_ شينجياڭنىڭ باس شۋجي شي جينپيڭنىڭ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كەزدەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنگەندىگى، دايەكتىلەندىرگەندىگى جونىندە شولۋ
□ انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي
”15 ـ بەسجىلدىقتىڭ“ باستاما جىلىنىڭ جىل باسىندا تۇرىپ، وتكەن ٴبىر جىلعا قايىرىلا قاراساق، ٴمانىنىڭ ەرەكشە، سالماعىنىڭ ايرىقشا زور ەكەندىگىن اناعۇرلىم سەزىنەمىز.
وسى ٴبىر جىلدا ەڭ ەستەن كەتپەيتىنى، باس شۋجي شي جينپيڭنىڭ ورتالىق ۋاكىلدەر ۇيىرمەسىن باستاپ شينجياڭعا كەلىپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسىپ، تيانشان ۇلاندارىنا پارتيا ورتالىق كوميتەتىنىڭ مەيىرى مەن قامقورلىعىن جەتكىزىپ، سوتسياليستىك وسىزاماندانعان شينجياڭ قۇرۋعا تاماشا جوبا جاساعانى بولدى.
70 جىل تىنباي كۇرەس جاساۋ ارقىلى وتانىمىزدىڭ شينجياڭىندا وراسان زور وزگەرىستەر تۋىلدى. جاڭا جورىققا قادام تاستاعان شينجياڭ بورىشىن ارقالادى.
”جاڭا باستامادا اۆتونوميالى رايونداعى جانە بيڭتۋانداعى جولداستاردىڭ كۇش ۇستىنە كۇش قوسىپ، ۇزدىكسىز كۇرەس جۇرگىزىپ، قۇلشىنا ٴتۇرلى قىزمەتتى اناعۇرلىم ويداعىداي ىستەپ، شينجياڭنىڭ اناعۇرلىم كوركەم بولاشاعىن اشۋىن ٴۇمىت ەتەمىن“.
ىقىلاستى سوزدەر مەيىرگە تولى، ىقىلاستى تاپسىرمالار ۇمىتكە تولى ەدى. بۇكىل شينجياڭدا جوعارىدان تومەنگە دەيىن تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جۇڭگو ۇلگىسىندەگى وسىزامانداندىرۋ بارىسىندا ۇزدىكسىز جاڭا تاراۋ جازدى.
باس شۋجي نۇسقاعان بەتالىستى بويلاپ، بۇلجىماي العا ىلگەرىلەدى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيىنىڭ، مەملەكەت ٴتوراعاسىنىڭ، ورتالىق اسكەري ىستەر كوميتەتىنىڭ ٴتوراعاسىنىڭ ورتالىق ۋاكىلدەر ۇيىرمەسىن باستاپ شينجياڭعا كەلىپ شينجياڭ ۇيعۇر اۆتونوميالى رايونى قۇرىلعاندىعىن قۇتتىقتاۋ قيمىلىنا قاتىناسۋى پارتيا مەن مەملەكەت تاريحىندا تۇڭعىش رەت بولدى. بۇل پارتيا ورتالىق كوميتەتى مەن باس شۋجي شي جينپيڭنىڭ شينجياڭ قىزمەتىنە ايرىقشا ٴمان بەرەتىندىگىن، شينجياڭداعى ٴار ۇلت كادر بۇقاراسىنا شىنايى قامقورلىعىن تولىق ايگىلەدى.
شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ورىنعا يە، باس شۋجي شي جينپيڭ باستان ـ اياق ەستەن شىعارمادى، شينجياڭنىڭ ٴتۇرلى ىستەرىنىڭ دامۋىنا ايرىقشا كوڭىل ٴبولدى، شينجياڭداعى ٴار ۇلت حالقىنىڭ قۇت ـ ىرىسىن ايرىقشا كوڭىلىندە ساقتادى. ٴار رەت شينجياڭ دامۋدىڭ ماڭىزدى تۇيىنىنە، شەشۋشى ساتىنە جەتكەندە، باس شۋجي شي جينپيڭ تۇگەلدەي دەر كەزىندە شينجياڭ ٴۇشىن جاعداي باعامداپ، باعدار بەلگىلەدى، جول باستاپ، رول ۇستادى.
