”15 - بەسجىلدىقتىڭ“ باستاما جىلىنداعى ءبىرىنشى ساباقتا باس شۋجي شي جينپيڭ ءتورتىنشى جالپى ءماجىلىستىڭ رۋحىن جان - جاقتى، تەرەڭ، دالمە - ءدال يگەرۋ جونىندە قايتالاي ورنالاستىرۋ جاسادى
شينحۋا اگەنتتىگىنىڭ ءتىلشىسى گاۋ لەي
”15 - بەسجىلدىقتىڭ“ باستاما جىلىندا 1 - ايدىڭ 20 - كۇنى تۇستەن بۇرىن ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسى ورتالىق كوميتەت پارتيا مەكتەبىندە (مەملەكەتتىك اكىمشىلىك شۋەيۋانى) وقۋ باستادى.
”شەشۋشى ازشىلىققا“ باعىتتاي وتىرىپ، باس شۋجي شي جينپيڭ جاڭا جىلدىڭ العاشقى ساباعىن سويلەپ، ”پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋدى“ تالاپ ەتتى.
جالپى ءماجىلىستىڭ رۋحىن قالاي ءتۇسىنۋ جانە يگەرۋ كەرەك؟ باس شۋجي جان - جاقتى، تەرەڭ، دالمە - ءدال دەگەن 3 شەشۋشى ءسوزدى باسا دارىپتەدى.
”جان - جاقتى بولۋ دەگەنىمىز جالپى ءماجىلىس رۋحىن جالپى جاعداي كوز اياسىنان ءتۇسىنۋ“.
جالپى ءماجىلىس قاراپ ماقۇلداعان ”15 - بەسجىلدىق“ جوبا ۇسىنىسى − الداعى بەس جىلداعى ەكونوميكالىق، قوعامدىق دامۋدىڭ ءار جاعىنا ساياتىن باس تۇعىرناما، ونىڭ ءوزى پارتيا ورتالىق كوميتەتىنىڭ جۇيەلى وي جەلىسىن ايگىلەگەن. ءبىز ءتۇسىنىپ ءبىلۋ جانە تياناقتاندىرىپ ىلگەرىلەتۋ بارىسىندا جۇيەلى تۇردە كوز جىبەرىپ، بايلانىستىرا كوز جىبەرىپ، ءتۇرلى ورنالاستىرۋلاردى ءبىر تۇتاس تۇلعا رەتىندە يگەرۋىمىز كەرەك، ءبىر جاعىنا ءمان بەرىپ، ەندى ءبىر جاعىن ەلەۋسىز قالدىرۋىمىزعا بولمايدى.
”تەرەڭ بولۋ دەگەنىمىز ونىڭ سولاي ەكەنىن بىلۋمەن بىرگە، نە ءۇشىن سولاي بولاتىنىن ءبىلۋ“.
”15 - بەسجىلدىق“ جوبا ۇسىنىسى باس شۋجي شي جينپيڭنىڭ جەتەكشىلىگىندە ءار جاقتىڭ اقىل - پاراساتىن شوعىرلاندىرىپ، قايتا - قايتا وي ەلەگىنەن وتكىزۋ، بارىنشا ىقشامداۋ ارقىلى قالىپتاسقان. ۇيرەنۋ، دايەكتىلەندىرۋ بارىسىندا، ءسوز جوق، ءارى نە ەكەندىگىن ءتۇسىنۋ، ءارى نە ءۇشىن ەكەندىگىن، قالاي ىستەۋ كەرەكتىگىن ءتۇسىنىپ، شىن مانىندە جەتە ۇعىنۋ، تالعام جاساماي قابىلداي بەرۋدەن، شالا - شارپى تۇسىنۋدەن، تياناقتاندىرۋ ونىمدىلىگىنە ىقپال جەتكىزۋدەن ساقتانۋ كەرەك.
”دالمە - ءدال بولۋ دەگەنىمىز ساياساتتىڭ شەگى مەن ولشەمىن دالمە - ءدال يگەرۋ“.
