگەن حابارى)