بۇل رەت شينجياڭعا كەلۋى _ باس شۋجيدىڭ پارتيا 18 ـ قۇرىلتايىنان بەرى وسى توپىراققا 4 ـ رەت اياق باسۋى. ٴار جولى شينجياڭنىڭ رەفورماسىن، دامۋىن، ورنىقتىلىعىن ىلگەرىلەتۋگە باعدار كورسەتىپ بەردى، ٴار جولى شينجياڭداعى ٴار ۇلت حالقىنىڭ اناعۇرلىم جاقسى تۇرمىس كەشىرۋى ٴۇشىن زەيىن ـ زەردەسىن، كۇش ـ قۋاتىن ارنادى.
بۇل رەت باس شۋجي قىزۋ قۇتتىقتاۋ جانە شىن جۇرەكتەن تىلەك ٴبىلدىرۋ ٴۇشىن كەلدى، جاڭا باستامادا سوتسياليستىك وسىزاماندانعان شينجياڭ قۇرىلىسىن ىلگەرىلەتۋ ٴۇشىن كەلدى.
تيانشان الابى شۋاقتى مەرەيگە بولەندى، شار تاراپ دۋماندى رايعا شومدى. 3 كۇن ۋاقىتتا باس شۋجي شينجياڭداعى ٴار ۇلت، ٴار سالا ۋاكىلدەرىن ىقىلاسپەن قابىلدادى، نەگىزگى تاقىرىپتىق جەتىستىكتەر كورمەسىن ەكسكۋرسيالادى، اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى، ادەبيەت ـ كوركەمونەر ساۋىق كەشىن كوردى، قۇتتىقتاۋ جينالىسىنا قاتىناسىپ، شينجياڭداعى ٴار ۇلت كادر ـ بۇقاراسىمەن ىقىلاستى اڭگىمەلەستى.
”مەن پارتيا ورتالىق كوميتەتى اتىنان شينجياڭداعى ٴار ۇلت كادر ـ بۇقاراسىن قىزۋ قۇتتىقتايمىن، ولارعا شىنايى سالەم جولدايمىن“.
”ٴبىزدىڭ ەسكە الۋداعى جانە رەتتەۋدەگى ماقساتىمىز شينجياڭنىڭ اۆتونوميالى رايون قۇرىلعاندىعىنىڭ 70 جىلدىعىن جاڭا باستاما ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋ ٴۇشىن“.
”زەيىن ـ زەردەنى شوعىرلاندىرىپ، كۇش ـ قۋاتتى ۇيىستىرىپ، ۇزدىكسىز قاجىماي كۇش سالىپ، قۇلشىنا ىنتىماقتى دا جاراسىمدى، گۇلدەنگەن ٴارى باي، وركەنيەتتى دە العا باسقان، تىنىش ٴومىر، شات ـ شادىمان تىرشىلىك كەشىرەتىن، ەكولوگياسى تاماشا سوتسياليستىك وسىزاماندانعان شينجياڭ قۇرۋ كەرەك“.
...
اۆتونوميالى رايون 70 جىلدا باسىپ وتكەن بارىسقا قايىرىلا قاراساق، پارتيانىڭ باسشىلىعى باستان ـ اياق وسىناۋ مەكەننىڭ گۇلدەنىپ ـ كوركەيۋىنىڭ، دامۋىنىڭ ٴتۇبىرلى كەپىلى بولىپ كەلدى.
پارتيا 18 ـ قۇرىلتايىنان بەرى، شينجياڭنىڭ ٴتۇرلى ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى، بۇل تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىنىڭ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى. اماليات ٴبىزدىڭ تەك باس شۋجي شي جينپيڭ نۇسقاعان بەتالىسپەن بۇلجىماي ەرلىكپەن العا باسساق بولعانى، ٴسوز جوق، شينجياڭنىڭ اناعۇرلىم كوركەم بولاشاعىن اشا الاتىندىعىمىزدى تولىق دالەلدەدى.
