_ اۆتونوميالى رايوندىق 14 ـ كەزەكتى حالىق قۇرىلتايى 4 ـ ٴماجىلىسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى
جاڭا جورىق ادامدى ەكپىندەي ىلگەرىلەۋگە جەبەدى، جاڭا بورىش جۇرت جۇرەگىن تەبىرەنتتى. بۇگىن اۆتونوميالى رايوندىق 14 ـ كەزەكتى حالىق قۇرىلتايىنىڭ 4 ـ ٴماجىلىسى سالتاناتپەن اشىلدى. بۇكىل رايوننىڭ ٴارقايسى شەبىنەن كەلگەن حالىق قۇرىلتايى ۋاكىلدەرى حالىقتىڭ ماڭىزدى تاپسىرماسىن ارقالاپ، ٴبىر ارادا باس قوسىپ، ”15 ـ بەسجىلدىق“ دامۋ ۇلى جوسپارىن بىرگە اقىلداسىپ، وسىزامانداندىرۋدىڭ تاماشا كارتيناسىن بىرگە كەسكىندەدى. بۇل بۇكىل رايونداعى ٴار ۇلت حالقىنىڭ ساياسي ومىرىندەگى ٴبىر كەلەلى ٴىس، ونان دا ماڭىزدىسى، شينجياڭنىڭ ٴداۋىردىڭ الدىڭعى لەگىندە تىڭ ساپارعا تاعى دا اتتانۋىنداعى ماڭىزدى كوورديناتا. ٴبىز ٴماجىلىستىڭ اشىلعاندىعىن قىزۋ قۇتتىقتايمىز!
تاريحقا قۇرمەت ەتىپ، بولاشاققا بەت الدى. 2025 ـ جىل _ شينجياڭنىڭ دامۋ بارىسىنداعى ماڭىزدى بەلەستىك مانگە يە ٴبىر جىل بولدى. باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسىپ، جاڭا باستامادا شينجياڭ قىزمەتىن ويداعىداي ىستەۋگە تاماشا جوبا جاساپ، سوتسياليستىك وسىزاماندانعان شينجياڭ قۇرۋ جاڭا جورىعىن باستادى. ٴبىر جىلدان بەرى، اۆتونوميالى رايوندىق پارتكوم بۇكىل رايونداعى ٴار ۇلت كادرلارىن، بۇقاراسىن ىنتىماقتاستىرىپ، باستاپ، جاڭا دامۋ ۇستانىمىن بۇلجىماي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتتى، قوعامدىق كەلەلى جاعداي ٴۇرتىس ورنىقتىلىقتى ساقتاپ، ساياساتتىڭ پايداسى مەن دامۋدىڭ قوزعالىس قۋاتى ۇزدىكسىز جارىققا شىعىپ، ەكونوميكالىق اينالىم ورنىقتىلىق بارىسىندا ىلگەرىلەپ، ورنىقتىلىق بارىسىندا جاقساردى.
”14 ـ بەسجىلدىققا“ قايىرىلا قاراساق، شينجياڭداعى ٴار ۇلت كادرلارى، بۇقاراسى تار جول، تايعاق كەشۋلەردەن ٴوتتى، قايراتتانا ەكپىندەي ىلگەرىلەدى، قوعامدىق كەلەلى جاعداي ۇزدىكسىز ورنىقتى بولدى، جۇڭحۋا ۇلتى ورتاق تۇلعا قۇرىلىسى جەدەل ىلگەرىلەتىلدى، ەكونوميكالىق، قوعامدىق دامۋ مەن حالىق تۇرمىسىن جاقسارتۋدا كورنەكتى ىلگەرىلەۋشىلىككە قول جەتتى، رەفورما جاساۋ، ەسىك اشۋ ۇزدىكسىز تەرەڭدەدى، ەكولوگيالىق ورتا ۇزدىكسىز جاقساردى، بيڭتۋان مەن جەرگىلىكتى ورىننىڭ توعىسا دامۋى پارمەندى ىلگەرىلەتىلدى، پارتيا قۇرىلىسى جاپپاي كۇشەيتىلدى، جۇڭگو ۇلگىسىندەگى وسىزامانداندىرۋدىڭ شينجياڭ امالياتىندا نىق قادام تاستالدى. وسى ناتيجەلەرگە قول جەتكىزۋ _ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، اۆتونوميالى رايوندىق پارتكومنىڭ بۇكىل رايوندا جوعارىدان تومەنگە دەيىنگىلەردى باستاپ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ٴورىس اشا العا ىلگەرىلەپ، شىنايى يگەرىپ ناقتى ىستەگەندىگىنىڭ ناتيجەسى، سونداي ـ اق وعان بۇكىل رايونداعى ٴار دارەجەلى حالىق قۇرىلتايلارى مەن ولاردىڭ تۇراقتى كوميتەتتەرىنىڭ جانە حالىق قۇرىلتايى ۋاكىلدەرىنىڭ اقىل ـ پاراساتى مەن جۇرەك قانى سىڭگەن.
