ءتۇزىم سەنىمىن بەكەمدەپ، ساياسي ابزالدىلىقتى كەڭىنەن ساۋلەلەندىرەيىك
− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
ءار جولعى كەلەلى تاريحي كەزەڭنىڭ بارىندە پارتيامىز پارتيانىڭ جاسامپازدىق نازارياسى ارقىلى بۇكىل پارتيانىڭ يدەياسىن بىرلىككە كەلتىرىپ، ۇيرەنۋ ارقىلى پارتيا ورتالىق كوميتەتىنىڭ ستراتەگيالىق ورنالاستىرۋلارىنىڭ تياناقتانۋىن ىلگەرىلەتتى.
ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپىءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا باس شۋجي شي جينپيڭ ماڭىزدى ءسوز سويلەپ، بەس جىلدىق جوبانى جاساۋدىڭ جانە اتقارۋدىڭ ءبىزدىڭ ماڭىزدى ساياسي ابزالدىلىعىمىز ەكەندىگىن ىشكەرىلەي ءتۇسىندىرىپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ستراتەگيالىق ورنالاستىرۋلارىن جان - جاقتى، تەرەڭ، دالمە - ءدال ءتۇسىنۋدى جانە يگەرۋدى ارقاۋ ەتىپ، ىشكەرىلەي بايىمداۋ جاساپ، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن دەڭگەيىن كۇش سالا جوعارىلاتۋعا ايقىن تالاپ قويىپ، بىلاي دەپ باسا دارىپتەدى: ”پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، يدەيانى اناعۇرلىم ويداعىداي بىرلىككە كەلتىرىپ، زەيىن - زەردەنى ۇيىستىرىپ، كۇش - قۋاتتى توپتاپ، پارتيا ورتالىق كوميتەتىنىڭ پارمەندى باسشىلىعىندا ءتۇرلى قىزمەتتەردى تىڭعىلىقتى ويداعىداي ىستەپ، ’15 - بەسجىلدىقتى‘ جاقسى باستاۋدى قۇلشىنا جۇزەگە اسىرۋ كەرەك“.
”بەس جىلدىق جوبانى جاساۋ جانە اتقارۋ − پارتيامىزدىڭ ەل باسقارۋداعى ءبىر ماڭىزدى تاجىريبەسى، جۇڭگوشا سوتسياليستىك ءتۇزىمنىڭ ءبىر ماڭىزدى ساياسي ابزالدىلىعى“. باس شۋجي شي جينپيڭ وقۋ باستاۋ سالتىندا ”تورتكە پايدالى بولۋ“ ارقىلى بەس جىلدىق جوبانى جاساۋدا جانە اتقارۋدا بەينەلەنگەن ساياسي ابزالدىلىقتى تەرەڭ قورىتىندىلاپ، ”بەسكە تاباندى بولۋ“ ارقىلى ۇزاق ۋاقىتتىق اماليات بارىسىندا جاراتىلعان، توپتالعان مول تاجىريبەلەردى جيناقتادى، پارتيامىزدىڭ بەس جىلدىق جوبانى جاساۋ جانە اتقارۋ جونىندەگى زاڭدىلىق سيپاتتى تانىمىنىڭ تەرەڭدەگەندىگىن بەينەلەدى.
”پارتيامىز باستان - اياق ماركسيزمنىڭ نەگىزگى قاعيدالارى ارقىلى تاريح اۋقىمىنا تالداۋ جاساپ جانە ونى يگەرىپ، جۇڭگو مەن دۇنيە ءجۇزىنىڭ قارىم - قاتىناسىن دۇرىس ءبىر جاقتى ەتىپ، ءتۇرلى تاريحي ورايلاردى مىقتى يگەرۋگە جانە ويداعىداي پايدالانۋعا شەبەر بولدى“. پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسى ەكى كەلەلى جاعدايدى ءبىر تۇتاس جوسپارلاۋ ستراتەگيالىق بيىگىنەن دامۋ اۋقىمىن دۇرىس يگەرىپ، ەل ءىشى - سىرتى جاعدايىنا تەرەڭ تالداۋ جاساپ، ەلىمىزدىڭ الداعى بەس جىلداعى ەكونوميكالىق، قوعامدىق دامۋى جونىندە جوعارى دەڭگەيلى جوبا جانە ستراتەگيالىق جوسپار جاسادى.