اۆتونوميالى رايوندىق پارتكوم دەرەۋ بۇكىل رايوننىڭ كادرلار جينالىسىن اشىپ، ۇيرەنۋ، دايەكتىلەندىرۋ قىزمەتىن ورنالاستىردى؛ تۇراقتى كوميتەتتىڭ كەڭەيتىلگەن ٴماجىلىسىن اشىپ، پىكىر اۋىستىرۋدى، زەرتتەۋ ـ تالقىلاۋدى مۇقيات ورىستەتىپ، باس شۋجي شي جينپيڭنىڭ قۇتتىقتاۋ قيمىلىنا قاتىناسقان كەزدەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان بىلايعى ٴبىر مەزگىلدەگى ماڭداي الدى ساياسي مىندەت ەتىپ، دايەكتىلەندىرۋدى، تياناقتاندىرۋدى مۇقيات، ويداعىداي يگەرۋدى تالاپ ەتتى.
2025 ـ جىلى 11 ـ ايدا اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى اشىلدى، ٴماجىلىس پارتيا 20 ـ كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ قۇتتىقتاۋ قيمىلىنا قاتىناسقان كەزدەگى ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ٴىس جۇزىندىك ارەكەت ارقىلى ٴتۇرلى مىندەتتەردىڭ، تالاپتاردىڭ تياناقتانۋىن ىلگەرىلەتتى.
اۆتونوميالى رايون قۇرىلعاندىعىنىڭ 70 جىلدىعى سىندى ماڭىزدى ٴسات ”14 ـ بەسجىلدىق“ اياقتالاتىن، ”15 ـ بەسجىلدىق“ جوسپارلاناتىن شەشۋشى كەزگە تۋرا كەلدى. بۇكىل شينجياڭدا جوعارىدان تومەنگە دەيىن باس شۋجي شي جينپيڭنىڭ تاپسىرماسىن ەستە بەرىك ساقتاپ، الداعى بەس جىلداعى دامۋدى جوسپارلاۋدى وراي ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ سىندى نەگىزگى جەلىنى ارقاۋ ەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن بار كۇشپەن قورعاپ، جوعارى ساپالى دامۋدى تىڭعىلىقتى ىلگەرىلەتىپ، ٴار ۇلت بۇقاراسىنىڭ حالىق تۇرمىسى قۇت ـ ىرىسىن ۇزدىكسىز ارتتىرىپ، سوتسياليستىك وسىزاماندانعان شينجياڭ قۇرۋ ٴۇشىن قۇلشىنا كۇرەس جۇرگىزدى.
جۇڭحۋا ۇلتى ورتاق تۇلعا قۇرىلىسىن تىڭعىلىقتى ىلگەرىلەتتى
باس شۋجي شي جينپيڭ ۇرىمجىگە كەلىپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسقان كۇنى شينجياڭداعى ٴار ۇلت، ٴار سالا ۋاكىلدەرىن ىقىلاسپەن قابىلدادى.
قابىلدانعان ۋاكىلدەردىڭ اراسىندا بىرنەشە تانىس بەينە جۇرت نازارىن ەرەكشە اۋداردى: ”1 ـ شىلدە وردەنىنىڭ“ يەگەرى ۋي دىيوۋ مەن مامەتجان ٴومار، ”حالىق قورعاۋشىسى“ بايەكە كەلدىبەك، ”حالىق ونەگەسى“ بۇرماحان مولدو كەۋدەلەرىنە وردەن تاعىپ، ٴبىرىنشى قاتاردا تۇردى.