بۇل تالاپ باس شۋجي شي جينپيڭنىڭ تاياۋدا اشىلعان ورتالىقتىڭ ەكونوميكالىق قىزمەت ماجىلىسىندە جانە ورتالىق ءتارتىپ تەكسەرۋ كوميتەتىنىڭ جالپى ماجىلىسىندە باسا دارىپتەگەن ”جەرگىلىكتى جاعدايعا قاراي ىستەۋمەن“ تىعىز قاتىستى. پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا، ءسوز جوق، قىزمەت امالياتىمەن، جەر - جەردىڭ ناقتى جاعدايىمەن ۇشتاستىرىپ، ءارى قاز - قالپىندا دايەكتىلەندىرۋ، تياناقتاندىرۋ، ءارى دايەكتىلەندىرۋدىڭ، تياناقتاندىرۋدىڭ ءونىمدى ءادىسى مەن جولى جونىندە مۇقيات ىزدەنىس جاساپ، ىستەۋگە تيىستىلەرىن، ءسوز جوق، ىستەۋدى، ىستەۋگە بولاتىندارىن قۇلشىنا ىستەۋدى، ىستەمەۋگە تيىستىلەرىن استە ىستەمەۋدى ورىنداۋ كەرەك.
وسى 3 تالاپ ءبىر - بىرىمەن بايلانىسادى ءارى ساتى بويىنشا ىلگەرىلەيدى، باس شۋجي شي جينپيڭنىڭ قالىڭ پارتيالى كادرلار ءۇشىن العا قويعان ۇيرەنۋ ءادىسى، ايقىن كورسەتكەن تياناقتاندىرۋ جولى − جەر - جەردىڭ، تاراۋلاردىڭ جالپى ءماجىلىستىڭ رۋحىن تياناقتاندىرۋ ونىمدىلىگىن ولشەيتىن ماڭىزدى ولشەم.
ارقاۋدى ۇستاعاندا اۋماقتى وڭاۋعا، نەگىزدى مىقتى يگەرگەندە باسقالارىن جونگە سالۋعا بولادى. تانىم نازارياسىن، ادىستەمەنى تۇسىندىرۋمەن بىرگە، باس شۋجي شي جينپيڭ تاعى جالپى ءماجىلىس رۋحىن دايەكتىلەندىرۋ، تياناقتاندىرۋ جونىندە قىزمەت ءتۇيىنىن بەلگىلەدى.
وسىزاماندانعان كاسىپ سالاسى جۇيەسىن قۇرىپ، كاسىپ سالاسى جۇيەسىنىڭ جالپى تۇلعالىق جاقتان جوعارىلاۋىن جۇزەگە اسىرۋ كەرەك −
”15 - بەسجىلدىق“ جوبا ۇسىنىسىندا ”جۇڭگو ۇلگىسىندەگى وسىزامانداندىرۋدى ىلگەرىلەتۋدە كەلەلى جەتەكشىلىك، قوزعاۋشىلىق، تىرەكتىك رول اتقاراتىن ستراتەگيالىق مىندەتتەر“ جونىندە ورنالاستىرۋ جاسالدى. 12 ءتۇرلى ستراتەگيالىق مىندەتتىڭ ىشىندە ”وسىزاماندانعان كاسىپ سالاسى جۇيەسىن قۇرىپ، ناقتى ەكونوميكانىڭ نەگىزىن بەكەمدەۋ، زورايتۋ“ ماڭداي الدى ورىندا تۇرادى. ءتارتىپتى ورنالاستىرۋدىڭ استارىندا تەرەڭ ستراتەگيالىق تولعانىس بەينەلەنگەن. وسى رەتكى ماڭىزدى سوزىندە باس شۋجي شي جينپيڭ وسى ماڭىزدى ءتۇيىندى تاعى دا باسا دارىپتەدى.
وسىزاماندانعان كاسىپ سالاسى جۇيەسى − جۇڭگو ۇلگىسىندەگى وسىزامانداندىرۋدىڭ زاتتىق، تەحنولوگيالىق نەگىزى. حالىقارالىق تاجىريبەلەر كاسىپ سالاسى جۇيەسىن وسىزامانداندىرۋ ەجەلدەن ءار ەلدىڭ وسىزاماندانۋىنىڭ تەتىگى ەكەندىگىن اڭعارتتى. بەرتىنگى جىلدارى ەلىمىز ەكونوميكاسىنىڭ قىسىمعا توتەپ بەرىپ، العا باسۋىنىڭ تەتىگى ەلىمىزدىڭ كولەمى زور، جۇيەسى تولىق، باسەكەلىك قۋاتى ءبىرشاما كۇشتى كاسىپ سالاسى جۇيەسىن قۇرعاندىعىندا، بىرلەسكەن مەملەكەتتەر ۇيىمىنىڭ كاسىپ سالاسى تۇرلەرىندەگى بارلىق ونەركاسىپ تۇرىنە يە مەملەكەت بولعاندىعىندا.
