قابىلەتتى، ورەنى جوعارىلاتىپ، ناقتى ىستەۋ ونەرىن كۇشەيتۋ كەرەك
− باس شۋجي شي جينپيڭنىڭ ولكە، مينيسترلىك دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”15 - بەسجىلدىق“ مەزگىلىندەگى نىسانا - مىندەتتەردى ءساتتى ورىنداۋدا، ءسوز جوق، پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن ورەسىن كۇش سالا جوعارىلاتۋ كەرەك“. ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا باس شۋجي شي جينپيڭ جۇڭگو ۇلگىسىندەگى وسىزامانداندىرۋدىڭ جالپى جاعدايى بيىگىنەن ءار دارەجەلى كادرلارعا، اسىرەسە، باسشى كادرلارعا ايقىن تالاپتار قويىپ، ”ۇيرەنۋدى ونان ارى كۇشەيتۋدى“، ”دۇرىس ناتيجە كوزقاراسىن ورناتۋدى جانە امالياتتا ايگىلەۋدى“، ”كۇرەس جاساۋ رۋحىن زور كۇشپەن اسقاقتاتۋدى“، ”شىرىكتەسۋگە قارسى تۇرۋدىڭ تەگەۋرىندى كۇيىن ساقتاۋدى“ باسا دارىپتەدى.
ءار جولعى كەلەلى تاريحي ساتتەردىڭ بارىندە پارتيامىز بۇكىل پارتيانى ۇيرەنۋدى كۇشەيتۋگە ۇندەپ كەلەدى. قابىلەتتى جانە ورەنى جوعارىلاتۋدا، اۋەلى، نازاريامەن قارۋلانۋدى كۇشەيتۋ كەرەك.
”15 - بەسجىلدىق“ مەزگىلىندە ”جۇڭگو ۇلگىسىندەگى وسىزامانداندىرۋدىڭ جالپى جاعدايىنا ساياتىن ستراتەگيالىق مىندەتتەردە كەلەلى سەرپىلىستەرگە قول جەتكىزۋدى ىلگەرىلەتۋ“ قالىڭ پارتيا مۇشەلەرىنە، كادرلارعا ساپانى، قابىلەتتى جوعارىلاتۋ جونىندە ءتىپتى دە جوعارى تالاپتار قويدى. قازىر عىلىم - تەحنولوگيادا جاڭالىق اشۋ ۇشقان قۇستاي دامىپ، قوعامدىق وزگەرىس كەڭ دە تەرەڭ بولىپ، جاڭا بولمىستار تولاسسىز جارىققا شىعۋدا. ”قالتاڭ كىشكەنە بولسا، ۇلكەن نارسە سالا المايسىڭ، ارقانىڭ قىسقا بولسا، تەرەڭ قۇدىقتان سۋ الا المايسىڭ“. ءمۇبادا، ءبىلىم تاياز، كوز ايا تار، قابىلەت ءالسىز بولسا، كۇردەلى جاعدايعا ءدوپ كەلسە، لاجى قۇرىپ، ىشتەي ۇرەيلەنىپ، قايتىپ ورايدى مىقتى يگەرە السىن، جاڭا جاعداي اشا السىن؟
قابىلەتى جەتكىلىكسىز بولۋعا، ”قابىلەت داعدارىسىنا“ توتەپ بەرۋدە ۇيرەنۋ كىرىسۋ ءتۇيىنى سانالادى. پارتيانىڭ جاسامپازدىق نازارياسى − سۋبيەكتيۆ دۇنيەنى وزگەرتۋدەگى ”ازىق“، وبيەكتيۆ دۇنيەنى وزگەرتۋدەگى ”كىلت“. قالىڭ پارتيالى كادرلار شي جينپيڭ جاڭا ءداۋىر جۇڭگوشا سوتسياليزم يدەياسىنان زاڭدىلىقتى ءتۇسىنىپ، بەتالىستى ايقىنداپ، ءادىس ۇيرەنىپ، اقىل - پاراساتتى ارتتىرىپ، ەرەك ونەردى، پارتيانى گۇلدەندىرۋ ونەرىن، مەملەكەتتى قۇدىرەتتەندىرۋ ونەرىن ۇيرەنىپ، پارتيا ورتالىق كوميتەتىنىڭ ءىرى باعىت - ساياساتتارىن جانە شەشىمدەرىن، ورنالاستىرۋلارىن جەتە ءتۇسىنىپ، ساياسي قابىلەتتى جانە ستراتەگيالىق ويلاۋ قابىلەتىن جوعارىلاتۋى كەرەك. نە ىستەسە سونى ۇيرەنۋگە، نە كەم بولسا سونى تولىقتاۋعا تاباندى بولىپ، كاسىپتىك ءبىلىمدى اسىرىپ، كاسىپتىك ساپانى جوعارىلاتۋ كەرەك. ”ءارىبى بار كىتاپ“ وقۋ مەن ”ءارىبى جوق كىتاپ“ وقۋدى ۇشتاستىرىپ، وسىزامانداندىرۋ قۇرىلىسى ونەرىن اماليات بارىسىندا ۇزدىكسىز كۇشەيتۋ كەرەك.