ولاردىڭ ەسىمىن شينجياڭنىڭ بايتاق دالاسىندا جۇرتتىڭ ٴبارى بىلەدى، بەينە جۇلدىزداي جارقىراپ تۇر: كەيبىرەۋى شەكارانى نەشە ون جىل تاباندىلىقپەن كۇزەتىپ مەملەكەت ٴۇشىن شەكارانى شارلادى، كەيبىرەۋى نەگىزگى ساتىعا تامىر تارتىپ ۇلتتار ىنتىماعى، العاباسارلىعىن ىلگەرىلەتتى، ولاردىڭ ٴبارى مەملەكەتتىڭ حاۋىپسىزدىگىن، قوعام ورنىقتىلىعىن جانە ۇلتتار ىنتىماعىن قورعاۋ ٴۇشىن تىنباي كۇرەس جۇرگىزدى. ولاردىڭ ىزگى ىستەرى مىناداي بۇلجىماس اقيقاتتى ٴتۇسىندىردى: تەك وتاننىڭ مەيىرلى قۇشاعىندا عانا شينجياڭ گۇلدەنىپ ـ كوركەيگەن، العا باسقان بولاشاققا يە بولا الادى؛ تەك جۇڭحۋا ۇلتى ۇلى شاڭىراعىندا عانا شينجياڭداعى ٴار ۇلت حالقى باقىتتى، تاماشا تۇرمىسقا يە بولا الادى.
اۆتونوميالى رايوندىق پارتكوم پارتيا مەكتەبىندە (اكىمشىلىك شۋەيۋانى) باس شۋجي شي جينپيڭنىڭ ”جۇڭحۋا ۇلتى ورتاق تۇلعا تانىمىن بەكەمدەپ، سوتسياليستىك وسىزاماندانعان شينجياڭ قۇرايىق“ دەگەن ارناۋ ٴسوزى جازىلعان قۇتتىقتاۋ تاقتاسى ايبىندى كورىنەدى، جۇڭحۋا ۇلتى بارلىق جەردە ٴبىر نيەت، ٴبىر تىلەكتە بولعان جۇڭحۋا جۇرەكتەستىك زۇنى ايباتتى دا كەلبەتتى ەدى.
پارتيا ورتالىق كوميتەتىنىڭ شينجياڭعا سيلاعان 2 باعالى ەستەلىك بۇيىمىندا باس شۋجي شي جينپيڭ مەن پارتيا ورتالىق كوميتەتىنىڭ شينجياڭداعى ٴار ۇلت حالقى جونىندەگى ىزگى تىلەگى قامتىلعان، ونان دا ماڭىزدىسى، شينجياڭداعى ٴار ۇلت حالقىنىڭ بىرگە ىنتىماقتاسا كۇرەس جۇرگىزۋى، بىرگە گۇلدەنىپ ـ كوركەيۋى، دامۋى جونىندەگى شىنايى تىلەگى جاتىر.
اۆتونوميالى رايوندىق پارتكوم جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتۋگە تاباندى بولىپ، شينجياڭنىڭ ەكونوميكالىق قۇرىلىسى، ساياسي قۇرىلىسى، مادەنيەت قۇرىلىسى، قوعامدىق قۇرىلىسى، ەكولوگيالىق وركەنيەت قۇرىلىسى جانە پارتيا قۇرىلىسى قىزمەتتەرىن ىلگەرىلەتۋدىڭ بارىندە وسى نەگىزگى جەلىنى مىقتاپ ارقاۋ ەتىپ، جۇڭحۋا ۇلتىنىڭ ورتاقتىق سيپاتىن كۇشەيتۋگە، جۇڭحۋا ۇلتى ورتاق تۇلعا تانىمىن نىعايتۋعا پايدالى ما، جوق پا؟ دەگەندى ماڭداي الدى ورىنعا قويىپ ويلاستى.
_ ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن بەلسەنە جەبەپ، ٴار ۇلت بۇقاراسىنىڭ بىرگە تۇرۋ، بىرگە ۇيرەنۋ، بىرگە ىستەۋ، بىرگە شاتتانۋ بارىسىندا بايلانىستى تەرەڭدەتۋىنە، سۇيىسپەنشىلىكتى كۇشەيتۋىنە مۇمكىندىك جاساپ، ”بەستى شىنايى مويىنداۋدى“ ۇزدىكسىز نىعايتتى؛
_ شينجياڭدى مادەنيەتپەن نارلەندىرۋدى ىشكەرىلەي ورىستەتىپ، مەملەكەتتە ٴبىر تۇتاس قولدانىلاتىن ٴتىل ـ جازۋدى جاپپاي كەڭەيتىپ، جالپىلاستىرىپ، جاستار مەن ورەندەرگە قاراتىلعان ”نەگىز قالاۋ“ ينجەنەرياسىن تەرەڭدەتىپ، تاريحي مادەنيەت مۇرالارىن قورعاۋدى، جالعاستىرۋدى، پايدالانۋدى كۇشەيتىپ، جۇڭحۋا ۇلتىنىڭ ورتاق رۋحاني مەكەنىن قۇردى؛
_ ەرەكشەلىككە، باسىمدىققا يە كاسىپ سالالارىن كۇش سالا دامىتىپ، حالىق تۇرمىسىن كۇش سالا قامتاماسىز ەتىپ جانە جاقسارتىپ، شەكارانى گۇلدەندىرىپ حالىقتى بايىتۋ ارەكەتىن ىشكەرىلەي ىلگەرىلەتىپ، جوعارى ساپالى دامۋ جەتىستىكتەرىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتتى؛
...
2025 ـ جىلى 10 ـ ايدا اۆتونوميالى رايون 9 ـ رەتكى ۇلتتار ىنتىماعى، العاباسارلىعى جونىندەگى ماداقتاۋ ـ سيلاۋ جينالىسىن اشىپ، ۇلتتار ىنتىماعى، العاباسارلىعىنداعى ٴبىر توپ ۇلگىلى كوللەكتيۆ پەن ۇلگىلى جەكەنى سالتاناتپەن ماداقتاپ ـ سيلادى.
ولاردىڭ اراسىندا ٴبىر ٴوڭىردىڭ اماندىعىن قورعاعان ساقشىلار بار، ٴبىلىم ۇشقىنىن شاشقان وقىتۋشىلار بار، نەگىزگى ساتىعا تامىر تارتىپ بۇقاراعا قىزمەت وتەگەن الەۋمەتتىك اۋماق قىزمەتكەرلەرى بار... سالاۋاتى، قىزمەت ورنى تۇرلىشە بولعانىمەن، ىنتىماقتى قورعاۋ سانالىلىعى باستان ـ اياق ٴبىر قالىپتان جازبادى.
بۇل شينجياڭنىڭ بايتاق دالاسىنداعى ەڭ اسەرلى كورىنىس: قاراپايىم ادامدار ەلەۋسىز ىستەردەن ەلەۋلى ناتيجە شىعاردى، ٴىس جۇزىندىك ارەكەتتەرى ارقىلى جۇڭحۋا ۇلتى ورتاق تۇلعا قۇرىلىسىن ىلگەرىلەتۋدىڭ جويقىن كۇشىن توپتادى.
حالىق تۇرمىسىمەن تىعىز جاناسىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتتى
”بايلىق ارتىقشىلىعى مەن كاسىپ سالاسى نەگىزىن تياناق ەتىپ، شينجياڭنىڭ ەرەكشەلىگىنە ۇيلەسەتىن جوعارى ساپالى دامۋ جولى جونىندە بەلسەنە ىزدەنىس جاساۋ كەرەك“. اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعان كەزدە باس شۋجي شي جينپيڭ وسىلاي دەپ ايقىن تالاپ قويدى.
جوعارى ساپالى دامۋ _ ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ نەگىزگى تاقىرىبى. شينجياڭنىڭ بۇكىل ەلمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋى جوعارى ساپالى دامۋدىڭ پارمەندى تىرەك ازىرلەۋىنەن ايرىلا المايدى.
شينجياڭ جوعارى ساپالى دامۋدى قالاي ىلگەرىلەتۋى كەرەك؟ باس شۋجي بىلاي دەپ قاداعالاي تاپسىردى: ”ازيا _ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن قالىپتاستىرىپ، جاڭا دامۋ ارناسىنىڭ ستراتەگيالىق تىرەكتىك ٴتۇيىنىن، مەملەكەتتىك ەنەرگيا بايلىعى ستراتەگيالىق قامتاماسىزدىق بازاسىن، مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسىن، مەملەكەتتىڭ وڭىرلىك حاۋىپسىزدىگىن قورعاۋ ستراتەگيالىق قالتقىسىن قۇرىپ، ورتالىق كوميتەت بەلگىلەگەن وسى ’بەس ۇلكەن ستراتەگيالىق ورىندى‘ كوزدەۋ كەرەك“.