وسىزاماندانعان كاسىپ سالاسى جۇيەسىنىڭ تىرەگى − وزىق جاساۋ كاسىبى. قازىر دۇنيە ءجۇزىنىڭ 100 جىلدىق وزگەرىسى جەدەل قۇبىلىپ، جاڭا كەزەكتى عىلىم - تەحنولوگيا توڭكەرىسى مەن كاسىپ سالاسى وزگەرىسى جەدەل سەرپىلىس جاساپ، جاساۋ كاسىبىنىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلىپ وتىر، تەجەۋ، قىسىم كورسەتۋ كۇشەيىپ، باسەكە كۇن سايىن شيەلەنىسىپ، قۋىپ جەتۋ قادامى تەزدەدى. سونىمەن بىرگە ەلىمىزدىڭ جاساۋ كاسىبى جالپى تۇلعالىق جاقتان ۇلكەن بولعانىمەن، كۇشتى ەمەس، ۇلكەننەن كۇشتى بولۋعا قاراي بۇرىلىس جاساۋدىڭ ماڭىزدى كەزەڭ مەزگىلىندە تۇر.
وسى رەت باس شۋجي شي جينپيڭ ”جاساۋ كاسىبىنىڭ ۇيلەسىمدى ارا سالماعىن ساقتاپ، وزىق جاساۋ كاسىبىن زور كۇشپەن دامىتۋ كەرەك“ دەگەندى ەرەكشە العا قويدى.
وتكەن ءبىر جىلدا باس شۋجي جاساۋ كاسىبىن كوپ رەت جۇمىس باسىندا تەكسەردى: 1 - ايدا لياۋنيڭنىڭ بىنگاڭىندا قىزمەت تەكسەرگەندە ”كونە كاسىپورىننىڭ دا جوعارى دەڭگەيلىلەنۋىنە، زەردەلىلەنۋىنە، جاسىلدانۋىنا بولادى“ دەگەندى العا قويدى؛ 5 - ايدا حىناننىڭ لوجوۋىندا قىزمەت تەكسەرگەندە كاسىپتى دامىتۋعا تاباندى بولۋ سىندى ”وسى جولمەن جۇرگەنىمىز دۇرىس بولدى“ دەپ تەبىرەندى؛ 7 - ايدا سانشيدىڭ ياڭفاسىندا قىزمەت تەكسەرگەندە ”بازار قاجەتىن يگەرىپ، عىلىم - تەحنولوگيادا جاڭالىق اشۋدى كۇشەيتۋدى“ دارىپتەدى...
وسى رەت باس شۋجي شي جينپيڭ ”زەردەلىلەندىرۋ، جاسىلداندىرۋ، توعىستىرۋ بەتالىسىنا تاباندى بولۋ“، ”عىلىم - تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتۋ“ سياقتى شارالاردى العا قويىپ، ەلىمىزدىڭ جاساۋ كاسىبىنىڭ تيپ جاڭالاپ دارەجەسىن جوعارىلاتۋدى ىلگەرىلەتۋدىڭ امالياتتىق جولىن اناعۇرلىم ايقىندادى. جاڭا دامۋ ارناسىن جەدەل قالىپتاستىرۋ كەرەك −
ءىرى ەل ەكونوميكاسىنىڭ ەرەكشەلىگى تۇگەل ىشكى سۇرانىستى جەتەكشى ەتۋ، ىشكى مۇمكىندىك اينالىمى سانالادى. ەل ءىشى ۇلكەن اينالىمىن كۇشەيتىپ، ەل ءىشى، حالىقارا سىندى قوس اينالىمدى ىركىلىسسىزدەندىرۋ − ءبىزدىڭ دامۋ ىرىقتىلىق ۇقىعىن يگەرىپ، حالىقارالىق سەلبەستىك پەن باسەكەدە جاڭا باسىمدىق قالىپتاستىرۋىمىزداعى ستراتەگيالىق شارا.
