_ اۆتونوميالى رايوندىق ەكى ٴماجىلىستىڭ جەڭىسپەن جابىلعاندىعىن قىزۋ قۇتتىقتايمىز
شينجياڭ گازەتى باسماقالاسى
ٴبىر نيەتپەن كۇش بىرىكتىرىپ جوبا جاسالدى، ەرلىكپەن العا ىلگەرىلەپ جاڭا جورىق باستالدى. اۆتونوميالى رايوندىق 14 ـ كەزەكتى حالىق قۇرىلتايىنىڭ 4 ـ ٴماجىلىسى مەن اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 4 ـ ٴماجىلىسى ٴتۇرلى كەڭەستىك تارتىپتەرىن تولىق ورىنداپ، دەموكراتيالى، ىنتىماقتى، شىندىققا جۇگىنگەن، ەكپىندەي ىلگەرىلەگەن قىزۋ رايدا جەڭىسپەن جابىلدى. ٴبىز ەكى ٴماجىلىستىڭ تولىق تابىستى بولعاندىعىن قىزۋ قۇتتىقتايمىز! مىندەتىن اتقارىپ، جاۋاپكەرشىلىگىن ادا ەتكەن ۋاكىلدەرگە، مۇشەلەرگە وسكەلەڭ قۇرمەت بىلدىرەمىز!
العىس ايتا ەكپىندەي ىلگەرىلەۋ سۇيىسپەنشىلىگى تاسقىندادى، بۇل زەيىن ـ زەردەنى ۇيىستىرىپ، كۇش ـ قۋاتتى شوعىرلاندىرعان، ىنتىماقتاسقان، جىگەردى ۇشتاعان ٴبىر رەتكى ٴماجىلىس بولدى. باس شۋجي شي جينپيڭ ورتالىق ۋاكىلدەر ۇيىرمەسىن باستاپ اۆتونوميالى رايون قۇرىلعاندىعىنىڭ 70 جىلدىعىن قۇتتىقتاۋ قيمىلىنا قاتىناسىپ، جاڭا باستامادا سوتسياليستىك وسىزاماندانعان شينجياڭ قۇرۋعا العا باسۋ بەتالىسىن ايقىن كورسەتتى، سارقىلماس قوزعاۋشى كۇشتى قاۋلاتتى. زور ٴۇمىتتى، ماڭىزدى تاپسىرمانى ەستە بەرىك ساقتاپ، ٴماجىلىس الاڭىنىڭ ٴىشى ـ سىرتىندا بۇكىل رايون بويىنشا جوعارىدان تومەنگە دەيىن العىس ايتۋ سۇيىسپەنشىلىگىن ۇلەس قوسۋ جىگەرىنە اينالدىرۋعا قۇلشىنىپ، كورىكتى شينجياڭ قۇرۋعا اقىل ـ پاراسات جانە كۇش ـ قۋات ارنادى.
سەنىمدى، اسقاق بەينەنى ايگىلەدى، بۇل شىندىققا جۇگىنىپ ناقتى ٴىس تىندىرعان، ٴورىس اشا العا ىلگەرىلەگەن ٴماجىلىس بولدى. اقپار جاريالاۋ ماجىلىسىندە ناتيجە ارقىلى كەرەمەتتەر كارتينالاندى؛ ۋاكىلدەر، مۇشەلەر ارناسىندا ٴجىتى قاداعالاپ وتىرعان ماسەلەلەرگە شىنايى جاۋاپ قايتارىلدى؛ تالقىلاۋ، قاراۋ جينالىس ورنىندا جاۋاپكەرشىلىك ارقالاۋ ارقىلى مىندەت اتقارىپ، جاۋاپكەرشىلىك ادا ەتىلدى. اۆتونوميالى رايوندىق ەكى ٴماجىلىس دامۋ جەتىستىكتەرىنە قايىرىلا قاراپ، قورىتىندىلاپ، جاڭا جورىقتا ەكپىندەي ىلگەرىلەۋ سەنىمى مەن جىگەرىن نىعايتا ٴتۇستى؛ ”15 ـ بەسجىلدىق“ دامۋ جوباسى جاسالىپ، جاڭا باستاماداعى ٴداۋىر دابىلى قاعىلدى.
بۇقارانىڭ جۇرەك ۇنىنە قۇلاق ٴتۇرىپ، دامۋدىڭ تاماشا شاراسىن جوسپارلادى؛ ٴار سالانىڭ اقىل ـ پاراساتىن ۇيىستىرىپ، ەكپىندەي ىلگەرىلەۋ كۇش ـ قۋاتىن تاسقىنداتتى. ٴماجىلىس كەزىندە بارلىق ۋاكىلدەر، مۇشەلەر ۇكىمەت قىزمەتىنەن باياندامانى، ”15 ـ بەسجىلدىق“ جوبا باعدارلاماسى جوباسىن جانە باسقا دا باياندامالاردى مۇقيات قاراپ، تالقىلاپ، سايلاۋ مىندەتىن ٴساتتى ورىنداپ، بۇكىل رايونداعى ٴار ۇلت حالقىنىڭ ورتاق ەرىك ـ جىگەرىن بەينەلەپ، جالپى بارىستىق حالىق دەموكراتياسىنىڭ شينجياڭداعى جاندى امالياتىن تولىق ايگىلەپ، ٴتىپتى دە كەرەمەت جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن جازۋعا ايشىقتى ٴىز قالدىردى.