وزگەشە بايلىق ارتىقشىلىعى شينجياڭنىڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن قالىپتاستىرۋىنىڭ ماڭىزدى سۇيەنىشى. اۆتونوميالى رايوندىق پارتكوم تالاي رەت اقىلداسىپ، ورنالاستىرۋ جاساپ، مۇناي ـ گاز قورىن مولايتىپ، ٴونىمىن ارتتىرۋدى ىلگەرىلەتىپ، كومىر ٴوندىرىس قۋاتىن اشۋدى جانە تازا، جوعارى ٴونىمدى پايدالانۋدى جەدەلدەتىپ، جاسىل كەن كاسىبىن قالىپتاستىرىپ، تازا ەنەرگيانى بەلسەنە دامىتتى؛ ساپا مەن كولەم سىندى ەكى تەتىكتى مىقتى يگەرىپ، شينجياڭنىڭ ساپالى جەمىس ـ جيدەك، كوكونىس جانە جاسىل مال شارۋاشىلىق ونىمدەرىمەن قامداۋ قابىلەتىن ۇزدىكسىز جوعارىلاتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە جانە ماڭىزدى ەگىن، مال شارۋاشىلىق ونىمدەرىمەن قامداۋعا اناعۇرلىم كوپ شينجياڭ ۇلەسىن قوسۋدى تالاپ ەتتى.
جاڭا ەنەرگيانىڭ ۇزدىكسىز جەدەل دامۋىنا ساي، 2025 ـ جىلى شينجياڭنىڭ تۇتاس جىلدا قابىلداعان جاسىل ەلەكتر مولشەرى سايكەس مەزگىلدەگىدەن %230 ارتىپ، كولەمى تاريحتاعى ەڭ جوعارى دەڭگەيگە جەتتى. بۇكىل رايوننىڭ جەر ـ جەرى تازا ەنەرگيا باسىمدىعىن تولىق ساۋلەلەندىرىپ، جاڭاشا ەلەكتر قۋاتى جۇيەسىن بەلسەنە قۇرىپ، جەرگىلىكتى جاعدايعا قاراي ”جاساندى زەردە +“دى ورنالاستىردى، دامىتتى، شينجياڭنىڭ شەكسىز جەلى، جارىعى ەكونوميكالىق، قوعامدىق دامۋعا ۇزدىكسىز جاڭا ەنەرگيا ۇستەۋدە.
سىرتقا ەسىك اشۋ سالاسىندا دا قۋانىشتى حابار تارالدى. اۆتونوميالى رايوندىق حالىق ۇكىمەتى اقپارات كەڭسەسى اقپار جاريالاۋ ٴماجىلىسىن اشىپ، 2025 ـ جىلى شينجياڭنىڭ سىرتقى ساۋدا يمپورت ـ ەكسپورت جالپى قۇنى 520 ميلليارد 370 ميلليون يۋانعا جەتىپ، جىلدىق سىرتقى ساۋدا يمپورت ـ ەكسپورت كولەمى تۇڭعىش رەت 500 ميلليارد يۋاندىق وتكەلدەن وتكەندىگىن جاريالادى.
بۇل شينجياڭنىڭ جوعارى دەڭگەيدەگى سىرتقا ەسىك اشۋدى ۇزدىكسىز كەڭەيتۋىنىڭ جاندى تۇسىندىرمەسى. ەسىك اشۋ قادامىنىڭ بارعان سايىن تەزدەۋىنە ىلەسە، شينجياڭنىڭ سىرتقى اۋىس ـ كۇيىس، سەلبەستىگىنىڭ ”دوستار شەڭبەرى“ بارعان سايىن كەڭەيىپ، كاسىپ سالاسى، ەكونوميكا ـ ساۋدا، گۋمانيتارلىق ىستەر سياقتى سالالارداعى اۋىس ـ كۇيىس، سەلبەستىگىندە تاماشا تابىستارعا قول جەتىپ، شينجياڭنىڭ مەملەكەتتىڭ سىرتقا ەسىك اشۋ كەلەلى جاعدايىنداعى ماڭىزدى رولى ونان ارى ساۋلەلەندىرىلدى.