ناتيجە كوزقاراسى ماسەلەسى ءتۇبىرلى سيپاتتى ماسەلە، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە سايادى. قابىلەتتى جانە ورەنى جوعارىلاتۋدىڭ تەتىگى دۇرىس ناتيجە كوزقاراسىن ورناتۋ جانە امالياتتا ايگىلەۋ.
بۇكىل جول بويى پارتيامىزدا جەكە مۇددە بولمادى، بيلىك جۇرگىزۋى حالىق ءۇشىن قىزمەت ەتۋ، سايىپ كەلگەندە، حالىقتى جاقسى تۇرمىسقا كەنەلتۋ ءۇشىن بولدى. يان - انداعى قىزىل الما حالىق ءۇشىن قىزمەت ەتۋ اۋەلگى ماقساتىنا كۋا، كەدەيلىكتەن ارىلتۋدان قامال الۋ شايقاسى ”كەدەيلەردى شىنايى سۇيەمەلدەۋ، ناعىز كەدەيلەردى سۇيەمەلدەۋ، ناعىز كەدەيلەردى كەدەيلىكتەن ارىلتۋ“ ناقتى ارەكەتىنە كۋا، كونە توڭكەرىستىك رايوندارعا، تاۋلى رايوندارعا دەيىن سالىنعان جوعارى قارقىندى تەمىر جول ”حالىق تۇرمىسى باقىت جولىنىڭ“ جۇرگەن سايىن كەڭەيە تۇسكەندىگىنە كۋا... حالىق ءۇشىن ناتيجە شىعارۋعا، ناقتى ءىس ىستەۋ ارقىلى ناتيجە شىعارۋعا تاباندى بولعاندىقتان، جالپى حالىقتىڭ بىرگە بايۋىن ىلگەرىلەتۋدە نىق قادام تاستالدى، پارتيا تىلەگى، حالىق تىلەگى بارىنشا ۇيىستى، حالىق بۇقاراسى پارتياعا وسكەلەڭ سەنىم ارتتى، پارتيانىڭ بيلىك جۇرگىزۋ نەگىزى اناعۇرلىم بەكەمدەلدى.
”15 - بەسجىلدىقتا“ كۇرەس جاساۋدا حالىقتى باقىتقا كەنەلتۋ − ءتۇبىرلى قۇن بەتالىسى. ءىس جۇزىندىكتى شىعار ءتۇيىن ەتۋگە، ءىستى زاڭدىلىق بويىنشا ىستەۋگە تاباندى بولىپ، عىلمي شەشىم جاساۋ جانە ناقتى، قاجىرلىلىقپەن ىستەۋ ارقىلى عانا اماليات پەن تاريحتىڭ سىنىنان وتە الاتىن، حالىققا شىنايى باقىت جاراتاتىن، بۇقارا جاپپاي مويىندايتىن ناتيجە جاراتۋعا بولادى. قالىڭ پارتيالى كادرلار پارتيالىلىق جاقتان پارىقتاردى تابۋعا، ءتۇپ تامىرىن قازۋعا، جەتىلىمدى كۇشەيتۋگە تاباندى بولىپ، ناتيجەگە ۇمتىلۋ جاعىندا ەلدەن وزگەشە كورىنۋ، كوپىرمەلىككە بوي ۇرۋ، جىلتىراقپەن كوز الداۋ، حالىقتى قالجىراتىپ، قازىنانى شاشۋ، جاڭا باسشى كونە ماسەلەنى ەلەپ - ەسكەرمەۋ سياقتىلاردى سانالىلىقپەن ءبىر جولاتا تيىپ، ناقتى ءىس ىستەۋ، ناقتى ناتيجە ارقىلى حالىقتى باقىتقا كەنەلتىپ، حالىقتىڭ سەنىمىنە يە بولۋى كەرەك.
جاڭا ساپار − جاڭا ۇزاق جورىق، ءسوز جوق، كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋگە قاي - قاشان دا دايىن تۇرۋ كەرەك. قابىلەت پەن ورەنى جوعارىلاتۋدا، ءسوز جوق، كۇرەس رۋحىن بارىنشا ساۋلەلەندىرۋ كەرەك.