بۇل جولعى ماڭىزدى سوزىندە باس شۋجي شي جينپيڭ ەلىمىزدىڭ جاڭا دامۋ ارناسىن جەدەل قالىپتاستىرۋداعى شارت - جاعدايىن جانە باسىمدىعىن ايقىن كورسەتتى: جان سانى كوپ، بازارى ۇلكەن، كاسىپ سالاسى تولىق، دامۋ قوزعالىس قۋاتى كۇشتى.
2013 - جىلدان 2024 - جىلعا دەيىن، ەلىمىز ەكونوميكاسى ورتا ەسەپپەن جىلىنا ％1. 6تىك ارتۋدى ساقتاپ، ىشكى سۇرانىستىڭ ەكونوميكانىڭ ارتۋىنا قوسقان ۇلەسى ورتا ەسەپپەن ％1. 93كە جەتتى. ”15 - بەسجىلدىق“ مەزگىلىندە ءبىز، ءسوز جوق، ىشكى سۇرانىستى كەڭەيتۋ سىندى وسى ستراتەگيالىق نەگىزگى تۇيىنگە تاباندى بولىپ، جاڭا قوزعالىس قۋاتىن جەتىلدىرۋدى جەدەلدەتۋ، ەكونوميكا قۇرىلىمىن ساپالىلاندىرۋدى، دەڭگەيىن جوعارىلاتۋدى جەبەۋ سياقتى جاقتاردا اناعۇرلىم زور ناتيجەگە قول جەتكىزىپ، ەل ءىشى ۇلكەن اينالىمىنىڭ ىشكى ورنىقتىلىعى مەن ۇزاق ۋاقىتتىق ءوسىپ - جەتىلگىشتىگى ارقىلى حالىقارالىق اينالىمنىڭ ايقىنسىزدىعىنا توتەپ بەرۋىمىز كەرەك.
سونىمەن بىرگە ءبىز، ءسوز جوق، الەمدىك بازاردىڭ الدەقاشان ءبىر - بىرىمەن بىتە قايناسقان تۇتاس تۇلعا ەكەندىگىن كورە ءبىلۋىمىز كەرەك. حالىقارالىق ورتا قانشالىقتى كۇردەلى بولعان سايىن، ءبىز قۇشاعىمىزدى سونشالىقتى كەڭ جايىپ، ەسىكتى ايقارا اشىپ، حالىقارالىق اينالىمدى كەڭەيتۋ ارقىلى ەل ءىشىنىڭ رەفورما، دامۋ ومىرشەڭ كۇشىن كۇشەيتىپ، ىشكى - سىرتقى ۇلاستىرۋدى، ءوزارا جەبەپ بىرگە ىلگەرىلەۋدى قۇلشىنا جۇزەگە اسىرۋىمىز كەرەك.
ەكونوميكالىق دامۋ مەن قوعامدىق دامۋدى سايكەستى بىرگە ىلگەرىلەتۋ كەرەك −
ەلىمىزدە ەجەلدەن ”حالىقتى بايىتۋ“، ”حالىقتى بايىتىپ مەملەكەتتى قۇدىرەتتەندىرۋ“ ءداستۇرى بار. جۇڭگو ۇلگىسىندەگى وسىزامانداندىرۋ قۇرىلىسى بارىسىندا ەكونوميكانىڭ گۇلدەنىپ، دامۋى، قوعامنىڭ جاپپاي العا باسۋى ءبىرىن - ءبىرى تولىقتايدى، بىرەۋى كەم بولسا بولمايدى.
قوعامدىق دامۋدى جەبەۋدىڭ ءتۇيىنى حالىق تۇرمىسىن جاقسارتۋدا. ”15 - بەسجىلدىق“ جوبا ۇسىنىسىندا باسا دارىپتەلگەن ”حالىق تۇرمىسىنا تيىمدىلىك جاساۋ مەن تۇتىنۋدى جەبەۋدى، زاتقا قارجى قوسۋ مەن ادامعا قارجى قوسۋدى تىعىز ۇشتاستىرۋعا تاباندى بولۋ“ − حالىق تۇرمىسىن جاقسارتۋ مەن ەكونوميكانى دامىتۋ سىندى ەكى جاقتاعى قىزمەتتى ساباقتاستىرۋدىڭ شەشۋشى شاراسى.