2026 ـ جىل باستالىپ كوپ وتپەي، اۆتونوميالى رايوندىق پارتكوم تۇراقتى كوميتەتىنىڭ ٴماجىلىسى اۆتونوميالى رايوننىڭ 2026 ـ جىلعى 10 حالىق تۇرمىسى ناقتى ٴىسىن اقىلداسىپ، قىزمەت تالابىن العا قويدى.
حالىق تۇرمىسىنا قاتىستى ناقتى ىستەردى ۇزدىكسىز اتقارۋ شينجياڭنىڭ حالىق تۇرمىسىمەن تىعىز جاناسىپ جوعارى ساپالى دامۋدى ىلگەرىلەتۋگە تاباندى بولۋىنىڭ ٴبىر تۇتقاسى. اۆتونوميالى رايوندىق پارتكوم حالىق تۇرمىسىن قامتاماسىز ەتۋدى جانە جاقسارتۋدى باستان ـ اياق ەكونوميكالىق، قوعامدىق دامۋدىڭ شىعار ٴتۇيىنى مەن تابان تىرەر تياناعى ەتىپ، كاسىپ سالاسىن دامىتۋ، نىسانداردى ورنالاستىرۋ سياقتى قىزمەتتەردە جۇمىسقا قابىلداۋعا، اسىرەسە، وڭتۇستىك شينجياڭداعى بۇقارانى جۇمىستاندىرىپ كىرىسىن ارتتىرۋعا جەتەكتەۋگە ايرىقشا ماڭىز بەرىپ، وقۋ ـ اعارتۋ، ەمدەۋ، تۇرعىن ٴۇي سياقتى ٴتۇرلى حالىق تۇرمىسى ىستەرىنىڭ دامۋىن بەلسەنە ىلگەرىلەتىپ، ٴار ۇلت بۇقاراسىن دامۋدىڭ جىلۋىن اناعۇرلىم سەزىنۋ، دامۋدىڭ پايداسىنان يگىلىكتەنۋ، ٴتىپتى دە جاقسى تۇرمىس كەشىرۋ مۇمكىندىگىنە يە ەتتى.
بيڭتۋان _ پارتيا ورتالىق كوميتەتىنىڭ شينجياڭ قىزمەتى باس نىساناسىن جۇزەگە اسىرۋداعى ماڭىزدى ستراتەگيالىق كۇش. بۇكىل شينجياڭنىڭ جەر ـ جەرى باس شۋجي شي جينپيڭ مەن پارتيا ورتالىق كوميتەتىنىڭ ورنالاستىرۋلارىن، تالاپتارىن ىشكەرىلەي دايەكتىلەندىرىپ، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدى بىرگە جوسپارلاپ، بيڭتۋان مەن جەرگىلىكتى ورىننىڭ ٴار جاقتاعى توعىسۋىن ۇزدىكسىز ىلگەرىلەتتى، تيانشان الابىندا بيڭتۋان مەن جەرگىلىكتى ورىن قول ۇستاسا رەفورمانى بىرگە يگەرگەن، دامۋدى بىرگە جەبەگەن، ورنىقتىلىقتى بىرگە قورعاعان جاندى جاعداي جەدەل قالىپتاستى.
جاڭا جورىق _ داڭق پەن ارمانعا تولى ۇزاق جورىق. باس شۋجي شي جينپيڭ نۇسقاعان بەتالىسپەن شينجاڭداعى ٴار ۇلت پەرزەنتتەرى ٴبىر نيەتپەن ىنتىماقتاسىپ، سوتسياليستىك وسىزاماندانعان شينجياڭنىڭ نۇرلى بولاشاعىنا قاراي ارشىندى قاداممەن العا باسۋدا!