كەزەكتە ەلىمىزدىڭ دامۋ ورتاسى تەرەڭ دە كۇردەلى وزگەرىستەرگە ءدوپ كەلىپ وتىر، ەكونوميكالىق، قوعامدىق دامۋداعى تەرەڭ قاتپارلى قايشىلىقتار مەن ماسەلەلەردەن جالتارۋعا، اينالىپ وتۋگە بولمايدى. العا باسۋ جولىنداعى ”لوۋشانگۋاندار“، ”لازىكوۋلار“ الدىندا ءبىز ستراتەگيالىق ىرىقتىلىقتى ساقتاپ، حاۋىپ - قاتەردى اڭعارۋ قابىلەتىمىزدى، بولجامپازدىق قابىلەتىمىزدى كۇشەيتۋمەن بىرگە، ءىستى ەرتە بايقاپ، تەز قيمىلداپ، باتىلدىقپەن كۇرەس جۇرگىزۋىمىز، شەبەرلىكپەن كۇرەس جۇرگىزۋىمىز كەرەك. قالىڭ پارتيالى كادرلار باتىلدىقپەن كەۋدە كەرىپ العا شىعىپ، قيىندىققا قارسى اتتانىپ، حاۋىپ - قاتەرمەن شايقاسۋعا، سىن - سايىستارعا قارسى اتتانۋعا، قيىندىقتى جەڭۋگە شەبەر بولىپ، حاۋىپ - قاتەر مەن كومەسكى قاتەرلەردى دەر كەزىندە باتىل الاستاپ، ءتيىمسىز فاكتورلاردى جاۋدى جەڭىپ، جەڭىسكە جەتۋدىڭ ءتيىمدى شارت - جاعدايىنا قۇلشىنا اينالدىرىپ، قايسارلىقپەن كۇرەس جۇرگىزۋ ارقىلى ىستەرىمىز دامۋىنىڭ جاڭا ءورىسىن اشۋ كەرەك.
”15 - بەسجىلدىقتىڭ“ نىسانا - مىندەتتەرىن جۇزەگە اسىرۋدا وزىنە - ءوزى توڭكەرىس جاساۋعا باتىل بولۋىمىز قامتاماسىزدىق، ءسوزسىز، تاباندىلىقپەن بۇلجىماي شىرىكتەسۋدى جازالاۋ.
شىرىكتەسۋ ساياسي ەكولوگيانى لاستاپ، دامۋ ورتاسىن بۇلدىرەدى. پارتيانى باسقارۋ، پارتيانى جونگە سالۋ نەعۇرلىم ءونىمدى بولعان سايىن، ەكونوميكالىق، قوعامدىق دامۋدى قامتاماسىزداندىرۋ سولعۇرلىم پارمەندى بولادى. قازىر شىرىكتەسۋگە قارسى كۇرەس جاعدايى ءالى قاتاڭ دا كۇردەلى، شىرىكتەسۋ ءوسىپ - ءوربيتىن توپىراق پەن شارت - جاعدايدى الاستاۋ مىندەتى ءالى ماشاقاتتى دا اۋىر. مىنە بۇل شىرىكتەسۋگە قارسى تۇرۋدىڭ تەگەۋرىندى كۇيىن باستان - اياق ساقتاپ، قادامدى توقتاتپاۋدى، جارتى قادام دا شەگىنبەۋدى، استە كوڭىلشەكتىك ىستەمەۋدى بەلگىلەدى. پارتيانىڭ ءتارتىبى مەن ءىس تىندىرىپ ناتيجە شىعارۋدىڭ ىشكى جاقتاعى بىرلىگىن ەستە بەرىك ساقتاپ، زاڭ - ەرەجە، ءتۇزىمنىڭ ”قاتاڭ تيىم“ بولىپ عانا قويماي، ونان دا ماڭىزدىسى، ”قورعاۋشى“ ەكەنىن تەرەڭ تانۋ، زاڭ - ءتارتىپتى ءتۇسىنۋ، قاعيدانى ايقىنداۋ، يمەنۋدى ءبىلۋ، جۇمىستى كىرشىكسىز ىستەۋ، جۇرەكتىلىكپەن ىستەۋ كەرەك.
جۇرگەنىمىز دۇنيەنىڭ دۇرىس جولى، ىستەگەنىمىز ادىلەتتى ءىس، بۇرىنعىلار ىستەپ كورمەگەن بولسا دا، تار جول، تايعاق كەشۋلەر كەزىكسە دە حالىقتى كوكەيگە ساقتاپ، قولىمىزدا اقيقاتتى ۇستاساق، بويىمىزدى سەنىم مەن كۇش كەرنەپ، بوران - شاشىننان جاسقانباي العا ىلگەرىلەي الامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، زەيىن - زەردەنى، كۇش - قۋاتتى شوعىرلاندىرىپ، اۋىر مىندەتتى ارقالاپ، قايراتتانا العا ۇمتىلساق، ءبىز، ءسوز جوق، ”15 - بەسجىلدىق“ ۇلى جوباسىن رەالدىققا اينالدىرا الامىز.
تاريح ناقتى ءىس ىستەۋشىلەردى ۇمىتسىزدەندىرمەيدى، تاريح ەجەلدەن اتويشىلارعا ءتان!
(شينحۋا اگەنتتىگىنىڭ 1 - ايدىڭ 22 - كۇنى بەيجيڭنەن بەرگەن حابارى)