وتكەن 5 جىلعا قايىرىلا قاراساق، تيانشان الابىندا تىنىش، بەرەكەلى جاڭا راي جارىققا شىعىپ، جۇڭحۋا ۇلتى ورتاق تۇلعا قۇرىلىسىندا تىڭ قادام تاستالىپ، جالپىلىق ەكونوميكالىق ناقتى قۋات پەن بۇكىل ەلدىڭ كەلەلى جاعدايىنا قىزمەت وتەۋ قابىلەتى تىڭ ساتىعا كوتەرىلىپ، رەفورما جاپپاي تەرەڭدەتىلىپ، جاڭا جاعداي اشىلدى، ىشكە، سىرتقا ەسىك اشۋدا تىڭ سەرپىلىس جۇزەگە اسىرىلىپ، وڭىرلەردىڭ سايكەستى دامۋىندا تىڭ ىلگەرىلەۋشىلىككە قول جەتىپ، حالىق تۇرمىسىن جاقسارتۋدا جاڭا ونىمدىلىككە قول جەتتى. وتكەن ٴبىر جىلدا شينجياڭنىڭ وڭىرلىك ٴوندىرىس جالپى قۇنى 2 تريلليون 146 ميلليارد 214 ميلليون يۋان بولىپ، سىرتقى ساۋدا يمپورت ـ ەكسپورتى 500 ميلليارد يۋاندىق ٴىرى وتكەلدەن ٴوتىپ، قالا، اۋىل تۇرعىندارىنىڭ جان باسىندىق قولداعى تابىسى جەكە ـ جەكە %5.3، %7.1 ارتتى. بارىس توتەنشە وزگەشە بولدى، ناتيجە وڭاي ـ وسپاق قولعا كەلگەن جوق، تۇپتەپ كەلگەندە، باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، تۇپتەپ كەلگەندە، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، تۇپتەپ كەلگەندە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە تاباندى بولۋدىڭ ارقاسى.
بيىل _ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، ”15 ـ بەسجىلدىقتىڭ“ باستاما جىلى. باستاما جالپى جاعدايعا سايادى، قادام تاستاۋ كەيىنگى جاعدايدى بەلگىلەيدى، جاڭا باستامادا تۇتاس جىلدىق قىزمەتتى جاقسى ىستەۋدىڭ ٴمانى زور، جاۋاپكەرشىلىگى اۋىر، ٴبىزدى ۋاقىتپەن جارىساتىن ارىنمەن نىسانانى كوزدەپ، شىنايى يگەرىپ ناقتى ىستەپ، تاماشا جوبانى شينجياڭنىڭ بايتاق دالاسىنىڭ جاندى امالياتىنا اينالدىرۋعا ۇندەۋدە.
تۋ باعداردى نۇسقادى. ٴبىز باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، پارتيا ورتالىق كوميتەتى شينجياڭعا بەلگىلەگەن ”بەس ۇلكەن ستراتەگيالىق ورىندى“ كوزدەپ، حالىقتى وزەك ەتۋگە تاباندى بولىپ، قوعامدىق كەلەلى جاعدايدىڭ ورنىقتىلىعىن قورعاۋدى باتىل تۇردە ماڭداي الدى ورىنعا قويىپ، جوعارى ساپالى دامۋدى ىلگەرىلەتۋ سەنىمىمىزدى، بەكىمىمىزدى نىعايتىپ، شينجياڭنىڭ اناعۇرلىم كوركەم بولاشاعىن ۇزدىكسىز اشۋىمىز كەرەك.
ىنتىماق _ كۇش. تەك ويدى ٴبىر اراعا شوعىرلاندىرىپ، كۇشتى ٴبىر جەرگە جۇمسايتىن بولساق، تىندىرمايتىن ٴىس، جەڭبەيتىن قيىنشىلىق بولمايدى. ٴار دارەجەلى حالىق قۇرىلتايلارى، ساياسي كەڭەستەر وزىندىك قۇرىلىستى جاپپاي كۇشەيتىپ، قىزمەت ساپاسى مەن دەڭگەيىن ۇزدىكسىز جوعارىلاتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، كۇرەس بارىسىندا ورتاق تانىم ۇيىستىرىپ، كۇش توپتاۋ كەرەك.
سايگۇلىكتەر قۇيعىتىپ، تاۋ ـ وزەندەر كوركەم كورىنىسكە بولەندى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ٴبىر جاعادان باس، ٴبىر جەڭنەن قول شىعارىپ، ۇزدىكسىز كۇرەس جۇرگىزىپ، اۆتونوميالى رايوندىق ەكى ٴماجىلىستىڭ رۋحىن ٴىس جۇزىندىك ارەكەتكە اينالدىرىپ، ”15 ـ بەسجىلدىقتا“ جاقسى باستاما اشۋعا، جاقسى قادام تاستاۋعا شىنايى كەپىلدىك ەتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن ىلگەرىلەتۋگە شينجياڭ ۇلەسىن قوسايىق.