باس شۋجي شي جينپيڭ مىنانى ايقىن تالاپ ەتتى: ”حالىق تۇرمىسىن جاقسارتۋدى قوعامدىق دامۋدى جەبەۋدىڭ ءتۇيىنى ەتىپ، ەكونوميكانى دامىتۋمەن بىرگە، حالىقتىڭ تۇرمىس ساپاسىن ورنىقتى جوعارىلاتۋ كەرەك“.
بۇل جەر - جەردەن، تاراۋلاردان ءىس جۇزىندىك قىزمەت بارىسىندا، ءبىر جاعىنان، شىندىقتى ءىس جۇزىنەن ىزدەۋگە تاباندى بولىپ، شامانىڭ جەتىسىنشە ىستەۋمەن بىرگە، شاماعا قاراي ىستەپ، قوعامدىق قامتاماسىزداندىرۋ دەڭگەيىن جوعارىلاتۋدى ەكونوميكا مەن قازىنالىق قۋاتتى باياندى ارتتىرۋ نەگىزىندە ورناتۋدى؛ ەندى ءبىر جاعىنان، حالىق تۇرمىسىن جاقسارتۋ مەن ىشكى سۇرانىستى كەڭەيتۋدىڭ ۇشتاسۋ ءتۇيىنىن ءداپ باسىپ تاۋىپ، حالىقتىڭ قۇت - ىرىسىن ارتتىرۋ بارىسىندا ەكونوميكانىڭ جاڭا ارتۋ ءتۇيىنىن جەتىلدىرۋدى تالاپ ەتەدى.
”15 - بەسجىلدىق“ مەزگىلىندە ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىس قاتار ءومىر سۇرگەن، ايقىنسىز، بولجاۋ قيىن فاكتورلار كوبەيگەن مەزگىلدە تۇرادى. حالىقارالىق جاعداي، جاڭا كەزەكتى عىلىم - تەحنولوگيا توڭكەرىسى مەن كاسىپ سالاسى وزگەرىسى سياقتى ءىشىنارا شەشۋشى فاكتورلاردا تىڭ وزگەرىستەر تۋىلۋدا. وسى كەزەڭدەگى قىزمەتتىڭ ءبىر ۇلكەن ەرەكشەلىگى − ايقىنسىز ورتادا ايقىن ءىستى ويداعىداي ىستەۋ.
ءدال باس شۋجي شي جينپيڭ ايتقانداي، ”جالپى جاعدايدى كوكەيگە ءتۇيىپ، بيىكتە تۇرىپ الىسقا كوز جىبەرىپ، ستراتەگيا جاعىندا تاباندىلىقتى ساقتاپ، تاكتيكا جاعىندا دەن قويا جوسپارلاپ، ەلىمىز دامۋىنىڭ ايقىندىلىعى مەن باياندىلىعىن ۇزدىكسىز كۇشەيتۋىمىز كەرەك“.
ءتورتىنشى جالپى ءماجىلىستىڭ رۋحىن جان - جاقتى، تەرەڭ، دالمە - ءدال ءتۇسىنىپ جانە يگەرىپ، يدەيانى اناعۇرلىم ويداعىداي بىرلىككە كەلتىرىپ، زەيىن - زەردەنى، كۇش - قۋاتتى ۇيىستىرىپ، باس شۋجي شي جينپيڭ ايقىن نۇسقاعان وي جەلىسىن، ءادىستى جانە قىزمەتتىڭ ماڭىزدى تۇيىندەرىن مىندەت اتقارىپ جاۋاپكەرشىلىكتى ادا ەتۋدىڭ كۇش سالۋ تۇيىنىنە اينالدىرعاندا عانا ۇيرەنۋ جەتىستىكتەرىن ناقتى ىستەۋگە، ناقتى ناتيجەگە شىن مانىندە اينالدىرىپ، ”15 - بەسجىلدىقتى“ جاقسى باستاۋدى قۇلشىنا جۇزەگە اسىرا الامىز.
(شينحۋا اگەنتتىگىنىڭ 1 - ايدىڭ 20 - كۇنى بەيجيڭنەن بەرگەن حابارى)
