(شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايىنىڭ 4 ـ ماجىلىسىندە 2026 ـ جىلى 1 ـ ايدىڭ 31 ـ كۇنى ماقۇلداندى)
شينجياڭ ۇيعۇر اۆتونوميالى رايوندىق 14 ـ كەزەكتى حالىق قۇرىلتايىنىڭ 4 ـ ٴماجىلىسى اۆتونوميالى رايوندىق حالىق ۇكىمەتى ورتاعا قويعان «شينجياڭ ۇيعۇر اۆتونوميالى رايونىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوبا باعدارلاماسىن (جوبا)» تەكسەردى، ٴماجىلىس اۆتونوميالى رايوندىق حالىق قۇرىلتايى قازىنا ـ ەكونوميكا كوميتەتىنىڭ تەكسەرۋ ناتيجەسى جونىندەگى بايانداماسىنا قوسىلىپ، وسى جوبا باعدارلاماسىن بەكىتۋدى ۇيعاردى.
ٴماجىلىس بىلاي دەپ قارادى: ”14 ـ بەسجىلدىق“ مەزگىلىندە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ قوعامدىق كەلەلى جاعدايى ۇزدىكسىز ورنىقتى بولىپ، جۇڭحۋا ۇلتى ورتاق تۇلعا قۇرىلىسى جەدەل ىلگەرىلەتىلىپ، ەكونوميكالىق، قوعامدىق دامۋ مەن جالىق تۇرمىسىن جاقسارتۋدا كورنەكتى ىلگەرىلەۋشىلىككە قول جەتتى، رەفورما جاساۋ، ەسىك اشۋ ۇزدىكسىز تەرەڭدەپ، ەكولوگيالىق ورتا ۇزدىكسىز جاقسارىپ، بيڭتۋان مەن جەرگىلىكتى ورىننىڭ توعىسا دامۋى پارمەندى ىلگەرىلەتىلدى، پارتيا قۇرىلىسى جاپپاي كۇشەيتىلىپ، جۇڭگو ۇلگىسىندەگى وسىزاماندانۋدىڭ شينجياڭ امالياتىندا نىق قادام تاستالدى. ”14 ـ بەسجىلدىقتىڭ“ باستى نىسانا ـ مىندەتتەرى تولىق ورىندالىپ، ”15 ـ بەسجىلدىقتىڭ“ ٴساتتى باستاما اشۋىنا بەرىك نەگىز قالاندى.
ٴماجىلىس مىنالاردى تالاپ ەتتى: ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ قىزمەتىن ويداعىداي ىستەۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەتتىڭ ٴار رەتكى جالپى ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق قىزمەتى باس نىساناسىن مىقتى يگەرىپ، جۇڭحۋا ۇلتى ورتاق تۇلعا تانىمىن بەكەمدەۋدى، جۇڭحۋا ۇلتى ورتاق تۇلعا قۇرىلىسىن ىلگەرىلەتۋدى تىعىز ارقاۋ ەتىپ، شينجياڭنىڭ مەملەكەتتىڭ جالپى جاعدايىنداعى ”بەس ۇلكەن ستراتەگيالىق ورنىن“ كوزدەپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەكونوميكالىق قۇرىلىستى وزەك ەتۋگە تاباندى بولىپ، جوعارى ساپالى دامۋدى ىلگەرىلەتۋدى نەگىزگى تاقىرىپ، رەفورما جاساۋدى، جاڭالىق اشۋدى ٴتۇبىرلى قوزعاۋشى كۇش، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ٴتۇبىرلى ماقسات ەتىپ، ساپانىڭ ٴونىمدى جوعارىلاۋىن جانە ساننىڭ ۇيلەسىمدى ارتۋىن اناعۇرلىم ويداعىداي ٴبىر تۇتاس جوسپارلاپ، ادامنىڭ جان ـ جاقتى دامۋىن، ٴار ۇلت بۇقاراسىنىڭ بىرگە بايۋعا نىق قادام تاستاۋىن ىلگەرىلەتىپ، بۇكىل ەلمەن بىرگە سوتسياليستىك وسىزاماندانۋدى نەگىزىنەن جۇزەگە اسىرۋدا شەشۋشى سيپاتتى ىلگەرىلەۋشىلىككە قول جەتكىزۋگە شىنايى كەپىلدىك ەتۋ ٴۇشىن قۇلشىنا كۇرەس جۇرگىزۋ كەرەك!