ەكى كەلەلى جاعدايدان ”15 - بەسجىلدىق“ ستراتەگيالىق جوسپارىنا كوز جىبەرسەك، ءبىز پارتيامىزدىڭ ۇلى نىسانانى كوكەيدە ساقتاپ، جۇڭحۋا ۇلتىنىڭ مىڭ جىلدىق ۇلى ءىسى ءۇشىن كۇش سالىپ كەلگەندىگىن، ستراتەگيالىق ماسەلەلەردى كورەگەندىكپەن يگەرۋگە شەبەر ەكەندىگىن اناعۇرلىم جاقسى سەزىنە الامىز، پارتيامىزدىڭ حالىقتى باستاپ ەكى ۇلكەن كەرەمەتتىڭ جاڭا تاراۋىن ۇزدىكسىز جازۋداعى تاريحي ىرىقتىلىعىن اناعۇرلىم ويداعىداي تۇسىنە الامىز.
جاڭا جۇڭگو قۇرىلعاننان بەرگى كۇرەس جۇرگىزۋ ۇردىسىنە قايىرىلا قاراساق، ەلىمىز 14 - بەسجىلدىق جوبانى (جوسپار) جاساپ جانە اتقارىپ، كەدەي ءارى ءالسىز اۋىل شارۋاشىلىعى ەلىنەن دۇنيە جۇزىندەگى ەكىنشى ءىرى ەكونوميكالىق تۇلعاعا اينالدى، سونداي - اق جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسىنا قادام تاستادى، بۇل نەتكەن جاپالى ءىس، بۇل نەتكەن قايسارلىق دەسەڭىزشى!
”14 - بەسجىلدىق“ مەزگىلىندە جۇڭگو ەكونوميكاسىنىڭ جالپى مولشەرى ىلگەرىندى - كەيىندى 110 تريلليون يۋاندىق، 120 تريلليون يۋاندىق، 130 تريلليون يۋاندىق، 140 تريلليون يۋاندىق وتكەلدەن ءوتىپ، ”ءتورت جىل ءۇرتىس ارتۋدى“ جۇزەگە اسىرىپ، ％4. 5تىك جىلدىق ورتاشا ارتۋ قارقىنى ارقىلى ۇزدىكسىز دۇنيە جۇزىندەگى باستى ەكونوميكالىق تۇلعالاردىڭ الدىندا تۇردى. ەلىمىزدىڭ ەكونوميكالىق ناقتى قۋاتى، عىلىم - تەحنولوگيالىق ناقتى قۋاتى، جالپىلىق مەملەكەت قۋاتى تىڭ بەلەسكە كوتەرىلىپ، جاڭا نىساناعا قاراي قادام تاستاۋعا مىعىم نەگىز ازىرلەندى. ماڭىزدى تاريحي ساتتە ”15 - بەسجىلدىق“ جوبا ۇسىنىسى جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەر جونىندە ورنالاستىرۋلار جاسادى.
دامۋ امالياتىنان ”15 - بەسجىلدىق“ ستراتەگيالىق جوسپارىنا كوز جىبەرسەك، ”ەكىنى تۇراقتاندىرۋدىڭ“ جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋ جونىنەن شەشۋشى مانگە يە ەكەندىگىن تەرەڭ ءتۇسىنىپ، جاڭا داۋىردەگى پارتيانىڭ جاسامپازدىق نازارياسىنىڭ عىلمي جەتەكشىلىگى ءبىزدىڭ تاريحي ىرىقتىلىقتى يگەرۋىمىزدەگى ءتۇبىرلى تياناعىمىز ەكەندىگىن شىنايى سەزىندىك.
تاريحقا قايىرىلا قاراساق، بىرىنشىدەن كەدەي، ەكىنشىدەن اق بولۋ نەگىزىندە دەربەس تە ءبىرشاما كەمەلدى ونەركاسىپ جۇيەسىن قۇرىپ شىعۋدان ”ەكى بومبى، ءبىر جاساندى سەرىك“، ايدى بارلاۋ ينجەنەرياسى سياقتى كەلەلى عىلىم - تەحنولوگيالىق سەرپىلىسكە قول جەتكىزۋگە دەيىن، سانشيا ينجەنەرياسى، گازدى باتىستان شىعىسقا جەتكىزۋ، وڭتۇستىكتىڭ سۋىن سولتۇستىككە باستاۋ سياقتى كەلەلى نىسان قۇرىلىستارىن ورىنداۋدان پارتيا 18 - قۇرىلتايىنان بەرى كۇش - قۋاتتى شوعىرلاندىرا وتىرىپ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە، مۇلدەم كەدەيلىك ماسەلەسىن تاريحي سيپاتتى شەشۋگە، دۇنيە جۇزىندە كولەمى ەڭ ۇلكەن وقۋ - اعارتۋ جۇيەسىن، قوعامدىق قامتاماسىزداندىرۋ جۇيەسىن، ەمدەۋ - دەنساۋلىق ساقتاۋ جۇيەسىن ورناتۋعا دەيىن…
بەس جىلدىق جوبانى جاساۋ جانە اتقارۋ ارقىلى ءبىر توپ كەلەلى مىندەتتەر، كەلەلى نىساندار، كەلەلى ينجەنەريالار كەزەڭگە ءبولىپ ورنالاستىرىلىپ، ءار جاقتىڭ بايلىعى مەن كۇشى جۇمىلدىرىلىپ، ۋاعىندا ورىندالىپ، ەكونوميكالىق، قوعامدىق دامۋ مەن مەملەكەتتىڭ ءار جاقتاعى قۇرىلىسىنا پارمەندى تىرەك بولدى.