وتكەن ٴبىر جىلدا اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق حالىق قۇرىلتايى جانە ونىڭ تۇراقتى كوميتەتى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، زاڭمەن باسقارۋ مەيىرىن دامۋ امالياتىمەن، حالىق تۇرمىسى جاي ـ جاپسارىمەن توعىستىرىپ، زاڭ ـ ەرەجە شىعارۋدىڭ دالمە ـ دالدىگىمەن، باقىلاۋدىڭ تەبىنىمەن، ۋاكىلدەردىڭ قىزعىندىلىعىمەن شينجياڭنىڭ بايتاق دالاسىندا جاڭا داۋىردەگى حالىق قۇرىلتايى قىزمەتىنىڭ جاندى جاۋاپناماسىن جازىپ، سوتسياليستىك وسىزاماندانعان شينجياڭ قۇرۋدى جەدەلدەتۋگە ماڭىزدى ۇلەس قوستى. اماليات حالىق قۇرىلتايى ٴتۇزىمىنىڭ ەلىمىزدىڭ مەملەكەت جاعدايى مەن ٴىس جۇزىندىگىنە ۇيلەسەتىن، سوتسياليستىك مەملەكەت سيپاتىن بەينەلەيتىن جاقسى ٴتۇزىم، بۇكىل حالىقتىڭ كۇشىن ٴونىمدى ۇيىستىرىپ، جۇڭگو ۇلگىسىندەگى وسىزامانداندىرۋدى بىرگە ىلگەرىلەتە الاتىن جاقسى ٴتۇزىم ەكەندىگىن، كۇشتى ومىرشەڭ كۇشكە جانە كورنەكتى ابزالدىلىققا يە ەكەندىگىن تولىق دالەلدەدى.
بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى ٴارى ”15 ـ بەسجىلدىقتىڭ“ باستاما جىلى. پارتيا 20 ـ كەزەكتى ورتالىق كوميتەتىنىڭ ٴتورتىنشى جالپى ٴماجىلىسى ەلىمىزدىڭ الداعى بەس جىلداعى ايبىندى جوباسىن جاسادى، اۆتونوميالى رايوندىق 10 ـ كەزەكتى پارتكومنىڭ ون بەسىنشى جالپى ٴماجىلىسى شينجياڭنىڭ الداعى بەس جىلداعى دامۋ كەلەشەگىن كەستەلەدى. بولاشاققا كوز جىبەرسەك، جاڭا بورىش جاڭا ىسكەرلىك كورسەتۋگە شاقىرادى. ٴار دارەجەلى حالىق قۇرىلتايى مەن ولاردىڭ تۇراقتى كوميتەتتەرى حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي جۇرگىزىپ، ”15 ـ بەسجىلدىقتا“ جاقسى باستاما اشۋدى، جاقسى قادام تاستاۋدى كوزدەپ، زاڭ ـ ەرەجە شىعارۋ، باقىلاۋ، ۋاكىلدەر سياقتى قىزمەتتەردى مۇقيات ويداعىداي ىستەپ، جالپى بارىستىق حالىق دەموكراتياسىنىڭ شينجياڭ امالياتىن ۇزدىكسىز تەرەڭدەتۋى، كەڭەيتۋى كەرەك. حالىق قۇرىلتايى ۋاكىلدەرى بورىشىن، مىندەتىن دالمە ـ ٴدال يگەرىپ، حالىققا ۋاكىلدىك ەتۋ، حالىقتى كوزدەۋ، حالىققا قىزمەت وتەۋ داڭقتى بورىشىن ٴىس جۇزىندىك ارەكەتتەرى ارقىلى امالياتتا ايگىلەپ، ەكونوميكالىق دامۋ سىندى نەگىزگى شايقاس مايدانىنا، رەفورما جاساۋدىڭ، ەسىك اشۋدىڭ ەڭ الدىڭعى شەبىنە، قوعامدىق باسقارۋدىڭ ٴبىرىنشى شەبىنە بەلسەنە ات سالىسىپ، حالىق تىلەگىن قابىلداپ، حالىقتىڭ اقىل ـ پاراساتىن توپتاپ، اۆتونوميالى رايوندىق پارتكوم مەن ۇكىمەتتىڭ شەشىم جاساۋ، اتقارۋ، باقىلاپ تياناقتاندىرۋدىڭ ٴاربىر بۋىنىندا حالىقتىڭ ٴۇنىن ەستي الۋىنا شىنايى كەپىلدىك ەتىپ، اقىل ـ پاراسات پەن كۇش ـ قۋاتتى ەڭ كەڭ كولەمدە ۇيىستىرىپ، شينجياڭنىڭ رەفورما، دامۋ، ورنىقتىلىق ىستەرىنىڭ تولقىن جارا ىلگەرىلەپ، جەڭىسپەن العا باسۋىن ىلگەرىلەتۋى كەرەك.
جورىقتىڭ وڭتايلى ٴساتى كەلدى، اۋىر مىندەتتى ارقالاپ تاعى دا العا ۇمتىلۋىمىز كەرەك. ماجىلىسكە قاتىناسقان بارشا ۋاكىلدەردىڭ دەموكراتيانى تولىق اسقاقتاتىپ، بار پەيىلىمەن جاۋاپكەرشىلىگىن ادا ەتىپ مىندەت وتەپ، شينجياڭنىڭ قازىرگى جانە بولاشاقتاعى دامۋىنا ساياتىن ٴىرى ىستەردى، ٴىرى جوسپارلاردى ارقاۋ ەتىپ، نازاردى حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىنە شوعىرلاندىرىپ، شىن سويلەپ، تاماشا ٴادىس قاراستىرىپ، ناقتى شارا ۇسىنىپ، وسى جولعى ٴماجىلىستى دەموكراتيالى، ىنتىماقتى، شىندىققا ۇمتىلاتىن، ەكپىندەي ىلگەرىلەيتىن ٴماجىلىس ەتىپ اشىپ، ٴار ۇلت حالقىنىڭ ىنتىماقتاسا ەكپىندەي ىلگەرىلەۋ تەلەگەي كۇشىن ونان ارى ۇيىستىرىپ، جاڭا باستامادا قۇلشىنا سوتسياليستىك وسىزاماندانعان شينجياڭ قۇرۋىن ٴۇمىت ەتەمىز.
