شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى. يدەيا ۇلى كۇشىن ءتۇسىنىپ، زاڭمەن باسقارىلاتىن جۇڭگو قۇرۋ. پارتيا 18 - قۇرىلتايىنان بەرى، باس شۋجي شي جينپيڭ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ستراتەگيالىق بيىگىندە تۇرىپ، مەملەكەتتى جاپپاي زاڭمەن باسقارۋ، زاڭمەن باسقارىلاتىن جۇڭگو قۇرۋ ۇلى امالياتىنا باسشىلىق ەتۋ بارىسىندا ءبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى جاسامپازدىقپەن العا قويىپ، شي جينپيڭ زاڭمەن باسقارۋ يدەياسىن قالىپتاستىردى. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى رەتىندە، شي جينپيڭ زاڭمەن باسقارۋ يدەياسى جاڭا داۋىردە مەملەكەتتى جاپپاي زاڭمەن باسقارۋدىڭ ءتۇبىرلى بويسۇنۋ ولشەمى جانە ارەكەت باعدارناماسى بولىپ، ەلىمىزدىڭ سوتسياليستىك زاڭمەن باسقارۋ قۇرىلىسىندا تاريحي تابىسقا جەتۋىنە، تاريحي وزگەرىس تۋدىرۋىنا جەتەكشىلىك ەتتى.
شي جينپيڭ زاڭمەن باسقارۋ يدەياسىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ءۇشىن، ورتالىق راديو - تەلەۆيزيا باس ستانسياسى ورتالىق كوميتەت ساياسي - زاڭ كوميتەتىمەن، ورتالىق مەملەكەتتى جاپپاي زاڭمەن باسقارۋ كەڭسەسىمەن، جۇڭگو زاڭ عىلىمى قوعامىمەن بىرلەسىپ، 8 ءبولىمدى كولەمدى ارناۋلى تاقىرىپتىق باعدارلاما «شي جينپيڭ زاڭمەن باسقارۋ يدەياسى جونىندەگى جەلىلەس تۇسىندىرمە وقۋدى» بىرگە جاساپ شىعاردى. باعدارلاما نازاردى باس شۋجي شي جينپيڭنىڭ مەملەكەتتى جاپپاي زاڭمەن باسقارۋ جونىندەگى ماڭىزدى بايىمداۋلارىنا شوعىرلاندىرىپ، ”ءداۋىر تاقىرىبى“، ”يدەيالىق جەتەكشىلىك“، ”زاڭ ارقىلى الەمدى تىنىشتاندىرۋ“ سىندى ءۇش بولىك ورنالاستىرىپ، ەلىمىزدىڭ زاڭمەن باسقارۋ قۇرىلىسى سالاسىنداعى باسشى كادرلاردى، مامان - وقىمىستىلاردى تۇسىندىرمە وقۋ سيلى قوناعى رەتىندە ەرەكشە ۇسىنىس ەتىپ، نەگىزگى ساتىداعى جاڭالىق اشۋ امالياتتىق مىسالىمەن ۇشتاستىرىپ، شي جينپيڭ زاڭمەن باسقارۋ يدەياسىنىڭ كەلەلى ءمانىن، رۋحاني ناقتى ءمانىن، باي مازمۇنىن جانە امالياتتىق تالابىن ىشكەرىلەي ءتۇسىندىرىپ، شي جينپيڭ زاڭمەن باسقارۋ يدەياسىنىڭ زاڭمەن باسقارىلاتىن جۇڭگو قۇرىلىسىنا جەتەكشىلىك ەتۋدە ۇزدىكسىز جاڭا جاعداي اشقان جاندى امالياتىن جاندى بەينەلەپ، ەكونوميكانىڭ جەدەل دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ جاڭا تاراۋىن ۇزدىكسىز جازۋ ءۇشىن قويۋ زاڭمەن باسقارۋ رايىن قالىپتاستىردى.
باعدارلاما 2026 - جىلى 1 - ايدىڭ 21 - كۇنىنەن باستاپ ءار كۇنى كەشكى ساعات 8دە باس ستانسيانىڭ ورتالىق تەلەۆيزياسى امبەباپ ارناسىندا تۇڭعىش رەت قويىلادى، قوعام جانە زاڭ ارناسىندا كەلەسى كۇنى كەشكى ساعات 8دە قايتالاي قويىلادى ءارى ورتالىق تەلەۆيزيا حابارلارى، ورتالىق تەلەۆيزياسى بەينەجازباسى، ورتالىق تەلەۆيزيا سايتى سياقتى جاڭا مەديا تۇعىرلارىندا ءبىر ۋاقىتتا قويىلادى.