ءتۇزىم ارتىقشىلىعىنان ”15 - بەسجىلدىق“ ستراتەگيالىق جوسپارىنا كوز جىبەرسەك، ەلىمىزدىڭ سوتسياليستىك ءتۇزىم ارتىقشىلىعىنىڭ ماڭىزدى ءبىر جاعى − كۇش - قۋاتتى شوعىرلاندىرىپ ءىرى ىستەر تىندىرۋ بولدى، بەس جىلدىق جوبانى جاساۋدا جانە اتقارۋدا وسى ابزالدىلىق اناعۇرلىم تولىق ساۋلەلەندىرىلىپ، ءتۇزىم سەنىمىمىزدى اناعۇرلىم بەكەمدەدى، جۇڭگو ۇلگىسىندەگى وسىزامانداندىرۋ جولىن بويلاپ، قايراتتانا ىلگەرىلەپ، ءسوزسىز، جەڭىسكە جەتۋ سەنىمىمىزدى نىعايتتى.
”15 - بەسجىلدىق“ مەزگىلىندە ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلەدى. وسىزاماندانعان كاسىپ سالاسى جۇيەسىن قۇرىپ، ناقتى ەكونوميكا نەگىزىن بەكەمدەپ، زورايتۋ بولسىن، الدە ءتول جاسامپازدىق پەن شەشۋشى، وزەكتى تەحنولوگيادان قامال الۋدى كۇشەيتىپ، جوعارى دەڭگەيلى عىلىم - تەحنولوگيادا ءوز كۇشىنە سۇيەنۋ، ءوزىن الۋەتتەندىرۋدى جەدەلدەتۋ بولسىن... ”15 - بەسجىلدىق“ جوبا ۇسىنىسىندا جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە كەلەلى جەتەكتەۋ، دەم بەرۋ، تىرەك بولۋ رولىنا يە ءبىر توپ ستراتەگيالىق مىندەتتەر ورنالاستىرىلدى. جاڭا ءىس جۇزىندىكپەن ۇشتاستىرا وتىرىپ، ساياسي ابزالدىلىقتى ساۋلەلەندىرىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن ويداعىداي دايەكتىلەندىرىپ، تياناقتاندىرىپ، باسىمدىقتاردى بەكەمدەپ، كەڭەيتىپ، بوگەتتىك تەجەمدەردى تالقانداپ، ولقىلىقتاردى، ءالسىز تۇستاردى تولىقتاپ، كۇشەيتسەك، ءسوز جوق، باستان - اياق ستراتەگيالىق ىرىقتىلىققا قول جەتكىزىپ، دامۋ ىرىقتىلىعىن يگەرە الامىز.
ءبىر عاسىردان ارتىق ۋاقىت جالعاسقان بوران - شاشىنعا تولى بارىستا بۇگىنگى جۇڭگو كوممۋنيستىك پارتياسى ءجۇز ميلليونداعان حالىقتى باستاپ جاڭا ۇزاق جورىق جولىندا العا ىلگەرىلەۋدە. الدىڭعى جاقتا داۋىلدى تولقىندار، ءتىپتى، دۇلەي تولقىندار بولسا دا، ءبىز اناعۇرلىم سەنىمدى دە بايسالدى بولامىز: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا ساياسي ابزالدىلىقتى باسقارۋ ونىمدىلىگىنە، دامۋ پوتەنسيال ەنەرگياسىنا اينالدىرساق بولعانى، جۇڭگو ۇلگىسىندەگى وسىزامانداندىرۋ جالپى جاعدايىنا ساياتىن ستراتەگيالىق مىندەتتەردە كەلەلى سەرپىلىستەرگە قول جەتكىزۋدى ىلگەرىلەتە الامىز، نىسانامىز، ءسوز جوق، جۇزەگە اسادى. بۇل − تاريحي بورىش ءارى تاريحي زاڭدىلىق.
(شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى)
